Skip to main content

"இப்போது பாஜகவின் ஒரே திட்டம் இதுதான்" - முனைவர். ராமசுப்பிரமணியன் விளக்கம்

Published on 11/09/2023 | Edited on 11/09/2023

 

Ramasubramanian Interview

 

மத்திய அரசின் பல்வேறு செயல்பாடுகள் குறித்து தன்னுடைய கருத்துக்களை மூத்த அரசியல் விமர்சகர் முனைவர். ராமசுப்பிரமணியன் எடுத்துரைக்கிறார்.

 

INDIA கூட்டணியின் பெயரை I.N.D.I.A என்று பாஜகவும் அவர்கள் சார்ந்த ஊடகங்களும் எழுதியும் பேசியும் வருகின்றன. இந்தக் கூட்டணி கலகலத்துப் போக வேண்டும் என்பதற்காக பல்வேறு முயற்சிகள் அவர்களால் மேற்கொள்ளப்பட்டு வருகின்றன. அனைவரும் ஒன்றுசேர்வார்களா என்கிற ஐயம் பாஜகவுக்கு இருந்தது. ஆனால் எதிர்க்கட்சிகளின் சிறப்பான மூன்று சந்திப்புகள் இதுவரை நடைபெற்றுள்ளன. கெஜ்ரிவால், சரத்பவார் ஆகியோர் வருவார்களா என்கிற எதிர்பார்ப்பு எழுந்த நிலையில், அவர்களும் வந்துள்ளனர். 

 

தமிழ்நாட்டில் செந்தில் பாலாஜி போல் பல்வேறு அமைச்சர்கள் மீது நடவடிக்கை எடுக்க முடியும் என்று பாஜக நினைத்தது. ஆனால் அதுபோல் எதுவும் நடக்கவில்லை. இப்போது சிறப்பு நாடாளுமன்றக் கூட்டத்தை கூட்டப்போவதாக அறிவித்துள்ளனர். அங்கு என்ன நடக்கப்போகிறது என்பதே யாருக்கும் தெரியாது. பாஜக என்ன செய்யும் என்பதை யாராலும் கணிக்க முடியாது. அது நாட்டுக்கு நல்லதும் அல்ல. குடியரசுத் தலைவர் என்பவர் அரசியல் சார்புடையவர் அல்ல. இந்த நிலையில் முன்னாள் குடியரசுத் தலைவரை 'ஒரே நாடு ஒரே தேர்தல்' திட்டத்துக்கான ஆய்வு கமிட்டியில் போட்டிருக்கிறார்கள். 

 

ஒரே நாடு ஒரே தேர்தல் என்பது நடைமுறையில் சாத்தியமா? சமீபத்தில் நடந்த தேர்தல்களின் மூலம் தேர்ந்தெடுக்கப்பட்ட ஆட்சிகளை இவர்கள் கலைத்துவிடுவார்களா? இது ஜனநாயக விரோதம். மாநிலக் கட்சிகளை ஒழித்துக் கட்ட வேண்டும் என்பதே இப்போது பாஜகவின் திட்டம். ஒரே நாடு ஒரே தேர்தல் திட்டத்தை ஆதரித்து அதிமுக எடுத்த முடிவு மிகவும் தவறானது. ஐந்து மாநில தேர்தல் வரவிருப்பதால் சிலிண்டர் விலையை இப்போது குறைத்துள்ளனர். கடந்த தேர்தல்களில் இதுதான் அவர்களை மிகவும் பாதித்தது. 

 

இந்தியா கூட்டணியின் முக்கியத்துவத்தை குறைப்பதற்காகவே பாஜக பல்வேறு திசைதிருப்பும் நடவடிக்கைகளில் ஈடுபட்டு வருகிறது. பொது சிவில் சட்டத்தையும் இந்த சிறப்பு கூட்டத்தொடரில் அறிமுகப்படுத்த அவர்கள் முடிவு செய்துள்ளதாகத் தெரிகிறது. எந்த மதத்தின் சட்டத்தை எடுத்து இவர்கள் பொதுவாக வைக்கப்போகிறார்கள்? இதுபோன்ற பல்வேறு அஸ்திரங்களை அவர்கள் கையில் வைத்துள்ளனர். இந்தியா கூட்டணியின் கூட்டங்கள் நடக்கும்போதெல்லாம் இதுபோன்ற விஷயங்களை அவர்கள் செய்வார்கள்.
 

முழு பேட்டியை வீடியோவாக கீழே உள்ள லிங்க்கில் காணலாம்...

 

 

 

Next Story

தாமரை வடிவில் அலங்காரம்; புகாரில் சிக்கிய வாக்குச்சாவடி!

Published on 18/04/2024 | Edited on 18/04/2024
Decoration in the shape of a lotus at the polling station

நாடாளுமன்ற மக்களவைத் தேர்தல் ஏழு கட்டங்களாக நடைபெற உள்ளது. அந்த வகையில் முதற்கட்டமாக தமிழகம், புதுச்சேரி உள்ளிட்ட 21 மாநிலங்களில் உள்ள 102 மக்களவைத் தொகுதிகளுக்கு நாளை (19.04.2024) வாக்குப்பதிவு நடைபெற உள்ளது. இந்த வாக்குப்பதிவு காலை 7.00 மணி முதல் மாலை 6.00 மணி வரை நடைபெற உள்ளது. அதன்படி முதற்கட்டமாக வாக்குப்பதிவு நடைபெற உள்ள தொகுதிகளில் தேர்தல் பரப்புரை நேற்று (17.04.2024) மாலை 6 மணியுடன் நிறைவு பெற்றது. மேலும் இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது.

அந்த வகையில் முதற்கட்டமாக தமிழகத்திலும், புதுச்சேரியிலும் வாக்குப்பதிவு நடைபெற உள்ளதால் மக்களவைத் தேர்தலுக்கான பரப்புரை நேற்றுடன் ஓய்ந்தது. அதே சமயம் தேர்தல் நடத்தை விதிமுறைகள் அமலுக்கு வந்துள்ளதால், வாக்காளர்களுக்கு பணம் மற்றும் பரிசுப் பொருட்கள் கொடுப்பதைத் தடுக்கும் வகையில் தேர்தல் பறக்கும் படையினர் தீவிர கண்காணிப்புப் பணியில் ஈடுபட்டு வருகின்றனர்.

இந்நிலையில் புதுச்சேரியில் பாகூர் வாக்குச்சாவடியில் நுழைவு வாயிலில் தாமரை வடிவிலான அலங்காரம் செய்யப்பட்டதாக புகார்கள் எழுந்த நிலையில், தற்பொழுது அவை நீக்கப்பட்டுள்ளது. புதுச்சேரி மாநிலம் பாகூரில் உள்ள அரசு நடுநிலைப்பள்ளி ஒன்றில் 11/23 என்ற எண் கொண்ட வாக்குச்சாவடி அமைக்கப்பட்டது. அந்த வாக்குச்சாவடியின் நுழைவு வாயிலில் பேப்பரால் செய்யப்பட்ட தாமரைகளைக் கொண்டு அலங்காரம் செய்யப்பட்டது. உடனடியாக இதுகுறித்து திமுக மற்றும் கம்யூனிஸ்ட் கட்சியினர் தேர்தல் நடத்தும் அதிகாரிகளிடம் புகார் அளித்தனர். புகாரைத் தொடர்ந்து சம்பவ இடத்திற்குச் சென்ற அதிகாரிகள் நுழைவு வாயிலில் ஒட்டப்பட்டிருந்த தாமரை வடிவிலான பேப்பர் பூக்களை அகற்றினர்.

Next Story

கோவையில் ஜிபே மூலம் பாஜக பணப்பட்டுவாடா-திமுக புகார்

Published on 18/04/2024 | Edited on 18/04/2024
DMK complains about BJP payment through GPay in Coimbatore

நாடாளுமன்ற மக்களவைத் தேர்தல் ஏழு கட்டங்களாக நடைபெற உள்ளது. அந்த வகையில் முதற்கட்டமாக தமிழகம், புதுச்சேரி உள்ளிட்ட 21 மாநிலங்களில் உள்ள 102 மக்களவைத் தொகுதிகளுக்கு நாளை (19.04.2024) வாக்குப்பதிவு நடைபெற உள்ளது. இந்த வாக்குப்பதிவு காலை 7.00 மணி முதல் மாலை 6.00 மணி வரை நடைபெற உள்ளது. அதன்படி முதற்கட்டமாக வாக்குப்பதிவு நடைபெற உள்ள தொகுதிகளில் தேர்தல் பரப்புரை நேற்று (17.04.2024) மாலை 6 மணியுடன் நிறைவு பெற்றது. மேலும் இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது.

அந்த வகையில் முதற்கட்டமாக தமிழகத்திலும், புதுச்சேரியிலும் வாக்குப்பதிவு நடைபெற உள்ளதால் மக்களவைத் தேர்தலுக்கான பரப்புரை நேற்றுடன் ஓய்ந்தது. அதே சமயம் தேர்தல் நடத்தை விதிமுறைகள் அமலுக்கு வந்துள்ளதால், வாக்காளர்களுக்கு பணம் மற்றும் பரிசுப் பொருட்கள் கொடுப்பதைத் தடுக்கும் வகையில் தேர்தல் பறக்கும் படையினர் தீவிர கண்காணிப்பு பணியில் ஈடுபட்டு வருகின்றனர்.

இந்நிலையில் கோவை தொகுதியில் பாஜகவினர் ஜிபே மூலம் பண பட்டுவாடா செய்வதாக புகார்கள் எழுந்துள்ளது. இதுகுறித்து திமுக புகார் எழுப்பியுள்ளது. பிரச்சாரம் முடிந்தவுடன் வெளியூர் நபர்கள் தொகுதியை விட்டு வெளியேற வேண்டும் என்ற நடைமுறையை பின்பற்றவில்லை என திமுக குற்றம் சாட்டியுள்ளது. கோவை அவிநாசி சாலையில் உள்ள அலுவலகத்தில் வெளி மாவட்டத்தைச் சேர்ந்த பலர் தங்கி ஜிபே மூலம் பணம் பட்டுவாடா செய்து பாஜகவுக்கு வாக்களிக்கும்படி கோரி வருகின்றனர் எனவும், சென்னையை சேர்ந்த ஜெயப்பிரகாஷ், கிருஷ்ணகுமார், கரூரை சேர்ந்த சிவகுமார் ஆகியோர் பணம் பட்டுவாடா செய்வதாகவும் அவர்கள் மீது நடவடிக்கை எடுக்க வேண்டும் எனவும் திமுக வலியுறுத்தியுள்ளது.