Skip to main content

பிறந்தநாளில் சர்ப்ரைஸ் - அதிகாரப்பூர்வ அறிவிப்பை வெளியிட்ட சிவகார்த்திகேயன்

Published on 25/09/2023 | Edited on 25/09/2023

 

sivakarthikeyan next with ar murugadoss

 

விமர்சன ரீதியாகவும் வசூல் ரீதியாகவும் பல வெற்றி படங்களை கொடுக்கும் இயக்குநர்களில் ஒருவர் ஏ.ஆர் முருகதாஸ். தமிழைத் தாண்டி இந்தியிலும் வெற்றிப் படங்களை இயக்கியிருந்தார். கடைசியாக ரஜினியை வைத்து 'தர்பார்' படம் இயக்கியிருந்த நிலையில் அடுத்து அவர் இயக்கும் படம் பற்றிய அறிவிப்பு எதுவும் வெளியாகவில்லை. ஆனால் சிவகார்த்திகேயனுடன் இணையவுள்ளதாக தகவல் வந்தது. 

 

இந்த நிலையில் அந்த தகவல் தற்போது உறுதியாகியுள்ளது. இன்று ஏ.ஆர் முருகதாஸ் பிறந்தநாள் கொண்டாடும் நிலையில், அவருக்கு வாழ்த்து தெரிவித்து அறிவிப்பை வெளியிட்டுள்ளார் சிவகார்த்திகேயன். இது தொடர்பாக அவர் வெளியிட்டுள்ள எக்ஸ் பதிவில், "எனது 23வது படத்திற்காக ஏ.ஆர் முருகதாஸுடன் இணைவதில் மிகவும் மகிழ்ச்சியடைகிறேன். அவரின் கதையைக் கேட்டு இரட்டிப்பு மகிழ்ச்சி அடைந்தேன். இந்த படம் எனக்கு எல்லா அம்சங்களிலும் மிகவும் சிறப்பு வாய்ந்ததாக இருக்கும், மேலும் படப்பிடிப்பு தொடங்குவதற்காக ஆவலுடன் காத்துக்கொண்டிருக்கிறேன்" என குறிப்பிட்டுள்ளார். இப்படத்தில் கதாநாயகியாக மிருனாள் தாக்கூர் நடிக்கவுள்ளதாக ஒரு தகவல் உலா வந்து கொண்டிருக்கிறது. 

 

சிவகார்த்திகேயன் தற்போது கமல் தயாரிப்பில் ராஜ்குமார் பெரியசாமி இயக்கத்தில் பெயரிடப்படாத படத்தில் நடித்து வருகிறார். சாய் பல்லவி கதாநாயகியாக நடிக்கும் இப்படத்தின் படப்பிடிப்பு முழுவீச்சில் நடைபெற்று வருகிறது.  

 

 

 

சார்ந்த செய்திகள்

Next Story

விலகும் சூர்யா - கமிட்டாகும் சிவகார்த்திகேயன்

Published on 18/07/2024 | Edited on 18/07/2024
sivakarthikeyan to play lead in sudha kongara instead suriya

சூரரைப் போற்று வெற்றிக்குப் பிறகு சூர்யாவும் சுதா கொங்கராவும் மீண்டும் ஒரு படத்திற்கு கைகோர்த்தனர். இப்படம் சூர்யாவின் 43வது படமாக உருவாகும் எனத் தெரிவித்த படக்குழு, கடந்த ஆண்டு அக்டோபரில் படத்தின் அறிவிப்பு வீடியோவை வெளியிட்டது. அதில் படத்தின் தலைப்பு மறைக்கப்பட்டு  'புறநானூறு' என்ற டேக் லைன் மட்டும் இடம் பெற்றது. மேலும் ஒரு போராட்டக் களத்தில் போலீசாருக்கும் போராட்டக்காரர்களுக்கும் மோதல் நடப்பதாகவும் அங்கு அடிதடி, பாட்டில் உள்ளிட்டவை வீசப்பட்டு அந்த இடமே ஒரு போர்க்களமாக காட்சியளிப்பது போல் அந்த வீடியோ அமைந்ததிருந்தது. 

2டி நிறுவனம் தயாரிக்கவிருந்த இப்படத்தில் துல்கர் சல்மான், நஸ்ரியா, பாலிவுட் நடிகர் விஜய் வர்மா உள்ளிட்ட பிரபலங்கள் நடிக்க கமிட்டாகியிருந்தனர். இப்படத்திற்கு ஜி.வி. பிரகாஷ் குமார் இசையமைக்கவுள்ள நிலையில் அவருக்கு 100வது படமாக இப்படம் அமைந்தது. இப்படத்திற்கான பாடல் ஒன்றை பாடகி தீ குரலில் பதிவு செய்துள்ளதாக அப்டேட் வெளியானது. இதைத் தொடர்ந்து இப்படத்தில் கதாநாயகியாக அதிதி ஷங்கர் நடிக்கவுள்ளதாக தகவல் வெளியானது. 

இந்த நிலையில் இப்படத்தில் சூர்யா தற்போது விலகியுள்ளதாக தகவல் வெளியாகியுள்ளது. மேலும் சூர்யாவுக்கு பதில் சிவகார்த்திகேயன் நடிக்கவுள்ளதாக கூறப்படுகிறது. அதோடு 2டி நிறுவனம் தயாரிப்பிலிருந்து விலகுவதாகவும், அதற்கு பதிலாக புதிய தயாரிப்பாளர் தயாரிக்கவுள்ளதாகவும் கூறப்படுகிறது. சிவகார்த்திகேயனை தற்போது ‘அமரன்’ படத்தில் நடித்து முடித்துள்ளார். இப்படம் அக்டோபர் 31ஆம் தேதி வெளியாகவுள்ளது. இப்படத்தை தொடர்ந்து ஏ.ஆர்.முருகதாஸ் இயக்கத்தில் நடித்து வருகிறார்.

Next Story

தீபாவளியைக் குறிவைத்த சிவகார்த்திகேயன்

Published on 17/07/2024 | Edited on 17/07/2024
sivakarthikeyan amaran movie release update

கமல்ஹாசன் தயாரிப்பில் சிவகர்த்திகேயன் நடித்துள்ள படம் அமரன். ராஜ்குமார் பெரியசாமி இயக்கும் இப்படம் உண்மை சம்பவத்தை மையமாகக் கொண்டு உருவாகிறது. கடந்த 2014 ஆம் ஆண்டு காஷ்மீர் மாநிலத்தில் உள்ள சோபியான் பகுதியில் இந்திய ராணுவ வீரர்களுக்கும் பயங்கரவாதிகளுக்கும் துப்பாக்கிச் சண்டை நடைபெற்றது. அதில் தமிழகத்தைச் சேர்ந்த மேஜர் முகுந்த் வரதராஜன் பயங்கரவாதிகளால் சுட்டுக் கொல்லப்பட்டார். 

இந்தச் சம்பவத்தை அடிப்படையாகக் கொண்டு உருவாகும் இப்படத்தில் முகுந்த் வரதராஜன் கதாபாத்திரத்தில் சிவகார்த்திகேயன் நடித்துள்ளார். சாய் பல்லவி கதாநாயகியாக நடித்துள்ள இப்படத்திற்கு ஜி.வி.பிரகாஷ் இசையமைக்கிறார். இப்படத்தின் டீசர் கடந்த பிப்ரவரி மாதம் வெளியானது. இதில் இஸ்லாமியர்களைத் தீவிரவாதியாக சித்தரித்துள்ளதாக கூறி எதிர்ப்பும் கிளம்பியது. 

இந்த நிலையில் இப்படத்தின் ரிலீஸ் தேதி குறித்த அறிவிப்பு தற்போது வெளியாகியுள்ளது. அதன்படி இந்தாண்டு தீபாவளியான அக்டோபர் 31ஆம் தேதி வெளியாகும் எனத் தெரிவிக்கப்பட்டுள்ளது. பண்டிகை தினம் என்பதால் வரவேற்பு அதிகமாக இருக்கும் எனக் கூறப்படுகிறது.