Skip to main content

கதையை கைமாற்றிய ஆமீர் கான்; சல்மானை இயக்கும் தமிழ்ப் பட இயக்குநர்

Published on 02/02/2023 | Edited on 02/02/2023

 

RS Prasanna to direct Salman Khan under Aamir Khan Productions

 

பாலிவுட்டில் டாப் ஹீரோக்களில் ஒருவராக வலம் வருபவர் ஆமீர்கான். ‘ஆமீர்கான் புரொடக்சஷன்ஸ்’ என்ற தயாரிப்பு நிறுவனத்தையும் நடத்தி வருகிறார். இந்த நிறுவனம் மூலம் பல படங்களைத் தயாரித்துள்ள ஆமீர்கான். அடுத்ததாக சல்மான் கானை வைத்து ஒரு படம் எடுக்க திட்டமிட்டுள்ளதாகத் தகவல் வெளியாகியுள்ளது. இது தொடர்பாக சல்மான்கானிடம் ஆமீர்கான் பேச்சுவார்த்தை நடத்தி வருவதாகக் கூறப்படுகிறது. 

 

இப்படத்தை தமிழ்ப் பட இயக்குநர் ஆர்.எஸ். பிரசன்னா இயக்கவுள்ளதாகச் சொல்லப்படுகிறது. முன்னதாக ஆர்.எஸ். பிரசன்னா ஸ்போர்ட்ஸ் ட்ராமா ஜானரில் ஒரு கதையை எழுதி ஆமீர்கானிடம் சொல்லியுள்ளார். கதையைக் கேட்ட ஆமீர்கான், இதில் தன்னை விட சல்மான்கான் நடித்தால் பொருத்தமாக இருக்கும் என நினைத்து சல்மான்கானை அணுகியுள்ளதாகச் சொல்லப்படுகிறது. சல்மான்கான் தரப்பு இதற்கு என்ன பதிலளித்தார்கள் என்று இன்னும் தகவல் வெளியாகவில்லை. விரைவில் வெளியாகும் என்று எதிர்பார்க்கப்படுகிறது. இப்படம் உறுதியாகும் பட்சத்தில் ஆமீர்கான் தயாரிப்பில் முதல் முதலில் நடிக்கவுள்ளார் சல்மான்கான். 

 

2013ல், லேகா வாஷிங்டன் உள்ளிட்ட பலர் நடிப்பில் வெளியான 'கல்யாண சமையல் சாதம்' படம் மூலம் திரைத்துறைக்கு அறிமுகமானவர் இயக்குநர் ஆர்.எஸ். பிரசன்னா. இப்படத்தை தொடர்ந்து சின்மயா மிஷனின் நிறுவனர் சுவாமி சின்மயானந்தாவின் வாழ்க்கையை 'ஆன் ஏ குயிஸ்ட்' ( On a Quest) என்ற தலைப்பில் ஆங்கிலத்தில் ஒரு படம் எடுத்தார். பின்பு  'கல்யாண சமையல் சாதம்' படத்தையே இந்தியில் 'சுப் மங்கள் சாவ்தான்' என்ற தலைப்பில் ரீமேக் செய்தார். 2017ல் வெளியான இப்படம் பாலிவுட்டிலும் வரவேற்பை பெற்றது. 

 

 

சார்ந்த செய்திகள்

Next Story

அடுத்த படத்திற்கு தமிழ் இயக்குநரைத் தேர்ந்தெடுத்த சல்மான் கான்

Published on 12/03/2024 | Edited on 12/03/2024
salman khan next with ar murugadoss

ரஜினியின் தர்பார் படத்தை தொடர்ந்து நீண்ட இடைவெளிக்குப் பிறகு சிவகார்த்திகேயனின் 23ஆவது படத்தை இயக்கி வருகிறார் ஏ.ஆர் முருகதாஸ். இப்படத்தில் ருக்மணி வசந்த் கதாநாயகியாக நடிக்க அனிருத் இசையமைக்கிறார். படப்பிடிப்பு கடந்த மாதம் பூஜையுடன் தொடங்கி முழு வீச்சில் தொடங்கி நடைபெற்று வருகிறது. 

இந்த படத்தை அடுத்து ஏ.ஆர் முருகதாஸ், பாலிவுட்டில் சல்மான் கானை வைத்து படமெடுக்கவுள்ளதாக தகவல் வெளியானது. இருப்பினும் அதிகாரப்பூர்வ அறிவிப்பு வெளியாகாமல் இருந்த நிலையில் தற்போது வெளியாகியுள்ளது. பாலிவுட்டின் முன்னணி நடிகர்களான அமீர் கான், அக்‌ஷய் குமார் உள்ளிட்ட ஹீரோக்களை இயக்கிய ஏ.ஆர் முருகதாஸ் மற்றொரு முன்னணி நடிகரான சல்மான் கானை இயக்கவுள்ளார். இப்படம் குறித்து தனது எக்ஸ் தளத்தில் பதிவிட்ட ஏ.ஆர்.முருகதாஸ், “மறக்க முடியாத சினிமா அனுபவத்திற்கு தயாராகுங்கள்” என குறிப்பிட்டுள்ளார்.  

முதல் முறையாக இருவரும் கூட்டணி வைத்துள்ளதால் ரசிகர்கள் மத்தியில் இப்படத்திற்கு எதிர்பார்ப்பு அதிகரித்துள்ளது. இப்படத்தை தயாரிப்பாளர் சஜித் நதியாத்வாலா தயாரிக்கிறார். அடுத்த ஆண்டு ரமலான் பண்டிகையை முன்னிட்டு இப்படம் வெளியாகவுள்ளதாக அறிவிக்கப்பட்டுள்ளது. சல்மான் கான், கடைசியாக டைகர் 3 படத்தில் நடித்திருந்தார். இப்படம் கடந்த ஆண்டு நவம்பரில் வெளியானது. இதையடுத்து விஷ்ணுவர்தன் இயக்கத்தில் நடிக்கவுள்ளதாக 1 வருடத்திற்கும் மேலாக தகவல் உலா வந்து கொண்டிருக்கிறது. ஆனால், அப்படம் குறித்த அப்டேட் இன்னும் வெளியாகாத சூழலில் சர்ப்ரைஸாக ஏ.ஆர் முருகதாஸ் பட அறிவிப்பு வெளியாகியுள்ளது.

Next Story

சல்மான் கானுக்கு ஜோடியாக நடிக்கும் த்ரிஷா

Published on 29/12/2023 | Edited on 29/12/2023
trisha bollywood movie update

பட்டியல், பில்லா, ஆரம்பம் என ஹிட் படங்களைக் கொடுத்தவர் இயக்குநர் விஷ்ணுவர்தன். கடைசியாக இந்தியில் 'ஷெர்ஷா’ படத்தை இயக்கியிருந்தார். இப்படம் நல்ல வரவேற்பைப் பெற்ற நிலையில், தற்போது தமிழில் அதர்வாவின் தம்பி ஆகாஷ் முரளியை ஹீரோவாக வைத்து ஒரு படம் இயக்கி வருவதாக கோலிவுட் வட்டாரத்தில் பரவலாகப் பேசப்படுகிறது. இதில் கதாநாயகியாக அதிதி ஷங்கர் நடிப்பதாகவும், படப்பிடிப்பு முழு வீச்சில் நடைபெற்று வருவதாகவும் கூறப்படுகிறது.  

இப்படத்தை முடித்து மீண்டும் இந்தியில் ஒரு படம் இயக்கவுள்ளார். அங்கு முன்னணி நடிகரான சல்மான் கானை வைத்து படமெடுக்கவுள்ளார். இப்படத்தை கரண் ஜோகர் தயாரிக்கிறார். இப்படத்தின் ப்ரீ ப்ரொடக்‌ஷன் பணிகள் விரைவில் ஆரம்பிக்கவுள்ளதாகவும் அடுத்த ஆண்டு இறுதியில் வெளியிடத் திட்டமிட்டுள்ளதாகவும் முன்பு தகவல் வெளியானது. அதோடு ஆக்‌ஷன் ஜானரில் இப்படம் பெரிய பொருட் செலவில் உருவாவதாகவும் கூறப்படுகிறது.

இந்த நிலையில் த்ரிஷா இப்படத்தில் சல்மான் கானுக்கு ஜோடியாக நடிக்கவுள்ளதாகத் தகவல் வெளியாகியுள்ளது. இதன் மூலம் பாலிவுட்டில் 13 ஆண்டுகளுக்குப் பிறகு கதாநாயகியாக ரீ என்ட்ரி கொடுக்கவுள்ளதாகக் கூறப்படுகிறது. இதற்கு முன்னால் 2010 ஆம் ஆண்டு அக்‌ஷய் குமார் நடித்த கட்டா மேத்தா படத்தில் நடித்திருந்தார். இப்படம் அவரின் முதல் மற்றும் கடைசி படமாக இதுவரை இருந்து வருகிறது.

த்ரிஷா தற்போது அஜித்தின் விடாமுயற்சி படத்தில் நடித்து வருகிறார். மேலும் மலையாளத்தில் டோவினோ தாமஸ் நடிக்கும் ஐடென்டிட்டி படத்திலும் நடித்து வருகிறார். அதுமட்டுமல்லாமல் மோகன்லாலின் 'ராம் பார்ட் 1' படத்தை கைவசம் வைத்துள்ளார்.