Skip to main content

மக்களவைத் தேர்தலில் ஆட்சியைப் பிடிப்பது யார்?; பிரஷாந்த் கிஷோர் கணிப்பு

Published on 22/05/2024 | Edited on 22/05/2024
 Prediction by Prashant Kishore on Who will take power in the Lok Sabha elections

மக்களவைத் தேர்தல் நாடு முழுவதும் ஏழு கட்டங்களாக நடைபெற்று வருகிறது. அதில் முதற்கட்டமாக ஏப்ரல் 19ஆம் தேதியும், இரண்டாம் கட்டமாக ஏப்ரல் 26ஆம் தேதியும், மூன்றாம் கட்டமாக மே 7ஆம் தேதியும், நான்காம் கட்டமாக மே 13ஆம் தேதியும் பல தொகுதிகளில் வாக்குப்பதிவு நடைபெற்றது. அதனை தொடர்ந்து, சமீபத்தில் கடந்த 20ஆம் தேதி ஐந்தாம் கட்ட வாக்குப்பதிவானது 48 தொகுதிகளில் நடைபெற்றது. ஏழு கட்டங்களாக நடைபெற்ற வாக்குப்பதிவின் வாக்கு எண்ணிக்கை வரும் ஜூன் 4ஆம் தேதி நடைபெற்று, அன்றே முடிவுகள் அறிவிக்கப்பட இருக்கின்றன. 

இந்த தேர்தலை எதிர்கொண்டு காங்கிரஸ், பா.ஜ.க உள்ளிட்ட கட்சிகள் தீவிர தேர்தல் பிரச்சாரம் மேற்கொண்டு வருகின்றனர். அந்த வகையில், பிரதமர் மோடி தலைமையிலான பா.ஜ.க அரசு, மூன்றாவது முறையாக ஆட்சியை பிடிப்பதற்காக தீவிர வாக்கு சேகரிப்பில் ஈடுபட்டு வருகின்றனர். அதே போல், பா.ஜ.க வீழ்த்த வேண்டும் என்பதற்காக காங்கிரஸ், தேசியவாத காங்கிரஸ், தி.மு.க உள்ளிட்ட கட்சிகள் இந்தியா கூட்டணியை உருவாக்கி இயங்கி வருகிறது.

இந்த நிலையில், மக்களவைத் தேர்தலில் அடுத்த முறை ஆட்சியை பிடிப்பது யார் என்பது குறித்து அரசியல் ஆலோசகரும், தேர்தல் வியூக கணிப்பாளருமான பிரஷாந்த் கிஷோர் கணித்துள்ளார். இது குறித்து அவர் தனியார் தொலைக்காட்சி ஒன்றுக்கு பேட்டி அளித்த போது, “மோடி 3.0 அரசாங்கம் களமிறங்கத் தொடங்கும் என்று நினைக்கிறேன். மையத்துடன் அதிகாரம் மற்றும் வளங்கள் இரண்டிலும் அதிக கவனம் செலுத்தப்படும். மாநிலங்களின் நிதி சுயாட்சியைக் குறைக்கும் ஒரு குறிப்பிடத்தக்க முயற்சியும் இருக்கலாம். பெட்ரோலியம் ஜிஎஸ்டி வரம்பிற்குள் கொண்டுவரப்பட்டால் கூட ஆச்சரியப்படுவதற்கு இல்லை. 

 Prediction by Prashant Kishore on Who will take power in the Lok Sabha elections

பாஜக 370 இடங்களைப் பெறும் என்றும், தேசிய ஜனநாயகக் கூட்டணி 400 இடங்களைத் தாண்டும் என்றும் பிரதமர் மோடி கூறிய நாளிலிருந்து, இது சாத்தியமில்லை என்று நான் கூறினேன். இவை அனைத்தும் தொழிலாளர்களின் மன உறுதியை உயர்த்தும் கோஷம். பா.ஜ.க 370 இடங்களைப் பெறுவது சாத்தியமற்றது. ஆனால், அக்கட்சி 270 க்கு கீழே சரியாது என்பதும் உறுதி. முந்தைய மக்களவைத் தேர்தலில் 303 இடங்கள் அல்லது இன்னும் கொஞ்சம் கூடுதலான இடங்களை பா.ஜ.க பெற முடியும் என்று நான் நம்புகிறேன்.

முதலில், 2019 தேர்தலில் பா.ஜ.க 303 இடங்களைப் பெற்ற இடத்தைப் பாருங்கள். அந்த 303 இடங்களில் 250 இடங்கள் வடக்கு மற்றும் மேற்கு பிராந்தியங்களில் இருந்து வந்தவை. இம்முறை இந்த பிராந்தியங்களில் கணிசமான இழப்பை அவர்கள் சந்திக்கிறார்களா என்பது முக்கிய கேள்வி. கிழக்கு மற்றும் தெற்கில், பா.ஜ.க தற்போது மக்களவையில் சுமார் 50 இடங்களைக் கொண்டுள்ளது. இந்தப் பகுதிகளில் பா.ஜ.கவின் வாக்கு சதவீதம் கணிசமாக அதிகரிக்கும் என நம்பப்படுகிறது. எனவே, ஒட்டுமொத்தமாக, கிழக்கு மற்றும் தெற்கில் பாஜகவின் இடப் பங்கு 15-20 இடங்கள் அதிகரிக்கும் என்று எதிர்பார்க்கப்படுகிறது. அதே நேரத்தில் வடக்கு மற்றும் மேற்கு பகுதியில் குறிப்பிடத்தக்க இழப்பு எதுவும் இல்லை. 

எண் விளையாட்டை விட்டுவிட்டு, ஒரு அரசாங்கம் எப்போது தோல்வியடைகிறது என்பதை கருத்தில் கொள்வோம். ஒரு கட்சி அல்லது அதன் தலைவர் மீது மக்கள் மத்தியில் கணிசமான கோபம் ஏற்படும் போது இது நிகழ்கிறது. பா.ஜ.கவாக இருந்தாலும் சரி, பிரதமர் மோடியின் 10 ஆண்டுகால ஆட்சியாக இருந்தாலும் சரி, சமூகத்தில் பெரும் பகுதியினர் ஏமாற்றம் அடைந்துள்ளனர். இருப்பினும், பிரதமருக்கு எதிராக பரவலான கோபம் இருப்பதாக எந்த தரப்பிலிருந்தும் நாங்கள் கேட்கவில்லை. எனவே, நரேந்திர மோடியை அகற்ற வேண்டும் என்ற உணர்வு தற்போது இல்லை” என்று கூறினார். 

சார்ந்த செய்திகள்

 

Next Story

“தமிழ்நாடு என்றைக்குமே திராவிடக் கோட்டை” - முதல்வர் மு.க. ஸ்டாலின் பதிலடி!

Published on 16/06/2024 | Edited on 16/06/2024
TN is forever a Dravidian fortress CM MK Stalin

திமுகவின் முன்னாள் தலைவரும் தமிழகத்தின் முன்னாள் முதல்வருமான கலைஞரின் நூற்றாண்டு நிறைவு, நாடாளுமன்ற மக்களவைத் தேர்தலில் நாற்பது தொகுதிகளிலும் வெற்றியளித்த மக்களுக்கு நன்றி தெரிவிக்கும் விழா, மக்களவைத் தேர்தலில் திமுகவின் வெற்றிக்காக வழிநடத்திச் சென்ற முதல்வர் மு.க. ஸ்டாலினுக்கு பாராட்டு விழா என ‘முப்பெரும் விழா’ கோவை கொடிசியா மைதானத்தில் நேற்று (15.06.2024) நடைபெற்றது.

இதில் கலந்து கொண்டு முதல்வர் மு.க. ஸ்டாலின் பேசுகையில், “தேர்தல் பிரச்சாரத்தில் சிறுபான்மையினருக்கு எதிராக வெறுப்பு பேச்சுக்களைப் பேசினார்கள். தமிழர்கள் குறித்து அவதூறு பரப்பினார்கள். வாட்ஸ் ஆப்பில் பொய்ச் செய்திகளைப் பரப்பினார்கள். இவ்வளவும் செய்தும் பாஜக பெரும்பான்மை பெறவில்லை. இப்போது அவர்கள் பெற்றிருப்பது வெற்றியல்ல தோல்விதான். பாஜகவிற்கு அதிக பெரும்பான்மை இருந்தபோதே, வாதங்களால் தமிழ்நாட்டைத் திரும்பிப் பார்க்க வைத்தவர்கள் நமது எம்.பி.க்கள். இப்போது, மக்களுக்கான நமது குரல் நாடாளுமன்றத்தில் இன்னும் வலுவாக ஒலிக்கப் போகிறது. திமுக தொண்டர்களாலும், கூட்டணிக் கட்சிகளாலும் தான் இந்த வெற்றி சாத்தியமானது. திமுக தொண்டர்களுக்கும் தமிழ்நாட்டு மக்களுக்கும் இந்த வெற்றியைக் காணிக்கை ஆக்குகிறேன். 

TN is forever a Dravidian fortress CM MK Stalin

நாடாளுமன்ற உறுப்பினர்களே நாங்களும், தமிழ்நாட்டு மக்களும் உங்கள் தோளில் ஏற்றி வைத்திருக்கும் இந்தக் கடமைகளுக்காக தமிழ்நாட்டு உரிமைகளுக்காக, நாடாளுமன்றத்தில் உரக்கப் பேசுங்கள். பலம் பொருந்திய எம்.பி.க்கள் சேர்ந்து, பலவீனமான மைனாரிட்டி பாஜக அரசை பாசிச பாதையில் செல்லாமல் தடுங்கள். ஒற்றுமை உணர்வுடன் கொள்கை திறத்துடன் அனைத்து நாடாளுமன்ற உறுப்பினர்களும் செயல்பட வேண்டும். நம்முடைய உறுப்பினர்கள்தான் பாஜகவைக் கொள்கை, கோட்பாடுகள் ரீதியாக அம்பலப்படுத்தினார்கள். கொள்கை ரீதியாக அவர்களுடைய வகுப்புவாதத்தை, எதேச்சாதிகாரத்தை, பாசிசத்தை விமர்சிக்கின்ற பாணியை இந்திய நாடாளுமன்றத்தில் தொடங்கி வைத்தவர்கள் நம்முடைய நாடாளுமன்ற உறுப்பினர்கள்தான். சமூகநீதிக்காக இந்திய நாடாளுமன்றத்தில் அதிகமாக உரிமைக்குரல் எழுப்பியது மூலமாக, இந்திய அரசியல் செல்ல வேண்டிய பாதையைத் தமிழ்நாட்டு நாடாளுமன்ற உறுப்பினர்கள் போட்டுக் கொடுத்தார்கள்.

எட்டு முறை தமிழ்நாட்டிற்கு வந்து பிரதமர் மோடி கட்டமைத்த பிம்பத்தைச் சகோதரர் ராகுல் காந்தி ஒரே ஒரு ஸ்வீட் பாக்ஸ் கொடுத்து குளோஸ் (Close) செய்துவிட்டார். அன்றைக்கு அவர் வழங்கிய இனிப்பு நம்முடைய எதிர்க்கட்சியினரின் கணிப்புகளைப் பொய்யாக்கியது. இந்தியா கூட்டணித் தலைவர்கள் அனைவருக்கும் நடைபெறும் பாராட்டு விழா இது. 

TN is forever a Dravidian fortress CM MK Stalin

அது எங்க கோட்டை, இது எங்க கோட்டை என்று கனவுக்கோட்டை கட்டியவர்களுக்குத் தமிழ்நாடு என்றைக்குமே திராவிடக் கோட்டை என்று நாற்பதுக்கு நாற்பது தீர்ப்பின் வழியாகத் தமிழ்நாட்டு மக்கள் உணர்த்தியுள்ளார்கள். அதற்கு நன்றி. 40 எம்.பி.க்கள் நாடாளுமன்றத்திற்குச் சென்று என்ன செய்யப்போகிறார்கள் என்று கேட்பவர்களுக்கு சொல்வது. மெஜாரிட்டி பாஜக இருக்கும்போதே நாடாளுமன்றத்துக்குள் முழங்கியவர்கள் மைனாரிட்டி பாஜகவிடமா அடங்கிப் போவார்கள். வெயிட் அண்ட் சி (Wait and See)” எனத் தெரிவித்தார். 

Next Story

“பிரதமரின் கால்களில் விழுந்து அவமானத்தை ஏற்படுத்திவிட்டார்” - நிதிஷ்குமாரைச் சாடிய பிரஷாந்த் கிஷோர்

Published on 15/06/2024 | Edited on 15/06/2024
Prashant Kishore slams Nitish Kumar

பீகார் மாநிலம், பாகல்பூர் பகுதியில் நடைபெற்ற பொதுக்கூட்டத்தில் தேர்தல் வியூக கணிப்பாளரான பிரஷாந்த் கிஷோர் பங்கேற்றார். அந்தக் கூட்டத்தில் அவர் பேசியதாவது, “கடந்த காலத்தில் நிதிஷ்குமாருடன் பணியாற்றிய நான் இப்போது ஏன் அவரை விமர்சிக்கிறேன் என்று மக்கள் என்னிடம் கேட்கிறார்கள். அப்போது அவர் வித்தியாசமான மனிதர். அவருடைய மனசாட்சியை விற்பனைக்கு வைக்கவில்லை.

ஒரு மாநிலத்தின் தலைவர் என்பது அதன் மக்களின் பெருமை. ஆனால், பிரதமர் மோடியின் பாதங்களில் விழுந்து பீகாருக்கு நிதீஷ் குமார் அவமானத்தை ஏற்படுத்திவிட்டார். பிரதமர் மோடி மீண்டும் ஆட்சிக்கு வருவதில் நிதிஷ் குமார் முக்கிய பங்கு வகிப்பதாக பலரும் பேசுகிறார்கள்.

ஆனால் பீகார் முதல்வர் நிதிஷ் குமார் தனது பதவியை எவ்வாறு பயன்படுத்திக் கொள்கிறார்? அவர் தனது செல்வாக்கை மாநிலத்திற்கான நன்மைகளை உறுதிப்படுத்த பயன்படுத்தவில்லை. 2025 சட்டமன்றத் தேர்தலுக்குப் பிறகும், பா.ஜ.க ஆதரவுடன் தான் ஆட்சியில் நீடிப்பதை உறுதிசெய்ய அவர் பிரதமர் மோடியின் கால்களைத் தொடுகிறார்” என்று விமர்சனம் செய்துள்ளார்.