Skip to main content

சர்ச்சை வீடியோ; ரசிகரிடம் மன்னிப்பு கேட்ட நாகர்ஜுனா!

Published on 25/06/2024 | Edited on 25/06/2024
Nagarjuna apologized to the fan

தனுஷ் தற்போது சேகர் கம்முலா இயக்கத்தில் குபேரா, அருண் மாதேஷ்வரன் இயக்கத்தில் இளையராஜா பயோ-பிக் உள்ளிட்ட படங்களில் நடித்து வருகிறார். மேலும் மாரி செல்வராஜ் இயக்கத்தில் ஒரு படம், இந்தியில் ஆனந்த் எல்.ராய் இயக்கத்தில் ஒரு படம் எனக் கைவசம் வைத்துள்ளார். 

இதில் சேகர் கம்முலா இயக்கத்தில் உருவாகும் ‘குபேரா’ படம் தனுஷின் 51ஆவது படமாக உருவாகிறது. ஸ்ரீவெங்கடேஸ்வரா சினிமாஸ் தயாரிக்கும் இப்படம் தமிழ், தெலுங்கு, இந்தி என மூன்று மொழிகளில் ஒரே நேரத்தில் உருவாகிறது. இந்தப் படத்தின் கதாநாயகியாக ராஷ்மிகா மந்தனா நடிக்க தெலுங்கு முன்னணி நடிகர் நாகர்ஜுனா முக்கிய கதாபாத்திரத்தில் நடிக்கிறார். தேவி ஸ்ரீபிரசாத் இசையமைக்கிறார்.  

இந்த நிலையில், குபேரா படத்தின் படப்பிடிப்பு பல இடங்களில் நடைபெற்று வருகிறது. இந்தப் படத்தின் அடுத்த கட்ட படிப்பிடிப்பிற்காக தனுஷ், நாகர்ஜுனா உள்ளிட்ட நடிகர்கள் ஐதராபாத்திற்கு விமானம் மூலம் சென்றனர். அப்போது, விமான நிலையத்தில் இருந்து வெளியே வந்த நாகர்ஜுனாவிடம், அங்கிருந்து முதியவர் ஒருவர் அருகில் வந்து பேச முயன்றார். அப்போது, நாகர்ஜுனாவின் பாதுகாவலர் ஒருவர் அந்த முதியவரை பிடித்து கீழே தள்ளிவிட்டார். இந்தச் சம்பவத்தை கவனிக்காமல் நாகர்ஜுனாவும் அங்கிருந்து சென்றார். 

இது தொடர்பான வீடியோ சமூக வலைத்தளங்களில் வெளியாகி பெரும் சர்ச்சையை ஏற்படுத்தியிருந்தது. தற்போது நாகர்ஜுனா அதற்கு மன்னிப்பு கேட்டுள்ளார். இது குறித்து அவர் அந்த வீடியோவை பகிர்ந்து, ‘இது இப்போதுதான் என்னுடைய கவனத்திற்கு வந்தது. இது கண்டிப்பாக நடந்திருக்கக் கூடாது. நான் அவரிடம் மன்னிப்பு கேட்டுக் கொள்கிறேன். மேலும், எதிர்காலத்தில் இது போன்று சம்பவங்கள் நடக்காமல் இருக்க தேவையான முன்னெச்சரிக்கை நடவடிக்களை எடுப்பேன்’ எனப் பதிவிட்டுள்ளார். 

சார்ந்த செய்திகள்

Next Story

எம்.பிக்கு அறை விட்ட பகுஜன் சமாஜ் கட்சி நிர்வாகி; வைரல் வீடியோவால் பரபரப்பு!

Published on 18/07/2024 | Edited on 18/07/2024
Bahujan Samaj Party executive leaves room for MP in maharashtra

மகாராஷ்டிரா  மாநிலத்தைச் சேர்ந்தவர் கவுதம். இவர், பகுஜன் சமாஜ் கட்சி சார்பில் மாநிலங்களவை உறுப்பினராகப் பொறுப்பு வகித்து வருகிறார். இந்த நிலையில், நேற்று (17-07-24) தாதர் பகுதியில் பகுஜன் சமாஜ் கட்சியின் நிர்வாகிகள் கூட்டம் நடைபெற்றது. 

அந்த நிகழ்ச்சியில், மாநிலங்களவை எம்.பி கவுதம் கலந்து கொண்டு விழாவை சிறப்பித்தார். அப்போது, அக்கட்சியைச் சேர்ந்த நிமா மோஹர்கர் என்ற பெண், எம்.பி கவுதமை அறைந்தார். இதனால், அந்த இடத்தில் பெரும் பரபரப்பு ஏற்பட்டுள்ளது. இது தொடர்பான வீடியோ, சமூக வலைத்தளங்களில் வெளியாகி வைரலாகி வருகிறது. 

இது தொடர்பாக தாதர் காவல் நிலையத்தில் புகார் அளிக்கப்பட்டு வழக்குப்பதிவு செய்யப்பட்டுள்ளது. இது குறித்து விசாரணை நடத்தியதில், சமீபத்தில் நடைபெற்ற மக்களவைத் தேர்தலில் பண்டாரா-கோண்டியா தொகுதியில் போட்டியிட கட்சி வாய்ப்பு கிடைக்காததால் பிஎஸ்பி தொண்டரான நிமா மோஹர்கர் வருத்தப்பட்டதாக கூறப்படுகிறது. இதனால் கோபமடைந்த அவர், எம்.பி கவுதமை தாக்கியதாகத் தெரியவந்துள்ளது. 

இந்தச் சம்பவத்தின் வீடியோ வைரலானதால், மொஹர்கர் கட்சியில் இருந்து நீக்கப்பட்டார். இது குறித்து பகுஜன் சமாஜ் கட்சியின் மாநிலத் தலைவர் சுனில் டோங்ரே கூறுகையில், ‘கடந்த ஆண்டு நடந்த சட்டப் பேரவைத் தேர்தலில் மொஹர்கர் போட்டியிட்டார். ஆனால் அவரால் வெற்றிபெற முடியவில்லை. மக்களவைத் தேர்தலில் அவர் வலுவான வேட்பாளராக இருப்பார் என்பதில் கட்சிக்கு உறுதியாக தெரியவில்லை. அதனால் அவருக்கு வாய்ப்பு வழங்கப்படவில்லை. அவருக்கு வாய்ப்பு மறுக்கப்பட்டதால் அவர் இவ்வாறு நடந்துகொள்வதை ஏற்க முடியாது. அவர் உடனடியாக கட்சியில் இருந்து நீக்கப்பட்டார், மேலும் அவர் மீது தாதர் காவல் நிலையத்தில் எஃப்ஐஆர் பதிவு செய்யப்பட்டுள்ளது” என்று கூறினார். 

Next Story

கணவரைப் பயமுறுத்த மனைவி அனுப்பிய வீடியோ; போலீசார் தீவிர விசாரணை

Published on 18/07/2024 | Edited on 18/07/2024
Video sent by wife to scare husband in uttarkhand

உத்தரகாண்ட் மாநிலம், ஹரித்வார் பகுதியில் பெண் ஒருவர், தனது 11 வயது மகனை தாக்கும் வீடியோ சமூக வலைத்தளங்களில் வெளியாகி பரபரப்பை ஏற்படுத்தியுள்ளது. இது தொடர்பான வீடியோவில், ஒரு பெண் தனது மகனை அடிப்பைதை மற்றொருவர் அருகில் நின்று அதனை வீடியோவாக எடுத்துள்ளார். இந்த வீடியோ வைரலானதை தொடர்ந்து, ஹரித்வார் போலீசார் வழக்குப்பதிவு விசாரணை நடத்தினர்.

அந்த விசாரணையில், அந்த பெண்ணின் கணவர் குடிப் பழக்கத்திற்கு அடிமையாகி, வீட்டு செலவுக்கு பணம் கொடுப்பதில்லை. மேலும், கடந்த 10 வருடங்களாக குடிப்பழக்கத்தால் அந்த பெண்ணின் கணவர், அவரிடம் அடிக்கடி தகராறிடம் ஈடுபட்டு வந்துள்ளார். இதனையடுத்து, அந்த பெண்ணின் கணவர், உத்தரப் பிரதேச மாநிலத்தில் ஒரு கடையை நடத்தி கொண்டு அங்கேயே இருந்து சில மாதங்களாக வீட்டுக்கு வரவில்லை. இதனால், மனமுடைந்த அந்த பெண், தனது கணவரை பயமுறுத்துவதற்காக தனது மகனை அடித்து அதை, தனது மூத்த மகனிடம் வீடியோவாக எடுக்கச் சொல்லி அந்த வீடியோவை தனது கணவருக்கு அனுப்பியுள்ளார் என்பது தெரியவந்தது. 

அதன் பின்னர், அந்த பெண்ணின் பக்கத்து வீட்டார் பலரிடம் போலீசார் விசாரணை நடத்தினர். அதில், அந்த பெண் தனது குழந்தைகளை நன்றாக கவனித்து வருவதாகத் தெரிவித்தனர். இதனையடுத்து, மகனை அடித்து வீடியோவாக எடுத்த அந்த பெண்ணுக்கு பல கட்ட கவுன்சிலிங் நடத்தப்பட உள்ளதாக போலீசார் தரப்பில் தெரிவித்தனர். மேலும், கணவர் மீது பெண் கூறிய புகார்கள் குறித்தும் போலீசார் விசாரணை நடத்தி வருகின்றனர். 

The website encountered an unexpected error. Please try again later.