Skip to main content

பரத்துடன் கைகோர்க்கும் வாணி போஜன்!

Published on 12/04/2021 | Edited on 12/04/2021

 

bharath

 

'காளிதாஸ்' படத்தின் வெற்றி, 'ராதே' படத்தில் சல்மான் கானுடன் இணைந்து நடித்தது என முழு உற்சாகத்தில் உள்ள நடிகர் பரத், தமிழில் நடிக்கும் அடுத்த படம் குறித்த அறிவிப்பு தற்போது வெளியாகியுள்ளது. சஸ்பென்ஸ் த்ரில்லர் ஜானரில் உருவாகவுள்ள இப்படத்தை அறிமுக இயக்குநர் சக்திவேல் இயக்குகிறார். ஆக்சிஸ் ஃபிலிம் ஃபேக்டரி நிறுவனம் தயாரிக்கிறது. இப்படத்தில், பரத்திற்கு ஜோடியாக பிரபல சின்னத்திரை நடிகை வாணி போஜன் நடிக்கிறார்.

 

பாண்டியன் ஸ்டோர்ஸ் சீரியலில் தற்போது முல்லையாக நடித்து வரும் காவ்யா அறிவுமணி இந்தப் படத்தின் மூலம் வெள்ளித்திரையில் அறிமுகமாகிறார். இவர், படத்தில் முக்கியக் கதாபாத்திரத்தில் நடிக்க உள்ளதாகக் கூறப்படுகிறது. படத்தின் பணிகளை பூஜையுடன் தொடங்கியுள்ள படக்குழு, சென்னை, தென்காசி, அம்பாசமுத்திரம் உள்ளிட்ட பகுதிகளில் படப்பிடிப்பு நடத்த திட்டமிட்டுள்ளது. 

 

 

 

சார்ந்த செய்திகள்

Next Story

“விஜய்க்கு ஒரு வாய்ப்பு கொடுக்கலாம்” - வாணி போஜன்

Published on 12/02/2024 | Edited on 12/02/2024
vani bhojan about vijay political entry

விஜய் தற்போது வெங்கட் பிரபு இயக்கத்தில் தி கிரேட்டஸ்ட் ஆப் ஆல் டைம் படத்தில் நடித்து வருகிறார். இதன் படப்பிடிப்பு முழு வீச்சில் நடந்து வருகிறது. இதனிடையே தனது மக்கள் இயக்கத்தை அரசியல் கட்சியாக மாற்றியுள்ளார். மேலும் கடைசியாக தான் ஒப்புக்கொண்டுள்ள ஒரு படத்தில் நடித்து முடித்துவிட்டு முழு நேர அரசியல் பணிகளில் ஈடுபடவுள்ளதாகத் தெரிவித்துள்ளார்.

தமிழக வெற்றி கழகம் எனத் தனது கட்சிக்குப் பெயர் வைத்துள்ளதாக சமீபத்தில் அறிவித்த விஜய், அதை இந்தியத் தலைமைத் தேர்தல் ஆணையத்தில் பதிவு செய்ய விண்ணப்பித்துள்ளார். 2024ல் எந்த கட்சிக்கும் ஆதரவு இல்லை என்றும் 2026 சட்டமன்றத் தேர்தலில் போட்டியிடவுள்ளதாகவும் கூறியுள்ளார். விஜய்யின் அரசியல் வருகைக்குப் பலரும் வாழ்த்து தெரிவித்து வருகின்றனர்.

இந்த நிலையில் நடிகை வாணி போஜன் விஜய்க்கு ஒரு வாய்ப்பு கொடுக்கலாம் என தெரிவித்துள்ளார். ஒரு கடை திறப்பு விழாவில் கலந்து கொண்ட அவர் செய்தியாளர்களைச் சந்தித்துப் பேசினார். அப்போது விஜய்யின் அரசியல் வருகை குறித்த கேள்வி அவரிடம் கேட்ட நிலையில், “நல்லது நினைக்கும் யாராக இருந்தாலும் அரசியலுக்கு வரலாம். செங்களம் சீரிஸ் நடிக்கிறப்போ ரொம்ப அழகாக இருந்தது. அந்த சமயத்தில் அரசியலில் இருக்க வேண்டும் என ஆசையாக இருந்தது. இப்பவும் இருக்கு. விஜய்க்கு ஒரு வாய்ப்பு கொடுக்கலாம். அவர் என்ன பண்ணுகிறார் என்பதை பார்க்கலாம். எல்லாம் நம் கையில் தான் இருக்கு” என பதிலளித்தார். கடந்த வருடம் எஸ்.ஆர். பிரபாகரன் இயக்கத்தில் அரசியல் கதையான செங்களம் வெப் தொடரில் வாணி போஜன் நடித்திருந்தார் என்பது குறிப்பிடத்தக்கது.

Next Story

'இரவுகள் இன்று நீளமானது...' - ‘லவ்’ பரத் & வாணி போஜன் (எக்ஸ்க்ளூசிவ் ஸ்டில்ஸ்)

Published on 29/07/2023 | Edited on 29/07/2023

 

 

 

பரத், வாணி போஜன் நடிப்பில் காதல், த்ரில்லர் டிராமாவாக வெளியாகியுள்ள படம் 'லவ்'. ஆர்.பி. பாலா தயாரித்து இயக்கியுள்ள இப்படத்திற்கு ரோனி ரபேல் இசையமைத்துள்ளார்.

படக்குழுவினரின் பிரத்யேக புகைப்படங்கள்: நவீன்