Skip to main content

"கார் அதற்காகத் தான் வாங்கப்பட்டது" - எஸ்.ஜே.சூர்யா பேட்டி

Published on 24/11/2022 | Edited on 24/11/2022

 

 

"The title is valid; the car was bought for it"- SJ Surya speech!

 

சென்னையில் செய்தியாளர்களைச் சந்தித்த நடிகரும், திரைப்பட இயக்குநருமான எஸ்.ஜே.சூர்யா, "டிசம்பர் 2 ஆம் தேதி அமேசான் ப்ரைம்ல 'வதந்தி' வெப் சீரிஸ் இன்டர்நேஷனல் அளவுல வெளியாக உள்ளது. இன்னைக்கு ட்ரைலர் ரிலீஸ் ஆகியிருக்கு. நல்லா என்ஜாய் பண்ணுங்க. இது நம்ம எல்லாருடைய வெற்றியா பாக்கறேன். பிளீஸ், டூ வாட்ச் வதந்தி ஆன் ப்ரைம். 'கில்லர்' டைட்டில் இஸ் கன்பார்ம்; காரும் அதுக்காக வாங்கப்பட்டது தான். ஏன் டேட்டே இன்னும் நாலு மாசம் கழிச்சி தான் எனக்கு கிடைக்கும் போல இருக்கு.

 

கூடியே சீக்கிரம் அதோட அப்டேட்லாம் தரன், நான்ஸ்டாப்பா படங்கள் வரிசையா ரிலீஸ் ஆகுது. இப்போ டிசம்பர் 2- ஆம் தேதி இந்த வெப் சீரிஸ். அப்புறம் டிசம்பர் 12- ஆம் தேதி முக்கியமான அனௌன்ஸ்மென்ட் ஒன்னு வருது. அதுவும் பாருங்க. பிப்ரவரில பொம்மை ரிலீஸ் பிளான் பண்ணிருக்கேன். இதற்கிடையில மார்க் ஆண்டனி, இன்னும் ரெண்டு படலாம் முடிச்சிட்டு, ஏப்ரல்ல கில்லர் ஸ்டார்ட் பண்லாம். 

 

தியேட்டர் ஒரு கண்ணுனா; ஓடிடி-யை இன்னொரு கண்ணா தான் பாக்கறேன். விஷால் சார் எனக்கு ரொம்ப பிரதர் மாதிரி ஆகிட்டாரு. ஹீ இஸ் சச் எ ஸ்வீட் பர்சன். சூட்டிங் ஸ்பாட்ல என்ஜாய் பண்ணி, என்ஜாய் பண்ணி நடிக்கறேன். எனக்குன்னு கிரேட் கண்டன்ட் வரும் போது, நான் அத ரொம்ப சந்தோஷமா ஏத்துட்டு தான் நடிக்கிறேன்." என்றார்.

 

அப்போது செய்தியாளர்களின் நடிகர்கள் விஜய், அஜித் வைத்து படம் எடுக்க வாய்ப்பு இருக்கா? என்ற கேள்விக்கு பதிலளித்த எஸ்.ஜே.சூர்யா, "நான் என்னை வச்சி டைரக்ட் பண்றதுக்கே டைம் இல்லாம இருக்கு. பாப்போம், இறைவன் அப்படி எதாவது அமைச்சா நல்லது நடக்கட்டும்" என்று கூறினார். 

 

சார்ந்த செய்திகள்

Next Story

“இந்தப் படத்துக்கும் ஆதரிச்சு அன்பு காட்டுங்க” - எஸ்.ஜே சூர்யா

Published on 20/07/2024 | Edited on 20/07/2024
sj surya request to watch his telugy movie

தமிழி சினிமாவில் தற்போது பிஸியான நடிகர்களில் ஒருவராக இருக்கிறார் எஸ்.ஜே சூர்யா. அவர் நடிப்பில் கடந்த வருடம் வெளியான மார்க் ஆண்டனி, ஜிகர்தண்டா டபுள் எக்ஸ் படங்கள் வெற்றி படமாக அமைந்தது. இதையடுத்து கமல் - ஷங்கர் கூட்டணியில் வெளியான இந்தியன் 2 படத்தில் நடித்திருந்தார். 

இந்த நிலையில் கைவசம் தனுஷின் ராயன், விக்ரமின் வீர தீர சூரன், விக்னேஷ் சிவனின் எல்.ஐ.சி., கார்த்தியின் சர்தார் 2, தெலுங்கில் நானியுடன் ஒரு படம் என ஏகப்பட்ட படங்களை வைத்துள்ளார். இன்று எஸ்.ஜே.சூர்யா பிறந்தநாள் காண்கிறார். இதையொட்டி திரை பிரபலங்கள், ரசிகர்கள் மற்றும் அவர் நடித்து வரும் படக்குழுவினர் எனப் பலரும் அவருக்கு வாழ்த்து தெரிவித்து வருகின்றனர். 

அந்த வகையில் தெலுங்கில் நானியுடன் அவர் நடித்து வரும் படத்தின் சார்பாக அவருக்கு பிறந்தநாள் டீசர் வெளியாகியுள்ளது. இந்தப் படம் தமிழில் சூர்யாவின் சனிக்கிழமை என்ற தலைப்பில் ஆகஸ்ட் 29இல் வெளியாகவுள்ளது. இந்த நிலையில் பிறந்தநாள் வாழ்த்து தெரிவித்த அனைவருக்கும் எஸ்.ஜே சூர்யா தனது எக்ஸ் பக்கம் மூலமாக நன்றி கூறியுள்ளார். மேலும் ஒரு பதிவில், சூர்யாவின் சனிக்கிழமை படத்தின் டீசரை பகிர்ந்து, “என் அன்பும் ஆருயுருமான நண்பர்களே ராயன் படத்திற்கு பிறகு, தெலுங்கில் நானியுடன் சூர்யாவின் சனிக்கிழமை படத்தில் வில்லனாக நடித்துள்ளேன்” எனக் குறிப்பிட்டு இந்தப் படத்தையும் ஆதரிச்சு அன்பு காட்டுங்க எனக் கேட்டுக்கொண்டுள்ளார். இப்படத்தை  டிவிவி என்டர்டெயின்மென்ட்ஸ் தயாரிக்க விவேக் ஆத்ரேயா இயக்கியுள்ளார். கதாநாயகியாக ப்ரியங்கா மோகனா நடிக்க ஜேக்ஸ் பிஜாய் இசையமைக்கிறார்.  

Next Story

சர்தார் 2 படத்தில் இணைந்த விஜய் பட இயக்குநர்!

Published on 16/07/2024 | Edited on 16/07/2024
SJ surya act in sardar 2 movie

பி எஸ் மித்ரன் இயக்கத்தில் கார்த்தி நடிப்பில் கடந்த 2022ஆம் ஆண்டு வெளியான படம் ‘சர்தார்’. பிரின்ஸ் பிக்சர்ஸ் தயாரித்திருந்த இப்படத்தில் ராஷி கண்ணா, ரஜிஷா விஜயன் மற்றும் லைலா உள்ளிட்டோர் முக்கிய கதாபாத்திரத்தில் நடித்திருந்தனர். இசை சார்ந்த பணிகளை ஜி.வி. பிரகாஷ் குமார் மேற்கொண்டிருந்தார். ஸ்பை த்ரில்லர் ஜானரில் வெளியான இப்படம் ரசிகர்களிடம் நல்ல வரவேற்பை பெற்றது. 

உலகம் முழுவதும் தற்போது வரை ரூ.85 கோடிக்கு மேலாக வசூலித்துள்ளது. இதற்கிடையில், இப்படம் வெளியாகி 1 ஆண்டை நிறைவு செய்ததையொட்டி, சர்தார் இரண்டாம் பாகம் உருவாகவுள்ளதாக படக்குழு அறிவித்திருந்தது. அதன்படி, சர்தார் 2 படத்தின் படப்பிடிப்பு கடந்த 12ஆம் தேதி சென்னையில் தொடங்கி நடைபெற்று வருகிறது. 

முந்தைய பாகத்தில் நடித்திருந்த நடிகர்களான ராஷி கண்ணா, லைலா, ரஜிஷா விஜயன், யூகி சேதி உள்ளிட்ட நடிகர்கள் இரண்டாம் பாகத்தில் நடிக்கவிருப்பதாகக் கூறப்படுகிறது. சர்தார் படத்தில் இசையமைத்திருந்த ஜி.வி.பிரகாஷுக்கு மாற்றாக இரண்டாம் பாகத்தில் யுவன் ஷங்கர் ராஜா இசையமைக்கவுள்ளார். இந்த நிலையில், இந்த படத்தில் முக்கிய நடிகர் இணையவுள்ளதாக படக்குழு அறிவித்துள்ளது. இது தொடர்பான அறிவிப்பில், நடிகரும், இயக்குநருமான எஸ்.ஜே.சூர்யா இப்படத்தில் இணைந்துள்ளதாக படக்குழு அறிவித்துள்ளது.