Skip to main content

மாரிமுத்து மறைவிற்கு அமைச்சர் உதயநிதி இரங்கல்

Published on 08/09/2023 | Edited on 08/09/2023

 

udhayanidhi about marimuthu passed away

 

நடிகர் மற்றும் இயக்குநரான மாரிமுத்து(57) மாரடைப்பு காரணமாக உயிரிழந்துள்ளார். இன்று காலை சின்னத்திரையில் அவர் நடித்து வரும் சீரியலில், டப்பிங் பேசிக்கொண்டிருந்த அவர், திடீரென மயக்கம் போட்டு விழ, அருகில் இருந்த ஒரு தனியார் மருத்துவமனைக்கு கொண்டு செல்ல, நெஞ்சுவலி காரணமாக இறந்து விட்டதாக உறுதி செய்யப்பட்டுள்ளது. அவரது உடல் சென்னையில் உள்ள அவரது இல்லத்தில் அஞ்சலிக்கு வைக்கப்பட்டுள்ளது. 

 

அவரது உடலுக்கு இயக்குநர் வசந்த், சரத்குமார். எம்.எஸ் பாஸ்கர், மாரி செல்வராஜ், பிரசன்னா, சசி, கதிர், சுனில் ரெட்டி, ரெடின் கிங்ஸ்லி உள்ளிட்ட திரை பிரபலங்கள் நேரில் சென்று அஞ்சலி செலுத்தினர். இதனிடையே சமூக வலைத்தளங்களில் பலரும் அவருக்கு இரங்கல் பதிவினை பகிர்ந்து வருகின்றனர். அந்த வகையில் அமைச்சர் உதயநிதி, "திரைப்பட இயக்குநரும், நடிகருமான அண்ணன் மாரிமுத்து அவர்களின் மரணம் அதிர்ச்சியையும், மன வேதனையையும் தருகிறது. அவருடைய மறைவுக்கு என் ஆழ்ந்த இரங்கல்.

 

அவரைப் பிரிந்து வாடும் குடும்பத்தினர், நண்பர்கள், திரையுலகினர் மற்றும் ரசிகர்களுக்கு என் ஆறுதலை தெரிவித்துக்கொள்கிறேன்" என அவரது எக்ஸ் தள பக்கத்தில் பதிவிட்டுள்ளார். 

 

 


 

சார்ந்த செய்திகள்

Next Story

துணை முதல்வர் பதவி? - உதயநிதி ஸ்டாலின் விளக்கம் 

Published on 20/07/2024 | Edited on 20/07/2024
Udayanidhi Stalin answered about Deputy Chief Minister position

திமுக இளைஞரணியின் 45ஆம் ஆண்டு தொடக்க விழா சென்னையில் இன்று நடைபெற்றது. இதில், விளையாட்டுத் துறை அமைச்சரும், திமுகவின் இளைஞரணி செயலாளருமான உதயநிதி ஸ்டாலின் கலந்து கொண்டு பேசினார். 

அப்போது அவர், “துணை முதல்வர் பதவி உயர்வு குறித்துப் பல செய்திகள் வருகின்றன. எங்கள் அரசில் உள்ள அனைத்து அமைச்சர்களும் முதல்வருக்கு துணையாக இருப்பார்கள் என்று நான் முன்பே பத்திரிகையாளர்களிடம் கூறியிருக்கிறேன். திமுக ஆட்சியில் உள்ள அனைத்து அமைச்சர்களும் முதல்வரின் துணையாகத் தான் பணியாற்றி வருகின்றனர்.

எந்தப் பதவியாக இருந்தாலும், என்னைப் பொருத்தவரை இளைஞர் அணிச் செயலாளர் பதவிதான் எனக்குப் பிடித்தது. கடந்த தேர்தல்களைப் போல் 2026 தேர்தல்தான் நமது இலக்கு. எந்தக் கூட்டணி வந்தாலும் நமது தலைவர் தான் வெற்றி பெறுவார். மீண்டும் தமிழக முதல்வராகப் பொறுப்பேற்பார் நமது முதல்வர் மு.க.ஸ்டாலின். 2026 சட்டமன்றத் தேர்தலில் நமது திமுக கூட்டணிதான் வெற்றிபெறப் போகிறது.  தினமும் காலையிலும் மாலையிலும் குறைந்தது பத்து நிமிடங்களாவது சமூக வலைத்தளங்களில் சுறுசுறுப்பாக இருக்க வேண்டும். 

Next Story

உதயநிதி ஸ்டாலின் துணை முதல்வரா?; அமைச்சர் துரைமுருகன் பதில்

Published on 20/07/2024 | Edited on 20/07/2024
Minister Durai Murugan Answer by  Udayanidhi Stalin's Deputy Chief Minister?

திமுக இளைஞரணியின் 45ஆம் ஆண்டு தொடக்க விழா சென்னையில் இன்று நடைபெற்றது. இதில், விளையாட்டுத் துறை அமைச்சரும், திமுகவின் இளைஞரணி செயலாளருமான உதயநிதி ஸ்டாலின் கலந்து கொண்டு பேசினார். 

அப்போது அவர், “நான் துணை முதலமைச்சர் ஆகப்போவதாக செய்திகள் வருகின்றன. அந்த செய்திகள் அனைத்தும் வதந்திகள். அனைத்து அமைச்சர்களும், முதல்வருக்கு துணையாக இருப்போம். அது போல், திமுக அமைப்பாளர்கள் அனைவரும் முதல்வருக்கு துணையாக இருப்போம். எவ்வளவு பொறுப்பு வந்தாலும், என் மனதிற்கு மிக மிக நெருக்கமான ஒரு பொறுப்பு என்றால் அது இளைஞரணி செயலாளர் பொறுப்பு தான்” எனப் பேசினார். 

இந்த நிலையில், திமுக பொதுச் செயலாளரும், நீர்வளத்துறை அமைச்சருமான துரைமுருகன் செய்தியாளர்களைச் சந்தித்து பேசினார். அப்போது அவரிடம், துணை முதல்வர் பதவி தொடர்பாக கேள்வி கேட்கப்பட்டது. அதற்கு பதிலளித்த அவர், “உதயநிதி ஸ்டாலின் துணை முதல்வராவது குறித்து முதல்வர்தான் முடிவெடுப்பார். நான் கட்சியின் சட்டத் திட்டங்களுக்கு உட்பட்டவன். 60 ஆண்டுகளாக கட்சியின் வளர்ச்சிக்கு பாடுப்பட்டவன். கட்சி என்ன முடிவு எடுக்கிறதோ அதன்படி நடப்போம். ” என்று கூறினார்.