Skip to main content

எப்படி இதை செய்யலாம்..? கொந்தளித்த விவசாயி, பதிவை நீக்கிய பாஜக...

Published on 23/12/2020 | Edited on 23/12/2020
farmer

 

 

மத்திய அரசின் புதிய வேளாண் சட்டங்களுக்கு எதிராக விவசாயிகள் போராட்டம், தீவிரமாக நடைபெற்று வருகிறது. அதே நேரத்தில் புதிய வேளாண் சட்டங்களைத் திரும்பப் பெற மறுத்து வரும் பாஜக அரசு, புதிய வேளாண் சட்டங்களுக்கு ஆதரவாகப் பிரச்சாரமும் செய்து வருகிறது. இந்தநிலையில், பஞ்சாப் மாநில பாஜக, புதிய வேளாண் சட்டங்களுக்கு ஆதரவாக ஒரு போஸ்டரை தனது ஃபேஸ்புக் பக்கத்தில் பகிர்ந்திருந்தது. அதில் ஒரு விவசாயி புகைப்படமும் இடம்பெற்றிருந்தது. அந்த புகைப்படத்தால் தற்போது இணையவாசிகளின் கிண்டலுக்கு ஆளாகியிருக்கிறது பஞ்சாப் மாநில பாஜக.

 

பாஜக வெளியிட்ட ஃபேஸ்புக் போஸ்டரில் இருந்த விவசாயி, தற்போது சிங்கு எல்லையில், வேளாண் சட்டங்களுக்கு எதிராகப் போராட்டத்தில் ஈடுபட்டுள்ளவர் ஆவர். மென்பொருள் பொறியியல் துறையில் பட்ட மேற்படிப்பை முடித்துவிட்டு, தற்போது போராட்டத்தில் ஈடுபட்டு வரும்  ஹர்ப்ரீத் சிங்கே என்பவர்தான் பாஜக போஸ்டரில் இடம்பெற்றிருந்த அந்த விவசாயி. இவரை இவரது நண்பர்கள், ஹர்ப் பார்மர் (harp farmer) என்றே அழைக்கின்றனர்.

 

ஹர்ப்ரீத் சிங் தனது புகைப்படத்தை வேளாண் சட்டங்களுக்கு ஆதரவாகப் பயன்படுத்தியது தெரிந்ததும் முதலில் சிரித்தாகவும், பின்னர் காயப்பட்டதாகவும் கூறியுள்ளார். இதுகுறித்து அவர் "பாஜக தனது பேஸ்புக் பக்கத்தில் எனது படத்தைப் பயன்படுத்துகிறது என்று நேற்று மாலை எனது கிராமத்தில் உள்ள ஒரு நண்பரிடமிருந்து எனக்கு அழைப்பு வந்தது. முதலில் நான் சிரித்தேன், ஆனால் பின்னர் நான் காயப்பட்டேன். எனது அனுமதியின்றி அவர்கள் அதை எப்படிச் செய்ய முடியும்?.விவசாயிகள் மகிழ்ச்சியாக இருந்தால் அவர்கள் ஏன் டெல்லி எல்லைகளில் முகாமிடுவார்கள் என்று நான் அரசாங்கத்திடம் கேட்க விரும்புகிறேன். பெண்கள் உட்பட வயதானவர்கள் நடுங்கும் டிசம்பரின் குளிரை ஏன் தாங்கவேண்டும்? விவசாய சட்டங்களை அரசாங்கம் ஏன் திரும்பப் பெற முடியாது? இது ஈகோ பிரச்சனை வேறு ஒன்றும் இல்லை. அரசாங்கம் சட்டங்களை ரத்து செய்யாவிட்டால், நாங்கள் வீடு திரும்ப மாட்டோம்" எனக் கூறியுள்ளார்.

 

வேளாண் சட்டங்களுக்கு எதிராகப் போராடி வரும் விவசாயி புகைப்படத்தை வைத்து, வேளாண் சட்டங்களுக்கு ஆதரவாகப் பிரச்சாரம் செய்த பஞ்சாப் பாஜகவை இணையவாசிகள் ட்ரோல் செய்து வருகின்றனர். இந்த விவகாரம் பெரிதானதைத் தொடர்ந்து, பாஜக அந்த போஸ்டரை தனது ஃபேஸ்புக் பக்கத்திலிருந்து நீக்கியுள்ளது.

 

 

சார்ந்த செய்திகள்

 

Next Story

'விரைவில் இந்தியா கூட்டணி பட்ஜெட் '-கமல்ஹாசன் கருத்து

Published on 23/07/2024 | Edited on 23/07/2024
'India alliance budget soon' - Kamal Haasan comments

நாடாளுமன்ற பட்ஜெட் கூட்டத்தொடர் நேற்று (22.07.2024) தொடங்கியது. இந்த பட்ஜெட் கூட்டத்தொடர் ஆகஸ்ட் 12 ஆம் தேதி வரை மொத்தம் 19 அமர்வுகளுடன் நடைபெறவுள்ளது. இந்நிலையில் 2024-25 ஆம் நிதி ஆண்டுக்கான முழு பட்ஜெட்டை நாடாளுமன்றத்தில் மத்திய நிதியமைச்சர் நிர்மலா சீதாராமன் இன்று (23.07.2024) காலை 11 மணிக்கு தாக்கல் செய்து உரை நிகழ்த்தினார். மத்திய அரசின் பட்ஜெட் குறித்து பல்வேறு அரசியல் தலைவர்களும் கருத்து தெரிவித்து வருகின்றனர்.

இந்நிலையில் பட்ஜெட் தாக்கல் செய்துள்ள தேசிய ஜனநாயக கூட்டணியான பாஜக கூட்டணிக்கு வாழ்த்துக்கள் என தெரிவித்துள்ள மக்கள் நீதி மய்யம் கட்சியின் தலைவரும் நடிகருமான கமல்ஹாசன் 'விரைவில் இந்தியா கூட்டணி பட்ஜெட்டை தாக்கல் செய்யும்' எனவும் பதிவிட்டுள்ளார். அதேபோல் 2024 மத்திய பட்ஜெட் குறித்து சமூக வலைத்தளமான எக்ஸ் தளத்தில் கருத்து பதிவிட்டுள்ள நடிகர் பிரகாஷ்ராஜ் 'ஆந்திரா பீகாருக்கு பட்ஜெட்; மற்ற மாநிலங்களுக்கு அல்வா' என விமர்சித்துள்ளார்.

 

Next Story

ஆம்ஸ்ட்ராங் கொலை வழக்கு; பாஜக நிர்வாகி அஞ்சலை கைது

Published on 19/07/2024 | Edited on 19/07/2024
nn

தமிழக பகுஜன் சமாஜ் கட்சியின் மாநில தலைவர் ஆம்ஸ்ட்ராங் கடந்த 5 ஆம் தேதி (05.07.2024) இரவு பெரம்பூரில் உள்ள அவரது வீட்டின் அருகே 6 பேர் கொண்ட மர்ம கும்பலால் வெட்டி படுகொலை செய்யப்பட்டார். இது தொடர்பாக சரணடைந்த ஆற்காடு சுரேஷின் தம்பி பொன்னை பாலு, ராமு, திருவேங்கடம், திருமலை, செல்வராஜ், மணிவண்ணன், சந்தோஷ், அருள், கோகுல், விஜேஷ், சிவசக்தி ஆகிய 11 நபர்களும் போலீசார் கஸ்டடியில் எடுக்கப்பட்டு விசாரணை நடைபெற்றது. இத்தகைய சூழலில் இந்த வழக்கில் தொடர்புடைய முக்கிய குற்றவாளியான பிரபல ரவுடி திருவேங்கடம் 14.07.2024 அன்று அதிகாலை என்கவுன்டர் செய்யப்பட்டது பரபரப்பை ஏற்படுத்தியது.

மீதமுள்ள 10 பேர் பூவிருந்தவல்லி தனி கிளைச் சிறையில் அடைக்கப்பட்டுள்ளனர். தொடர்ச்சியாக இந்த கொலை சம்பவம் தொடர்பாக அரசியல் கட்சியில் தொடர்புடையவர்கள் கைது செய்யப்பட்டு வருகின்றனர்.  இதில் வழக்கறிஞர் ஹரிஹரன் என்பவரும், தாதாவின் மனைவி மலர்க்கொடி என்பவரும் கைது செய்யப்பட்டதாக தகவல்கள் வெளியாகி இருந்தது. இந்த கொலை தொடர்பாக பாஜகவினுடைய வட சென்னை மேற்கு மாவட்ட துணைத் தலைவர் பதவியிலிருந்த அஞ்சலை என்பவரை போலீசார் தேடிவந்தனர். 

nn

தொடர்ந்து பாஜகவின் வட சென்னை மேற்கு மாவட்ட துணைத் தலைவர் பதவியில் இருந்து அஞ்சலை நீக்கப்படுவதாக கட்சியின் மாநில துணைத் தலைவர் கரு நாகராஜன் பாரதிய ஜனதா கட்சி சார்பில் அறிக்கை ஒன்றை வெளியிட்டிருந்தார். இந்நிலையில் ஆம்ஸ்ட்ராங் வழக்கு தொடர்பாக தேடப்பட்டு வந்த முன்னாள் பாஜக நிர்வாகி அஞ்சலை கைது செய்யப்பட்டுள்ளதாக தகவல்கள் வெளியாகியுள்ளது. அதேநேரம் ஐஸ் ஹவுஸ் பகுதியைச் சேர்ந்த எல்லப்பன் என்ற ரவுடியையும் பிடித்து போலீசார் விசாரணை மேற்கொண்டு வருவதாகவும் தகவல்கள் வெளியாகி உள்ளது.