Skip to main content

அதிகாலை காட்சி விவகாரம் - தள்ளுபடி செய்த நீதிமன்றம்

Published on 13/10/2023 | Edited on 13/10/2023

 

rohini theatre varisu thunivu morning shoe issue update

 

கடந்த பொங்கலை முன்னிட்டு விஜய் மற்றும் அஜித் நடிப்பில் வாரிசு மற்றும் துணிவு படம் வெளியானது. இத்திரைப்படம் சென்னை ரோகிணி திரையரங்கில் கடந்த ஜனவரி 11ம் தேதி அதிகாலை காட்சி திரையிடப்பட்டதாகக் கூறி 2 ஆயிரம் ரூபாய் அபராதம் விதித்தார் சென்னை மாநகரக் காவல் ஆணையர். 

 

இந்த உத்தரவை எதிர்த்து ரோகிணி திரையரங்கு சார்பில் சென்னை உயர் நீதிமன்றத்தில் மனு கொடுக்கப்பட்டது. அதில், கடந்த ஜனவரி 11ம் தேதி அதிகாலை 1 மணிக்கும், 4 மணிக்கும் காட்சிகள் திரையிட அனுமதி வழங்கப்பட்டுள்ள நிலையில், எந்த முறையான விசாரணையும் நடத்தாமல் அபராதம் விதிக்கப்பட்டுள்ளதாகக் குறிப்பிடப்பட்டிருந்தது. 

 

இந்த மனு இன்று விசாரணைக்கு வந்தது. அப்போது மனுதாரர் சார்பில் கடைகள் மற்றும் நிறுவன சட்டத்தின் கீழ் திரையரங்குகளை 24 மணி நேரமும் திரையிட முடியும் என்கிற அடிப்படையிலேயே அதிகாலை காட்சிகள் திரையிடப்பட்டதாகத் தெரிவிக்கப்பட்டது. இதையடுத்து காவல்துறை சார்பில், கடைகள் மற்றும் நிறுவன சட்டத்தின் கீழ் திரையரங்குகளில் சினிமா காட்சிகளைத் திரையிட முடியாது எனத் தெரிவிக்கப்பட்டது. இரு வாதங்களையும் கேட்ட நீதிமன்றம்  ரோகிணி திரையரங்கு சார்பில் கொடுக்கப்பட்ட மனுவைத் தள்ளுபடி செய்தது. 

 

 

சார்ந்த செய்திகள்

Next Story

“விடாமுயற்சி திருவினையாக்கும்” - தொடர் அப்டேட்டில் படக்குழு 

Published on 22/07/2024 | Edited on 22/07/2024
aijth vidamuyarchi update

அஜித் குமார் தற்போது மகிழ் திருமேனி இயக்கத்தில் ‘விடாமுயற்சி’ படத்தில் நடித்து வருகிறார். லைகா தயாரிப்பில் உருவாகும் இப்படத்தில் த்ரிஷா கதாநாயகியாக நடித்து வருகிறார். மேலும் அர்ஜுன், ரெஜினா கெஸாண்ட்ரா, ஆரவ் உள்ளிட்டோர் நடித்து வருகின்றனர். இப்படம் திரையரங்குகளுக்கு பின் ஓடிடியில் வெளியாகும் டிஜிட்டல் உரிமையை நெட்ஃபிளிக்ஸ் நிறுவனம் வாங்கியுள்ளது. இப்படத்தின் முதற்கட்ட படப்பிடிப்பு கடந்த ஆண்டு அக்டோபர் மாத தொடக்கத்தில் அஜர்பைஜானில் தொடங்கியது. அதன் பின்னர், இந்தப் படத்தின் படப்பிடிப்பு பல்வேறு மாநிலங்களில் நடைபெற்றது. 

பின்பு படப்பிடிப்பு தளத்தில் அஜித், கார் ஓட்டும் போது விபத்துக்குள்ளான வீடியோ ஒன்று வெளியாகி பரபரப்பை ஏற்படுத்தியது. பின்பு மீண்டும் சில இடைவெளிக்குப் பிறகு, அஜர்பைஜானில் படப்பிடிப்பு தொடங்கியது. இதையடுத்து சண்டைக் காட்சிகளில் அஜித் நடிக்கும் வீடியோ ஒன்று வெளியானது. தொடர்ந்து படத்தின் ஃபர்ஸ்ட் லுக் உள்ளிட்ட மூன்று போஸ்டர்கள் அடுத்தடுத்து சில நாட்கள் இடைவெளியில் வெளியானது. 

aijth vidamuyarchi update

இந்த நிலையில் தொடர்ந்து அப்டேட்டுகளை வெளியிட்டு வரும் படக்குழு தற்போது, அஜர்பைஜானில் நடந்து வந்த படப்பிடிப்பு முடிந்துள்ளதாக தெரிவித்துள்ளது. இது தொடர்பாக லைகா நிறுவனம், வெளியிட்டுள்ள எக்ஸ் பதிவில், “அஜர்பைஜான் மற்றும் பாகு ஆகிய பகுதிகளில் விடாமுயற்சி படத்திற்கான படப்பிடிப்பை முடித்துள்ளோம்” எனக் குறிப்பிட்டுள்ளனர். மேலும் விடாமுயற்சி திருவினையாக்கும் எனவும் பதிவிட்டு குரூப் ஃபோட்டோவையும் பகிர்ந்துள்ளனர். 

Next Story

வணங்கான் பட விவகாரம் - நீதிமன்றம் அதிரடி

Published on 20/07/2024 | Edited on 20/07/2024
vanangaan title issue case

பாலா இயக்கத்தில் அருண் விஜய் நடிப்பில் உருவாகி வரும் படம் 'வணங்கான்'. இப்படத்தை சுரேஷ் காமாட்சி மற்றும் பாலா இணைந்து தயாரிக்க கதாநாயகியாக ரோஷிணி பிரகாஷ் நடித்துள்ளார். சமுத்திரக்கனி, மிஷ்கின் உள்ளிட்டோரும் முக்கிய கதாபாத்திரங்களில் நடித்துள்ளனர். ஜி.வி. பிரகாஷ்குமார் இசையமைக்கும் இப்படத்தில் அனைத்து பாடல்களுக்கும் வைரமுத்து வரிகள் எழுதியுள்ளார். இப்படத்தின் ஃபர்ஸ்ட் லுக் கடந்த செப்டம்பர் மாதம் வெளியாகி கவனம் பெற்ற நிலையில் கடந்த டிசம்பர் மாதம் டப்பிங் பணிகள் தொடங்கப்பட்டது. டீசர் பிப்ரவரியில் வெளியாகி நல்ல வரவேற்பைப் பெற்றது. 

இப்படம் கடந்த பொங்கலை முன்னிட்டு வெளியாகும் என முன்னர் அறிவிப்பு வெளியான நிலையில் சில காரணங்களால் வெளியாகவில்லை. பின்பு ஜூலையில் வெளியாகும் என அறிவித்தார்கள். ஆனால் கடந்த 8ஆம் தேதி படத்தின் ட்ரைலர் வெளியானது. அதில் விரைவில் படம் வெளியாகும் எனக் குறிப்பிட்டுள்ளனர். 

இதனிடையே, ஆரஞ்ச் புரொடக்சன்ஸ் உரிமையாளர் எஸ்.சரவணன் என்பவர், வணங்கான் என்ற தலைப்பை ஏற்கனவே தான் பதிவு செய்துள்ளதாகவும், இதனால் அந்தத் தலைப்புக்கு தடை விதிக்கக்கோரியும் சென்னை உயர்நீதிமன்றத்தில் மனுத்தாக்கல் செய்தார். இந்த மனு தற்போது விசாரணைக்கு வந்துள்ளது. அப்போது, தயாரிப்பாளர் சுரேஷ் காமாட்சி மற்றும் இயக்குநர் பாலா தரப்பில் ஆஜரான வழக்கறிஞர், “வணங்கான் என்ற தலைப்பில் இந்தப் படம் உருவாகவுள்ளதென 2022ஆம் ஆண்டே மனுதாரருக்கு தெரியும். ஆனால் அப்போது எதிர்ப்பு தெரிவிக்காதவர் 2 ஆண்டுகள் கழித்து இப்போது படம் வெளியாகக்கூடிய சமயத்தில் பணம் பறிக்கக்கூடிய நோக்கில் கடைசி நேரத்தில் இந்த மனுவைத் தாக்கல் செய்திருக்கிறார்” எனக் குற்றம் சாற்றினார். இதை ஏற்றுக் கொண்ட நீதிபதி இந்தப் படத்தின் தலைப்புக்கு பதிப்புரிமை சட்டம் பொருந்தாது. அதனால் இந்தப் படத்தை பயன்படுத்தவும் வெளியிட தடை விதிக்கவும் கோரிய வழக்கை ஏற்க முடியாது எனக் கூறினார். அதன் பின்பு இந்த வழக்கை தள்ளுபடி செய்து உத்தரவிட்டார்.