Skip to main content

விஜய், சூர்யா தயாரிப்பாளர் மட்டுமல்ல, வடிவேலுடன் காமெடியும் செய்தவர்! மறைந்த தயாரிப்பாளர் சுவாமிநாதன்...

Published on 10/08/2020 | Edited on 10/08/2020

 

v swaminathan

 


பிரபல தயாரிப்பாளரும், காமெடி நடிகருமான வி. சுவாமிநாதன் கரோனா பாதிப்பால் இன்று காலமானார். 

 

தமிழ் சினிமாவின் 90-களில் மிகவும் பிரபலமான தயாரிப்பு நிறுவனங்களுள் ஒன்று லட்சுமி மூவி மேக்கர்ஸ். 1994ஆம் ஆண்டு அரண்மனை காவலன் என்னும் படத்தின் மூலம் தமிழ் சினிமாவில் களமிறங்கியது இந்நிறுவனம். இந்நிறுவத்தில் கே. முரளிதரன், ஜி. வேணுகோபால், வி. சுவாமிநாதன் என்று மூன்று பேர் தயாரிப்பாளர்களாக இருந்தனர். 

 

விஜயகாந்த், சரத்குமார், கார்த்திக் என்று 90-களின் முன்னணி நடிகர்களை வைத்து தொடர்ந்து படம் தயாரித்துள்ள நிறுவனம் தற்போதைய முன்னணி நடிகர்களாக இருக்கும் அஜித், விஜய், சூர்யா, தனுஷ், சிம்பு ஆகியோரை வைத்தும் தயாரித்துள்ளது. குறிப்பாக அஜித்திற்கு 'உன்னை தேடி', விஜய்க்கு 'பகவதி', சூர்யாவிற்கு 'உன்னை நினைத்து', தனுஷிற்கு 'புதுப்பேட்டை', சிம்புவிற்கு 'சிலம்பாட்டம்' உள்ளிட்ட படங்களைக் கொடுத்தது இந்நிறுவனம்தான். இயக்குனர் சுந்தர்.சி உடன் இணைந்து ஐந்து படங்களைத் தயாரித்துள்ளது லட்சுமி மூவி மேக்கர்ஸ். அதில் ஒரு படம்தான் பலரும் தற்போது கொண்டாடும் க்ளாசிக் படைப்பான 'அன்பே சிவம்' படமாகும்.

 

வி.சுவாமிநாதனுக்கு தயாரிப்பதில் மட்டுமல்லாமல் நடிப்பதிலும் ஆர்வம் அதிகம், இவர்கள் தயாரித்த பல படங்களில் ஒரு சிறு வேடம் நடித்திருப்பார். கார்த்தியின் 'உன் இடத்தில் என்னை கொடுத்து' படத்தில் இவருடைய கதாபத்திரம் பலருக்கும் தெரியும். மிகவும் பிரபலம் என்றால், 'பகவதி' படத்தில் வடிவேலுடன் இணைந்து இவர் செய்த காமெடிதான். அதை இன்றும் பலரால் மறக்க முடியாதது. 

 

'பாஸ் என்கிற பாஸ்கரன்' படத்தில் மொட்டை ராஜேந்தருக்கு மகனாக நடித்த பால் பாண்டி என்னும் அஸ்வின்தான் சுவாமிநாதனின் மகனாவார். லாக்டவுனில்தான் அஸ்வினுக்கு திருமணம் நடைபெற்றது. மேலும் ஜெயம் ரவி நடிப்பில் வெளியான 'சகலகலா வல்லவன்' படத்தை கடைசியாக இந்நிறுவனம் இயக்கியது. 

 

 

சார்ந்த செய்திகள்

Next Story

“பெரும் அதிர்ச்சியையும் வேதனையையும் அளிக்கிறது” - த.வெ.க தலைவர் விஜய்

Published on 06/07/2024 | Edited on 06/07/2024
T.V.K. leader Vijay condolence amstrong incident

சென்னை பெரம்பூரில் பகுஜன் சமாஜ் கட்சியின் மாநிலத் தலைவராக பொறுப்பு வகித்து வந்த ஆம்ஸ்ட்ராங்கை நேற்று (06-07-24) அவரதுவீட்டின் அருகே இருசக்கர வாகனங்களில் 6 பேர் கொண்ட கும்பல் அரிவாளால் வெட்டிவிட்டுத் தப்பியோடிவிட்டனர். இதில் படுகாயமடைந்த ஆம்ஸ்ட்ராங் சிகிச்சைக்காக மருத்துவமனையில் அனுமதிக்கப்பட்ட நிலையில் சிகிச்சை பலனின்றி உயிரிழந்தார். இச்சம்பவம் குறித்து தகவல் அறிந்து சம்பவ இடத்திற்கு வந்த காவல்துறையினர் தப்பியோடிய மர்ம கும்பலைத் தேடி வந்தனர். 

சென்னையில் பகுஜன் சமாஜ் கட்சியின் மாநிலத் தலைவர் ஆம்ஸ்ட்ராங் வெட்டி படுகொலை செய்யப்பட்டுள்ள சம்பவம் மக்கள் மத்தியில் பெரும் பரபரப்பையும் அதிர்ச்சியையும் ஏற்படுத்தியுள்ளது. அதே சமயம் ஆம்ஸ்ட்ராங் படுகொலையைக் கண்டித்து பெரம்பூரில் பகுஜன் சமாஜ் கட்சியினர் போராட்டம் நடத்தி வருகின்றனர். இதனால், அவரது வீட்டின் அருகே 100க்கும் மேற்பட்ட போலீசார் குவிக்கப்பட்டு பாதுகாப்பு பணியில் ஈடுபட்டு வருகின்றனர். 

உணவு டெலிவரி செய்யும் ஊழியர்களைப் போல் உடை அணிந்து கொண்டு வந்த மர்ம நபர்கள் ஆம்ஸ்ட்ராங்கை வெட்டியதாக முதற்கட்ட விசாரணையில் தகவல் வெளியானது. இதற்கிடையில், ஆம்ஸ்ட்ராங் கொலை வழக்கில் 8 பேர் காவல்நிலையத்தில் சரண் அடைந்தனர். சரண் அடைந்த ஆற்காடு சுரேஷின் சகோதரர் பாலு, ராமு, திருமலை, செல்வராஜ், அருள் உள்ளிட்ட 8 பேரை போலீசார் கைது செய்து விசாரணை நடத்தி வருகின்றனர்.

T.V.K. leader Vijay condolence amstrong incident

பரபரப்பை ஏற்படுத்திய இந்த சம்பவத்துக்கு நடிகரும், தமிழக வெற்றிக் கழகத் தலைவருமான விஜய், வேதனை அளிப்பதாகத் தெரிவித்துள்ளார். இது குறித்து அவர் தனது எக்ஸ் பக்கத்தில் தெரிவித்துள்ளதாவது, “பகுஜன் சமாஜ் கட்சியின் மாநிலத் தலைவர் ஆம்ஸ்ட்ராங் படுகொலை செய்யப்பட்ட சம்பவம், பெரும் அதிர்ச்சியையும் வேதனையையும் அளிக்கிறது. ஆம்ஸ்ட்ராங்கை பிரிந்து வாடும் அவரது குடும்பத்தினருக்கும் அவரது கட்சியினருக்கும் எனது ஆழ்ந்த அனுதாபங்களைத் தெரிவித்துக்கொள்கிறேன். இது போன்ற கொடும் குற்றச் சம்பவங்கள் இனி நடைபெறாமல் இருக்கத் தேவையான முன்னெச்சரிக்கை நடவடிக்கைகளைத் தமிழக அரசு தீவிரமாக முன்னெடுக்க வேண்டும். சமரசம் இல்லாமல் சட்டம் ஒழுங்கை நிலைநாட்டி அனைவரது பாதுகாப்பையும் உறுதி செய்ய வேண்டும் என்று கேட்டுக்கொள்கிறேன்” எனப் பதிவிட்டுள்ளார். 

Next Story

குழந்தையாக மாறிய விஜய்; சிறுமி செய்த செயலுக்கு விஜய்யின் ரியாக்‌ஷன்!

Published on 03/07/2024 | Edited on 03/07/2024
Vijay's reaction to the girl's act in function

இந்தாண்டு 10 மற்றும் 12 ஆம் வகுப்பு பொதுத்தேர்வில் சிறந்த மதிப்பெண் பெற்ற மாணவர்களுக்கு த.வெ.க தலைவர் விஜய் சான்றிதழும், ஊக்கத்தொகையும் இரண்டு கட்டங்களாக வழங்குவதாக அறிவித்திருந்தார். அதன்படி, கடந்த ஜூன் மாதம் 28ஆம் தேதி முதற்கட்டமாக தென்மாவட்டங்களைச் சேர்ந்த மாணவர்களுக்கு சான்றிதழும், ஊக்கத்தொகையும் வழங்கினார்.

இந்த நிலையில், இரண்டாம் கட்டமாக சென்னை, காஞ்சிபுரம், செங்கல்பட்டு, கடலூர், கள்ளக்குறிச்சி, காரைக்கால், மயிலாடுதுறை, நாகப்பட்டினம், பெரம்பலூர், புதுச்சேரி, ராணிப்பேட்டை, தஞ்சை, திருவள்ளூர் உள்ளிட்ட 19 மாவட்டங்களில் அதிக மதிப்பெண்கள் பெற்ற மாணவ மாணவிகளுக்கு, விஜய் சான்றிதழையும், ஊக்கத்தொகையும் வழங்கி வருகிறார். 

இதில் பரிசு பெற்ற மாணவியின் குடும்பத்தில் வந்த சிறுமி, முட்டி போட்டுக்கொண்டு விஜய்யிடம் பக்கொடுக்க காத்திருந்தார். இதனைப் பார்த்த விஜய், சில வினாடிகள், அந்தச் சிறுமியை நேருக்கு நேர் பார்த்தார். இதனையடுத்து, விஜய்யும் முட்டிப் போட்டுக்கொண்டு அந்தச் சிறுமி கொடுத்தப் பூவை வாங்கிக் கொண்டார். இது தொடர்பான வீடியோ தற்போது சமூக வலைத்தளங்களில் வெளியாகி வைரலாகி வருகிறது.