Skip to main content

“கலைக்கு நிச்சயமா மொழி, கலாச்சாரம், எல்லை இருக்கு..." - வெற்றிமாறன்

Published on 19/04/2023 | Edited on 19/04/2023

 

vetrimaaran about art

 

தென்னிந்திய ஊடகம் மற்றும் பொழுதுபோக்கு துறைக்கு தொடர்புடைய வழிகாட்டுதலை வருங்கால சந்ததியினருக்கு வழங்கும் வகையில் தக்‌ஷின் மாநாடு நடத்தப்படுகிறது. அந்த வகையில் 2023ஆம் ஆண்டிற்கான தக்‌ஷின் மாநாடு இன்று சென்னையில் தொடங்கி நடைபெற்று வருகிறது. இதன் தொடக்க விழாவில் அமைச்சர் உதயநிதி ஸ்டாலின், இயக்குநர் வெற்றிமாறன், நடிகர் கார்த்தி, நடிகை மஞ்சு வாரியர் உள்ளிட்ட பல திரைப்பிரபலங்கள் கலந்து கொண்டனர். 

 

அப்போது வெற்றிமாறன் பேசுகையில், "கலைக்கு மொழி இல்லை, எல்லை இல்லை என்று சொல்வார்கள். ஆனால் கலைக்கு நிச்சயமா மொழி இருக்கு, கலாச்சாரம் இருக்கு, எல்லை இருக்கு, ஆனால் கலையை நுகர்பவர்களுக்கு அந்த எல்லைகள் இல்லை. கலை அதன் எல்லைக்குள் இருந்து செயல்படும்போது அது கடந்து போகும். இது லாக்டவுன் சமயத்தில் நடந்தது. எல்லா ஓடிடி தளத்திலும் எல்லா விதமான படங்களையும் பார்க்க ஆரம்பிச்சோம். லாக்டவுனுக்கு பிறகு திரையரங்கிற்கு சென்று படம் பார்க்கும் பழக்கம் மாற ஆரம்பிச்சிருக்கு. இப்போது பான் இந்தியா என்ற பாணியில் நிறைய மக்களை சென்றடையும் படங்களை பற்றி பேசுகிறோம். ஆனால் கடந்த 2 வருடங்களாக அப்படி வந்த படங்கள், அவங்க மண்ணுக்கு வெளியில் உள்ளவர்களை டார்கெட் பண்ணி படம் எடுக்கவில்லை. உதாரணத்துக்கு கே.ஜி.எஃப், ஆர்.ஆர்.ஆர், காந்தாரா உள்ளிட்ட படங்கள் நிறைய மக்களை சென்றடைவதற்காக ஒவ்வொரு மொழிகளிலிருந்தும் நடிகர்களை தேர்வு செய்யவில்லை. 

 

பெரும்பாலான சமயத்தில் அப்படி செய்யும் போது நாம் தோல்வியை சந்தித்துள்ளோம். ஆனால் இந்த படங்கள் அனைத்தும் அந்தந்த மக்களுக்காக எடுத்த படங்கள். அந்தந்த மண்ணுக்கு ஏற்றவாறு கலாச்சாரம், பாரம்பரியம் மற்றும் அவர்களின் ஸ்டைலில் எடுக்கப்பட்ட படம். இவை அனைத்தும் மற்ற மக்களாலும் ஏற்றுக்கொள்ளப்பட்டது. நாம் நம்முடைய கதையை சொல்கிறோம். ஆனால் அதனுள் இருக்கிற உணர்வு  எல்லாருக்குமான உணர்வாகத்தான் இருக்கிறது. அதற்கு எல்லைகள் கிடையாது. 

 

ஆஸ்கர் விருது வாங்குவதை விட மெயின்ஸ்ட்ரீம் படங்களை எடுத்து பாராட்டு வாங்குவது தான் சிறந்தது. இது தான் ஒரு நல்ல மாற்றத்திக்கான முன்னேற்பாடாக பார்க்கிறேன். தி எலிஃபெண்ட் விஸ்பெரர்ஸ் ஆவணப்படத்தை பார்த்தேன். மிகவும் நன்றாக இருந்தது. நம்முடைய கதைகளை நம் மக்களுக்கான கதைகளை சொல்வதால் தான் இன்றைக்கு இந்திய மார்க்கெட்டில் தென்னிந்திய மெயின்ஸ்ட்ரீம் படங்கள் ஒரு தாக்கத்தை உருவாக்கியிருக்கின்றன. மற்ற மொழிகளின் திரைத்துறைகள் அதைப் பின்பற்றாததால் பின்னடைவை சந்திக்கின்றன. நாம் நம்முடைய அடையாளங்களோடு; நம்முடைய தனித்துவங்களோடு; நம்முடைய பெருமைகளோடு படங்கள் பண்றது தான் நம்முடைய இந்த வளர்ச்சிக்கு காரணம். இதே நிலை தொடரும் என நம்புகிறேன்" என்றார். 

 

 

சார்ந்த செய்திகள்

Next Story

“வாடிவாசல் லிங்குசாமி பண்றதா இருந்தது” - வசந்த பாலன் சுவாரஸ்யம்

Published on 31/05/2024 | Edited on 31/05/2024
vasantha balan said lingusamy to direct vaadivaasal

வெயில், அங்காடித் தெரு, அரவான் உள்ளிட்ட படங்களை இயக்கிய வசந்த பாலன் இப்போது ‘தலைமைச் செயலகம்’ என்ற வெப் தொடரை இயக்கியுள்ளார். இதில் கிஷோர் முதன்மை கதாபாத்திரத்தில் நடித்திருக்க, பரத், ரம்யா நம்பீசன், ஸ்ரேயா ரெட்டி உள்ளிட்ட பலர் முக்கிய கதாபாத்திரங்களில் நடித்துள்ளனர். ராதிகா மற்றும் சரத்குமார் அவர்களது ராடன் தயாரிப்பு நிறுவனம் சார்பில் இந்த சீரிஸை தயாரிக்க ஜிப்ரான் இசையமைத்துள்ளார். இந்த சீரிஸீன் ஃபர்ஸ்ட் லுக், டீசர், ட்ரையிலர் அடுத்தடுத்து சமீபத்தில் வெளியாகி பலரது கவனத்தை ஈர்த்தது. அரசியல் கதைக்களத்தை மையமாக வைத்து உருவாகியுள்ள இந்த சீரிஸ் கடந்த 17ஆம் தேதி தமிழ் மற்றும் தெலுங்கில் ஜீ5 ஓடிடி தளத்தில் வெளியானது. ரசிகர்கள் மத்தியில் நல்ல வரவேற்பைப் பெற்று வருகிறது. 

இந்த நிலையில் ‘தலைமைச் செயலகம்’ சீரிஸ் தொடர்பாக நக்கீரன் ஸ்டியோ யூட்யூபில் பேசிய வசந்த பாலன், பல்வேறு விஷயங்களைப் பகிர்ந்துள்ளார். அப்போது சக இயக்குநர்களோடு படங்கள் குறித்து பேசியது தொடர்பாக பகிர்ந்த வசந்த பாலன், “ஷங்கர், லிங்குசாமி, சசி, வெற்றிமாறன், பாலாஜி சக்திவேல் இவங்களோட எப்போதுமே தொடர்ந்து பேசிக்கொண்டுதான் இருப்பேன். இந்தி சினிமாவுடைய வீழ்ச்சி, கே.ஜி.எஃப்புடைய வெற்றி எனப் பல்வேறு பார்வையில் சினிமாவின் இப்போதைய நிலைகுறித்து விவாதிப்பேன். அதன் மூலம் ஒரு விஷயத்தை கண்டடைய முடியும்.  

பூமணியின் வெக்கை நாவலை நான் படம் பண்ண வேண்டியிருந்தது. ஒரு அப்பா கொலை பண்ண பையனை காப்பாத்த போராடுறாரு, கடைசியில கோர்டுல சரணடைஞ்சிடுவாரு. இதை எப்படி படமா பண்றதுன்னு பண்ணாம விட்டுட்டேன். ஆனால் அசுரன் பார்த்தவுடன் சர்பிரைஸா இருந்துச்சு. நாவலை திரைக்கதையா வெற்றிமாறன் எப்படி அணுகியிருக்கிறார் என்பதைப் பார்த்தேன். 

அடுத்து வாடிவாசல் பண்ண போறார். வாடிவாசல் முதலில் லிங்குசாமி பண்றதா இருந்தது. அப்புறம் நம்ம ட்ரை பண்ணுவோம் எனத் திரைக்கதை அமைக்க முயற்சி செய்தேன். வெறும் ஜல்லிக்கட்டை வைத்து எப்படி திரைக்கதை அமைக்க முடியும் என அப்போது விட்டுவிட்டேன். இன்னைக்கு தமிழ் சினிமா எதிர்பார்க்கிற படமாக அது மாறியிருக்கு. இவ்வாறு தொடர்ந்து இயக்குநர்களுடன் ஃபோனில் படங்கள் குறித்து பல்வேறு விஷங்கள் பேசுவேன்” என்றார்.    

Next Story

“வெற்றிமாறன், பா.ரஞ்சித், மாரி செல்வராஜ்” - பிரதமர் பயோபிக் குறித்த கேள்விக்கு சத்யராஜ் பதில்

Published on 29/05/2024 | Edited on 29/05/2024
sathyaraj about pm modi bio pic

விஜய் மில்டன் இயக்கத்தில் விஜய் ஆண்டனி நடிப்பில் உருவாகியுள்ள படம் மழை பிடிக்காத மனிதன். இதில் கதாநாயகியாக மேகா ஆகாஷ் நடித்திருக்க பிரபல கன்னட நடிகர் தனஞ்செயா, பிரித்வி, சரத்குமார், சரண்யா பொன்வண்ணன் ஆகியோர் முக்கிய கதாபாத்திரங்களில் நடித்துள்ளனர். இப்படத்தின் பாடலுக்கு விஜய் ஆண்டனி இசையமைக்க, அச்சு ராஜாமணி பின்னணி இசையைக் கவனிக்கிறார். விரைவில் வெளியாகவுள்ள இப்படத்தின் டீசர் இன்று மாலை 6 மணிக்கு வெளியாகிறது. இதையொட்டி டீசர் வெளியிட்டு விழா நடைபெற்றது. இதில் படக்குழுவினர் அனைவரும் கலந்து கொண்டனர். பின்பு செய்தியாளர்களின் கேள்விகளுக்கு பதிலளித்தனர். 

அப்போது சத்யராஜிடம், ரஜினியுடன் கூலி படத்தில் நடிக்கிறீர்களா? பாலிவுட்டில் சல்மான் கான் படத்தில் வில்லனாக நடிக்கிறீர்களா? பிரதமர் மோடியின் பயோ-பிக்கில் நடிக்கிறீர்களா? போன்ற கேள்விகள் கேட்கப்பட்டது. அதற்கு பதிலளித்த அவர், “இன்றைக்கு இருக்கிற கார்ப்பரேட் கம்பெனிகளில் ஒவ்வொரு அறிவிப்பையும் அவர்கள் தான் அறிவிக்க வேண்டும். அதற்கு முன்னாடி நான் சொல்லிடக் கூடாது என்பது ஒப்பந்தம். அதனால்தான் இது போன்ற கேள்விகளுக்கு பதில் சொல்ல முடியவில்லை. கூலி படத்தில் ரஜினியுடன் நடிக்கிறேன். அதன் அறிவிப்பு வெளியாகியிருக்கிறது. மற்ற கேள்விகளுக்கு அவர்கள்தான் பதிலளிக்க வேண்டும். ஒப்பந்தத்தை மீறி பதில் சொன்னால் நம் மேல் வழக்கு கூட போட்டுவிடுவார்கள். 

மோடி பயோ பிக்கில் நடிக்க யாரும் என்னிடம் கேட்கவில்லை. அப்படியே நடித்தாலும், என்னுடைய நண்பன் மணிவன்னன் போல ஒரு டைரக்டர் எடுத்தால் தத்ரூபமாக இருக்கும். இல்ல விஜய் மில்டன் அப்படியே எடுக்கலாம் என்றாலும் ஓகே. வெற்றிமாறன், பா.ரஞ்சித், மாரி செல்வராஜ் போன்ற இயக்குநர்கள் மோடி பயோ பிக் எடுத்தால் நல்லாயிருக்கும் என நினைக்கிறேன்” என்றார்.