Skip to main content

கரோனாவில் இருந்து குணமடைந்த விஜய் பட நாயகி!

Published on 05/05/2021 | Edited on 05/05/2021

 

vdzbzdb

 

இந்தியாவில் வேகமெடுத்துவரும் கரோனா இரண்டாம் அலை ஏற்படுத்திய தாக்கத்தால், பாதிப்புக்குள்ளாவோரின் எண்ணிக்கை நாளுக்கு நாள் அதிகரித்து வருகிறது. அதிகரிக்கும் மரணங்கள், மருத்துவமனைகளில் நிலவும் ஆக்சிஜன் மற்றும் படுக்கைகளின்மை ஆகியன மத்திய, மாநில அரசுகளுக்குப் பெரும் சவாலாக உருவெடுத்துள்ளன. அதே நேரத்தில், கரோனா தொற்றில் இருந்து மீண்டு வருவோரின் எண்ணிக்கை கணிசமான அளவில் அதிகரித்துவருவது சற்று ஆறுதல் அளிக்கக்கூடிய விஷயமாக உள்ளது.

 

இந்த நிலையில், சமீபத்தில் கரோனா தொற்றுக்கு உள்ளாகி சிகிச்சை எடுத்துவந்த 'தளபதி 65' பட நடிகை பூஜா ஹெக்டே, கரோனா தொற்றில் இருந்து முழுமையாகக் குணமடைந்துள்ளார். இதுகுறித்து தன்னுடைய ட்விட்டர் பக்கத்தில் அவர் வெளியிட்டுள்ள பதிவில், "நீங்கள் எனக்கு அனுப்பிய அனைத்து அன்பிற்கும் நன்றி. நான் நன்றாகக் குணமடைந்துவிட்டேன். முட்டாள் கரோனாவை உதைத்துத் துரத்திவிட்டேன். இறுதியாக சோதித்ததில் நெகட்டிவ் என வந்துவிட்டது. உங்கள் எல்லாப் பிரார்த்தனைகளும், குணப்படுத்தும் ஆற்றலும் அதன் மந்திரத்தைச் செய்ததாகத் தெரிகிறது. உங்களுக்கு என்றென்றும் நன்றி உள்ளவளாக இருப்பேன். பாதுகாப்பாக இருங்கள்" எனப் பதிவிட்டுள்ளார்.

 

 

 

சார்ந்த செய்திகள்

Next Story

லிங்குசாமியின் 'பையா 2' - மூன்றாவது முறையாக தமிழில் நடிக்கும் விஜய் பட நடிகை

Published on 23/02/2023 | Edited on 23/02/2023

 

paiyaa 2 poja hegde is pair to arya

 

லிங்குசாமி இயக்கத்தில் கார்த்தி, தமன்னா உள்ளிட்ட பலர் நடிப்பில் 2010 ஆம் ஆண்டு வெளியாகி சூப்பர் ஹிட்டடித்த படம் 'பையா'. லிங்குசாமி இயக்கி தயாரித்த இப்படத்தில் யுவன் ஷங்கர் ராஜா இசையில் வெளியான பாடல்கள் அனைத்தும் நல்ல வரவேற்பைப் பெற்றது. இன்றும் பல யுவன் ரசிகர்களின் பிளே லிஸ்ட்டை இப்பட பாடல்கள் ஆக்கிரமித்துக் கொண்டிருக்கிறது. 

 

லிங்குசாமி 12 ஆண்டுகள் கழித்து இப்படத்தின் இரண்டாம் பாகம் எடுக்க திட்டமிட்டுள்ளதாக சமீபத்தில் தகவல் வெளியானது. அதில் கார்த்திக்கு பதில் ஆர்யா நடிப்பதாகவும் கதாநாயகியாக ஜான்வி கபூரும் நடிக்கவுள்ளதாகச் சொல்லப்பட்டது. ஆனால் ஜான்வி கபூர் எந்த ஒரு தமிழ்ப் படத்திலும் இதுவரை கமிட்டாகவில்லை என அவரது தந்தையும் தயாரிப்பாளருமான போனி கபூர் தெரிவித்திருந்தார். 

 

இந்த நிலையில் 'பையா 2' படத்தின் கதாநாயகி குறித்த தகவல் தற்போது வெளியாகியுள்ளது. பூஜா ஹெக்டேவை நடிக்க வைக்க முயற்சிகள் நடப்பதாகவும் இது தொடர்பாக அவரிடம் பேச்சுவார்த்தை நடந்து வருவதாகவும் கூறப்படுகிறது. 

 

ஜீவாவின் 'முகமூடி' படம் மூலம் திரைத்துறையில் அறிமுகமான பூஜா ஹெக்டே பின்பு தெலுங்கு படங்களில் கவனம் செலுத்திய நிலையில் விஜய்யின் 'பீஸ்ட்' படம் மூலம் மீண்டும் தமிழுக்கு வந்தார். இப்போது தமிழ், தெலுங்கு, இந்தி உள்ளிட்ட மொழிகளில் கவனம் செலுத்தி வரும் பூஜா ‘பையா 2’ வில் நடிக்கும் பட்சத்தில் அவருக்கு இது மூன்றாவது தமிழ் படமாக அமையும். முதல் இரண்டு படங்கள் தோல்வியைத் தழுவியதால் இப்படம் அவருக்கு கைகொடுக்குமா என்பதை பொறுத்திருந்து பாப்போம்.  

 

 

Next Story

சூர்யாவுடன் ஜோடி சேரும் பூஜா ஹெக்டே

Published on 05/07/2022 | Edited on 05/07/2022

 

pooja hegde joins surya next movie

 

'எதற்கும் துணிந்தவன்' படத்தை தொடர்ந்து நடிகர் சூர்யா, பாலா இயக்கத்தில் 'சூர்யா 41' படத்தில் நடித்து வருகிறார். கன்னியாகுமரி, ராமேஸ்வரம் உள்ளிட்ட பகுதிகளில் நடைபெற்று வந்த இப்படத்தின் முதற்கட்ட படப்பிடிப்பு சமீபத்தில் முடிவடைந்த நிலையில் இரண்டாம் கட்ட படப்பிடிப்பு கோவாவில் தொடங்கவுள்ளது. இப்படத்தை தொடர்ந்து வெற்றிமாறன் இயக்கத்தில் 'வாடிவாசல் படத்தில் சூர்யா நடிக்கவுள்ளார். பாலா படத்தின் பணிகளை முடித்துவிட்டு சூர்யா வாடிவாசல் படத்தின் பணியில் ஈடுபடவுள்ளார்.

 

இதனிடையே நடிகர் சூர்யா இயக்குநர் சிறுத்தை சிவா இயக்கத்தில் புதிய படம் ஒன்றில் நடிக்கவுள்ளார். பான் இந்தியா படமாக உருவாக்கவுள்ள இப்படம்  பீரியட் கலந்த ஆக்சன் கதையாக இருக்கும் என்றும், இப்படத்தின் படப்பிடிப்பு அடுத்த மாத இறுதியில் தொடங்கப்படலாம் என்றும் கூறப்படுகிறது. 

 

இந்நிலையில் இப்படத்தின் கதாநாயகி குறித்த தகவல் ஒன்று வெளியாகியுள்ளது. அதன்படி இப்படத்தில் சூர்யாவுக்கு ஜோடியாக பூஜா ஹெக்டே நடிக்கவுள்ளதாக கூறப்படுகிறது. மேலும் இப்படத்தை முதலில் ஸ்டுடியோ ஸ்கிரீன் நிறுவனம் ராஜா தயாரிப்பதாக சொல்லப்பட்ட நிலையில் தற்போது சில காரணங்களுக்காக யூ.வி கிரியேஷன்ஸ் நிறுவனம் தயாரிப்பதாக கூறப்படுகிறது.