ரோடு கிழக்கு தொகுதி இடைத்தேர்தல் களம் வேகமெடுக்கத் தொடங்கிவிட்டது. தி.மு.க. கூட்டணி வேட்பாளர் ஈ.வி.கே.எஸ். இளங்கோவனை ஆதரித்து தி.மு.க. குழுவில் உள்ள அமைச்சர்கள் பட்டாளத்துடன், கூடவே அருகாமை யில் உள்ள தி.மு.க. மாவட்டச் செய லாளர்கள் குழுவும் வாக்கு சேகரிப்பு பணியில் இறங்கியுள்ளார்கள்.

இந்த நிலையில் தே.மு.தி.க. சார்பில் அதன் மாவட்டச் செயலாளர் ஆனந்தும், அ.ம.மு.க. சார்பில் வேட்பாளர் சிவபிரசாத்தும் தெருத் தெருவாக வாக்காளர்களைச் சந்தித்து வருகின்றனர். நாம் தமிழர் கட்சியின் வேட்பாளராகக் களமிறக்கப்பட்டுள்ள மேனகா நவநீதனுக்கு ஆதரவாக தொடர்ந்து பன்னிரண்டு நாள் பிரச்சாரத் திட்டத்துடன் ஈரோட்டிலேயே முகாம் அமைத்துள்ளார் சீமான்.

88

இதற்கிடையில், இத்தொகுதியை மீண்டும் காங்கிரஸுக்கே தி.மு.க. கூட்டணி ஒதுக்கி யிருக்கிறது என்ற அறிவிப்பு வந்ததும், அண்ணாமலை த.மா.கா.விடம் பேசிவிட்டு, பிறகு எடப்பாடி பழனிச்சாமியிடம், "மீண்டும் இத்தொகுதியை தமிழ் மாநில காங்கிரஸுக்கு கொடுத்துவிடலாம். எங்களது தாமரைச் சின்னத்தில் அக்கட்சியின் வேட்பாளராக மீண்டும் யுவராஜ் நிற்கட்டும். நான் ஜி.கே.வாசனிடன் பேசிவிட்டேன்''’என கூற, கொஞ்சம் கடுப்பான எடப்பாடி, “"கூட்டணிக் கட்சியில் நாங்கதான் பெரிய கட்சி. எங்களிடம் கேட்காமல் நீங்களாக எப்படி முடிவெடுக்க முடியும்? நாங்கள் போட்டியிடுவது உறுதி''’என கூறியிருக்கிறார்.

Advertisment

அதற்கு அண்ணாமலை, “"அண்ணா... வேண்டாம். உங்க கட்சியில் ஏற்கனவே பல பிரச்சினை இருக்கிறது. ஓ.பி.எஸ். ஒருபுறம் முரண்டுபிடித்து வருகிறார். உங்க கட்சி சின்னம் கிடைப்பதற்கும் வாய்ப்பில்லை. நீங்கள் சுயேட்சை சின்னத்தில்தான் நிற்க வேண்டிவரும். இதையெல்லாம் தவிர்க்க ஒரே வழி. அங்கே தி.மு.க. கூட்டணியில் காங்கிரஸ் நிற்பதால், மீண்டும் த.மா.கா.வுக்கே கொடுத்துவிடுவோம். எங்கள் சின்னமான தாமரையில் நிக்கட்டும். காங்கிரசின் கை, பா.ஜ.க.வின் தாமரை என்ற போட்டி இருக்கட்டும். உங்களுக்கும் நாடாளுமன்றத் தேர்தல் வரை கட்சி, சின்னம் என்ற பிரச்சினை இருக்காது. ஈரோடு கிழக்கு தொகுதியின் வெற்றி வாய்ப்பு பற்றி பிறகு பார்ப்போம். அதுதான் சரியா இருக்கும். நீங்கள் நேரடியாக இறங்கி, தேர்தல் பணியைக் கவனியுங்கள். மற்றொருபுறம் ஓ.பி.எஸ். தேர்தல் பணியைக் கவனிக்கட்டும்''’எனக் கூறியிருக்கிறார்.

கடுப்பான எடப்பாடி, "மிஸ்டர் அண்ணாமலை, என்னுடைய அரசியல் அனுபவம்தான் உங்களுடைய வயது. நான் எத்தனை தேர்தலைப் பார்த்தவன். நான் சொல்வதைக் கேளுங்கள். உங்கள் கட்சியின் நிலைப்பாட்டைக் கூறுங்கள். ஆனால் நீங்கள், எங்களிடம் அதிகாரம் செலுத்துவதுபோல் தெரிகிறது. எங்கள் பலத்தை நாங்கள்தான் முடிவுசெய்வோம். எங்களுக்கு ஆதரவு கொடுங்கள், இல்லையேல் உங்கள் நிலைப் பாட்டை தெரிவித்துக்கொள்ளுங்கள்''’என அண்ணாமலையை எச்சரித்திருக்கிறார்.

இதனால் அதிர்ச்சியடைந்த அண்ணா மலை, டெல்லி தலைமைக்கு இத்தகவலை பாஸ் செய்ததோடு, "எடப்பாடிக்கு இந்த தேர்தல் ஒரு பாடமாக அமையவேண்டும் என்றால் நாம் தேர்தலைப் புறக்கணிக்கவேண்டும்' என்று அவருடைய கருத்தை கூறியிருக்கிறார்.

Advertisment

இந்த மோதல்கள் ஒருபக்கமிருந்தாலும், தொகுதிப் பொறுப்பாளரான செங்கோட்டை யன் அ.தி.மு.க.வினருக்கு உற்சாகம் தரும் வகையில் ஒவ்வொருநாளும் ஒரு அறிவிப்பைக் கொடுக்கிறார். "தனித்துதான் களமிறங்கு வோம். எம்.ஜி.ஆர். திண்டுக்கல்லில் பெற்ற இடைத்தேர்தல் வெற்றியைப் போல அமையும்'' என தொடர்ந்து செங்கோட்டையன் பேசிவருகிறார்.

எடப்பாடி அணியின் வேட்பாளராக முதலில் அறிவிக்கப்பட இருந்த கே.வி. இராமலிங்கம் பின்வாங்கிவிட, அடுத்து தென்னரசு உட்பட சிலரது பெயரை எடப்பாடி டிக் செய்து கொடுக்க, அவர்களும் பின்வாங்கும் மனநிலையிலேயே இருக்கிறார்கள். இந்த நிலையில் இத்தொகுதியில் முதலியார் சமூக வாக்குகள் அதிகமிருப்பதால் அ.தி.மு.க. மாணவரணியிலுள்ள முதலியார் சமூகத்தைச் சேர்ந்த நந்தகோபாலை நிறுத்தலாம் என்ற முடிவுக்கு வந்திருக்கிறாராம் எடப்பாடி பழனிச்சாமி.