Skip to main content

“சில கெட்ட வார்த்தைக்கு என்ன அர்த்தம் என்று அவரிடம் கேட்டேன் அதற்கு அவர்...”- நித்தியா மேனன் நெகிழ்ச்சி!

Published on 01/02/2020 | Edited on 01/02/2020

மிஷ்கின் இயக்கத்தில் உதயநிதி ஸ்டாலின், அதிதி ராவ் ஹைதாரி, நித்யா மேனான் உள்ளிட்டோர் நடிப்பில் சமீபத்தில் வெளியாகி வெற்றிகரமாக ஓடும் படம் சைக்கோ. த்ரில்லர் ஜானரில் எடுக்கப்பட்ட இப்படம், வெற்றிகரமாக ஓடியதால் நேற்று நன்றி செலுத்தும் நிகழ்ச்சி நடத்தியது படக்குழு. அப்போது அதில் படத்தில் நடித்த உதயநிதி, நித்தியா மேனன், இயக்குனர் மிஷ்கின் உள்ளிட்டோர் கலந்துகொண்டனர்.
 

nithya menon

 

 

அப்போது பேசிய நித்தியா மேனன், “எனக்கு இந்த படம் வெற்றிகரமாக ஓடியது என்றால் நான் மிகவும் மகிழ்ச்சி அடைவேன். ஏனென்றால் எனக்கு குறைந்த பட்ஜெட்டில் எடுக்கும் படங்களும், நியாயமாக எடுக்கும் படங்களும் பிடிக்கும். பெரியளவில் காசைபோட்டு வேஸ்ட் செய்யாமல் நன்றாக படம் பண்ணனும், அதேபோல எதார்த்தமாகவும் இருக்க வேண்டும். இப்படி எடுக்கப்படும் படங்கள் நன்றாக ஓடும்போது நான் மகிழ்ச்சி அடைகிறேன். 

மிஷ்கின் ஒரு நியாயமான மற்றும் உண்மையான இயக்குனர். அவருடன் பணியாற்றியது என்பது ஒரு சிறந்த அணுபவமாக இருந்தது. ஒரு நடிகருக்கு அது நிறைய சந்தோஷத்தை அளிக்கிறது. ஒரு பேராபிளெஜிக்காக நடிக்கிறேன் என்றால் கண்டிப்பாக 100% சரி என்று நடிக்க ஒப்புக்கொள்வேன். ஏனென்றால் அது உற்சாகம் அளிக்கும். படத்தில் என்னுடைய கதாபாத்திரம் அதிக கெட்ட வார்த்தைகள் பேசுவதுபோல இருக்கும். படம் நடிக்கும் தொடக்கத்தில் மிஷ்கினிடம் ‘சார், வாழ்க்கைல இந்த மாதிரி வார்த்தையெல்லாம் பேசினது இல்லை’ என்று சொன்னேன். அதில் ஒருசில வார்த்தைக்கெல்லாம் என்ன அர்த்தம் கூட தெரியாது. அவரிடம் கேட்டதற்கு ‘வேண்டாம் தேவையில்லை. நீ சொல்லிடு’ என்றார். மிஷ்கின் சார் இயக்குகிறார் என்பதாலயே இந்த கதாபாத்திரத்தின் மீது நம்பிக்கை வைத்து நடித்தேன். 

சைக்கோ படத்தில் நடித்தவர்கள் அனைவரும் ஒரு குடும்பம் போல இருந்தோம். படக்குழுவின் என்னுடன் ஒத்துழைத்த அனைவருக்கும் நன்றி” என்றார். 

 

 

சார்ந்த செய்திகள்

Next Story

பெண்களுக்கு முன்னுரிமை வழங்கிய ஜெயம் ரவி

Published on 30/11/2023 | Edited on 30/11/2023

 

Jayam Ravi gave priority to women in Kadhalikka Neramillai movie

 

ஜெயம் ரவி நடிப்பில் கடைசியாக இறைவன் படம் வெளியானது. படு தோல்வியை படம் சந்தித்தது. இதையடுத்து ஆண்டனி பாக்கியராஜ் இயக்கியுள்ள சைரன், ராஜேஷ் இயக்கியுள்ள பிரதர், புதுமுக இயக்குநர் இயக்கும் ஜீனி உள்ளிட்ட படங்களை கைவசம் வைத்துள்ளார். மேலும் கமல் நடிப்பில் மணிரத்னம் இயக்கத்தில் உருவாகும் ‘தக் லைஃப்’ படத்தில் முக்கிய கதாபாத்திரத்தில் கமிட்டாகியுள்ளார். இதில் சைரன் படம் டிசம்பரில் ரிலீஸாகவுள்ளது. 

 

இதனிடையே கிருத்திகா உதயநிதி இயக்கத்தில் ஒரு படம் நடித்து வருவதாகத் தகவல் வெளியான நிலையில் நேற்று அதிகாரப்பூர்வ அறிவிப்பு வெளியானது. மேலும் டைட்டில் மற்றும் ஃபர்ஸ்ட் லுக் போஸ்டரும் வெளியானது. போஸ்டரில் ஜெயம் ரவியும் நித்யா மேனனும் நெருக்கமாக இருக்கும் புகைப்படம் இடம்பெற்றிருக்கிறது. ரெட் ஜெயன்ட் தயாரிக்கும் இப்படத்திற்கு ஏ.ஆர். ரஹ்மான் இசையமைக்கிறார். மேலும் யோகி பாபு, வினய், லால், ஜான் கொக்கன் உள்ளிட்ட பலர் நடிக்கிறார்கள். படத்திற்கு ‘காதலிக்க நேரமில்லை’ எனத் தலைப்பு வைக்கப்பட்டுள்ளது.

 

போஸ்டரில், நித்யா மேனன் பெயர் முதலில் இடம்பெற்றுள்ளது. அதன் பிறகுதான் ஜெயம் ரவி பெயர் குறிப்பிடப்பட்டுள்ளது. அதாவது இப்படத்தில் நித்யா மேனன், கிருத்திகா உதயநிதி உள்ளிட்ட பெண் கலைஞர்கள் அதிக பேர் வேலை பார்ப்பதால், அவர்களுக்கு முன்னுரிமை வழங்கும் வகையில் ஜெயம் ரவி இந்த முடிவு எடுத்துள்ளதாக படக்குழு தரப்பு தெரிவித்துள்ளது.   

 

 

Next Story

‘காதலிக்க நேரமில்லை’ - ரொமான்ஸில் ஜெயம் ரவி

Published on 29/11/2023 | Edited on 29/11/2023

 

jayam ravi new movie update

 

ஜெயம் ரவி நடிப்பில் கடைசியாக இறைவன் படம் வெளியானது. படு தோல்வியை படம் சந்தித்தது. இதையடுத்து ஆண்டனி பாக்கியராஜ் இயக்கியுள்ள சைரன், ராஜேஷ் இயக்கியுள்ள பிரதர், புதுமுக இயக்குநர் இயக்கும் ஜீனி உள்ளிட்ட படங்களை கைவசம் வைத்துள்ளார். மேலும் கமல் நடிப்பில் மணிரத்னம் இயக்கத்தில் உருவாகும் ‘தக் லைஃப்’ படத்தில் முக்கிய கதாபாத்திரத்தில் கமிட்டாகியுள்ளார். இதில் சைரன் படம் டிசம்பரில் ரிலீஸாகவுள்ளது. 

 

இதனிடையே கிருத்திகா உதயநிதி இயக்கத்தில் ஒரு படம் நடித்து வருவதாக முன்பு தகவல் வெளியானது. மேலும் நித்யா மேனன் கதாநாயகியாக நடிப்பதாகவும் ரெட் ஜெயன்ட் தயாரிப்பில் ஏ.ஆர். ரஹ்மான் இசையமைப்பதாகவும் கூறப்பட்டது. 

 

இந்த நிலையில் இந்த படம் தொடர்பான அதிகாரப்பூர்வ அறிவிப்பும் ஃபர்ஸ்ட் லுக் போஸ்டரும் வெளியாகியுள்ளது. தகவலில் கூறப்பட்டது போல அனைத்தும் தற்போது உறுதியாகியுள்ளது. போஸ்டரில் ஜெயம் ரவியும் நித்யா மேனனும் நெருக்கமாக இருக்கும் புகைப்படம் இடம்பெற்றிருக்கிறது. ரெட் ஜெயன்ட் தயாரிக்கிறது ஏ.ஆர். ரஹ்மான் இசையமைக்கிறார். மேலும் யோகி பாபு, வினய், லால், ஜான் கொக்கன் உள்ளிட்ட பலர் நடிக்கிறார்கள். படத்திற்கு ‘காதலிக்க நேரமில்லை’ எனத் தலைப்பு வைக்கப்பட்டுள்ளது.