Skip to main content

"எனக்கு நிறைய அட்வைஸ் பண்ணினார்" - மாரிமுத்து குறித்து மாரி செல்வராஜ் நெகிழ்ச்சி

Published on 08/09/2023 | Edited on 08/09/2023

 

mari selvaraj about marimuthu

 

நடிகர் மற்றும் இயக்குநரான மாரிமுத்து(57) மாரடைப்பு காரணமாக உயிரிழந்துள்ளார். இன்று காலை சின்னத்திரையில் அவர் நடித்து வரும் சீரியலில், டப்பிங் பேசிக்கொண்டிருந்த அவர், திடீரென மயக்கம் போட்டு விழ, அருகில் இருந்த ஒரு தனியார் மருத்துவமனைக்கு கொண்டு செல்ல, நெஞ்சுவலி காரணமாக இறந்து விட்டதாக உறுதி செய்யப்பட்டுள்ளது. சென்னையில் உள்ள இவரது இல்லத்தில் அஞ்சலிக்கு வைக்கப்பட்டுள்ளது. 

 

அவரது உடலுக்கு இயக்குநர் வசந்த், சரத்குமார். எம்.எஸ் பாஸ்கர், பிரசன்னா, சசி, கதிர், சுனில் ரெட்டி, ரெடின் கிங்ஸ்லி உள்ளிட்ட திரை பிரபலங்கள் நேரில் சென்று அஞ்சலி செலுத்தினர். அந்த வகையில் மாரி செல்வராஜ், நேரில் அஞ்சலி செலுத்தினார். பின்பு செய்தியாளர்களை சந்தித்த அவர், "நிச்சயமாக ஒரு பெரிய இழப்பு தான். இயல்பான கதையோட்டங்களை கொண்ட கிராம கதைகளை உருவாக்கக்கூடிய அல்லது எளிமையான கதைகளை உருவாக்க கூடிய  நிறைய இயக்குநர்களுடைய தேர்வாக அவர் இருந்தார். மேலும் முதல் பட இயக்குநருக்கு ரொம்ப சப்போர்டிவாக இருந்துள்ளார். தான் ஒரு சீனியர் இயக்குநர் என்பதை முதல் பட இயக்குநரிடத்தில் அவர் காண்பித்ததே கிடையாது. இயக்குநர் என்ன சொல்கிறாரோ அதை இன்னும் மெருகேற்றுவதற்கு அவருடன் உரையாடி, ஒரு நெருக்கத்தை உண்டாக்கி பணியாற்றுபவர். 

 

நான் நிறைய தடவை கேள்வி பட்டிருக்கிறேன். அவருக்கும் இப்போது படம் பண்ணிக்கிட்டு இருக்கிற நிறைய இயக்குநர்களுக்கும் ஒரு உறவு இருந்தது. என்னுடன் பரியேறும் பெருமாள் நடித்தார். அதன் பிறகு எந்த படமும் பண்ணவில்லை. ஆனால் வாரத்தில் ஒரு தடவையாவது பேசிவிடுவார். அவரை பற்றி ட்ரெண்டாகிற வீடியோக்கள் எல்லாம் அனுப்புவார். அதை நான் கிண்டலடிச்சிருக்கேன், அவரும் கிண்டலடிப்பார். அவருடன் சண்டை போட்டிருக்கிறேன். முரண் பட்டிருக்கிறேன். எனக்கு நிறைய அட்வைஸ் பண்ணினார். வாழ்க்கையில் என்ன வாங்கியிருக்கீங்க, செட்டில் ஆகிடீங்களா... எல்லாத்தையும் சேமிச்சு வையுங்க என சொல்வார்.

 

ஒரு இயக்குநரோட அழுத்தத்தை புரிஞ்சிகிட்டு, என்னோட அரசியலையும் புரிஞ்சுகிட்டு, பரியேறும் பெருமாள் படத்தில் மிக பெரிய பங்களிப்பை கொடுத்திருந்தார். படத்தில் கார் மேல் உட்கார்ந்து ஹீரோ பேசும் வசனம் அவர் தான் வைக்க சொன்னார். அதை காட்சியாக காட்டாமல் வசனத்தில் வையுங்கள் என்றார். அவர் சொன்னதை போல் வைத்தேன். அது எந்தளவு தாக்கத்தை உண்டாக்கியது என்று பிறகு தான் தெரிஞ்சது. கர்ணன், மாமன்னன் படத்தில் அவர் இல்லாதது வருத்தமாக இருந்தது என சொன்னார். அடுத்த படத்தில் நடிக்க வேண்டும் என சொன்னார். நானும் அடுத்த படத்தில் நடிக்க வைக்க யோசித்து வைத்தேன். ஆனால் இப்படி ஆகும் என நினைக்கவில்லை. நல்ல சமுதாயத்தை விரும்பக்கூடிய மனிதரை இழந்துவிட்டோம்.  " என்றார்.   

 

மாரி செல்வராஜ் இயக்கிய பரியேறும் பெருமாள் படத்தில் கதாநாயகியின் அப்பா கதாபாத்திரத்தில் நடித்திருந்தார். இதன் மூலம் ரசிகர்கள் மத்தியில் மிகவும் பிரபலமடைந்தார். 

 

 

 

சார்ந்த செய்திகள்

Next Story

‘பைசன்’ படத்தின் அப்டேட்டை வெளியிட்ட மாரி செல்வராஜ்!

Published on 29/06/2024 | Edited on 29/06/2024
Mari Selvaraj released the update of 'Bison'!

விக்ரம் மகனான துருவ் விக்ரம், ‘ஆதித்ய வர்மா’ படம் மூலம் ஹீரோவாக அறிமுகமான நிலையில், விக்ரமுடன் இணைந்து ‘மகான்’ படத்தில் கடைசியாக நடித்திருந்தார். இதையடுத்து மாரி செல்வராஜ் இயக்கத்தில் பா.ரஞ்சித் தயாரிப்பில் ஒரு படம் நடிக்க ஒப்பந்தமானார். 2021 ஆம் ஆண்டு இந்த அறிவிப்பு வெளியான நிலையில், மாரி செல்வராஜ் மாமன்னன், வாழை என அடுத்தடுத்த படங்களில் பணியாற்றியதால் படப்பிடிப்பு தாமதமானது. மாமன்னன் வெளியானதைத் தொடர்ந்து வாழை பட பணிகளும் முடிந்துவிட்டதாகக் கூறப்படுகிறது. 

இதனிடையே மாரி செல்வராஜ் - துருவ் விக்ரம் படத்தின் கதை, அர்ஜுனா விருது வென்ற தூத்துக்குடியைச் சேர்ந்த கபடி வீரர் மணத்தி கணேசன் வாழ்க்கையை மையமாக வைத்து உருவாக்கப்படவுள்ளதாகக் கூறப்பட்டு வருகிறது. இதையடுத்து அப்ளாஸ் என்டர்டெய்ன்மென்ட் மற்றும் பா.ரஞ்சித்தின் நீலம் ஸ்டுடியோஸ் ஆகிய நிறுவனங்கள் இணைந்து ‘பைசன்’ படத்தை தயாரிக்கவுள்ளதாக அறிவிக்கப்பட்டது. படத்தில் லால், பசுபதி, ரஜிஷா விஜயன், கலையரசன் ஆகியோர் முக்கிய கதாபாத்திரத்தில் நடிக்க நிவாஸ் கே.பிரசன்னா இசையமைக்கிறார்.

இந்த நிலையில், முதற்கட்ட படப்பிடிப்பு முடிந்துள்ளதாகப் படக்குழு அறிவித்துள்ளது. இது குறித்து இயக்குநர் மாரி செல்வராஜ் தனது எக்ஸ் பக்கத்தில் அதிகாரப்பூர்வமாக அறிவித்துள்ளார். 

Next Story

பாலிவுட்டில் ரீமேக்காகிறது பரியேறும் பெருமாள்

Published on 27/05/2024 | Edited on 27/05/2024
pariyerum perumal hindi remake update

இயக்குநர் பா.ரஞ்சித் தயாரிப்பில் மாரி செல்வராஜ் இயக்கத்தில் 2018 இல் வெளியான படம் பரியேறும் பெருமாள். கதிர், கயல் ஆனந்தி, யோகி பாபு எனப் பல்வேறு பிரபலங்கள் நடித்திருந்தனர். சந்தோஷ் நாராயணன் இசையமைத்திருந்தார். சாதி பிரச்சணையைப் பேசியிருந்த இப்படம் விமர்சன ரீதியாக பலரது பாராட்டையும் பெற்றது. மேலும் ரசிகர்கள் மத்தியில் பெரும் வரவேற்பைப் பெற்றது. 

இந்த நிலையில் இப்படம் தற்போது இந்தியில் ரீமேக்காக உள்ளது. இயக்குநர் மற்றும் தயாரிப்பாளர் கரண் ஜோகரின் தர்மா ப்ரொடக்‌ஷன்ஸ் தயாரிப்பில் இப்படம் உருவாக சித்தார்த் சதுர்வேதி, த்ரிப்தி இம்ரி ஆகியோர் முதன்மை கதாபாத்திரத்தில் நடிக்கின்றனர். தடக் 2 என்ற தலைப்பில் உருவாக இப்படம் நவம்பர் 22ஆம் தேதி வெளியாகவுள்ளது. ஜீ ஸ்டுடியோஸ் இப்படத்தை உலகமெங்கும் வெளியிடுகிறது. இதன் அறிவிப்பு வீடியோ தற்போது வெளியிடப்பட்டுள்ளது. 

இந்தத் தலைப்பின் முதல் பாகமான தடக் படம், சாய்ராத் என்ற மராத்தி படத்தின் இந்தி ரீமேக்காக உருவாகி வெளியானது. நாகராஜ் மஞ்சுளே இயக்கிய இந்தப் படம் ஆணவக் கொலை சம்பவத்தை மையப்படுத்தி உருவாகியிருந்தது. இந்தப் படமும் விமர்சன ரீதியாக பலரது பாராட்டைப் பெற்றது குறிப்பிடத்தக்கது.