Skip to main content

நடிகை வஹீதா ரஹ்மானுக்கு தாதா சாகேப் பால்கே விருது அறிவிப்பு

Published on 26/09/2023 | Edited on 26/09/2023

 

Waheeda Rehman to be honoured with Dadasaheb Phalke Lifetime Achievement award

 

இந்திய திரைப்படத்துறையில் உயரிய விருதான தாதா சாகேப் பால்கே வாழ்நாள் சாதனையாளர் விருது ஆண்டுதோறும் இந்திய அரசால் வழங்கப்பட்டு வருகிறது. இதற்கு முன்பு தமிழில் எல்.வி. பிரசாத், நடிகர் சிவாஜி கணேசன், இயக்குநர் கே. பாலச்சந்தர், ரஜினிகாந்த் ஆகியோருக்கு விருது வழங்கப்பட்டிருக்கிறது.

 

இந்த நிலையில் இந்தாண்டுக்கான தாதா சாகேப் பால்கே வாழ்நாள் சாதனையாளர் விருது பழம் பெரும் நடிகையான வஹீதா ரஹ்மானுக்கு அறிவிக்கப்பட்டுள்ளது. இதனை மத்திய அமைச்சர் அனுராக் தாக்கூர் அவரது எக்ஸ் பக்கத்தில் தெரிவித்து அவருக்கு வாழ்த்து தெரிவித்துள்ளார். தமிழ்நாட்டில் உள்ள செங்கல்பட்டைச் சேர்ந்த இவர் இந்தியில் ஏகப்பட்ட படங்களில் நடித்துள்ளார். 

 

தமிழில் எம்.ஜி.ஆர் நடித்த 'அலிபாபாவும் 40 திருடர்களும்' படத்தில் 'சலாம் பாபு...' என்ற பாடலில் நடனமாடியிருந்தார். அதன் பிறகு கமலின் விஸ்வரூபம் 2 படத்தில் கமலுக்குத் தாயாக நடித்திருந்தார். இதைத் தாண்டி தெலுங்கு, மலையாளம், பெங்காலி எனப் பல்வேறு மொழிகளிலும் நடித்துள்ளார். திரைத்துறையில் 5 தசாப்தங்களுக்கு மேலாக பயணித்து வந்த இவர் இதற்கு முன்னதாக பத்ம ஸ்ரீ, பத்ம பூஷன் மற்றும் தேசிய விருதுகளை வாங்கியுள்ளார். 

 

 

சார்ந்த செய்திகள்

Next Story

“அவரது பயணம் அழியாத முத்திரை” - பிரதமர் மோடி வாழ்த்து

Published on 26/09/2023 | Edited on 26/09/2023

 

pm modi congratuate Waheeda Rehman

 

இந்திய திரைப்படத்துறையில் உயரிய விருதான தாதா சாகேப் பால்கே வாழ்நாள் சாதனையாளர் விருது ஆண்டுதோறும் இந்திய அரசால் வழங்கப்பட்டு வருகிறது. இதற்கு முன்பு தமிழில் எல்.வி. பிரசாத், நடிகர் சிவாஜி கணேசன், இயக்குநர் கே. பாலச்சந்தர், ரஜினிகாந்த் ஆகியோருக்கு விருது வழங்கப்பட்டிருக்கிறது.  

 

அந்த வகையில் இந்தாண்டுக்கான தாதா சாகேப் பால்கே வாழ்நாள் சாதனையாளர் விருது, பழம் பெரும் நடிகையான வஹீதா ரஹ்மானுக்கு அறிவிக்கப்பட்டுள்ளது. இதனை மத்திய அமைச்சர் அனுராக் தாக்கூர் அவரது எக்ஸ் பக்கத்தில் தெரிவித்து அவருக்கு வாழ்த்து தெரிவித்துள்ளார். இதையடுத்து, வஹீதா ரஹ்மானும் அவருக்கு நன்றி தெரிவித்தார். இவர் தமிழ்நாட்டில் உள்ள செங்கல்பட்டைச் சேர்ந்தவர் என்பது குறிப்பிடத்தக்கது. 

 

இந்த நிலையில் வஹீதா ரஹ்மானுக்கு பிரதமர் மோடி வாழ்த்து தெரிவித்துள்ளார். இது தொடர்பாக அவர் வெளியிட்டுள்ள எக்ஸ் பதிவில், "வஹீதா ரஹ்மானுக்கு தாதா சாகேப் பால்கே வாழ்நாள் சாதனையாளர் விருது வழங்கி கவுரவிக்கப்பட்டதில் மகிழ்ச்சி. இந்திய சினிமாவில் அவரது பயணம் அழியாத முத்திரையைப் பதித்துள்ளது. திறமை, அர்ப்பணிப்பு மற்றும் கருணை ஆகியவற்றின் கலங்கரை விளக்கமாக அவர் நமது சினிமா பாரம்பரியத்தின் சிறந்ததை வெளிப்படுத்தியுள்ளார்" எனக் குறிப்பிட்டுள்ளார். 

 

 

 

Next Story

2020ஆம் ஆண்டிற்கான தாதா சாகேப் பால்கே விருது - மத்திய அரசு அறிவிப்பு

Published on 27/09/2022 | Edited on 27/09/2022

 

actress asha parekh honoured Dada Saheb Phalke Award  2020

 

திரைப்படத்துறையில் மிக உயரிய விருதாக கருதப்படும் தாதா சாகேப் பால்கே விருது ஆண்டு தோறும் இந்திய அரசால் வழங்கப்பட்டு வருகிறது. இதற்கு முன்பு தமிழில் எல்.வி. பிரசாத், நடிகர் சிவாஜி கணேசன், இயக்குநர் கே. பாலச்சந்தர் ஆகியோருக்கு விருது வழங்கப்பட்டு இருக்கிறது. அந்த வகையில் 2019ஆம் ஆண்டிற்கான  தாதா சாகேப் பால்கே விருது ரஜினிகாந்துக்கு வழங்கப்பட்டது.  

 

இந்நிலையில் 2020ஆம் ஆண்டிற்கான தாதா சாகேப் பால்கே விருது தற்போது அறிவிக்கப்பட்டுள்ளது. அதன் படி பழம் பெரும் இந்தி நடிகையான ஆஷா பரேக்குக்கு வழங்கப்பட உள்ளதாக மத்திய தகவல் மற்றும் ஒளிபரப்புத்துறை அமைச்சர் அனுராக் தாக்கூர் தெரிவித்துள்ளார். டெல்லியில் குடியரசு தலைவர் திரௌபதி முர்மு தலைமையில் வருகிற 30ஆம் தேதி நடைபெறவுள்ள 68வது தேசிய திரைப்பட விருதுகள் வழங்கும் விழாவில் ஆஷா பரேக் விருது பெறவுள்ளார்.   

 

குஜராத்தை பூர்விகமாக கொண்ட ஆஷா பரேக், 1960 மற்றும் 1970களில் இந்தியில் முன்னணி நடிகையாக வலம் வந்தவர். கடைசியாக 1995ஆம் ஆண்டு வெளியான 'அந்தோலன்'  படத்தில் நடித்திருந்தார். பின்பு 1999ஆம் ஆண்டு வெளியான சார் ஆன்கோன் பர் (Sar Aankhon Par) படத்தில் கேமியோ ரோலில் நடித்திருந்தார். அதன் பிறகு சினிமாவில் இருந்து விலகி இருக்கிறார் ஆஷா பரேக். ஏற்கனவே மத்திய அரசால் வழங்கப்பட்டு வருகிற பத்மஸ்ரீ விருதை 1992ஆம் ஆண்டிற்காக ஆஷா பரேக் வாங்கியுள்ளார் என்பது குறிப்பிடத்தக்கது.