Skip to main content

தமிழ் சினிமாவில் அடுத்த ரவுண்டிற்கு தயாராகும் ஸ்ரீதிவ்யா!

Published on 04/12/2020 | Edited on 04/12/2020

 

Sri Divya

 

இயக்குனர் பொன்ராம் இயக்கத்தில் நடிகர் சிவகார்த்திகேயன் நடித்து 2013 -ஆம் ஆண்டு வெளியாகி பட்டிதொட்டியெங்கும் வசூலை வாரிக்குவித்த படம் 'வருத்தப்படாத வாலிபர் சங்கம்'.

 

இந்தப்படத்தில் சிவகார்த்திகேயனுக்கு ஜோடியாக ஸ்ரீதிவ்யா நடித்திருந்தார். இப்படத்தில் இடம்பெற்றிருந்த, 'ஊதா கலரு ரிப்பன்' பாடல் மூலம், ரசிகர்களின் விருப்பத்திற்குரிய நாயகியாக மாறிய ஸ்ரீதிவ்யாவிற்கு, அடுத்தடுத்து வாய்ப்புகள் வந்துகுவிந்தன. அதில், 'காக்கிச்சட்டை', 'ஜீவா', 'ஈட்டி' ஆகிய படங்கள் குறிப்பிடத்தக்கவை. இவர், 2017 -ஆம் ஆண்டு ஜீவா நடிப்பில் வெளியான 'சங்கிலி புங்கிலி கதவ தொற' படத்திற்குப் பிறகு எந்தப் படத்திலும் நடிக்காமல் இருந்தார்.

 

பல இளம் கதாநாயகிகளின் வருகையைத் தொடர்ந்து ஸ்ரீதிவ்யாவிற்கு சரியான வாய்ப்புகள் கிடைக்காமல் இருந்தது. இந்தநிலையில், 3 வருடத்திற்குப் பிறகு, அவர் புதிய படத்தில் ஒப்பந்தமாகியுள்ளார். 'பானா காத்தாடி' படத்தின் இயக்குனரான பத்ரி, நடிகர் கவுதம் கார்த்திக்கை வைத்து இயக்கவுள்ள படத்தில், ஸ்ரீதிவ்யா கதாநாயகியாக நடிக்கிறார். இப்படத்தின் படப்பிடிப்பானது விரைவில் தொடங்கவுள்ளது.  

 

இதைத் தவிர மேலும் சில படத்தில், ஸ்ரீதிவ்யாவை நடிக்க வைக்க பேச்சுவார்த்தைகள் நடந்து வருவதாக வெளியாகும் தகவல்கள், தமிழ் சினிமாவில் அடுத்த ரவுண்டிற்கு ஸ்ரீதிவ்யா தயாராகிவிட்டார் என்பதைக் காட்டுகிறது.

 

 

 

சார்ந்த செய்திகள்

Next Story

கார்த்தியுடன் மீண்டும் இணைந்த ஸ்ரீதிவ்யா

Published on 24/02/2024 | Edited on 24/02/2024
karthi 27 update sri divya as heroine

'ஜப்பான்' படத்தைத் தொடர்ந்து கார்த்தி தற்போது நலன் குமாரசாமி இயக்கத்தில் நடித்து வருகிறார். ஸ்டூடியோ கிரீன் நிறுவனம் தயாரிக்கும் இப்படத்தில் ராஜ்கிரண், சத்யராஜ், கீர்த்தி ஷெட்டி உட்பட பலர் நடிப்பதாகக் கூறப்படுகிறது. மேலும் பிரேம் குமார் இயக்கத்திலும் ஒரு படம் நடித்து வந்தார். கார்த்தியின் 27வது படமாக இப்படம் உருவாகி வருகிறது. 

கார்த்தியின் 27வது படத்தில் அரவிந்த்சாமி நடிக்கிறார். சூர்யா, ஜோதிகாவின் 2டி நிறுவனம் தயாரிக்கிறது. கோவிந்த் வசந்தா இசையமைக்கிறார். இப்படத்திற்கு ‘மெய்யழகன்’ எனத் தலைப்பு வைக்கப்பட்டதாகத் தகவல் வெளியானது. மேலும் ஸ்ரீ திவ்யா மற்றும் சின்னத்திரை நடிகை ஸ்வாதி கொன்டே இப்படத்தில் நடிப்பதாகக் கூறப்பட்டது. 

இந்த நிலையில், இப்படத்தின் படப்பிடிப்பு நடந்து முடிந்துள்ளதாக படக்குழு தெரிவித்துள்ளது. இது தொடர்பான வீடியோவையும் படக்குழு வெளியிட்டுள்ளது. மேலும் ராஜ்கிரண், ஸ்ரீ திவ்யா, ஜெயபிரகாஷ் உள்ளிட்டோர் நடித்துள்ளதாக தெரிவித்துள்ளது. ஸ்ரீ திவ்யா கார்த்தியுடன் காஷ்மோரா படத்திற்குப் பிறகு மீண்டும் நடித்துள்ளார்.

Next Story

தீபாவளி ரேசில் இணைந்த விக்ரம் பிரபு படம்

Published on 14/10/2023 | Edited on 14/10/2023

 

vikram prabhu raid movie to release in coming diwali

 

விக்ரம் பிரபு நடிப்பில் இந்தாண்டு தொடர்ந்து அடுத்தடுத்த படங்கள் வெளியாகி வருகிறது. பொன்னியின் செல்வன் 2, பாயும் ஒளி நீ எனக்கு மற்றும் இறுகப்பற்று. சமீபத்தில் வெளியான இறுகப்பற்று ரசிகர்களிடம் நல்ல வரவேற்பைப் பெற்று வருகிறது. 

 

இதனிடையே இயக்குநர் முத்தையா வசனத்தில், ரெய்டு என்ற தலைப்பில் ஒரு படம் நடித்துள்ளார். இதில் கதாநாயகியாக ஸ்ரீ திவ்யா நடித்துள்ளார். கனிஷ்க் மற்றும் மணிகண்ணன் தயாரிக்கும் இப்படத்தை கார்த்தி என்பவர் இயக்கியுள்ளார். இப்படம் கடந்த ஆண்டு செப்டம்பரில் வெளியிடத் திட்டமிட்டது. சில காரணங்களால் படம் வெளியாகவில்லை. 

 

இந்த நிலையில், இப்படத்தின் ரிலீஸ் அப்டேட் தற்போது வெளியாகியுள்ளது. அதன்படி வருகிற தீபாவளியை முன்னிட்டு இப்படம் வெளியாகும் என போஸ்டர் ரிலீஸாகியுள்ளது. ஏற்கனவே தீபாவளி ரேசில் கார்த்தி - ராஜு முருகன் கூட்டணியில் உருவாகும் ஜப்பான், கார்த்திக் சுப்புராஜ் - ராகவா லாரன்ஸ் கூட்டணியில் உருவாகும் ஜிகர்தண்டா 2 உள்ளிட்ட படங்கள் இருக்கும் நிலையில் தற்போது விக்ரம் பிரபு படமும் இணைந்துள்ளது.