Skip to main content

"நல்ல மனிதர்களாக இருங்கள்" - வைரலான வதந்திக்கு நித்யா மேனன் அதிரடி!

Published on 27/09/2023 | Edited on 27/09/2023

 

nithya menen explained about his rumours

 

சித்தார்த்தின் 180 படத்தின் மூலம் தமிழுக்கு அறிமுகமாகி ஓ காதல் கண்மணி, காஞ்சனா 2, மெர்சல், திருச்சிற்றம்பலம் எனப் பல வெற்றி படங்களில் நடித்துள்ள நித்யா மேனன், தற்போது தெலுங்கில் 'குமரி ஸ்ரீமதி' என்ற வெப் தொடரில் நடித்துள்ளார். இது தமிழ் உள்ளிட்ட 4 மொழிகளிலும் வருகிற 28ஆம் தேதி முதல் ஒளிபரப்பாகவுள்ளது. மேலும் தமிழில் ஜெயம் ரவி நடிப்பில் கிருத்திகா உதயநிதி இயக்கத்தில் உருவாகுவதாக கூறப்படும் படத்தில் நடிப்பதாக கூறப்படுகிறது. அதோடு இந்தியிலும் விவேக் ஓபராய்க்கு ஜோடியாக ஒரு படத்தில் நடித்து வருவதாக பேசப்படுகிறது. 

 

இப்படி தமிழ், தெலுங்கு, இந்தி என பிஸியாக உள்ள நித்யா மேனன், தெலுங்கு திரையுலகில் நான் எந்த விதமான பிரச்சினையையும் எதிர்கொண்டதில்லை எனவும், ஆனால் தமிழ் திரையுலகில் நிறைய பிரச்சினைகளை எதிர்கொண்டு இருப்பதாகவும் தமிழ் ஹீரோ ஒருவர் என்னை படப்பிடிப்பில் துன்புறுத்துவதாகவும் நிகழ்ச்சி ஒன்றில் பேசியதாக ஒரு தகவல் சமூக வலைத்தளங்களில் உலா வந்தது. அது பலராலும் பகிரப்பட்டு வைரலானது. 

 

இந்த நிலையில் நித்யா மேனன் அந்த தகவலுக்கு மறுப்பு தெரிவித்துள்ளார். இது தொடர்பாக அவரது சமூக வலைத்தள பக்கத்தில் அவர் வெளியிட்டுள்ள பதிவில், "நான் எந்த நிகழ்ச்சியிலும் பேட்டி கொடுக்கவில்லை. முற்றிலும் தவறான செய்தி" என குறிப்பிட்டுள்ளார். மேலும் இந்த வதந்தியை யார் தொடங்கினார், தெரிந்தால் பகிரவும் எனவும் குறிப்பிட்டிருந்தார்.

 

இதையடுத்து மற்றொரு பதிவில், "குறுகிய காலத்திற்குத்தான் நாம் அனைவரும் இங்கு இருக்கிறோம். நாம் ஒருவருக்கொருவர் எவ்வளவு தவறு செய்கிறோம் என்பதைப் பார்க்கும் போது எனக்கு எப்போதும் ஆச்சரியமாக இருக்கிறது. எடுத்து கூறினால் தான் இது போன்ற மோசமான நிகழ்வுகள் நிறுத்தப்படும் என்ற நோக்கில் இதை சுட்டிக்காட்டுகிறேன்" எனக் குறிப்பிட்டு சம்மந்தப்பட்ட செய்தி நிறுவனங்களை டேக் செய்து "நல்ல மனிதர்களாக இருங்கள்" எனப் பதிவிட்டுள்ளார். 

 

 

சார்ந்த செய்திகள்

Next Story

தெருக்கூத்து கலைஞர்களின் வாழ்வியலை விவரிக்கும் ஜமா

Published on 18/07/2024 | Edited on 18/07/2024
jama movie update

அறிமுக இயக்குநர் பாரி இளவழகன் இயக்கி, நடித்துள்ள படம் ‘ஜமா’. இளையராஜா இசையில் உருவாகியுள்ள இப்படத்தில் அம்மு அபிராமி, சேத்தன், ஸ்ரீ கிருஷ்ண தயாள், மணிமேகலை, வசந்த் மாரிமுத்து உள்ளிட்ட பலர் நடித்துள்ளனர். தெருக்கூத்து கலைகளில் பல குழுக்கள் இருக்கும் நிலையில் அதில் ஒரு குழுவினரை 'ஜமா' என அழைக்கின்றனர். அவர்களின் தெருக்கூத்து மற்றும் தனிப்பட்ட வாழ்க்கையில் நடக்கும் சவால்களை அடிப்படையாகக் கொண்டு இப்படம் தயாரிக்கப்பட்டுள்ளது. இந்தப் படத்தை விமர்சன ரீதியாக பெரும் வரவேற்பை பெற்ற‘ கூழாங்கல்' படத்தை தயாரித்த லர்ன் அன்ட் டீச் புரொடக்ஷன்ஸ் நிறுவனம் தயாரித்துள்ளது. 

இப்படம் வரும் ஆகஸ்ட் 2ஆம் தேதி வெளியாகவுள்ள நிலையில், படக்குழுவினர் பத்திரிகையாளர்கள் சந்தித்து பேசினர். அப்போது இயக்குநர் பாரி இளவழகன் பேசுகையில் "நான் தெருக் கூத்தை சார்ந்தவன். என்னுடைய கிராமத்தில் சொந்த பந்தங்கள் பலர் தெருக் கூத்தில் இன்றளவும் நடித்து வருகின்றனர். தற்போது வந்த கலைப் படைப்புகள், தெருக்கூத்தில் நடிப்பவர்கள் சாப்பாட்டுக்கு வழி இல்லாமல் கஷ்டப்படுகிற மாதிரியும், அந்தக் கலை அழிவு நிலையில் இருப்பதாகவும் ஒரு தவறான முன்னுதாரணத்தை சொல்வதுபோல உள்ளது. 

ஆனால் அப்படி யாரும் கஷ்டப்படுவதில்லை. நான் தொடர்ந்து தெருக்கூத்து கலைஞர்களின் வாழ்க்கையைக் கவனித்து வருகிறேன். படத்தில் அவர்களின் வாழ்க்கை முறையில் எதைப் பற்றி பேச வேண்டுமென்றால், பெண் வேடமிட்டு நடிப்பவர்களை பற்றிதான் பேச வேண்டும், ஏனென்றால் அவர்கள் தான் கிண்டல், கேலிக்கு ஆளாக்கப்படுகிறார்கள். சில கிராமங்களில் அவர்களின் புடவை இழுத்து பாலியல் துன்புறுத்தலும் ஏற்படுகிறது, அதில் சிலவற்றை மட்டும்தான் படத்தில் காட்சிப்படுத்த முடிந்தது. எந்த அளவிற்கு உண்மையாக அவர்களைப் பற்றி கூறமுடியுமோ அந்த  அளவிற்கு படத்தில் பேசியுள்ளோம்" என்றார்.

Next Story

பலநாள் காத்திருப்பு; விடுதலை 2 படத்தின் அப்டேட்டை வெளியிட்ட படக்குழு!

Published on 16/07/2024 | Edited on 16/07/2024
viduthalai 2 movie update

வெற்றிமாறன் இயக்கத்தில் சூரி, விஜய் சேதுபதி உள்ளிட்ட பலர் நடிப்பில் கடந்த ஆண்டு மார்ச் 31 ஆம் தேதி வெளியாகி பெரும் வரவேற்பைப் பெற்ற படம் ‘விடுதலை பாகம் 1’. எல்ரெட் குமார் தயாரித்திருந்த இப்படத்திற்கு இளையராஜா இசையமைத்திருந்தார். காவல்துறைக்கும் போராட்டக் குழுவுக்கும் இடையே நடக்கும் பிரச்சனைகளை அழுத்தமாகப் பேசியிருந்த இப்படம் தமிழைத் தாண்டி தெலுங்கிலும் வெளியானது. இப்படம் மாபெரும் வெற்றியைப் பெற்று தந்தது. 

இந்தப் படத்தின் இரண்டாம் பாகம் வெளியாகும் எனப் படக்குழு அறிவித்த நிலையில், படத்திற்கு எதிர்பார்ப்பைக் கூட்டும் வகையில் முதல் பாகத்தின் இறுதியில் இரண்டாம் பாகத்தில் நடக்கும் சில காட்சிகளை வைத்திருந்தார் வெற்றிமாறன். இதையடுத்து, விடுதலை படத்தின் இரண்டாம் பாகத்திற்கான படப்பிடிப்பு தொடர்ந்து பல இடங்களில் நடைபெற்று வருகிறது.

விடுதலை 2 படத்தில் விஜய் சேதுபதியின் மகன் சூர்யா, மஞ்சு வாரியர், பாலிவுட் இயக்குநர் அனுராஜ் காஷ்யப், கென் கருணாஸ் உள்ளிட்ட பலர் நடித்துள்ளனர். 1 வருடத்திற்கு முன்பாக வெளியான விடுதலை முதல் பாகத்தை பார்த்து மகிழ்ந்த ரசிகர்கள், இரண்டாம் பாகத்தை காண ஆவலோடு காத்திருக்கின்றனர். 

இந்த நிலையில், விடுதலை பாகம் 2 படத்தின் அப்டேட்டை படக்குழு அறிவித்துள்ளது. அதில், இப்படத்தின் ஃபர்ஸ்ட் லுக் நாளை (17-07-24) காலை 11:30 மணியளவில் வெளியாகும் அறிவிக்கப்பட்டுள்ளது. இது தொடர்பான புகைப்படத்தில், அரிவாளை சுத்தியால் அடிப்பது போல் காட்சியமைத்து, கம்யூனிஸ்ட் சின்னத்தை பிரதிபலிப்பது போல் தெரிகிறது.