Skip to main content

விபச்சார புரோக்கருக்கு இத்தனை மரியாதையா? சல்யூட் அடிக்கும் சல்லாப போலீஸ்!

Published on 02/09/2020 | Edited on 02/09/2020
ttttt

 

 

சில தினங்களுக்கு முன்னர், நாகர்கோவில் சற்குணவீதியில் இருக்கும் ஒரு வீட்டில் கோழிக்கடை என்ற போர்வையில், விபச்சாரம் நடத்திவந்த இலந்தையடிவிளையை சேர்ந்த விஜய் ஆனந்தை தனிப்படை எஸ்.ஐ. சாம்சன் மற்றும் போலீசார் கைது செய்தனர். அவருடன் திருவனந்தபுரம், மதுரை மற்றும் ராஜபாளையத்தை சேர்ந்த மூன்று இளம்பெண்கள் உட்பட, சல்லாப ஆண்கள் மூவரும் கைது செய்யப்பட்டனர்.

 

விஜய் ஆனந்த் மீதான இந்த கைது நடவடிக்கை குமரி மாவட்ட காவல்துறை அதிகாரிகள் மட்டுமின்றி, கடந்த நான்காண்டுகளாக குமரி மாவட்டத்தில் இருந்து வெளிமாவட்டங்களுக்கு ட்ரான்ஸ்ஃபரில் சென்ற உயரதிகாரிகள், எஸ்.ஐ.கள் உள்ளிட்ட சல்லாப காக்கிகள் சிலருக்கு ஷாக்கை ஏற்படுத்தி இருக்கிறது.

 

இந்நிலையில், வழக்குப்பதிவு செய்து கோட்டார் காவல்நிலையத்தில் உட்கார வைக்கப்பட்டிருந்த விஜய் ஆனந்தை, ஒரே மணிநேரத்தில் காவல்துறை உயரதிகாரி ஒருவரின் உத்தரவின் பேரில், காவல்நிலைய ஜாமீனில் விடுவித்து, காவல்துறை வாகனத்திலேயே அனுப்பி வைத்திருக்கிறார்கள். அதோடு அவர் வழியில் குறுக்கிட்ட தனிப்படை அதிகாரியும் மன்னிப்பு கேட்டிருக்கிறார். ஒரு விபச்சார புரோக்கருக்கு காவல்துறையில் இத்தனை மரியாதையா என்ற கேள்வியுடன் விஜய் ஆனந்தை பற்றி காவல்துறை வட்டாரத்தில் விசாரித்தபோது நமக்கே அதிர்ச்சி உண்டானது.

 

“வழக்கறிஞர் என்று சொல்லிக் கொண்டாலும் விஜய்ஆனந்த் எந்த பாரிலும் உறுப்பினராக இல்லை. மாவட்டத்தின் பல இடங்களில் ஆயுர்வேத மசாஜ் சென்டர்களைத் தொடங்கி, அதில் விஐபிக்களுக்கும், நவீன கோழிக்கடை என்ற பெயரில் மிடில் தரப்பினருக்கும் என ரகம்பிரித்து விபச்சாரம் நடத்துவதுதான் அவரது பிரதான தொழில். தனது சல்லாப தொழிலுக்கு இடையூறு செய்யாமல் இருப்பதற்காக மாவட்டத்தில் உள்ள அனைத்து மட்ட போலீஸ் அதிகாரிகளையும் கைக்குள் போட்டுக்கொண்டு, அவர்களுக்கு வேண்டும் போதெல்லாம் பெண்களை அனுப்பிவைத்து, கைநிறைய கரன்சியையும் கொடுத்தனுப்புவார். இதனாலேயே குமரி மாவட்ட காவல்துறையில் அவருக்கு அடிபணிந்து கிடக்கும் அதிகாரிகள் ஏராளம்.

 

மாவட்டத்தில் புதிதாக எந்த காவல்துறை அதிகாரி வந்தாலும், விஜய் ஆனந்த் பழகிவிடுவார். அல்லது ட்ரான்ஸ்ஃபரில் போகிறவர் இவரை, புதிய அதிகாரிக்கு அறிமுகம் செய்துவிடுவார். இப்படி விஜய் ஆனந்துடன் பழக்கம் வைத்திருந்த பல அதிகாரிகள், சென்னை உட்பட பல பகுதிகளில் முக்கியப் பதவிகளில் இருக்கின்றனர். இன்றைக்கும் அவர்கள் குமரி மாவட்டம் வரும்போதெல்லாம் விஜய் ஆனந்தின் ஏற்பாட்டில் எஸ்டேட் பங்களாக்களில் குளிர் காய்ந்துவிட்டுத்தான் செல்கிறார்கள். தற்போது விஜய் ஆனந்தை ஸ்டேஷன் பெயிலில் விடச்சொன்னதே கூட, குமரியில் சப்-டிவிஷன் அதிகாரியாக இருந்து, இப்போது மீண்டும் குமரிக்கு பதவி உயர்வில் வந்திருக்கும் ஈசனின் பெயரைக் கொண்ட அதிகாரிதான். மேலும், குமரி மாவட்டத்தில் கோலோச்சிக் கொண்டிருக்கும் 3 டிஎஸ்பிக்கள், 9 இன்ஸ்பெக்டர்கள் விஜய் ஆனந்தின் ரெகுலர் கஸ்டமர்களாக இருக்கிறார்கள்.

 

சாத்தான்குளம் லாக்கப் படுகொலை புகழ் இன்ஸ்பெக்டர் ஸ்ரீதர், இங்கு டியூட்டியில் இருந்தபோது விஜய் ஆனந்துக்கு தனி மரியாதையே இருந்தது. ஸ்ரீதருக்கு சல்லாபம் தேவைப்படும் போதெல்லாம், அவர்கேட்ட விதத்தில் கச்சிதமாக பெண்களை ஏற்பாடு செய்து தருவார் விஜய் ஆனந்த். அதேபோல், விஜய் ஆனந்தின் ரெகுலர் கஸ்டமரான எஸ்.பி. அலுவலகத்தில் இருக்கும் மாவட்ட குற்ற ஆவணக் காப்பகத்தின் டி.எஸ்.பி. மகேந்திரனுடன் அலுவலகத்திலேயே விஜய் ஆனந்த் பீர் குடித்த சம்பவம், அந்த அலுவலக அமைச்சு பணியாளர்கள் மூலமாக எஸ்.பி.க்கு போனதால், டிஎஸ்.பி. மதுரைக்கு மாற்றப்பட்டாரே தவிர, விஜய் ஆனந்த் மீது துரும்புகூட படவில்லை. எஸ்.பி. அலுவலகத்திற்கு விஜய் ஆனந்த் வந்தால், அதிகாரிகளுக்கு இணையாக சல்யூட் போடுமளவுக்கு, குமரி மாவட்ட காவல்துறை கேடுகெட்டுப் போயிருக்கு’’ என்று தலையில் அடித்துக் கொள்கிறார்கள், விஜய் ஆனந்த் பற்றிய தகவல்களை நம்மிடம் விளக்கிய காவல்துறையினர்.

 

விஜய் ஆனந்தைக் கைதுசெய்த தனிப்படை போலீசாரிடம் பேசினோம். "புது எஸ்.பி.க்கு வந்த தகவலின் அடிப்படையில், அவரது உத்தரவின் பேரில்தான் விஜய் ஆனந்தையும், அவரது கும்பலையும் பிடித்தோம். இந்த ஊரடங்கு நேரத்தில் இ-பாஸ் கூட இல்லாமல், வேறு மாவட்டங்களில் இருந்து இளம்பெண்களைக் கூட்டிவந்து தொழில் நடத்துமளவுக்கு, மாவட்ட எல்லையில் செக்போஸ்ட் போலீசாரும் உடந்தையாக இருந்துள்ளனர்'' என்றனர்.

 

ppttt


எஸ்.பி. பத்ரி நாராயணிடம் இதுபற்றி கேட்டபோது, "நான் புதிதாக வந்து சில நாட்கள்தான் ஆகிறது. யார்யார் எப்படிப்பட்டவர்கள் என்று தெரிந்து கொண்டிருக்கிறேன். விஜய் ஆனந்த் பற்றி விசாரிக்கிறேன்'' என்றார்.

 

கடந்த நான்கு ஆண்டுகளாக குமரி மாவட்ட காவல்துறை அதிகாரிகள் செய்கிற தவறையெல்லாம் கண்டிக்க வேண்டிய உச்ச அதிகாரி ஒருவர், அவர்களைத் தட்டிக் கொடுத்துக்கொண்டே இருந்தார். இதனால், அவர்களுக்கு என்ன தோன்றுகிறதோ, அதையே செய்வார்கள். இதுதான் குற்றங்கள் அதிகரிக்கவும் காரணம் என்கின்றனர் குமரி மாவட்ட காவல்துறையை நன்கு அறிந்தவர்கள்.

 

 

சார்ந்த செய்திகள்

 

Next Story

8 வயது சிறுமியை இழுத்துச் சென்று சிறுவர்கள் செய்த கொடூரம்!

Published on 12/07/2024 | Edited on 12/07/2024
 8-year-old girl incident at andhra pradesh

ஆந்திரப் பிரதேச மாநிலம், நந்தியால மாவட்டம் முச்சுமரி பகுதியைச் சேர்ந்தவர் 8 வயது சிறுமி. இவர் அங்குள்ள பள்ளியில் மூன்றாம் வகுப்பு படித்து வந்தார். இந்த நிலையில், காலையில் வெளியே விளையாட சென்ற சிறுமி வெகு நேரமாகியும் வீடு திரும்பவில்லை.

இதனால் சந்தேகமடைந்த சிறுமியின் பெற்றோர், சிறுமியை அக்கம்பக்கத்தில் தேடிப் பார்த்துள்ளனர். ஆனால், சிறுமி கிடைக்காததால், அவர்கள் முச்சுமரி காவல் நிலையத்தில் புகார் அளித்தனர். அந்தப் புகாரின் பேரில் போலீசார் வழக்குப்பதிவு செய்து காணாமல் போன சிறுமியைத் தேடி வந்தனர். எங்கு தேடியும் கிடைக்காததால், மோப்பநாய் உதவியோடு போலீசார் தேடி வந்தனர். அதில் மோப்பநாய் அப்பகுதியைச் சேர்ந்த மூன்று சிறுவர்களிடம் அழைத்துச் சென்றுள்ளது. 

அந்தச் சிறுவர்களிடம் போலீசார் விசாரணை நடத்தியதில் அதிர்ச்சிகரமான தகவல் வெளிவந்தது. அதில், சிறுவர்களில் 2 பேர் 6ஆம் வகுப்பும், ஒருவன் 7ஆம் வகுப்பும், காணாமல் போன சிறுமி படித்த பள்ளியில் தான் படித்துள்ளார்கள். பூங்காவில் விளையாடிக் கொண்டிருந்த சிறுமியை வலுக்கட்டாயமாக ஒதுக்குபுற இடத்திற்கு அழைத்துச் சென்று அந்தச் சிறுவர்கள் பாலியல் வன்கொடுமை செய்துள்ளனர். இது வெளியே தெரிந்தால் பிரச்சனையாகிவிடும் என்ற பயத்தில் சிறுமியை கொன்று அருகில் உள்ள கால்வாயில் உடலை வீசியுள்ளனர் என்பது தெரியவந்தது. 

அவர்கள் கொடுத்த வாக்குமூலத்தின் அடிப்படையில், சிறுமியைத் தேடும் பணியில் போலீசார் ஈடுபட்டு வருகின்றனர். 8 வயது சிறுமியை, சிறுவர்கள் மூவர் பாலியல் வன்கொடுமை செய்த சம்பவம் பெரும் பரபரப்பை ஏற்படுத்தியுள்ளது. 

Next Story

'சிறுவனுக்கு பாலியல் தொல்லை; முப்பதிற்கும் மேற்பட்டவர்கள் உயிரிழப்பு'-விசாரணையில் சிக்கிய மர்ம காப்பகம்

Published on 10/07/2024 | Edited on 10/07/2024
More than 30 people lost their lives' - Mysterious archive caught up in the investigation

மனநல காப்பகம் என்ற பெயரில் அனுமதி பெறாமல் நடந்து வந்த இடத்தில் நிகழ்ந்த தொடர் உயிரிழப்புகளும், சிறுவனின் பாலியல் புகாரும் அதிர்வை ஏற்படுத்தியுள்ளது.

நீலகிரி மாவட்டம் கூடலூர் அடுத்துள்ளது குந்தலாடி. இந்த கிராமத்தில் 'லவ் ஷேர்' அன்பை பகிர்வோம் என்ற பெயரில் மனநல காப்பகம் ஒன்று செயல்பட்டு வருகிறது. முறையான அனுமதி பெறாமல் செயல்பட்டு வந்த அந்த இடத்தை காப்பகம் என சொல்வதை விட அடைத்து வைக்கும் இடம் என்ற பெயரே பொருத்தமானதாக இருக்கும். அந்த அளவிற்கு காப்பகத்தில் நிகழ்ந்த காட்சிகள் அதிர்ச்சியை ஏற்படுத்தி இருக்கிறது.

மொத்தம் 23 பேர் அந்த காப்பகத்தில் அடைத்து வைக்கப்பட்ட நிலையில் சமீபத்தில் பலர் இறந்ததாகவும் வெறும் 13 பேர் மட்டுமே இருப்பதாகவும் கூறப்படுகிறது. சிறுவன், இளம்பெண், மனநலம் பாதிக்கப்பட்ட 13 பேர் என அந்த காப்பகத்தில் இருந்துள்ளனர். மாவட்ட ஆட்சியர் உத்தரவின் பேரில் கூடலூர் வருவாய் கோட்டாட்சியர் தலைமையிலான குழு காப்பகத்திற்கு சென்று அதிரடியாக ஆய்வில் ஈடுபட்டனர். அப்பொழுது காப்பகத்தின் அறையில் ஒரே ஒரு இரும்பு கட்டில் அதன் பக்கத்திலேயே திறந்த வெளியில் கழிப்பறை இருந்தது. சுகாதார வசதிகள், சரியான உணவு என எதுவும் இன்றி அங்கு இருந்தவர்கள் அடைத்து வைத்து கொடுமைக்கு உட்படுத்தப்பட்டது தெரியவந்தது.

More than 30 people lost their lives' - Mysterious archive caught up in the investigation

அகஸ்டின் என்பவர் இந்த காப்பகத்தை நடத்தி வரும் நிலையில் ஆதரவற்றவர்கள், முதியவர்களை அடைத்து வைத்து வணிக நோக்கத்திற்காக பயன்படுத்தி வந்ததாக புகார்கள் எழுந்தது. சோதனை செய்ய அதிகாரிகள் உள்ளே சென்ற பொழுது 16 வயதில் சிறுவன் ஒருவன் இருந்துள்ளான். சிறுவனிடம் அதிகாரிகள் கேட்ட பொழுது காப்பக உரிமையாளர் அகஸ்டின் தன்னிடம் பாலியல் ரீதியாக நடந்து கொண்டார் என சிறுவன் அழுது புலம்பி இருக்கிறான். காப்பகத்திற்கு அருகிலேயே வனப்பகுதி உள்ள நிலையில், காப்பகத்தில் உயிரிழந்த முப்பதுக்கும் மேற்பட்டோர் அந்த வனப்பகுதியில் புதைக்கப்பட்டுள்ளதாக தகவல்கள் வெளியாகி உள்ளது. அது தொடர்பாகவும் அதிகாரிகள் சோதனையில் ஈடுபட்டு வருகின்றனர்.

முழுமையான ஆய்வில் காப்பகத்தில் எந்தவித ஆவணமும் பராமரிக்கப்படவில்லை என்பது தெரிய வந்தது. கேரளாவிலும் ஒரு காப்பகம் ஒன்றை அகஸ்டின் நடத்தி வருவதாக கூறப்படும் நிலையில் அங்கும் விசாரணை தீவிரப்படுத்த அதிகாரிகள் முயன்று வருகின்றனர். உடனடியாக அங்கிருந்த அனைவரும் மீட்கப்பட்டு கோவையின் உள்ள காப்பகம் ஒன்றுக்கு அனுப்பி வைக்கப்பட்டனர்.

தொடர்ந்து சம்பந்தப்பட்ட காப்பகத்திற்கும் சீல் வைக்கப்பட்டது. அரசினுடைய முறையான அனுமதி பெறாமல் இத்தனை ஆண்டுகள் இப்படி ஒரு காப்பகம் செயல்பட்டு வந்தது எப்படி? இதற்கு உதவியவர்கள் யார்? இங்கே அனுமதிக்கப்பட்டது உயிரிழந்தவர்கள் எதனால் உயிரிழந்தனர்? அவர்களுடைய விவரங்கள் என்ன? காப்பகத்தில் வேறு ஏதேனும் சட்டவிரோத செயல்கள் நடைபெற்றதா?  என பல்வேறு கேள்விகள் எழ,  விசாரணையை தீவிரப்படுத்தியுள்ளனர் அதிகாரிகள்.