Skip to main content

அமெரிக்காவில் புரட்சிக் கவிஞருக்குப் பெருவிழா!

Published on 21/04/2021 | Edited on 22/04/2021

 

Festival in the United States for the Revolutionary Poet bharathidasan

 


அமெரிக்காவிலிருந்து இயங்கும் புரட்சிக்கவிஞர் பாரதிதாசன் தமிழ் மன்றம் மற்றும் அமெரிக்கத் தமிழ் ஊடகம் ஏற்பாட்டில் அமெரிக்காவில் புரட்சிக்கவிஞர் பாரதிதாசனின் சிறப்பை எடுத்துக்கூற வருகிறது 'புரட்சிக் கவிஞருக்கு பெருவிழா 2021'. புரட்சிக்கவிஞர், பாவேந்தர் என்று உலகத் தமிழர்களால் அழைக்கப்படும் பாரதிதாசனாரின் நினைவு நாளாம் 21 ஏப்ரல் 2021 முதல் அவரது பிறந்தநாளாம் 29 ஏப்ரல் 2021 வரை தொடர் நிகழ்ச்சிகளாக இப்பெருவிழா ஆரவாரமாகவும், கோலாகலமாகவும், கொண்டாட்டமாகவும் ஒருசேர அரங்கேறி பாரதிதாசனாரின் நேசர்களை மகிழ்ச்சிக் கடலில் ஆழ்த்தவுள்ளது.

 

பாரதிதாசனாரை சுட்டெரிக்கும் கதிரவனாகக் கண்டுள்ளோம். ஆனால் தன் பிள்ளைகள் மற்றும் பேரன்களோடு விளையாடி மகிழ்ந்த அன்பான குடும்பத் தலைவராக வாழ்ந்த பாங்கை "பேரனின் பார்வையில் பாரதிதாசன்" என்ற தலைப்பில் முதல்நாள் சிறப்புச் சொற்பொழிவாக கலைமாமணி திருமிகு. கோ. பாரதி (பாரதிதாசனாரின் பெயரன்) பேசவுள்ளார். 

 

அதனைத் தொடர்ந்து அடுத்தடுத்த நாட்களில் கருத்தரங்கம், தமிழிசையரங்கம், சிறார்களுக்கான கட்டுரைப் போட்டி, பெரியவர்களுக்கான பேச்சுப்போட்டி, கவியரங்கம், பட்டிமன்றம், மு.வ பிறந்தநாள் சிறப்பு நிகழ்வு, குடும்பவிளக்கு - முதியோர் காதல் பற்றிய சொற்பொழிவு மற்றும் புரட்சிக்கவிஞர் பிறந்தநாள் சிறப்புச் சொற்பொழிவு என்று அணியணியாக நிகழ்சிகள் தொடர்ந்து நடக்கவுள்ளது.

 

'புரட்சிக்கவிஞர் ஓரு பார்வை' என்ற தலைப்பில் உலகத் தமிழர்கள் அவரது எழுத்தின் கருத்துச்சிறப்பை பைந்தமிழ்ச்செல்வி திருமிகு. புதுகை  ச. பாரதி தலைமையில் பேசவுள்ளனர். பாரதிதாசன் எளிய மக்களை தன் கவியில் உள்ளடக்கிய பாங்கு, பாரதி வழியில் புதுக்கவி பாடிய பாங்கு, உலகத்தமிழர்கள் தெரிந்து கொள்ள வேண்டிய அவரது திருக்குறள் உரையின் சிறப்பு மற்றும் அவரது திரையிசைப் பாடல்கள் பற்றி பேச்சாளர்கள் பேசவுள்ளனர்.

 

பாரதிதாசனாரின் பாடல்களை தமிழிசையால் மகிழ்விக்கப் பல பாடகர்கள் அமெரிக்காவிலிருந்தும் இந்தியாவிலிருந்தும் பாடவிருக்கிறார்கள். கேட்போருக்கு தமிழ் உணர்வு மற்றும் புரட்சிக்கருத்துகள் தெவிட்டா தேனிசையாகப் பொழியும் என்பதில் எள்ளவும் ஐயமில்லை என்று ஒருங்கினைப்பாளர்கள் கூறுகிறார்கள்.

 

அமெரிக்கக் கவிஞர் வில்லியம் வேர்ட்ஸ்வொர்த்துக்கு இணையாக தமிழில் இயற்கையைப் பாடியவர் நம் பாவேந்தர். அவரது இயற்கை பற்றிய படைப்பகளின் சிறப்பை எடுத்துரைக்க வாழும் மகாகவி ஈரோடு தமிழன்பன் அவர்களின் தலைமையில் "அழகின் சிறப்பு" என்ற தலைப்பில் சிறப்புக் கவியரங்கம் நடக்கவுள்ளது. அதில் தமிழ், கடல், வானம், குன்றம், தென்றல் என்ற உட்தலைப்புகளில் பல அறிஞர் பெருமக்கள் தங்கள் கவித்திறனால் புரட்சிக்கவிஞர் படைப்பின் புகழ் பாடவுள்ளனர்.

 

"கண்ணின் கடைப்பார்வை காதலியர் காட்டிவிட்டால் மண்ணில் குமரர்க்கு மாமலையும் ஓர் கடுகாம்" என்று காதல் சொற்களை வடித்தவர் பாவேந்தர். மற்றொரு பக்கம் "கொலை வாளினை எடடா மிகு கொடியோர் செயல் அறவே குகைவாழ் ஒரு புலியே உயர் குணமேவிய தமிழா!" என்று தமிழருக்கு உணர்ச்சியூட்டி வீரத்தை விதைத்த புரட்சிக்கவிஞரும் அவரே. இதில் எக்கருத்து விஞ்சி நிற்கிறது. அதனை நயத்துடுனும், நகைச்சுகையுடனும் எடுத்துரைக்கும் "பாரதிதாசன் படைப்புகளில் விஞ்சி நிற்பது காதலா? வீரமா?" என்ற சிறப்புப் பட்டிமன்றம் இலக்கியச் சிம்மம் திருமிகு. கங்கை மணிவண்ணன் அவர்களது தலைமையில் நடக்கவுள்ளது.

 

Festival in the United States for the Revolutionary Poet bharathidasan

 

8 அகவை முதல் 15 அகவை வரை சிறார்கள் பங்கு கொள்ளும் "பாவேந்தரின் பார்வையில் இயற்கை" என்ற பேச்சுப்போட்டி நடக்கவுள்ளது. மேலும் 16 அகவைக்கு மேல் உள்ள பெரியவர்கள் பங்கு கொள்ளும் "புரட்சிக்கவிஞரின் மொழி வளர்ச்சி சிந்தனைகளின் இன்றைய தேவை" என்ற கட்டுரைப் போட்டியும் அறிவிக்கப்பட்டுள்ளது. வெற்றி பெறுவோருக்கு பரிசுத்தொகை வழங்கப்படும்.

 

புரட்சிக் கவிஞரின் இளையோர் காதல் பாடல்கள் மட்டுமா சிறப்பு, இல்லை.. இல்லை அவரது முதியோர் காதல் கவிகள் இன்னும் சிறப்பு என்று எடுத்துரைக்க "குடும்பவிளக்கு - முதியோர் காதல்" என்ற தலைப்பில் பேசவுள்ளார் எழு்ச்சிப் பேச்சாளர் திருமிகு. துரை. எழில்விழியன்.

 

பாரதிதாசன் கை வரையா கவிகள் உள்ளனவோ? அவை கூறா கருத்துகள் உள்ளனவோ? அனைத்தும் உண்டு! அனைத்துத் தேனிலும் ஒரு துளி எடுத்து கேட்போரை செவிச்சுவைக்க வைக்க ஒரு கருத்தரங்கம் "பாரதிதாசன் படைப்புகள்" என்ற தலைப்பில் பேராசிரியர் முனைவர். கண்ணபிரான் இரவிசங்கர் தலைமையில் நடக்கவுள்ளது.

 

புரட்சிக்கவிஞரின் பிறந்தநாள் நிகழ்வாக "பாரதிதாசன்-மெய்யெழுத்து" என்ற தலைப்பில் கவிஞர் திருமிகு. அறிவுமதி உரையாற்றவுள்ளார்.

 

புரட்சிக்கவிஞரைப் போற்றும் அதே நேரத்தில், தமிழுக்குப் பெரும் பங்காற்றிய மு.வ எனச் சுருக்கமாக அழைக்கப்படும் தமிழ்ப் பேராசிரியர் மற்றும் எழுத்தாளர் மு. வரதராசன் அவர்களையும் போற்றிட அவர்களது பிறந்தநாள் நிகச்சி நடக்கவுள்ளது. நிகழ்ச்சியில் சிறப்பு விருந்தனராகப் பச்சையப்பன் கல்லூரி மேனாள் முதல்வர் திருமிகு. ப. இரா. அரங்கசாமி அவர்கள் சொற்பொழிவாற்றவுள்ளார்.

 

இப்பேரிடர் காலத்தில் அனைத்து நிகழ்வுகள் இணையவழி சூம் மூலமாக நடக்கவுள்ளது. சூம் எண்ணிற்கு (Zoom Meeting ID) இணைக்கப்பட்ட துண்டறிக்கையைப் பார்க்கவும். அனுமதி இலவசம். இவ்விழா சிறப்பாக நடைபெற உலகத்தமிழர்கள் அனைவரின் ஒத்துழைப்பும் அவசியம் என்று விழா ஒருங்கினைப்பாளர்கள் கூறினர்.

 

-பிரசாத் பாண்டியன்

 

 

 

Next Story

“என்னை அதிபராக தேர்ந்தெடுக்காவிட்டால்...” - எச்சரிக்கும் டொனால்ட் டிரம்ப்

Published on 19/03/2024 | Edited on 19/03/2024
warns Donald Trump If I'm not elected president

குடியரசு கட்சியைச் சேர்ந்த டொனால்ட்  ட்ரம்ப், அமெரிக்க அதிபராக கடந்த 2016 ஆம் ஆண்டு வெற்றி பெற்றார். அதனைத் தொடர்ந்து நடந்த 2020 ஆம் ஆண்டு அதிபர் தேர்தலில் ஜனநாயகக் கட்சியைச் சேர்ந்த ஜோ பைடனை எதிர்த்துப் போட்டியிட்டார். அந்த தேர்தலில் ஜோ பைடன் வெற்றி பெற்று அமெரிக்க அதிபராகப் பொறுப்பேற்றார். நான்கு ஆண்டுகள் கொண்ட அமெரிக்க அதிபரின் பதவிக்காலம் இந்த ஆண்டுடன் முடிவடைகிறது. 

இந்தாண்டு நவம்பர் மாதத்தில் அமெரிக்க அதிபர் தேர்தல் நடைபெற உள்ள நிலையில், இந்தத் தேர்தலில் ஜனநாயகக் கட்சியைச் சேர்ந்த தற்போதைய அதிபர் ஜோ பைடன் மீண்டும் போட்டியிட உள்ளார். அவரை எதிர்த்து குடியரசுக் கட்சியைச் சேர்ந்தவரும், முன்னாள் அதிபருமான டொனால்ட் டிரம்ப் போட்டியிடுவார் எனக் கடந்த சில தினங்களுக்கு முன் கூறப்பட்டு வந்தது. இதற்கான ஆதரவுகளையும் டிரம்ப் தீவிரமாகத் திரட்டி வருகிறார்.

இதற்கிடையே, குடியரசு கட்சி சார்பில் வேட்பாளராக நிற்கப்போவது யார் என்பதற்கான தேர்தல், அந்த கட்சி சார்பில் நடத்தப்பட்டது. அதில், ஒவ்வொரு மாகாணத்திலும் தேர்தல் நடத்தப்பட்டு அதில் அதிக வாக்கு செல்வாக்கு பெரும் நபர் தான், அதிபர் தேர்தலில் குடியரசு கட்சியின் அதிகாரப்பூர்வ வேட்பாளராக அறிவிக்கப்படுவார் என்று கூறப்பட்டது. அந்த வகையில், முன்னாள் அதிபர் டொனால்ட் டிரம்ப்பை எதிர்த்து, அந்த கட்சியைச் சேர்ந்தவரான நிக்கி ஹாலே போட்டியிட்டார். இவர்கள் இருவருக்கும் கடும் போட்டி நிலவி வந்தது. 

இதனையடுத்து, கடந்த 3 ஆம் தேதியும் 5 ஆம் தேதியும் வேட்பாளர் தேர்தல் நடைபெற்றது. ஆனால், தேர்தல் முடிவுகள் வருவதற்கு முன்பாகவே, நிக்கி ஹாலே போட்டியில் இருந்து விலகினார். இதன் மூலம் குடியரசு கட்சி சார்பில் அதிபர் வேட்பாளராக டொனால்ட் டிரம்ப் நியமிக்கப்பட்டார். அதேபோல், ஜனநாயகக் கட்சி சார்பில் ஜோ பைடன் அதிபர் வேட்பாளராக நியமிக்கப்பட்டுள்ளார். இருவரும் தங்களது தேர்தல் பிரச்சாரத்தை தீவிரமாக நடத்தி வருகின்றனர்.

அந்த வகையில், அமெரிக்காவின் ஓஹியோவில் நடைபெற்ற பிரச்சாரக் கூட்டத்தில் கலந்துகொண்டு பேசிய டொனால்ட் டிரம்ப், “என்னை அதிபராக தேர்வு செய்யாவிட்டால் அமெரிக்கா மிகவும் மோசமான நிலைக்கு தள்ளப்படும். மெக்சிகோவில் கார்களை உருவாக்கி அமெரிக்கர்களுக்கு விற்கும் சீன திட்டங்கள் நிறைவேற்றப்பட்டிருக்கிறது. நான் அதிபரானால், கார்களை அமெரிக்காவில் விற்க முடியாது. இந்த முறை நான் அதிபராக தேர்ந்தெடுக்காவிட்டால், ஜோ பைடனால் நாட்டில் வன்முறை வெடிக்கும். இதனால், மக்கள் என்னை ஆதரிக்க வேண்டும்” என்று கூறினார். 

Next Story

‘புரிதல் இல்லாதவர்கள் பேசாமல் இருப்பது நல்லது’ - அமெரிக்காவுக்கு இந்தியா பதிலடி

Published on 15/03/2024 | Edited on 15/03/2024
India's response to America for CAA

பா.ஜ.க. தலைமையிலான மத்திய அரசால் கடந்த 2019 ஆம் ஆண்டு குடியுரிமை திருத்தச் சட்டம் (C.A.A.) கொண்டுவரப்பட்டது. அதில் கடந்த 2014 ஆம் ஆண்டு டிசம்பர் 31 ஆம் தேதிக்கு முன்னர் இந்தியா வந்தடைந்த வங்கதேசம், பாகிஸ்தான், ஆப்கானிஸ்தான் ஆகிய நாடுகளைச் சேர்ந்த இஸ்லாமியர் அல்லாதோருக்கு இந்தியக் குடியுரிமை வழங்கும் வகையில் மத்திய அரசு புதிய சட்டத் திருத்தத்தைக் கொண்டு வந்தது. இந்தக் குடியுரிமை திருத்தச் சட்டத்திற்கு எதிராக நாடு முழுவதும் கடுமையான எதிர்ப்பு கிளம்பியது. பெரிய அளவில் போராட்டங்களும் நடைபெற்றன.

அதாவது இந்த சட்டத்தில் வெளிநாடுகளில் இருந்து இந்தியாவில் குடியேறிய இந்துக்கள், சீக்கியர்கள் மற்றும் கிறிஸ்தவர்களுக்கு இந்திய குடியுரிமை வழங்க சி.ஏ.ஏ. வகை செய்கிறது. அதே சமயம் வெளிநாடுகளில் இருந்து இந்தியாவில் குடியேறும் இஸ்லாமிய மக்களுக்கு குடியுரிமை வழங்க வழிவகை செய்யப்படவில்லை. மேலும் தமிழகத்தில் உள்ள இலங்கைத் தமிழர்களுக்கு இந்திய குடியுரிமை வழங்கவும் சிஏஏ சட்டத்தில் வழிவகை செய்யப்படாததும் குறிப்பிடத்தக்கது. இதற்கிடையே கடந்த 2019 ஆம் ஆண்டு டிசம்பர் மாதம் நாடாளுமன்றத்தில் இச்சட்டம் நிறைவேற்றப்பட்டது. அதனைத் தொடர்ந்து குடியரசுத் தலைவர் இந்த சட்டத்திற்கு ஒப்புதல் வழங்கி இருந்தார். இந்நிலையில், குடியுரிமை திருத்தச் சட்டம் நேற்று முன்தினம் முதல் (11.03.2024) அமலுக்கு வந்ததாக மத்திய அரசு அறிவித்துள்ளது. இதற்கான அறிவிக்கையை மத்திய அரசு வெளியிட்டது. 

மத்திய அரசு கொண்டு வந்திருக்கும் குடியுரிமை திருத்தச் சட்டத்திற்கு, பல்வேறு எதிர்க்கட்சிகள், தங்களது எதிர்ப்பை தெரிவித்து வருகின்றன. அந்த வகையில், கேரளா மாநில முதல்வர் பினராயி விஜயனும், தமிழக முதல்வர் மு.க.ஸ்டாலினும் தங்கள் மாநிலத்தில் சி.ஏ.ஏ சட்டம் அமல்படுத்தப்பட மாட்டாது என்று கூறி மத்திய அரசுக்கு கண்டனம் தெரிவித்தனர். இதற்கிடையில், சி.ஏ.ஏ சட்டத்தை ரத்து செய்வதில் சாத்தியம் இல்லை எனவும், அந்த சட்டத்தை நிறுத்தும் அதிகாரம் மாநில அரசுகளுக்கு இல்லை என மத்திய உள்துறை அமைச்சர் அமித்ஷா திட்டவட்டமாக கூறியிருந்தார். 
 

India's response to America for CAA

இதனைத் தொடர்ந்து, மத்திய அரசு கொண்டு வந்திருக்கும் சி.ஏ.ஏ சட்டத்திற்கு கவலை தெரிவிப்பதாக அமெரிக்கா கூறியது. இது குறித்து அமெரிக்காவின் வெளியுறவுத்துறை செய்தி தொடர்பாளர் மேத்யூ மில்லர் கூறுகையில், “குடியுரிமை திருத்தச் சட்டத்தின் அறிவிப்பு குறித்து விவரங்களை கடந்த 11 ஆம்  தேதி இந்தியா வெளியிட்டுள்ளது. இந்த அறிவிப்பு எங்களுக்கு கவலையளிக்கிறது. இந்த சட்டம் எவ்வாறு செயல்படுத்தப்படும் என்பதை நாங்கள் உன்னிப்பாகக் கண்காணித்து வருகிறோம். மத சுதந்திரத்திற்கான மரியாதை அளித்தல் மற்றும் அனைத்து சமூகங்களையும் சட்டத்தின் கீழ் சமமாக நடத்தப்படுவது தான் அடிப்படை ஜனநாயகக் கோட்பாடுகள்” என்று தெரிவித்தார்.

இந்த நிலையில், இந்த விமர்சனத்துக்கு இந்திய வெளியுறவுத்துறை அமைச்சகம் பதில் அளித்துள்ளது. இது குறித்து வெளியுறவுத்துறை செய்தி தொடர்பாளர் ரந்தீர் ஜெய்ஸ்வால், “குடியுரிமை திருத்தச் சட்டம் என்பது இந்தியாவின் உள்விவகாரம். சி.ஏ.ஏ என்பது குடியுரிமை வழங்குவது; குடியுரிமையைப் பறிப்பது அல்ல. எனவே இது அடிக்கோடிட்டுக் காட்டப்பட வேண்டும். இந்த சட்டம் நாடற்ற தன்மையின் பிரச்சினையைக் குறிக்கிறது. மனித கண்ணியத்தை வழங்குகிறது மற்றும் மனித உரிமைகளை ஆதரிக்கிறது. சி.ஏ.ஏ சட்டம் குறித்த அமெரிக்க வெளியுறவுத்துறையின் கருத்துக்கள் தவறானவை மற்றும் தேவையற்றவை என்று நாங்கள் கருதுகிறோம். டிசம்பர் 31, 2014 அன்று அல்லது அதற்கு முன் இந்தியாவுக்குள் நுழைந்த ஆப்கானிஸ்தான், பாகிஸ்தான் மற்றும் வங்காளதேசத்தைச் சேர்ந்த இந்து, சீக்கிய, புத்த, பார்சி மற்றும் கிறிஸ்தவ சமூகங்களைச் சேர்ந்த துன்புறுத்தப்பட்ட சிறுபான்மையினருக்கு இந்த சட்டம் பாதுகாப்பான புகலிடத்தை வழங்குகிறது.

India's response to America for CAA

துன்பத்தில் இருப்பவர்களுக்கு உதவும் ஒரு பாராட்டத்தக்க முயற்சியை வாக்கு வங்கி அரசியல் நோக்கில் மட்டும் பார்க்கக் கூடாது. இந்தியாவின் பன்மைத்துவ மரபுகள் மற்றும் பிராந்தியத்தின் பிரிவினைக்குப் பிந்தைய வரலாறு ஆகியவை குறித்து சரியான புரிதல் இல்லாதவர்கள் பேசாமல் இருப்பது நல்லது. இந்தியாவின் நலம் விரும்பிகள் இந்த நடவடிக்கை எடுக்கப்பட்ட நோக்கத்தை வரவேற்க வேண்டும்” என்று தெரிவித்தார்.