Skip to main content

“தெலுங்கு மக்கள் தப்பிச்சிட்டாங்க” - பிரேம்ஜி கிண்டல்

Published on 06/05/2023 | Edited on 06/05/2023

 

Premji  Speech at Custody Movie Trailer Launch

 

ஸ்ரீனிவாசா சில்வர் ஸ்கிரீன், ஸ்ரீனிவாசா சித்தூரி புரொடக்ஷன்ஸ், பவன்குமார் வழங்கும் ’வெங்கட்பிரபுவின் ஹண்ட்’ என்ற டேக் லைனோடு 'கஸ்டடி' டிரெய்லர் வெளியீட்டு விழா மற்றும் பத்திரிகையாளர்கள் சந்திப்பு சென்னையில் நடைபெற்றது. இந்த சந்திப்பில் படத்தின் ஹீரோ நாக சைதன்யா, ஹீரோயின் கீர்த்தி ஷெட்டி, தயாரிப்பாளர் சீனிவாசா, இயக்குநர் வெங்கட்பிரபு மற்றும் தொழில்நுட்பக் கலைஞர்கள் மற்றும் நடிகரும் இசையமைப்பாளருமான பிரேம்ஜி ஆகியோர் கலந்து கொண்டனர்.

 

கதையில்லாமல் கூட இயக்குநர் வெங்கட்பிரபு படம் பண்ணுவார்; ஆனால் தம்பி இல்லாமல் படம் பண்ண மாட்டார் என சொல்லப்பட்டு வந்த கிண்டலான விமர்சனத்திற்கு பதிலடி கொடுக்கும் விதமாக இந்த படத்தில் பிரேம்ஜி இல்லை என்று முடிவெடுத்தாராம் வெங்கட்பிரபு. ஆனால் கடைசி நேரத்தில் சண்டை போட்டு சான்ஸ் வாங்கினாராம் பிரேம்ஜி. 

 

நிகழ்வில் பேசிய பிரேம்ஜி, "தெலுங்கு படம். அதனால் தெலுங்கு மக்களை வைத்து படம் பண்றோம். நீ இந்தப் படத்தில் இல்லை என்றார். ஆனாலும் நான் இந்தப் படத்தில் நடித்தே ஆவேன் என்று சண்டை போட்டு வாய்ப்பு கேட்டேன். கெஸ்ட் ரோல் என்றால் கூட ஓகே என்று அண்ணனிடம் சண்டை போட்டு வாய்ப்பு வாங்கினேன். ஷூட்டிங் ஜாலியாக சென்றது. படம் பார்த்துவிட்டுச் சொல்லுங்கள்" என்றார்.

 


 

சார்ந்த செய்திகள்

Next Story

கச்சேரியுடன் களைகட்டிய பிரேம்ஜி திருமணம்; பாட்டுப்பாடி அசத்திய மணமக்கள்

Published on 09/06/2024 | Edited on 09/06/2024
nn

முருகப்பெருமானின் ஐந்து படைவீடான திருத்தணி முருகன் கோவிலில் இன்று ஞாயிற்றுக்கிழமை (ஜூன் -9) காலை 9 மணி அளவில் இசையமைப்பாளர் கங்கை அமரன் மகனும் நடிகருமான பிரேம்ஜி அவர்களுக்கு மலைக்கோவிலில் உள்ள காவடி மண்டபத்தில் திருமணம் நடைபெற்றது. இதற்கு முன்னதாக நேற்று மாலை திருத்தணியில் உள்ள தனியார் ஹோட்டலில் கங்கை அமரன் மகன் பிரேம்ஜி அவர்களுக்கு திருமண நிச்சயதார்த்தம் நடைபெற்றது.

விழாவில் பெண்ணின் உறவினர்கள் மற்றும் மணமகள் பிரேம்ஜியின் சகோதரர் இளையராஜாவின் மகன் கார்த்திக் ராஜா மற்றும் சென்னை 28 திரைப்படத்தில் நடித்த நடிகர்கள் என ஏராளமான கலந்து கொண்டனர். பின்னர் இன்னிசை கச்சேரியில் பிரேம்ஜி மற்றும் மணமகள் இணைந்து சினிமா பாடல் பாடி அசத்தினர். அப்போது அங்கிருந்தவர்கள் கைதட்டி பாராட்டு தெரிவித்தனர்.

Next Story

பிரேம்ஜி கல்யாணம் - வெங்கட் பிரபு விடுத்த வேண்டுகோள்

Published on 05/06/2024 | Edited on 05/06/2024
venkat prabhu about prenji marriage

கோலிவுட்டில் நடிகராகவும் இசையமைப்பாளராகவும் வலம் வருபவர் பிரேம்ஜி. ஆரம்பகட்டத்தில் காமெடி கதாபாத்திரங்களில் நடித்து வந்த இவர் பின்பு முதன்மை கதாபாத்திரத்திலும் நடித்தார். கடைசியாக சத்திய சோதனை படத்தில் முதன்மை கதாபாத்திரத்தில் நடித்திருந்தார். இசையமைப்பாளராக வெங்கட் பிரபு - அஷோக் செல்வன் கூட்டனியில் வெளியான மன்மத லீலை படத்தில் பணியாற்றியிருந்தார். இப்போது விஜய் நடிப்பில் வெங்கட் பிரபு இயக்கத்தில் உருவாகும் தி கிரேட்டஸ்ட் ஆஃப் ஆல் டைம் படத்தில் நடித்து வருகிறார். 

இந்த நிலையில் 45 வயதை எட்டியுள்ள பிரேம்ஜி இன்னமும் திருமணம் செய்துக் கொள்ளாமல் உள்ளார். இந்த ஆண்டு ஆங்கிலப் புத்தாண்டன்று, இந்த வருடம் தான் திருமணம் செய்துகொள்வதாக அவரது எக்ஸ் பக்கத்தில் தெரிவித்திருந்தார். ஆனால் மணப்பெண் குறித்து அவர் குறிப்பிடவில்லை. இதையடுத்து 22 வயதாகும் பாடகி வினைதாவைத்தான் பிரேம்ஜி திருமணம் செய்யவுள்ளதாக தகவல் வெளியானது. 

இதையடுத்து சில தினங்களுக்கு முன்பு, ஜூன் 9ஆம் தேதி பிரேம்ஜிக்கு திருமணம் நடக்கவுள்ளதாகவும் இது தொடர்பான பத்திரிக்கை ஒன்றும் சமூக வலைதளங்களில் வெளியாகி வைரலானது. அதில் மணப்பெண் பெயர் இந்து எனக் குறிப்பிட்டிருந்தது. இருவருக்கும் இருவீட்டாரின் சம்மதத்துடன் திருத்தனி முருகன் கோயிலில் திருமணம் நடக்கவுள்ளதாகக் குறிப்பிடப்பட்டிருந்தது. இந்த நிலையில் பிரேம்ஜி திருமணம் குறித்து அவரது அண்ணன் வெங்கட் பிரபு தற்போது பகிர்ந்துள்ளார். அந்த குறிப்பில், “எங்கள் குடும்பத்தில் பல வருடங்கள் கழித்து ஒரு நல்ல நிகழ்வு நடக்க இருக்கிறது. பாகுபலியைக் கட்டப்பா ஏன் கொன்றார்?, சொப்பனசுந்தரியை இப்போ யாரு வெச்சிருக்கா? இதை எல்லாவற்றையும் விட, பிரேம்ஜிக்கு கல்யாணம் எப்போ? என்ற உங்கள் கேள்விக்குப் பதில், வரும் 9ஆம் தேதி சிறிய அளவில் குடும்பத்தினர் மற்றும் நெருங்கிய நண்பர்கள் முன்னிலையில், பிரேம்ஜி தான் விரும்பும் பெண்ணை, அம்மாவின் ஆசிர்வாதத்துடன் கரம் பிடிக்கிறார். 

அம்மா வெகுவாக எதிர்பார்த்த இந்த திருமணத்தை நெருங்கிய உறவுகளுடனும், நண்பர்களுடனும் எளிய முறையில் நடத்த விரும்புகிறோம்! இது தெரியாமல் நண்பர் ஒருவர் திருமணப் பத்திரிக்கையை பொதுவெளியில் பகிர்ந்துவிட்டார்! எப்படி கல்யாணப் பத்திரிக்கை வைரல் ஆனதோ, அதேபோல் மணமகள்
மீடியாவைச் சேர்ந்தவர் என்றும் புகைப்படங்கள் உலவுகின்றன. மணமகள் மீடியாவைச் சேர்ந்தவர் இல்லை. திருமணம் முடிந்தவுடன் புகைப்படங்களைப் பகிர்கிறேன். எங்களுடைய பிரைவசியை மதித்து இருந்த இடத்தில் இருந்தே மணமக்களை வாழ்த்தி அதையும் வைரலாக்குமாறு கேட்டுக்கொள்கிறேன். உறுதியாக திருமண வரவேற்பில் அனைவரையும் சந்திப்போம்” என குறிப்பிடப்பட்டுள்ளது. மேலும் கோட் பட அப்டேட் விரைவில் வரும் என கூறியுள்ளார்.