Skip to main content

"இசைப்புயலுடன் பிரவேசித்த வைகைபுயல்" - எகிறும் எதிர்பார்ப்பு

Published on 08/05/2023 | Edited on 08/05/2023

 

mamannan update mari selvaraj shared a photo

 

'பரியேறும் பெருமாள்', 'கர்ணன்' ஆகிய வெற்றி படங்களைத் தொடர்ந்து இயக்குநர் மாரி செல்வராஜ் தற்போது 'மாமன்னன்' படத்தை இயக்கி வருகிறார். இப்படத்தில் உதயநிதி ஸ்டாலின் முதன்மை கதாபாத்திரத்தில் நடிக்க ஃபகத் பாசில், கீர்த்தி சுரேஷ், வடிவேலு ஆகியோர் முக்கியக் கதாபாத்திரத்தில் நடித்து வருகின்றனர். ஏ.ஆர்.ரகுமான் இசையமைக்கும் இப்படத்தை ரெட் ஜெயண்ட் மூவிஸ் நிறுவனம் தயாரிக்கிறது. 

 

இப்படத்தின் படப்பிடிப்பு அனைத்தும் முடிந்த நிலையில் தற்போது போஸ்ட் ப்ரொடக்‌ஷன் பணிகள் விறுவிறுப்பாக நடைபெற்று வருகிறது. அண்மையில் இப்படம் பற்றி பேசிய மாரி செல்வராஜ், "தமிழ் சினிமாவில் ஒரு முக்கியமான படமாக மாமன்னன் இருக்கும். இன்றைய சூழலில் இருக்கும் அரசியலை பேசக்கூடிய படமாக இருக்கும்" என பேசினார். 

 

உதயநிதி நடிப்பில் கடைசி படமாக இப்படம் வெளியாவதால் படத்தின் மீது எதிர்பார்ப்பு அதிகரித்துள்ளது. இப்படத்தின் ஃபர்ஸ்ட் லுக் போஸ்டர் கடந்த 1ஆம் தேதி வெளியானது. மேலும் ஜூன் மாதம் படம் வெளியாகும் என அதில் படக்குழு தெரிவித்தது. 

 

இந்த நிலையில் மாரி செல்வராஜ் தனது ட்விட்டர் பக்கத்தில் ஒரு புகைப்படத்தை பகிர்ந்துள்ளார். அதில் வடிவேலு, ஏ.ஆர்.ரஹ்மான், யுகபாரதி உள்ளிட்டோர் இருக்கின்றனர். அந்த பதிவில், "இசைப்புயலுடன் பிரவேசித்த வைகைபுயல்" எனக் குறிப்பிட்டுள்ளார். இப்படத்தில் ஏ.ஆர்.ரஹ்மான் இசையில் வடிவேலு ஒரு பாடல் பாடியுள்ளார். அப்புகைப்படத்தை பார்க்கையில் படத்தின் பின்னணி இசை பணிகள் தொடங்கியுள்ளதை புரிந்து கொள்ள முடிகிறது. இப்படத்தில் வடிவேலு நெகட்டிவ் ஷேட் உள்ள கதாபாத்திரத்தில் நடித்துள்ளதாகக் கூறப்படுகிறது.  

 

 


 

சார்ந்த செய்திகள்

Next Story

நட்புக்கு முக்கியத்துவம்; ரைட்ஸ் வாங்கி பயன்படுத்திய ஏ.ஆர்.ரகுமான் பாடல்! 

Published on 11/06/2024 | Edited on 11/06/2024
 nanban oruvan vantha piragu press meet 

புதுமுக இயக்குநர் ஆனந்த் இயக்கிய தமிழ்த் திரைப்படம் ‘நண்பன் ஒருவன் வந்த பிறகு’. படத்தின் முக்கிய கதாபாத்திரங்களில் அனந்த் ராம், பவானி ஸ்ரீ ஆகியோர் நடித்துள்ளனர். ஏ.எச்.காஷிப் இசையமைத்துள்ளார். இப்படம் விரைவில் திரையரங்கில் வெளியாக உள்ளது. இப்படக்குழுவினர் சமீபத்தில் பத்திரிகையாளர்களை சந்தித்தனர்.

அப்போது பத்திரிக்கையாளர்களின் கேள்விகளுக்கு சுவாரசியமான பதிலளித்தனர். இந்தப் படத்தில் ஏ.ஆர்.ரகுமான் இசையமைத்த முஸ்தபா பாடலை பயன்படுத்தியிருக்கிறீர்களே அதற்கு முறையாக ரைட்ஸ் வாங்கியிருக்கிறீர்களா? ஏன்னா இளையராஜா இப்பெல்லாம் ரைட்ஸ் கேட்கிறாரே அதற்காகத்தான் கேட்கிறோம் என்ற கேள்வியை முன் வைத்தனர்.

அதற்கு படக்குழுவினர், “முறையாக இசையமைப்பாளரை அணுகினோம். இந்தப் படத்தில் பயன்படுத்திய பாடல் அலை ஓசை ரெக்காட்ஸ் என்கிறவர்களிடம் இருந்தது. அவர்களிடமிருந்து ரைட்ஸ் வாங்கித்தான் பயன்படுத்தியுள்ளோம்” என்றனர். மேலும், இப்படத்தின் முக்கியமான இரண்டு பாடலை தனுஷ் மற்றும் ஜி.வி.பிரகாஷ் பாடியுள்ளனர் என்றார்கள்.

Next Story

பாலிவுட்டில் ரீமேக்காகிறது பரியேறும் பெருமாள்

Published on 27/05/2024 | Edited on 27/05/2024
pariyerum perumal hindi remake update

இயக்குநர் பா.ரஞ்சித் தயாரிப்பில் மாரி செல்வராஜ் இயக்கத்தில் 2018 இல் வெளியான படம் பரியேறும் பெருமாள். கதிர், கயல் ஆனந்தி, யோகி பாபு எனப் பல்வேறு பிரபலங்கள் நடித்திருந்தனர். சந்தோஷ் நாராயணன் இசையமைத்திருந்தார். சாதி பிரச்சணையைப் பேசியிருந்த இப்படம் விமர்சன ரீதியாக பலரது பாராட்டையும் பெற்றது. மேலும் ரசிகர்கள் மத்தியில் பெரும் வரவேற்பைப் பெற்றது. 

இந்த நிலையில் இப்படம் தற்போது இந்தியில் ரீமேக்காக உள்ளது. இயக்குநர் மற்றும் தயாரிப்பாளர் கரண் ஜோகரின் தர்மா ப்ரொடக்‌ஷன்ஸ் தயாரிப்பில் இப்படம் உருவாக சித்தார்த் சதுர்வேதி, த்ரிப்தி இம்ரி ஆகியோர் முதன்மை கதாபாத்திரத்தில் நடிக்கின்றனர். தடக் 2 என்ற தலைப்பில் உருவாக இப்படம் நவம்பர் 22ஆம் தேதி வெளியாகவுள்ளது. ஜீ ஸ்டுடியோஸ் இப்படத்தை உலகமெங்கும் வெளியிடுகிறது. இதன் அறிவிப்பு வீடியோ தற்போது வெளியிடப்பட்டுள்ளது. 

இந்தத் தலைப்பின் முதல் பாகமான தடக் படம், சாய்ராத் என்ற மராத்தி படத்தின் இந்தி ரீமேக்காக உருவாகி வெளியானது. நாகராஜ் மஞ்சுளே இயக்கிய இந்தப் படம் ஆணவக் கொலை சம்பவத்தை மையப்படுத்தி உருவாகியிருந்தது. இந்தப் படமும் விமர்சன ரீதியாக பலரது பாராட்டைப் பெற்றது குறிப்பிடத்தக்கது.