Skip to main content

இடைத்தேர்தல் ஆட்சிக்கு ஆபத்தா? காய் நகர்த்தும் எடப்பாடி!

Published on 15/03/2019 | Edited on 15/03/2019

ம்..பி. தேர்தலை விட எம்.எல்.ஏ. தொகுதிக்கான இடைத்தேர்தல் மீதுதான் அதிக கவனம் செலுத்துகிறார் எடப்பாடி. சட்டமன்றத்தில் பெரும்பான்மை பலமின்றி மைனாரிட்டி அரசை நடத்தி வரும் எடப்பாடிக்கு இடைத்தேர்தலில் ஏற்படும் வெற்றி - தோல்விகள் எந்த வகையில் சாதக பாதகங்களை ஏற்படுத்தும் என்பது குறித்து சட்டமன்றத்தில் அவருக்கிருக்கும் வலிமையின் அடிப்படையில் ஆராய முடியும்.

eps-ttv


தமிழக சட்டமன்றத்தின் மொத்த இடங்கள் 234. இதில் பெரும்பான்மையை நிரூபிக்க 118 இடங்கள் தேவை. சட்டமன்றத்தில் தற்போது அ.தி.மு.க. - 114, தி.மு.க. - 88, காங்கிரஸ் - 8, இந்திய யூனியன் முஸ்லிம் லீக் - 1, சபாநாயகர் - 1, சுயேட்சை (தினகரன்) - 1 என 213 எம்.எல்.ஏ.க்கள் இருக்கின்றனர். எம்.எல்.ஏ.க்கள் தகுதி நீக்கம் மற்றும் எம்.எல்.ஏ.க்கள் மறைவு என 21 இடங்கள் காலியாக இருக்கின்றன.

இந்த நிலையில், காலியாக உள்ள 21 தொகுதிகளில் 18 தொகுதிகளுக்கு மட்டும் இடைத்தேர்தலை அறிவித்துள்ளது தேர்தல் ஆணையம். தேர்தல் வெற்றியை எதிர்த்து வழக்குகள் போடப்பட்டிருப்பதால் அரவக்குறிச்சி, திருப்பரங்குன்றம், ஒட்டப்பிடாரம் ஆகிய 3 தொகுதி களுக்கு இடைத்தேர்தல் இல்லை என தெரிவிக்கிறார் தமிழக தலைமைத் தேர்தல் அதிகாரி சத்யப்பிரதா சாகு. ஆனால், வழக்குகள் இருந்தாலும் தேர்தலை நடத்த தடை எதுவும் நீதிமன்றத்தால் பிறப்பிக்கப்படவில்லை என சொல்லி, குறிப்பிட்ட 3 தொகுதிகளுக்கும் தேர்தலை நடத்த வலியுறுத்தி சத்யப்பிரதா சாகுவிடம் புகார் மனு கொடுத்துள்ளது தி.மு.க. இதில் உரிய நடவடிக்கையை தேர்தல் ஆணையம் எடுக்காதபட்சத்தில் நீதிமன்றத்தை அணுகவும் தி.மு.க. முடிவு செய்துள்ளது.

eps-ttvதேர்தல் ஆணையத்தின் முடிவுபடி 18 தொகுதிகளுக்கு மட்டுமே இடைத்தேர்தல் நடப்பதாக வைத்துக்கொண்டால், தேர்தல் முடிவுகளுக்குப் பிறகு சட்டமன்றத்தில் பலம் 231 ஆக இருக்கும். அப்போது பெரும்பான்மையை நிரூபிக்க 117 எம்.எல்.ஏ.க்கள் எடப்பாடிக்குத் தேவை. தற்போது அவரிடம் இருப்பது 114 எம்.எல்.ஏ.க்கள்தான்.

இந்த 114 எம்.எல்.ஏ.க்களில் இரட்டை இலை சின்னத்தில் போட்டியிட்டு வெற்றிபெற்றிருக்கும் தோழமை கட்சி எம்.எல்.ஏ.க்களான தனியரசு, கருணாஸ், தமிமுன் அன்சாரி ஆகிய மூவரும், சட்டமன்றத்தில் நம்பிக்கை வாக்கெடுப்பினை எடப்பாடி அரசு கோரினாலோ அல்லது எடப்பாடிக்கு எதிராக நம்பிக்கையில்லா தீர்மானத்தை தி.மு.க. கொண்டு வந்தாலோ குறிப்பிட்ட அந்த மூவரும் எடப்பாடியை ஆதரித்துத்தான் ஆக வேண்டும். ஆனால், தங்களின் பதவி பறிபோனாலும் பரவாயில்லை என்று நினைத்தால் எடப்பாடிக்கு எதிராக வாக்களிக்கவும் முடியும்.

அ.தி.மு.க.வில் இருக்கும் மற்ற எம்.எல்.ஏ.க்களில் தினகரன் ஆதரவு பெற்ற 3 எம்.எல்.ஏ.க்கள் இருக்கின்றனர். தினகரனின் அறிவுறுத்தலின்படி, பதவி பறிபோனாலும் பரவாயில்லை என எடப்பாடியை எதிர்த்து வாக்களிக்க முடியும். ஏற்கனவே பற்றாக்குறையாக இருக்கும் 3 எம்.எல்.ஏ.க்களோடு இந்த 6 எம்.எல்.ஏ.க்களையும் சேர்த்தால் 9 எம்.எல்.ஏ.க்கள் புதிதாக எடப்பாடிக்கு தேவை. இடைத்தேர்தலில் 9 இடங்களை கைப்பற்றினால் எடப்பாடி ஆட்சிக்கு சிக்கல் இல்லை. அதேசமயம், பதவி பறிப்புக்குப் பயந்து இந்த 6 எம்.எல்.ஏ.க்களும் எடப்பாடியை ஆதரிப்பதாக இருந்தால் 3 இடங்களை மட்டும் கைப்பற்றினாலே போதும். ஆட்சிக்கு ஆபத்தில்லை!

இது ஒருபுறமிருக்க, இடைத்தேர்தலில் தி.மு.க. வெற்றி பெற்றால் ஆட்சி அமைக்க முடியுமா என்கிற கேள்வியும் எழுப்பப்படுகிறது. தற்போது தி.மு.க. கூட்டணியில் 97 எம்.எல். ஏ.க்கள் இருக்கிறார்கள் (தி.மு.க. - 88 + காங்கிரஸ் - 8 + லீக் - 1). பெரும்பான்மைக்கு தேவையான 117 இடங்களில் 97 எம்.எல். ஏ.க்களை மட்டுமே தி.மு.க. வைத்திருப்ப தால் மேலும் 20 இடங்கள் தேவைப் படுகிறது. ஆனால், 18 தொகுதிகளுக்கு மட்டுமே இடைத்தேர்தல் நடக்கும் என அறிவிக்கப்பட்டிருப்பதால் 18 தொகுதிகளையும் தி.மு.க. கைப் பற்றுவதாக வைத்துக்கொண் டால் தி.மு.க. கூட்டணி 115 எம்.எல்.ஏ.க் களுடன் வலி மையாக இருக்கும். இது, எடப் பாடியிட முள்ள 114 எம்.எல்.ஏ.க்களை விட 1 இடம் அதிகம். எடப்பாடி ஆட்சி கவிழ்வதற்கான சூழல் உருவாகிவிடும்.

அப்போது சுயேட்சை எம்.எல்.ஏ.வான தினகரனுக்கு மவுசு கூடும். அவர் தி.மு.க.வை ஆதரித்தால் எடப்பாடி ஆட்சி நிச்சயம் கவிழும். அதற்கு மாறாக, அ.தி.மு.க.வை அவர் ஆதரித்தால் 115 என்கிற எண்ணிக்கையில் அ.தி.மு.க.வும் தி.மு.க.வும் சம பலத்துடன் இருக்கும். அப்போது தான், அ.தி.மு.க. உறுப்பினராக இருக்கும் சபாநாயகர் தனபாலுக்கு வாக்குரிமை கிடைக்கும். அவர் மூலம் கட்சியைக் காப்பாற்றுவார் எடப்பாடி.

நிறுத்தி வைக்கப்பட்டுள்ள 3 தொகுதிகளுக்கும் சேர்த்து மொத்தம் 21 தொகுதிகளுக்கும் இடைத்தேர்தல் நடந்தால் பெரும்பான்மையை நிரூபிக்க 118 எம்.எல்.ஏ.க்கள் தேவைப்படுகிற நிலையில், அப்போது 21 தொகுதிகளையும் கைப்பற்ற வேண்டிய கட்டாயம் தி.மு.க.வுக்கு ஏற்படுகிறது. அதேசமயம், மேலே குறிப்பிடப்பட்ட 6 எம்.எல்.ஏ.க்கள் எந்த பிரச்சனையும் செய்யாத நிலையில் 4 தொகுதிகளை எடப் பாடி ஜெயித்தாலே போது மானது. அந்த 6 எம்.எல்.ஏ.க் களும் எடப்பாடிக்கு எதிராக திரும்பினால் மட்டுமே 10 தொகுதி களை கைப்பற்ற வேண் டிய நெருக்கடி எடப் பாடிக்கு உருவாகும். எல்லாக் கணக்குகளை யும் போட்டு காய்களை நகர்த்தி வருகிறார் எடப்பாடி பழனிச்சாமி.

 

 

Next Story

'இதுதான் எங்கள் தேர்தல் வெற்றியின் ரகசியம்' - முதல்வர் பேச்சு  

Published on 11/07/2024 | Edited on 11/07/2024
'We must not lose sight of any place' - Chief Minister's speech

தர்மபுரி மாவட்டத்தில் நலத்திட்ட உதவிகளை தொடங்கி வைப்பதற்காக தமிழக முதல்வர் சென்றுள்ள நிலையில் 'மக்களுடன் முதல்வர் திட்டம்' தமிழக முதல்வரால் தர்மபுரியில் உள்ள ஊரகப் பகுதிகளில் தொடங்கி வைக்கப்பட்டுள்ளது. இரண்டாவது நிகழ்வாக 445 கோடி ரூபாய் மதிப்பிலான பல்வேறு முடிவுற்ற பணிகளை பொதுமக்களின் பயன்பாட்டிற்கு தமிழக முதல்வர் தொடங்கி வைத்தார். தர்மபுரி - திருவண்ணாமலையில் நான்கு வழிச் சாலை, அடுக்குமாடி குடியிருப்பு கட்டிடங்கள் உள்ளிட்ட பல்வேறு துறைகளின் சார்பில் கட்டப்பட்டுள்ள முடிவுற்ற பணிகளை முதல்வர் தொடங்கி வைத்துள்ளார். பெண்களுக்கான 20 பேருந்துகளையும் தமிழக முதல்வர் தொடங்கி வைக்க இருக்கிறார். 56 கோடி ரூபாய் மதிப்பில் 2,637 பயனாளிகளுக்கு நலத்திட்ட உதவிகளை தமிழக முதல்வர் வழங்கவுள்ளார்.

தொடர்ந்து தர்மபுரியில் திட்டங்களை துவக்கி வைத்த பின் தமிழக முதல்வர் மு.க.ஸ்டாலின் உரையாற்றுகையில், ''ஆட்சிக்கு வந்த நூறு நாட்களுக்குள் இருக்கக்கூடிய எல்லா காரியங்களையும் நிறைவேற்றிக் காட்டுவேன் என்று சொன்னேன். உங்கள் முன்னாடி அந்தப் பெட்டியை பூட்டி திராவிட முன்னேற்றக் கழகத்தின் தலைமை நிலையமான அண்ணா அறிவாலயத்தில் பாதுகாப்பாக வைத்தோம். உடனடியாக எதிர்க்கட்சிகள் என்ன பேசினார்கள் 'இவர்கள் ஆட்சிக்கும் வரப்போவதில்லை; இந்த பெட்டியையும் திறக்கப் போவதில்லை' என்று இறுமாப்பில் கேலி செய்தார்கள், கிண்டல் செய்தார்கள். ஆனால் பொதுமக்களாகிய நீங்கள் திமுக மேல், என் மேல் நம்பிக்கை வைத்து அந்த கேலி மனிதர்களை தோற்கடித்து எங்களுக்கு பெரிய வெற்றியை தேடித் தந்தீர்கள்.

nn

ஆட்சிக்கு வந்ததும் உங்களுடைய மனுக்களை கவனிப்பதற்காக ஒரு புதிதாக ஒரு துறையை உருவாக்கினேன். அந்த துறையினுடைய பெயர் 'உங்கள் தொகுதியில் முதலமைச்சர்' என்னிடம் கொடுக்கப்பட்ட மனுக்கள் துறைவாரியாக பிரித்து அதிலிருந்து நடைமுறை சாத்தியமுள்ள 2, 29216 மனுக்களுக்கு உடனடியாக தீர்வு கண்டுள்ளோம். மக்கள் வைத்த கோரிக்கைகளில் சாத்தியம் உள்ள அனைத்தையும் நிறைவேற்றி இருக்கிறோம். தேர்தலுக்கு முன் வாங்கிய மனுக்களுக்கு தீர்வு கண்டதுடன் எங்களுடைய கடமை முடிந்துவிட்டது என்று நினைக்கவில்லை. இனிமேல் தான் கடமை தொடங்குகிறது என நினைத்து உழைப்பை கொடுக்கிறோம்.

அதனால்தான் தொடர்ந்து மனுக்களை வாங்கி வருகிறோம். அதை முறைப்படுத்த வேண்டும். எப்படி எல்லாம் முறைப்படுத்த வேண்டும் என்று சொன்னால் முதலமைச்சருடைய தனிப்பிரிவு; முதலமைச்சரின் உதவி மையம்; ஒருங்கிணைக்கப்பட்ட குறை தீர்ப்பு மேலாண்மை அமைப்பு; உங்கள் தொகுதியில் முதலமைச்சர் என எல்லாவற்றையும் ஒருங்கிணைத்து 'முதல்வரின் முகவரி' என்ற ஒரு புதிய துறையை உருவாக்கினோம். பொது மக்களுடைய கோரிக்கைகள் எந்த இடத்திலும் எங்களுடைய பார்வையில் இருந்து தவறி விடக்கூடாது என்பதற்காகத் தான் இவை எல்லாவற்றையும் ஒருங்கிணைத்தோம். முதலமைச்சர் தனிப்பிரிவில் பெறப்படக்கூடிய மனுக்கள் மட்டுமல்லாமல், இணையதளம், அஞ்சல், சமூக வலைத்தளம், மாவட்ட நிர்வாகத்தின் மூலம் பெறப்படும் மனுக்கள், அமைச்சர்கள் மற்றும் மக்கள் பிரதிநிதிகளிடம் கொடுக்கப்படும் மனுக்கள் இப்படி எல்லாம் மனுக்களையும் ஒரே இடத்தில் போய் சேருகிறது. மக்களால் தரப்படும் அனைத்து மனுக்களையும் ஒரு குடையின் கீழ் கொண்டு வந்தோம். எல்லா மக்களின் கோரிக்கைகளும் தலைமைச் செயலகத்திற்கு வந்து விட்டது. நான் முதலமைச்சராக பொறுப்பேற்றதும் 'முதல்வரின் முகவரி' துறையின் கீழ் இப்பொழுது வரைக்கும் பெறப்பட்ட 68,30,281 மனுக்களில் 66,65, 304 மணிகளுக்கு உரிய முறையான தீர்வு கண்டுள்ளோம்.

தமிழ்நாட்டில் தொடர்ந்து தோல்வியை கண்ட பிறகும் ஒன்றிய அரசு பாடம் கற்றுக் கொள்ளவில்லை. மத்திய அரசு விருப்பு வெறுப்பு இல்லாமல் செயல்பட வேண்டும். அனைவர் வீட்டிற்கும் ஏதோ ஒரு வகையில் அரசின் திட்டங்கள் சென்றடைய வேண்டும் என்ற எண்ணத்தில்தான் பணியாற்றி வருகிறோம். எல்லோருக்குமான அரசாக இருப்பது தான் எங்கள் தேர்தல் வெற்றியின் ரகசியம்'' என்றார்.

Next Story

'மக்களுடன் முதல்வர் திட்டம்'-தருமபுரியில் முகாமிடும் முதல்வர்

Published on 11/07/2024 | Edited on 11/07/2024
 makkaludan muthalvar scheme- Chief Minister camped at Dharampuri

தமிழக முதல்வர் தர்மபுரி மாவட்டத்தில் நலத்திட்ட உதவி தொடங்கி வைப்பதற்காக செல்லவிருக்கும் நிலையில் சேலம் ஓமலூர் விமான நிலையப் பகுதியில் ட்ரோன்கள் பறக்க நேற்றே தடை விதிக்கப்பட்டிருந்தது. இந்தநிலையில் போக்குவரத்து மாற்றமும் செய்யப்பட்டுள்ளது.

'மக்களுடன் முதல்வர் திட்டம்' இன்று தமிழக முதல்வரால் தர்மபுரியில் உள்ள ஊரகப் பகுதிகளில் தொடங்கி வைக்கப்பட இருக்கிறது. தர்மபுரி பாளையம்புதூரில் இன்று காலை 11.30 மணிக்கு  தமிழக முதல்வர் மு.க.ஸ்டாலின் தொடங்கி வைக்க இருக்கிறார். தமிழகத்தில் மொத்தமுள்ள 12,500 ஊராட்சிகளில் அடுத்தடுத்து 2500 முகாம்களை நடத்த அரசு திட்டமிட்டுள்ளது. அதேபோல் சேலம் கோட்டத்தில் பெண்களுக்காக 20 பேருந்துகளை தமிழக முதல்வர் இன்று தொடங்கி வைக்க இருக்கிறார்.

முதல்வரின் வருகை காரணமாக சேலத்தில் ட்ரோன்கள் பறக்கத் தடை விதிக்கப்பட்டுள்ளது. மேலும் போக்குவரத்து மாற்றம் செய்யப்பட்டுள்ளது. தர்மபுரியில் பல்வேறு நிகழ்ச்சிகளில் முதல்வர் பங்கேற்க இருப்பதால் காலை 8:30 முதல் நண்பகல் 1:30 வரை கிருஷ்ணகிரி- சேலம் தேசிய நெடுஞ்சாலையில் கனரக வாகனங்கள் செல்ல தடை விதிக்கப்பட்டுள்ளது. ஓசூர், கிருஷ்ணகிரியில் இருந்து மொரப்பூர், அரூர், காரிமங்கலம் வழியாக சேலம் செல்ல வேண்டும் என அறிவுறுத்தப்பட்டுள்ளது. அதேபோல் சேலத்தில் இருந்து கிருஷ்ணகிரி, பெங்களூர் செல்லும் கனரக வாகனங்கள் அரூர் வழியாக செல்ல வேண்டும் என அறிவுறுத்தப்பட்டுள்ளது. தர்மபுரியில் இருந்து இலகு ரக வாகனங்கள் பொம்மிடி, தீவட்டிப்பட்டி வழியாக சேலத்திற்கு செல்ல வேண்டும் எனவும் அறிவிக்கப்பட்டுள்ளது.

The website encountered an unexpected error. Please try again later.