Skip to main content

“அடிப்படை உரிமையாக மாறிவிட்டது இறைச்சி” - வெற்றிமாறன்

Published on 27/02/2024 | Edited on 27/02/2024
vetrimaaran speech about Meat

வெற்றிமாறன் தற்போது விடுதலை இரண்டாம் பாகத்தை இயக்கி வருகிறார். இதனிடையே திரைப்படங்களைத் தாண்டி நிறைய நிகழ்ச்சிகளிலும் கலந்து கொண்டு உரையாடுகிறார். அந்த வகையில் ஒரு உணவகம் திறப்பு விழாவில் கலந்து கொண்டு பேசிய அவர், இறைச்சி குறித்து பேசியுள்ளார். 

அவர் பேசுகையில், “சின்ன வயதில் சாப்பிடும் உணவு தான் அந்த தலைமுறையையே தீர்மானிக்கிறது. எங்க தலைமுறையினர் மற்றும் எங்களுக்கு அடுத்த தலைமுறையினர்களில் உணவால் நிறைய பிரச்சனைகள் உருவாகியிருக்கிறது. உணவுப் பொருளின் தரம், சமையலின் தரம், போன்றவற்றை மறுசீரமைப்புக்கு உட்படுத்தி அதிலிருந்து சரியானதை எடுத்து கொள்ளும் கட்டாயத்தில் நாம் இருக்கிறோம்.  

மனிதனுடைய வளர்ச்சிக்கு மிக இன்றியமையாதது இறைச்சி. இது அறிவியல் பூர்வமாக நிரூபிக்கப்பட்டது. இறைச்சி உணவு என்பது மனிதனுடைய அடிப்படை தேவைகளில் ஒன்று. இன்றைக்கு அடிப்படை உரிமைகளுள் ஒன்றாக மாறிவிட்டது. நான் நிறைய இறைச்சி சாப்பிடக்கூடிய ஆள்” என்றார். 

சார்ந்த செய்திகள்

Next Story

பா.ரஞ்சித், மாரி செல்வராஜ் வெளியிட்ட வெற்றிமாறன் வெளியிடும் பட அப்டேட்

Published on 04/04/2024 | Edited on 04/04/2024
vetrimaaran presents vemal starring bose venkat directing ma.po.si movie first look released

சின்னத்திரையில் அறிமுகமாகி, அதற்கு பிறகு பல படங்களில் முக்கிய கதாபாத்திரத்தில் நடித்து வந்தவர் போஸ் வெங்கட். இவர் 'கன்னி மாடம்' படத்தின் மூலம் இயக்குநராக அறிமுகமானார். கடந்த 2020-ஆம் ஆண்டு வெளியான இப்படம் விமர்சன ரீதியாக நல்ல வரவேற்பை பெற்றது. அதோடு சில சர்வதேச திரைப்பட விழாவிலும் விருதுகளை கைப்பற்றியது. 

இதனைத் தொடர்ந்து அடுத்ததாக சிராஜ் தயாரிப்பில் ஒரு படம் இயக்குகிறார். 'மா.பொ.சி' என தலைப்பு வைக்கப்பட்டுள்ள இப்படத்தில் விமல் கதாநாயகனாக நடித்துள்ளார். மேலும் கன்னி மாடம் படத்தில் நடித்த ஸ்ரீ ராம் கார்த்திக், சாயா தேவி உள்ளிட்டோர் நடித்துள்ளார்கள். சித்து குமார் இசைப்பணிகளை மேற்கொள்கிறார். 

vetrimaaran presents vemal starring bose venkat directing ma.po.si movie first look released

இப்படம் ரிலீஸுக்கு தயாராகி வருகிறது. இப்படத்தை வெற்றிமாறனின் கிராஸ் ரூட் ஃபிலிம் கம்பெனி வெளியிடுவதாக கடந்த 1ஆம் தேதி அறிவிப்பு வெளியானது. இந்த நிலையில் இப்படத்தின் ஃபர்ஸ்ட் லுக் போஸ்டர் தற்போது வெளியாகியுள்ளது. இப்போஸ்டரை சிவராஜ்குமார், விஜய் சேதுபதி, பா.ரஞ்சித், மாரி செல்வராஜ், சமுத்திரக்னி, லால் உள்ளிட்டோர் அவரகளது எக்ஸ் வலைதளப்பக்கத்தில் வெளியிட்டுள்ளனர். 

வாத்தியார் கெட்டப்பில் விமல் நடித்துள்ளார். பள்ளிக்கூடத்தில் கல்வியை மையப்படுத்தி இப்படம் உருவாகியுள்ளது போல் தெரிகிறது. மேலும் போஸ்டரில் விமல் முகத்தில் ரத்தக் கறையுடன் கையில் சாக்பீஸ் உடன் இடம் பெறுகிறார். இந்த போஸ்டர் தற்போது ரசிகர்களின் கவனத்தை பெற்று வருகிறது. 

Next Story

விமல் படக்குழுவுடன் வெற்றிமாறன் கூட்டணி

Published on 01/04/2024 | Edited on 01/04/2024
vetrimaaran release the vemal movie ma.po.si

போஸ் வெங்கட், பல படங்களில் முக்கிய கதாபாத்திரத்தில் நடித்து வந்த இவர் 'கன்னி மாடம்' படத்தின் மூலம் இயக்குநராக அறிமுகமானார். கடந்த 2020-ஆம் ஆண்டு வெளியான இப்படம் விமர்சன ரீதியாக நல்ல வரவேற்பை பெற்றது. அதோடு சில சர்வதேச திரைப்பட விழாவிலும் விருதுகளை கைப்பற்றியது. 

இதனைத் தொடர்ந்து அடுத்ததாக சிராஜ் தயாரிப்பில் ஒரு படம் இயக்குகிறார். 'மா.பொ.சி' என தலைப்பு வைக்கப்பட்டுள்ள இப்படத்தில் விமல் கதாநாயகனாக நடித்துள்ளார். மேலும் கன்னி மாடம் படத்தில் நடித்த ஸ்ரீ ராம் கார்த்திக், சாயா தேவி உள்ளிட்டோர் நடித்துள்ளார்கள். சித்து குமார் இசைப்பணிகளை மேற்கொள்கிறார். 

vetrimaaran release the vemal movie ma.po.si

இந்த நிலையில் இப்படம் ரிலீஸுக்கு தயாராகி வருகிறது. இப்படத்தை வெற்றிமாறனின் கிராஸ் ரூட் ஃபிலிம் கம்பெனி வெளியிடுகிறது. விரைவில் படத்தின் டீசர், ட்ரைலர், மற்றும் ரிலீஸ் தேதி வெளியாகும் என எதிர்பார்க்கப்படுகிறது.