Skip to main content

ஆன்லைன் ரம்மி; அடுத்தகட்ட போராட்டம் - நாஞ்சில் சம்பத் 

Published on 24/03/2023 | Edited on 24/03/2023

 

 Nanjil Sampath Interview

 

தற்கால அரசியல் நிகழ்வுகள் குறித்து தன்னுடைய கருத்துக்களை நம்மோடு பகிர்ந்து கொள்கிறார் மூத்த அரசியல் தலைவர் நாஞ்சில் சம்பத் அவர்கள்.

 

சித்தாந்த ரீதியாக பாஜகவை வீழ்த்த வேண்டும் என்றுதான் தமிழ்நாட்டின் முதலமைச்சர் முயற்சிகளை எடுத்து வருகிறார். பரூக் அப்துல்லா, அகிலேஷ் யாதவ், தேஜஸ்வி யாதவ் என்று பல்வேறு தலைவர்கள் முதலமைச்சரின் பிறந்தநாளில் ஒன்று கூடி அவருக்கு வாழ்த்து தெரிவித்ததன் மூலம் சித்தாந்த ரீதியாக ஒன்று கூட அனைவரும் முடிவு செய்துவிட்டனர் என்று பதிவு செய்துள்ளனர். இடதுசாரிகளும் காங்கிரசும் இணைந்து திரிபுராவில் தேர்தலை சந்தித்தனர். பிரசாந்த் கிஷோர் தான் எதிர்க்கட்சித் தலைவர்களை ஆதரிக்காமல் இருக்கிறார்.

 

மோடி வந்த பிறகு இந்தியா உலக அரங்கில் அசிங்கப்பட்டு தான் கிடக்கிறது. ராகுல் காந்தி ஆளுமைமிக்க ஒரு தலைவர். உலகின் நம்பர் ஒன் பல்கலைக்கழகம் என்று அறியப்படும் கேம்பிரிட்ஜ் பல்கலைக்கழகத்தில் மாணவர்கள் முன்பு அவர் பேசுகிறார். அதற்கான விளக்கத்தை நாடாளுமன்றத்தில் தரத் தயாராக இருப்பதாக அவர் கூறிவிட்டார். ஆனால் அதானி ஊழல் குறித்து யாரும் பேசிவிடக்கூடாது என்பதற்காக ராகுல் காந்தி மன்னிப்பு கேட்க வேண்டும் என்று கூறி நாடாளுமன்றத்தை முடக்குகிறது பாஜக. அவர் எதற்கு மன்னிப்பு கேட்க வேண்டும்?

 

பொருளாதாரத்தை வலுப்படுத்துவதற்கு பாஜகவிடம் என்ன திட்டம் இருக்கிறது? பொதுத்துறை நிறுவனங்களை எல்லாம் தனியாரிடம் விற்றுவிட்டார்கள். இவர்களுடைய தலைமையில் இருக்கும் வரை இந்தியா வளராது. இவர்கள் குஜராத்திற்கு ஒதுக்கும் தொகை எவ்வளவு, தமிழ்நாட்டுக்கு ஒதுக்கும் தொகை எவ்வளவு? பாஜக பாரபட்சமாகத் தான் நடந்துகொள்கிறது. பாஜகவுக்கு எதிராகப் போராட்டம் அறிவித்திருக்கும் மம்தா பானர்ஜிக்கு வாழ்த்துக்கள். பாஜகவுக்கு எதிராக யாரெல்லாம் குரல் கொடுக்கிறார்களோ அவர்கள் நாட்டு மக்களால் கவனிக்கப்படுவார்கள். இந்த சக்திகள் அனைத்தும் ஒருங்கிணைந்து பாஜகவை வீழ்த்த வேண்டும். 

 

ஆன்லைன் ரம்மியால் 44 பேர் இறந்திருக்கின்றனர். அதற்கு எதிராக சட்டம் இயற்ற மாநில அரசுக்கு உரிமை உண்டு என்கிறார் மத்திய அமைச்சர் அனுராக் தாக்கூர். அதிகாரம் இல்லை என்கிறார் தமிழ்நாடு ஆளுநர். மக்களின் உயிர் மேல் அக்கறையற்ற, இரக்கமற்றவர்களாக இவர்கள் நடந்துகொள்கின்றனர். ஆளுநர் கேட்ட கேள்விகளுக்கு எல்லாம் அரசு தரப்பில் விளக்கம் கொடுத்தாகி விட்டது. ரம்மி கம்பெனியினர் ஆளுநரை நேரடியாகச் சென்று சந்தித்துவிட்டனர். தீர்மானத்தை மீண்டும் நிறைவேற்றி அவருக்கு அனுப்புவோம். அனுமதி அளிக்கவில்லை என்றால் அடுத்தகட்ட போராட்டத்தை தமிழ்நாட்டு மக்கள் நடத்துவார்கள்.
 

 

 

Next Story

“15 நாட்களில் 5 பேர் தற்கொலை; இனியாவது நடவடிக்கை வேண்டும்” - அன்புமணி

Published on 30/05/2024 | Edited on 30/05/2024
Supreme Court should stay High Court verdict in online gambling case

ஆன்லைன் ரம்மியால் 15 நாட்களில் 5 பேர் தற்கொலை செய்துகொண்டுள்ளனர். தமிழக அரசு இனியாவது விழித்து மக்களைக் காக்க நடவடிக்கை  எடுக்க வேண்டும் என பாமக தலைவர் அன்புமணி தெரிவித்துள்ளார்.

இது தொடர்பாக அவர் வெளியிட்டுள்ள அறிக்கையில், “தஞ்சாவூர்  மாவட்ட சுவாமிமலையில்  உள்ள தங்கும் விடுதி ஒன்றில் பணியாற்றி வந்த  மயிலாடுதுறையைச் சேர்ந்த தினசீலன் என்ற இளைஞர்  ஆன்லைன் ரம்மியில் லட்சக்கணக்கில் பணத்தை இழந்ததால்  ஏற்பட்ட  மன உளைச்சல் காரணமாகவும், மீள முடியாத கடன்சுமை காரணமாகவும்  தூக்கிட்டு தற்கொலை செய்து கொண்டிருப்பது அதிர்ச்சி அளிக்கிறது. தினசீலனை இழந்து வாடும் குடும்பத்தினருக்கும், நண்பர்களுக்கும் ஆழ்ந்த இரங்கலையும், அனுதாபங்களையும் தெரிவித்துக் கொள்கிறேன்.

ஆன்லைன் ரம்மி என்பது ஆக்டபசின்  கரங்களைப் போல, அதை விளையாடத் தொடங்குபவர்களைச் சுற்றி வளைக்கக் கூடியது என்பதற்கு தினசீலனின்  செயல்கள் தான் எடுத்துக்காட்டு ஆகும்.  மயிலாடுதுறையில்  நண்பர்கள் மற்றும் உறவினர்களிடம் லட்சக்கணக்கில் பணத்தை வாங்கி ஆன்லைன் ரம்மியில்  தினசீலன் இழந்துள்ளார். பணத்தைக் கடனாகக் கொடுத்தவர்கள், அந்த பணத்தை திரும்பக் கேட்டதால் பெரும் சிக்கல் ஏற்பட்டது. அதைத் தொடர்ந்து  தினசீலனின் குடும்பத்தினர், சம்பந்தப்பட்டவர்களிடம் சமாதானம் பேசி தினசீலனை மீட்டுள்ளனர். அதன்பின்னர்  அவரை சில மாதங்களுக்கு முன் சுவாமிமலையில் தங்கும் விடுதியில் பணியில் சேர்த்துள்ளனர்.  ஆனால், அங்கும் விடுதியின் வருமானத்தை எடுத்து ஆன்லைன் ரம்மி விளையாடி இழந்துள்ளார். அதன் பிறகு மன உளைச்சல் அடைந்து தற்கொலை செய்து கொண்டுள்ளார்.

ஆன்லைன் சூதாட்டத் தடை சட்டம் ரம்மி போன்ற திறமை சார்ந்த விளையாட்டுகளுக்குப் பொருந்தாது என்று கடந்த நவம்பர் 10-ஆம் தேதி  உயர் நீதிமன்றம் தீர்ப்பளித்தப் பிறகு மிகவும் அரிதாக  நிகழ்ந்து வந்த தற்கொலைகள் இப்போது தொடர்கதையாகி  விட்டன. கடந்த மே 14-ஆம் தேதி  முதல்  மே 29 வரையிலான  15  நாட்களில்  5 பேர் தற்கொலை செய்து கொண்டுள்ளனர்.  ஆன்லைன் சூதாட்டம் தடை செய்யப்படவில்லை என்றால்  ஒவ்வொரு நாளும் ஆன்லைன் சூதாட்டத் தற்கொலைகள் நிகழ்வதைத்  தடுக்க முடியாது.

தமிழக அரசு இயற்றிய ஆன்லைன் சூதாட்டத் தடை சட்டம் ரம்மி, போக்கர் போன்ற விளையாட்டுகளுக்குப் பொருந்தாது என்று சென்னை உயர்நீதிமன்றம் தீர்ப்பளித்ததற்குப் பிறகு கடந்த 6  மாதங்களில் மொத்தம் 12 பேர் தற்கொலை செய்து கொண்டுள்ளனர்.   அவர்களில்  பாதிப் பேர், அதாவது  6 பேர்  கடந்த மாதம் 29-ஆம் தேதிக்கும்,   மே  மாதம் 29-ஆம் தேதிக்கும்  இடைப்பட்ட  ஒரு மாதத்தில்  தற்கொலை செய்து  கொண்டுள்ளனர்  என்பதிலிருந்தே  ஆன்லைன் சூதாட்ட தற்கொலைகள் எவ்வளவு  வேகமாக அதிகரித்து வருகின்றன என்பதை அறிந்து கொள்ள முடியும்.

ஆன்லைன் சூதாட்ட  தற்கொலைகளுக்கு முடிவு கட்டுவதற்கான ஒரே தீர்வு  சென்னை உயர்நீதிமன்றத் தீர்ப்புக்கு உச்சநீதிமன்றத்தில் தடை பெறுவது தான் என்று தமிழக அரசை வலியுறுத்தி வருகிறேன். ஆனால், அதன்பின் 6 மாதங்களுக்கு மேலாகியும் உச்சநீதிமன்றத்தில் தடை பெறுவதற்கு எந்த  நடவடிக்கையையும் தமிழக அரசு மேற்கொள்ளவில்லை.  ஒவ்வொரு தற்கொலையின் போதும்  ஆன்லைன் சூதாட்டத்தைத்  தடுக்க வேண்டும் என்று வலியுறுத்தியும் தமிழக அரசு இன்னும் உறக்கத்திலிருந்து விழிக்க வில்லை. தமிழக அரசு இனியாவது விழித்துக் கொண்டு ஆன்லைன்  சூதாட்டத்திற்கு  உச்சநீதிமன்றத்தில் தடை பெற வேண்டும்; அதன் மூலம் தற்கொலைகளில் இருந்து மக்களைக் காக்க வேண்டும்” எனக் குறிப்பிட்டுள்ளார்.

Next Story

தேர்தல் முடிவுகள் வெளியாகும் நாளில் மனநிலை எப்படி இருக்கும்?; பிரதமர் மோடி பகிர்ந்த ருசிகர தகவல்!

Published on 29/05/2024 | Edited on 29/05/2024
information shared by Prime Minister Modi on What will the mood be like on the day of the election results

இந்தியாவில் மக்களவைத் தேர்தல் ஏழு கட்டங்களாக அறிவிக்கப்பட்ட நிலையில் அதில், 6 கட்ட தேர்தல்கள் நடைபெற்று முடிந்துள்ளது. இதையடுத்து, இறுதிக்கட்டத் தேர்தல் ஜூன் 1 ஆம் தேதி அன்று நடைபெறும். ஜூன் நான்காம் தேதி வாக்குகள் எண்ணப்பட்டு முடிவுகள் அறிவிக்கப்பட உள்ளது. இறுதிக் கட்ட வாக்குப்பதிவு நடைபெற ஒன்றிரண்டு நாட்கள் மட்டுமே உள்ள நிலையில், அரசியல் கட்சித் தலைவர்கள் தீவிர தேர்தல் பிரச்சாரத்தில் ஈடுபட்டு வருகின்றனர்.

இந்த நிலையில், பிரதமர் மோடி ஏபிபி என்ற தனியார் செய்து நிறுவனத்திற்கு பேட்டி அளித்தார். அப்போது அவரிடம், தேர்தல் முடிவுகள் அறிவிக்கப்படும் நாள் அன்று உங்கள் மனநிலை எப்படி இருக்கும் என செய்தியாளர் கேள்வி எழுப்பினார். அதற்கு பதிலளித்த அவர், “தேர்தல் முடிவு வெளியாகும் நாளில் நான் கூடுதல் கவனமாக இருப்பேன். தேர்தலில் கிடைக்கும் தொகுதிகளின் எண்ணிக்கை என்ற விவரத்தில் இருந்து நான் தள்ளியே இருப்பேன்.

வாக்குகள் எண்ணும் நாளில், நான் தியானம் செய்வதை அதிகரிப்பேன். பிற தினசரி வேலைகளின் நேரத்தை அதிகரிப்பேன். வாக்கு எண்ணும் நாளில், யாரும் என் அறைக்குள் அனுமதிக்கமாட்டேன். என்னைத் தொலைப்பேசியில் தொடர்புகொள்ள யாரையும் அனுமதிக்கமாட்டேன். முடிவு நாளில், வெற்றி உறுதியாகும் வரை நான் விலகியே இருப்பேன். 

குஜராத் மாநிலத்தில் முதலமைச்சர் பதவிக்குப் போட்டியிடும் போது, தேர்தல் ஆணையம் என்னை மிகவும் தொந்தரவு செய்து, எனக்கு இடையூறுகளை ஏற்படுத்தி வந்தது. நான் வெற்றி பெறுவது கடினம் என்று மக்கள் என்னிடம் கூறினார்கள். கடந்த 2001 டிசம்பர் 15ஆம் தேதி அன்று குஜராத் சட்டமன்றத் தேர்தல் முடிவு வெளியானது. முதல்வர் இல்லத்தில் என் அறையில் அமர்ந்தேன். நான் எந்த அழைப்புகளையும் எடுக்கவில்லை. மதியம் 1.30 மணியளவில், வெளியே டிரம்ஸ் வாசிக்கும் சத்தம் கேட்டது. அதனால் என்ன விஷயம் என்று கேட்க ஒருவரை அழைத்தேன். கட்சித் தொண்டர்கள் என்னை வாழ்த்த விரும்புவதாகக் கடிதம் ஒன்றைக் கொண்டு வந்தார். முடிவுகளின் குறிப்பை நான் முதன்முறையாகப் பெற்றேன். நல்ல மாலையும், இனிப்புப் பெட்டியும் வாங்கி வரச் சொன்னேன். எங்கள் வெற்றியைக் கொண்டாடும் முன் கேசுபாய் படேலுக்கு முதலில் மாலை அணிவித்தேன்” என்று கூறினார்.