Skip to main content

நமது ரகசியங்களை  திமுகவிடம் சொல்ல மாட்டார்  என்பதற்கு என்ன கேரண்டி?’’-எடப்பாடியிடம் மோதும் அமைச்சர்கள்...

Published on 21/05/2020 | Edited on 21/05/2020

 

dmk party and admk party ministers i pac team


கரோனா நெருக்கடியை கடந்து அரசியலில் ஜெயிக்கப் போவது யார்? மருமகனா? மகனா? மகளா? என தமிழக அரசியலில் சத்தமில்லாமல் நடக்கும் போட்டியை மூன்று வாரங்களுக்கு முன்பு விரிவாக நமது இணையத்தளத்தில் பதிவு செய்திருந்தோம். அதில், முதல்வர் எடப்பாடியின் மகன் மிதுன் தலைமையில் அதிமுகவின் தேர்தல் வியூகம் வகுப்பாளராக செயல்பட திமுகவின் முன்னால் ஆலோசகர் சுனில் காய்களை நகர்த்தி வருகிறார் என சுட்டிக்காட்டியிருந்தோம். அந்த வகையில், அதிமுகவின் தேர்தல் வியூக வல்லுநராக சுனில் நியமிக்கப்படும் ஒப்பந்தம் தற்போது சத்தமில்லாமல் அரங்கேறியிருக்கிறது என்கிறார்கள் அதிமுகவினர்.   


திமுகவுடன் பி.கே. அக்ரிமெண்ட் போடுவதற்கு முன்பு, அதிமுகவிடம் அக்ரிமெண்ட் போடுவதற்கே அவர் முயற்சித்தார். ஆனால், தமிழகத்தில் அவருடைய முதல் முயற்சியே தோல்வியடைந்தது. அதாவது, தேர்தல் வெற்றிக்காக அதிமுகவுக்கு தேர்தல் வியூக வல்லுநர் குழுவை உருவாக்கலாமா? என கட்சின் மூத்த தலைவர்களிடம், கடந்த வருடம் இபிஎஸ்சும் ஓபிஎஸ்சும் ஆலோசனை நடத்தியபோது, ‘’ அத்தகைய கம்பெனிகள் எதுவும் நமக்கு தேவையில்லை. வடநாட்டு கார்பரேட் அரசியல் தமிழகத்தில் எடுபடாது என அதிமுக சீனியர்கள் வலியுறுத்தியதால்தான் பி.கே.வின் முயற்சி அதிமுகவில் பலிக்கவில்லை.

அதன்பிறகே திமுகவை கையிலெடுத்தார். திமுகவும் பி.கே.வை வளைத்துக்கொண்டது. அதனால், திமுகவிலிருந்து வெளியேற்றப்பட்டார் சுனில். அதிமுகவுக்கு பணி செய்ய முயற்சித்த போதும் சுனிலுக்கு அதிமுகவில் பெர்த் கிடைக்கவில்லை. இருப்பினும் தனது முயற்சியை சுனில் கைவிடவில்லை. இந்த சூழலில், எடப்பாடியின் மகன் மிதுனின் நட்பை வளர்த்துக்கொண்ட சுனில், கடந்த 6 மாதங்களாக அதனை கெட்டியாக பிடித்துக் கொண்டதுடன் மிதுனின் மூலமாக எடப்பாடியின் மனதை கரைக்கும் வேலையில் இறங்கினார்.   

முதல் கட்டமாக, சோசியல் மீடியாக்களில் எடப்பாடியின் இமேஜை உயர்த்திக் காட்டும் நடவடிக்கையில் இறங்கினார் சுனில். மிதுனும் சுனிலும் இணைந்து நடத்திய அந்த முயற்சி, எடப்பாடியை மிகவும் கவர்ந்தது. இந்த நிலையில்தான், மூத்த அமைச்சர்களின் எதிர்ப்புகளுக்கு மத்தியில் அதிமுகவிற்கான அரசியல் வியூக வகுப்பாளர் என்கிற ஒப்பந்தத்தை சுனிலுடன் போட்டுக் கொண்டிருக்கிறார் எடப்பாடி. திமுகவின் வெற்றிக்காக இயங்கும் ஐ-பேக் நிறுவனம் பி.கே. தலைமையில் இயங்கினாலும் பி.கே.வுக்கு பாஸ் சபரீசன்தான். அதேபோல, அதிமுகவின் தேர்தல் வியூக வகுப்பாளராக சுனில் நியமிக்கப்பட்டிருந்தாலும், இவருக்கு பாஸ் மிதுன்தான். அதாவது, எடப்பாடியின் மகன் மிதுன் தலைமையிலேயே சுனில் இயங்குவார். 

 

 


இந்த ஒப்பந்தம் தொடர்பாக, அதிமுகவின் மூத்த அமைச்சர்களுக்கும் எடப்பாடிக்கும் இடையே  மோதல் வெடித்திருக்கிறது. இது குறித்து நம்மிடம் பேசிய அதிமுக சீனியர்கள்,‘’திமுகவின் அரசியல் ஆலோசகராக வேலைப்பார்த்த சுனில் ஒரு ராசி இல்லாதவர். திமுகவை ஆட்சியில் அமர்த்த அவர் போட்ட எந்த திட்டமும் வொர்க் அவுட் ஆகவில்லை. அதனால்தான் அவரை திமுக வெளியேற்றியது. அவரே வெளியேறுவதற்கான சூழலையும் உருவாக்கியது. அப்படிப்பட்டவரை, அதிமுகவுக்கு கொண்டு வர வேண்டுமா? திமுகவின் ரகசியங்களை தெரிந்தவர் என்பதற்காக அவரை பயன்படுத்த நீங்கள் நினைத்தால் , நாளைக்கு நமது ரகசியங்களை திமுகவுக்கு சொல்ல மாட்டார் என்பதற்கு என்ன உத்தரவாதம்? அதனால், சுனில் நமக்கு வேண்டாம். தேர்தல் ஆலோசகர் என்கிற கம்பெனியே நமக்குத் தேவையில்லை என எடப்பாடிக்கு எதிராக மல்லுக்கட்டியிருக்கிறார்கள். 

இதற்கு எடப்பாடி சில விளக்கங்களை தர, அதனை மூத்த அமைச்சர்கள் ஏற்க மறுத்திருக்கிறார்கள். இதனால் இரு தரப்பிலும் தற்போது மன கசப்பு அதிகரித்துள்ளது’’ என்கிறார்கள் அதிமுகவின் சீனியர்கள்.
 

 

சார்ந்த செய்திகள்

 

Next Story

'சட்டமன்றத் தேர்தலுக்கு முன்பே அதிமுக இணையும்'-ஓபிஎஸ் நம்பிக்கை

Published on 18/07/2024 | Edited on 18/07/2024
'AIADMK will merge before assembly elections' - OPS hopes

அதிமுகவில் எடப்பாடி பழனிசாமி, ஓபிஎஸ், டி.டி.வி.தினகரன், சசிகலா எனப் பல தரப்புகளும் பிரிந்து கிடக்கும் நிலையில் அதிமுகவை ஒருங்கிணைக்க வேண்டும் என ஓபிஎஸ் தரப்பும், அதேபோல் சசிகலா தரப்பும் தொடர்ந்து குரல் எழுப்பி வருகிறது.

அதிமுகவை ஒன்றிணைக்கும் முயற்சியாக இரண்டாவது முறையாக 'அம்மா வழியில் மக்கள் பயணம்' என்ற பெயரில் மீண்டும் சுற்றுப் பயணத்தை நேற்று சசிகலா தொடங்கியுள்ளார். தென்காசி அடுத்த காசிமேசபுரத்தில் இருந்து சசிகலா தனது சுற்றுப்பயணத்தைத் தொடங்கி பொதுமக்களிடம் திறந்த வெளி வாகனத்தில் பேசி இருந்தார்.

'AIADMK will merge before assembly elections' - OPS hopes

சசிகலாவின் சுற்றுப்பயணத்தை முன்னாள் அதிமுக அமைச்சர் ஆர்.பி.உதயகுமார் விமர்சித்துள்ளார். மதுரையில் செய்தியாளர்களைச் சந்தித்த அவர் பேசுகையில், 'கறந்த பால் மடி புகாது; மீன் கருவாடு ஆகலாம். ஆனால் கருவாடு மீன் ஆகாது. இப்போது இருக்கின்ற நிலைமை 'கறந்த பால் மடி புகாது; கருவாடு மீன் ஆகாது என்ற நிலைமை தான் உள்ளது. இந்த மாதம் அனைத்திந்திய அதிமுகவின் தொண்டர்கள் மிகவும் கவனமாகவும், விழிப்புணர்வுடன் எச்சரிக்கையோடும் இருக்க வேண்டிய தருணம் இது'' என தெரிவித்திருந்தார்.

nn

இந்நிலையில் 2026 சட்டமன்ற தேர்தலுக்கு முன்பாகவே அதிமுக கட்சி இணைவது உறுதி ஆகிவிடும் என முன்னாள் முதல்வர் ஓபிஎஸ் தெரிவித்துள்ளார். மதுரையில் செய்தியாளர்களைச் சந்தித்த அவர், ''கட்சியை இணைப்பதற்கான அடிப்படை வேலைகள் நடந்து கொண்டிருக்கிறது. விரைவில் அதிமுக ஒன்றிணையும் 2026 சட்டமன்ற தேர்தலுக்கு முன்பாகவே அதிமுக ஒன்றிணைந்து விடும்'' என தெரிவித்துள்ளார்.

Next Story

திமுக கவுன்சிலர் வீட்டிற்குள் நுழைந்த மர்ம நபர்; இரவில் நடந்த பயங்கரம்

Published on 18/07/2024 | Edited on 18/07/2024
 youth who tried to steal from the DMK councilor house was arrested and handed over police

ஈரோடு பெரியசேமூர், ஈ.பி.பி நகர், பி.பி.கார்டனை சேர்ந்தவர் ஜெகதீசன் (50). ஈரோடு மாநகராட்சி 12-வது வார்டு தி.மு.க கவுன்சிலராக உள்ளார். நேற்று இரவு ஈரோடு மாணிக்கம் பாளையம் சாலை, பாலாஜி பேக்கரி பின்புறம் வசிக்கும் மூத்த மகள் கனிமொழியை அவரது வீட்டில் பார்த்துவிட்டு மீண்டும் தனது வீட்டுக்கு வந்து கொண்டிருந்தார். அப்போது வீட்டின் முதல் மாடியில் ஆள் நடமாட்டம் இருப்பது தெரிய வந்தது.

வீட்டில் மர்ம நபர்கள் நடமாட்டம் இருப்பதை தெரிந்து கொண்ட ஜெகதீசன் இது குறித்து அக்கம் பக்கத்தில் இருப்பவரிடம் தகவல் தெரிவித்தார். அந்தப் பகுதி மக்கள் ஒன்று கூடி அவரது வீட்டுக்கு வந்தனர். அப்போது ஜெகதீசன் வீட்டிலிருந்து ஒரு வாலிபர் தப்பியோட முயன்றார். பொதுமக்கள் அந்த வாலிபரை மடக்கிப் பிடித்து தர்ம அடி கொடுத்தனர்.

பின்னர் அந்த நபரை ஈரோடு வீரப்பன் சத்திரம் போலீஸ் நிலையத்தில் ஒப்படைத்தனர். போலீசார் அவரிடம் நடத்திய விசாரணையில் அந்த நபர் செங்கல்பட்டு மாவட்டம் குன்னவாக்கம், அம்பேத்கர் முதல் தெருவை சேர்ந்த குமார் (33) எனத் தெரிய வந்தது. இதுகுறித்து வீரப்பன்சத்திரம் போலீசார் வழக்குப் பதிவு செய்து குமாரிடம் தொடர்ந்து விசாரணை நடத்தி வருகின்றனர்.