Skip to main content

மதன் கார்க்கி எழுத்தில் வெளியானது பொன்னியின் செல்வன் ஓப்பனிங் பாடல்!

Published on 18/01/2020 | Edited on 19/01/2020

அமரர் கல்கியின் எழுத்தில் உருவான நாவல் பொன்னியின் செல்வன். இந்த கதையை தற்போது மணிரத்னம் படமாக எடுத்து வருகிறார். இதில் விக்ரம், கார்த்தி, ஜெயம் ரவி, ஐஸ்வர்யா ராய் உள்ளிட்ட நடிகர்கள் நடிப்பதற்காக ஒப்பந்தமாகியுள்ளனர்.
 

madhan karky

 

 

இந்த கதையை முதன்முதலில் படமாக எடுக்க வேண்டும் என்று நினைத்தவர் எம்.ஜி.ஆர் அந்த படத்தின் போஸ்டர் கூட அச்சமயத்தில் வெளியானது. ஆனால், தயாரிப்பு செலவு காரணங்களால் அது அப்படியே கைவிடப்பட்டது.

இந்நிலையில் எம்.ஜி.ஆரின் கனவை நனவாக்கும் வகையில் எம்.ஜி.ஆர் தோற்றத்தில் அனிமேஷனில் பொன்னியின் செல்வனை படமாக்கிறார்கள். இந்த படத்திற்கு ‘வந்தியத்தேவன் : பொன்னியின் செல்வன் பாகம் 1’ என்று பெயரிடப்பட்டுள்ளது. 

நான்கு ஆண்டுகளாக நடைபெற்ற பணி நிறைவடைந்துள்ள நிலையில் இத்திரைப்படத்தின் பாடல் ஒன்றை இக்குழு வெளியிட்டுள்ளது. ‘ரமேஷ் தமிழ்மணி இப்படத்திற்கு இசையமைக்க, மதன் கார்க்கி பாடல் வரிகளை எழுதியுள்ளார். தவச்செல்வனின் இயக்கத்தில் பெரிய பொருட்செலவில் உருவாகியுள்ள இந்தப் படத்தை இந்த ஆண்டு பல்வேறு இந்திய மொழிகளில் வெளியிடத் திட்டமிட்டுள்ளனர். வந்தியதேவனின் அறிமுக பாடல் இது என்று படக்குழு தெரிவித்துள்ளது. 

 

சார்ந்த செய்திகள்

Next Story

யுவன் - மதன் கார்க்கி கூட்டணியில் வெளியாகும் காதல் பாடல்

Published on 12/02/2024 | Edited on 12/02/2024
Yezhu Kadal Yezhu Malai first single release update

இயக்குநர் ராம் 'பேரன்பு' படத்தைத் தொடர்ந்து, 'ஏழு கடல் ஏழு மலை' என்ற தலைப்பில் ஒரு படம் இயக்கியுள்ளார். இதில் நிவின் பாலி, சூரி, அஞ்சலி ஆகியோர் நடித்துள்ளனர். 'வி ஹவுஸ் ப்ரொடக்‌ஷன்' சார்பாக சுரேஷ் காமாட்சி தயாரிக்கும் இப்படத்திற்கு யுவன் சங்கர் ராஜா இசையமைத்துள்ளார். சமீபத்தில் இப்படத்தின் கிளிம்ப்ஸ் வெளியாகி பலரது கவனத்தை ஈர்த்தது. 

இதையடுத்து நெதர்லாந்தில் நடைபெற்ற ரோட்டர்டாம் சர்வதேசத் திரைப்பட விழாவில் 'பிக் ஸ்க்ரீன் போட்டிப் பிரிவில்' திரையிடப்பட்டது. படத்தைப் பார்த்த பார்வையாளர்கள் படத்தை வெகுவாகப் பாராட்டியிருந்தனர். இது தொடர்பான வீடியோவும் சமூக வலைத்தளங்களில் வைரலானது. இதை இயக்குநர் மாரி செல்வராஜ் அவரது எக்ஸ் பக்கத்தில் பகிர்ந்து மகிழ்ந்திருந்தார்.

இப்படத்தின் முதல் பாடல் வருகின்ற காதலர் தினமான பிப்ரவரி 14 ஆம் தேதி மாலை 6 மணிக்கு வெளியாகவுள்ளது. ‘மறுபடி நீ...’ என்ற தலைப்பில் வெளியாகவுள்ள இப்பாடலுக்கு மதன் கார்க்கி வரிகள் எழுதியுள்ளதாகப் படக்குழு தற்போது வெளியிட்டுள்ளது. இப்பாடல் காதல் பாடலாக இருக்கும் என எதிர்பார்க்கப்படுகிறது. இதற்கு முன்னதாக பிரியாணி, அஞ்சான், வை ராஜா வை, மாநாடு உள்ளிட்ட சில படங்களில் யுவன் இசையில் மதன் கார்க்கி வரிகள் எழுதியுள்ளார்.  

Next Story

'என்ன நண்பா ரெடியா...' - தளபதி 68 படத்திலும் பாடும் விஜய்?

Published on 25/10/2023 | Edited on 25/10/2023

 

vijay singing in thalapathy 68

 

லோகேஷ் கனகராஜ் இயக்கத்தில் விஜய் நடிப்பில் வெளியான லியோ படம் கலவையான விமர்சனத்தை பெற்றாலும், வசூல் ரீதியாக சாதனை படைத்து வருகிறது. லியோ படம் வெளியான முதல் நாளில் மட்டும் உலகம் முழுவதும் ரூ.148 கோடி வசூல் செய்து சர்வதேச அளவில் முதல்நாளில் அதிக வசூல் செய்த தமிழ் படம் என்ற சாதனையைப் படைத்தது. மேலும் முதல் 4 நாட்களில் உலகம் முழுவதும் 400 கோடி ரூபாய் வசூல் செய்துள்ளதாகக் கூறப்படுகிறது. 

 

இதையடுத்து வெங்கட் பிரபு இயக்கத்தில் ஏ.ஜி.எஸ் தயாரிப்பில் யுவன் ஷங்கர் ராஜா இசையில் விஜய் நடிக்கவுள்ளார். தற்காலிகமாக தளபதி 68 என பெயரிடப்பட்டுள்ள இப்படத்தின் படப்படிப்பு இந்த மாத தொடக்கத்தில் பூஜையுடன் தொடங்கி நடைபெற்று வருகிறது. ஏற்கனவே படத்தின் முதற்கட்ட படப்பிடிப்பு முடிவடைந்த நிலையில், படத்தின் பூஜை வீடியோவை நேற்று படக்குழு வெளியிட்டது. இப்படத்தில் மீனாட்சி சௌத்ரி, சினேகா, பிரசாந்த், பிரபுதேவா, மோகன், ஜெயராம், லைலா, வைபவ் மற்றும் சென்னை 600028 படத்தில் நடித்த அரவிந்த் ஆகாஷ், விஜய் ராஜ், பிரேம் ஜி உள்ளிட்ட பலரும் நடிக்கின்றனர். 

 

இந்த நிலையில் பாடலாசிரியர் மற்றும் வசனகர்த்தா மதன் கார்க்கி இந்த படத்தில் இணைந்துள்ளதாக அவரது எக்ஸ் பக்கத்தில் தெரிவித்துள்ளார். அந்த பதிவில், "அஸ்கு லஸ்கா, கூகுள் கூகுள், செல்பி புள்ள பாடலுக்கு பிறகு விஜய்யுடன் பணியாற்றுவது மகிழ்ச்சி" என குறிப்பிட்டு படக்குழுவிற்கு நன்றி தெரிவித்துள்ளார். அவர் குறிப்பிட்ட பாடல்களில் இரண்டு பாடல்கள் விஜய் பாடியவை. அதே படங்களில் மற்ற பாடல்களையும் எழுதிய மதன் கார்க்கி விஜய் பாடிய பாடல்களை மட்டும் குறிப்பிட்டுள்ளதால், தளபதி 68 படத்திலும் விஜய் ஒரு பாட்டு பாடவுள்ளதாக தெரிகிறது. விரைவில் இது தொடர்பாக தெளிவான அறிவிப்பை படக்குழு வெளியிடுவார்கள் என எதிர்பார்க்கப்படுகிறது. 

 

லியோ படத்தில் விஜய் பாடிய 'நா ரெடி...' பாடல் நல்ல வரவேற்பை பெற்றாலும் சில சர்ச்சையையும் எதிர்கொண்டது. மேலும் 2005ஆம் ஆண்டிற்குப் பிறகு 7 ஆண்டுகளாக எந்த  படத்திலும் பாடாமல் இருந்த விஜய் துப்பாக்கி படத்தில் மதன் கார்க்கி எழுதிய 'கூகுள் கூகுள்...' பாடல் மூலம் ரீ என்ட்ரி கொடுத்தார் என்பது நினைவுகூரத்தக்கது.