Skip to main content

”சாதிய, மத வக்கிரங்களைத் தூண்டும் படங்களுக்கு மத்தியில் இது மக்களுக்கான படம்” - அப்துல் கலாம் அறிவியல் ஆலோசகர் பாராட்டு

Published on 18/05/2022 | Edited on 18/05/2022

 

ponraj

 

ரவியரசு இயக்கத்தில் ஜி.வி.பிரகாஷ், மகிமா நம்பியார் உள்ளிட்ட பலர் நடிப்பில் உருவான ஐங்கரன் திரைப்படம், கடந்த 12ஆம் தேதி வெளியானது. ரசிகர்கள் மத்தியில் இப்படத்திற்கு நல்ல வரவேற்பு கிடைத்துள்ள நிலையில்,  அப்துல் கலாமின் அறிவியல் ஆலோசகரான பொன்ராஜ் ஐங்கரன் படத்தை வெகுவாகப் பாராட்டியுள்ளார். 

 

இப்படம் தொடர்பாக பத்திரிகையாளர்களைச் சந்தித்த பொன்ராஜ், ”ஐங்கரன் படம் பார்த்தேன். உண்மையிலேயே அற்புதமான படம். விஞ்ஞானிகளை உருவாக்கக்கூடிய படமாக இந்தப் படம் உள்ளது. புதுக்கண்டுபிடிப்பை உருவாக்கி இந்த நாட்டை வளப்படுத்த வேண்டும் என்று நினைக்கூடியவர்கள் குறைவு. அவர்கள் படக்கூடிய கஷ்டம் எப்படிப்பட்ட கஷ்டம் என்பதை ஐங்கரன் படத்தில் மிகத்தெளிவாக காட்டியிருக்கிறார்கள். படத்தின் இயக்குநருக்கு பாராட்டுகள். ஆற்றல் மிக்க ஓர் இளைஞன் தன்னுடைய கண்டுபிடிப்புகளுக்கு அங்கீகாரம் பெற எவ்வளவு கஷ்டப்படுகிறான் என்பதை நடிகர் ஜி.வி.பிரகாஷ் நடிப்பில் கொண்டுவந்திருக்கிறார். 

 

மூன்று வருடங்களுக்கு முன்பாக சுஜித் என்ற குழந்தை ஆழ்துளைக் கிணற்றுக்குள் விழுந்து எப்படி மரணித்தது என்பதை நாம் கண் கூடாக பார்த்தோம். இந்தப் படம் முன்னரே வெளிவந்திருந்தால் அந்தக் குழந்தை காப்பாற்றப்பட்டிருக்குமோ என்று நினைக்கிறேன். புதுமையான கண்டுபிடிப்புகளுக்கு அதிகாரிகள், அமைச்சர்கள் மரியாதை கொடுப்பதில்லை. இன்றைய காலகட்டத்திற்கு ஏற்ற மிக முக்கியமான படம் ஐங்கரன். அரசு இயந்திரத்தால் அனைத்து பிரச்சனைகளுக்கும் தீர்வு கொடுக்க முடியாது. எவனொருவன் சிந்திக்கிறானோ அவனிடத்தில்தான் தீர்வு இருக்கிறது. அவன் சாதாரண கிராமத்தில் கூட இருக்கக்கூடும். அவர்களை அரசு தேடவேண்டும். சாதிய, மத வக்கிரங்களைத் தூண்டி அதன்மூலம் அரசியல் ஆதாயம் தேடவேண்டும் என்பதற்காக படங்கள் எடுக்கப்பட்டுக்கொண்டிருக்கும் சமயத்தில், மக்களுக்கு பயன்படக்கூடிய வகையிலான படத்தை இவர்கள் எடுத்துள்ளார்கள். மாணவர்கள் மற்றும் இளைஞர்கள் இந்தப் படத்தை பார்த்து நல்ல எண்ணங்களை வளர்த்துக்கொள்ள வேண்டும்” எனத் தெரிவித்தார்.

 

 

சார்ந்த செய்திகள்

Next Story

“பாரதிராஜாவிற்கு வில்லனாக நடித்துள்ளேன்” - ஜி.வி. பிரகாஷ்

Published on 25/03/2024 | Edited on 25/03/2024
gv prakash speech at kalvan audio launch

ஜி.வி. பிரகாஷ், பாரதிராஜா, இவானா உள்ளிட்ட பலர் நடிப்பில் உருவாகியுள்ள படம் கள்வன். டில்லி பாபு தயாரித்துள்ள இப்படத்தை பி.வி. ஷங்கர் இயக்கியுள்ளார். ஜி.வி. பிரகாஷ் இசைப் பணிகளையும் மேற்கொண்டுள்ளார். இப்படம் வருகிற ஏப்ரல் 4 ஆம் தேதி வெளியாகவுள்ளது. இதையொட்டி படத்தின் ட்ரைலர் மற்றும் இசை வெளியீட்டு விழா நடைபெற்றது. இதில் படக்குழுவினர் பலரும் கலந்து கொண்டனர்.

இயக்குநர் பாரதிராஜா, "இயக்குநர் ஷங்கர் பிடிவாதக்காரன். நிச்சயம் அந்த பிடிவாதம் ஜெயிக்கும். சினிமாவில் அவனுக்குப் பெரிய இடம் காத்திருக்கிறது. இவானாவை ஒருநாள் திட்டிவிட்டேன். திறமையான நடிகை அவர். ஜி.வி. நல்ல இசையமைப்பாளர், நடிகர் அதைத் தாண்டி நல்ல மனிதர். வேறொரு டைமன்ஷனில் ஜிவியைப் பார்க்கலாம். இவானா சிறப்பாக நடித்துள்ளார். வெற்றிமாறன் போன்ற சிறந்த இயக்குநர் இங்கு இருப்பது சந்தோஷமான விஷயம்" என்றார். 

நடிகர் ஜி.வி. பிரகாஷ், "இந்தப் படத்தின் உண்மையான ஹீரோ பாரதிராஜா சார்தான். அவருக்கு நானும் தீனாவும் வில்லனாக நடித்துள்ளோம். இந்தப் படத்தில் அவர் நடிப்புக்காக நிச்சயம் தேசிய விருது வாங்குவார். அவருடன் நாங்கள் இருந்த நேரத்தை பொக்கிஷமாக வைத்திருப்போம். அவரிடம் இருந்து நிறைய விஷயங்கள் கற்றுக் கொண்டோம். அவரும் ராஜா சாரும் தமிழ் சினிமாவின் கிராமர் புக், என்சைக்ளோபீடியா. இயக்குநர் ஷங்கர் மிகவும் திறமையானவர். அதை நீங்கள் படம் வரும்போது புரிந்து கொள்வீர்கள். இவானா, தீனா எல்லாரும் சிறப்பாக நடித்துள்ளனர். தயாரிப்பாளர் டில்லி பாபு சார், சக்திவேலன் சாருக்கு நன்றி. ஏப்ரல் 4 ரிலீஸ் தேதியும் சிறப்பாக அமைந்துள்ளது. பார்த்துவிட்டு சொல்லுங்கள்" என்றார்.

Next Story

போன சம்மருக்கு மிஸ்ஸிங்; இந்த கோடையில் களமிறங்கும் ஜி.வி பிரகாஷ்!

Published on 23/03/2024 | Edited on 23/03/2024
gv prakash kalvan movie trailer released

ஜி.வி. பிரகாஷ் நடிகராக ரெபல், இடி முழக்கம், 13, கள்வன், டியர், கிங்ஸ்டன் உள்ளிட்ட படங்களைக் கைவசம் வைத்துள்ளார். இசையமைப்பாளராக தங்கலான், அமரன், சூர்யாவின் 43வது படம் உள்ளிட்ட படங்களில் பணியாற்றுகிறார். இதில் ரெபல் படம் நேற்று திரையரங்குகளில் வெளியானது. கலவையான விமர்சனங்களை பெற்று வருகிறது. 

இதனிடையே, 'கள்வன்' படத்தில் ஜி.வி பிரகாஷோடு, பாரதிராஜாவும் முதன்மைக் கதாபாத்திரத்தில் நடித்துள்ளார். மேலும் இவானா கதாநாயகியாக நடிக்க தீனா, ஞானசம்பந்தன் உள்ளிட்ட பலர் முக்கியக் கதாத்திங்களில் நடித்துள்ளனர். டில்லி பாபு தயாரித்துள்ள இப்படத்தை பி.வி.ஷங்கர் இயக்கியுள்ளார். ஜி.வி.பிரகாஷ் இசை பணிகளையும் மேற்கொண்டுள்ளார். இப்படத்தின் மோஷன் போஸ்டர் மற்றும் டீசர் கடந்த ஆண்டு ஜனவரியில் வெளியானது. மேலும் கடந்த வருட கோடையில் வெளியாகும் என தெரிவிக்கப்பட்டது. ஆனால் வெளியாகவில்லை. 

gv prakash kalvan movie trailer released

இந்த நிலையில் நீண்ட இடைவெளிக்கும் பிறகு தற்போது இப்படத்தின் ட்ரைலர் வெளியாகியுள்ளது. ட்ரைலரில் காட்டு யானைகளால் பாதிக்கப்படும் மலைவாழ் மக்களின் வாழ்வியலை அடிப்படையாகக் கொண்டு இப்படம் உருவாகியுள்ளது போல் தெரிகிறது. ஏப்ரல் 4அம் தேதி இப்படம் திரையரங்குகளில் வெளியாகவுள்ளதாக அறிவிக்கப்பட்டுள்ளது.