Skip to main content

திருவண்ணாமலை கோயிலில் மாஸ்டர் படக்குழு பிரார்த்தனை...

Published on 10/01/2021 | Edited on 10/01/2021

 

master team

 

 

கரோனா நெருக்கடி காரணமாக மூடப்பட்டிருந்த திரையரங்குகள், கடந்த சில மாதங்களுக்கு முன்னர் திறக்கப்பட்டன. இருப்பினும் கரோனா குறித்த அச்சம் தொடர்ந்து நிலவி வருவதால், 50 சதவிகிதப் பார்வையாளர்கள் மட்டுமே திரையரங்கில் அனுமதிக்கப்பட்டு வந்தனர். இதனால், பெரும்பாலான திரையரங்குகள், ரசிகர்கள் வரவின்றி வெறிச்சோடிக் காணப்பட்டன.

 

இதனை தொடர்ந்து பொங்கல் பண்டிகையை முன்னிட்டும் மாஸ்டர் திரைப்பட வெளியீட்டை முன்னிட்டும் 100 சதவித இருக்கைகளுடன் திரையரங்கள் இயங்க தமிழக அரசு அனுமதி வழங்கியது. இதற்கு ஒரு பக்கம் ஆதரவும் மறுபக்கம் எதிர்ப்பும் கிளம்பின. 

 

இதனிடையே மத்திய உள்துறை அமைச்சகம் 100 சதவித இருக்கைகளுடன் திரையரங்கம் இயங்குவதை மறுபரீசிலனை செய்யும்படி அறிக்கை ஒன்றை வெளியிட்டது. அதன்படி தமிழக அரசு மறு அறிவிப்பு வரும் வரை திரையரங்குகள் 50 சதவித இருக்கைகளுடனே திரையரங்கங்களை இயக்குமாறு அறிவித்துள்ளது. இதனால் திரையரங்க உரிமையாளர்கள் அதிருப்தியில் இருக்கும் சூழலில், மறுபுறம் மாஸ்டர் பட டிக்கெட்டுகளையும் அதிக விலைக்கு விற்க தொடங்கியுள்ளனர்.

 

இந்நிலையில், மாஸ்டர் படத்தின் இயக்குனர் லோகேஷ், இசையமைப்பாளர் அனிருத், மாஸ்டர் பட வசனகர்த்தா ரத்னகுமார் மற்றும் அந்த படத்தில் நடித்த துணை நடிகர்கள் ஆகியோர் மாஸ்டர் படம் வெற்றிபெற வேண்டும் என்று திருவண்ணாமலையில் பிரார்த்தனை மேற்கொண்டுள்ளனர். அப்போது அவர்கள் எடுத்துகொண்ட புகைப்படத்தை சமூக வலைதளத்தில் பதிவிட்டுள்ளனர். 

 

 

சார்ந்த செய்திகள்

Next Story

ரஜினி படத்தில் இணைந்த ‘விக்ரம்’ படப் பிரபலம்; லோகேஷ் வெளியிட்ட அப்டேட்!

Published on 03/07/2024 | Edited on 03/07/2024
'Vikram' movie cinematographer joined Rajini's coolie film

ரஜினிகாந்த் தற்போது தனது 170ஆவது படமான ‘வேட்டையன்’ படத்தில் நடித்து வருகிறார். லைகா தயாரிக்கும் இப்படத்தை ஜெய் பீம் பட இயக்குநர் த.செ. ஞானவேல் இயக்கி வருகிறார். இப்படம் வருகிற அக்டோபர் மாதம் வெளியாகவுள்ளது. விரைவில் ரிலீஸ் தேதி அறிவிப்பார்கள் என எதிர்பார்க்கப்படுகிறது. இறுதிக்கட்ட படப்பிடிப்பு முழு வீச்சில் நடைபெற்று வருகிறது. மும்பையில் சில தினங்களாக நடைபெற்றது. 

இப்படத்தைத் தொடர்ந்து, இயக்குநர் லோகேஷ் கனகராஜுடன் ‘கூலி’ படம் மூலம் ரஜினி கைகோர்த்துள்ளார். சன் பிக்சர்ஸ் தயாரிக்கும் இப்படத்திற்கு அனிருத் இசையமைக்கிறார். ஸ்டண்ட் மாஸ்டர்களாக அன்பரிவ் இணைந்துள்ளனர். இந்த படத்தின் ஆரம்பகட்ட பணிகள் விறுவிறுப்பாக நடைபெற்று வந்த நிலையில் இம்மாதம் இந்த படத்தின் படப்பிடிப்பு தொடங்க இருப்பதாக கூறப்படுகிறது. மேலும், இந்த படத்தில் சத்யராஜ் மற்றும் ஸ்ருதிஹாசன் நடிக்க இருப்பதாகவும் கூறப்படுகிறது. 

இந்த நிலையில், கூலி படத்தில் ஒளிப்பதிவாளராக கிரிஷ் கங்காதரன் இணைந்துள்ளதாக இயக்குநர் லோகேஷ் கனகராஜ் தெரிவித்துள்ளார். இது குறித்து அவர் தனது எக்ஸ் பக்கத்தில், ‘உங்களை மீண்டும் இப்படத்திற்காக இணைத்ததில் மகிழ்ச்சி‘ என தெரிவித்து கிரிஷ் கங்காதரனை டேக் செய்துள்ளார். மேலும் அவர், இந்த படத்தில் நடிக்கும் மற்ற நட்சத்திரங்கள் குறித்து அறிவிப்பு விரைவில் வெளியாகும் என தெரிவித்துள்ளார். ஒளிப்பதிவாளர் கிரிஷ் கங்காதரன் ஏற்கெனவே, கமல்ஹாசன் நடிப்பில் வெளியாகி ஹிட்டான ‘விக்ரம்’ படத்தில் ஒளிப்பதிவாளராக பணியாற்றினார் என்பது குறிப்பிடத்தக்கது. 

Next Story

ஹிட் பட நடிகரின் அடுத்த படம் - வெளியிட்ட முன்னணி பிரபலங்கள் 

Published on 06/06/2024 | Edited on 06/06/2024
sivakarthikeyan released the siddharth next movie

நடிகர், தயாரிப்பாளர் என இரண்டு துறைகளில் கவனம் செலுத்தி வருகிறார் சித்தார்த். கடைசியாக இவர் தயாரித்து நடித்த சித்தா படம் ரசிகர்கள் மத்தியில் நல்ல வரவேற்பைப் பெற்றது. இதையடுத்து இப்போது கமல் - ஷங்கர் கூட்டணியில் உருவாகியுள்ள இந்தியன் 2 படத்தில் முக்கிய கதாபாத்திரத்தில் நடித்துள்ளார். இப்படம் ஜூலை 12ஆம் தேதி பிரம்மாண்டமாக வெளியாகவுள்ளது. 

இப்படத்தை தொடர்ந்து ஐஸ்வர்யா ரஜினிகாந்த் இயக்கத்தில் சித்தார்த் ஒரு படம் நடிக்கவுள்ளதாக தகவல் வெளியானது. இந்த நிலையில் சித்தார்த் நடிக்கும் புதிய படத்தின் அறிவிப்பு தற்போது வெளியாகியுள்ளது. ஃபர்ஸ்ட் லுக் போஸ்டருடன் இந்த அறிவிப்பு வெளியாகியுள்ள நிலையில், போஸ்டரை சிவகார்த்திகேயன், லோகேஷ் கனகராஜ் மற்றும் மாதவன் தங்களது எக்ஸ் பக்கத்தில் வெளியிட்டு படக்குழுவிற்கு வாழ்த்துக்களை தெரிவித்துள்ளனர். 

sivakarthikeyan released the siddharth next movie

இப்படத்தை ராஜேசகர் இயக்குகிறார். படத்திற்கு ‘மிஸ் யூ’ (Miss You) எனத் தலைப்பு வைக்கப்பட்டுள்ளது. கதாநாயாகியாக கன்னட நடிகை ஆஷிகா ரங்கநாத் நடிக்கிறார். இவர் ஏற்கெனவே அதர்வாவின் பட்டத்து அரசன் படத்தில் தமிழுக்கு அறிமுகமாகியிருந்தார். இதையடுத்து இப்படத்தில் நடிக்கிறார். மேலும் கருணாகரன், பால சரவணன், லொள்ளு சபா மாறன் உள்ளிட்டோர் முக்கிய கதாபாத்திரத்தில் நடிக்கின்றனர். 7 மைல்ஸ் பெர் செகண்ட் என்ற தயாரிப்பு நிறுவனம் தயாரிக்கும் இப்படத்திற்கு ஜிப்ரான் இசையமைக்கிறார்.