Skip to main content

ஐந்து கதாநாயகிகள் ஹீரோவாக நடிக்கும் படம்!

Published on 17/07/2021 | Edited on 17/07/2021

 

bgdhshs

 

'யாமிருக்க பயமே', 'கவலை வேண்டாம்', 'காட்டேரி' ஆகிய படங்களை இயக்கிய இயக்குனநர் டீகே இயக்கத்தில் தயாராகியிருக்கும் புதிய திரைப்படம் 'கருங்காப்பியம்'. இந்தப் படத்தில் நடிகைகள் காஜல் அகர்வால், ரெஜினா கசாண்ட்ரா, ஜனனி, ரைசா வில்சன் ஆகியோர் கதையின் நாயகிகளாக நடிக்க, இவர்களுடன் நடிகர்கள் கலையரசன், யோகி பாபு, கருணாகரன், ஜான் விஜய், ஷா ரா, 'லொள்ளு சபா' மனோகர், விஜே பார்வதி, விஜே ஆஷிக் உள்ளிட்ட பலர் நடித்திருக்கிறார்கள். இவர்களுடன் ஈரான் நாட்டு நடிகையான நொய்ரிகா புதுமுக நாயகியாக அறிமுகமாகிறார். 

 

விக்கி ஒளிப்பதிவு செய்யும் இந்தப் படத்திற்கு எஸ்.என். பிரசாத் இசையமைக்கிறார். பெண்களை மையப்படுத்தி உருவாகியிருக்கும் 'கருங்காப்பியம்' படத்தை வெற்றிவேல் டாக்கீஸ், பேவ் என்டர்டெய்ன்மென்ட்ஸ் மற்றும் ஏ.பி. இன்டர்நேஷனல் ஆகிய பட தயாரிப்பு நிறுவனங்கள் இணைந்து தயாரித்திருக்கிறது. இப்படத்தின் இறுதிகட்ட பணிகள் விறுவிறுப்பாக நடைபெற்றுவரும் நிலையில், 'கருங்காப்பியம்' படத்தின் ஃபர்ஸ்ட் லுக் போஸ்டர் தற்போது வெளியாகி வைரலாகிவருகிறது.

 

 

சார்ந்த செய்திகள்

Next Story

'இந்தியன் 2' படப்பிடிப்பில் கமல் - வெளியான வீடியோ

Published on 22/09/2022 | Edited on 22/09/2022

 

Kamal on the sets of Indian 2

 

ஷங்கர் இயக்கத்தில், கமல்ஹாசன் நடிப்பில் உருவாகிவரும் படம் ‘இந்தியன் 2’. லைகா நிறுவனம் தயாரிக்கும் இப்படத்தில் கதாநாயகியாக காஜல் அகர்வால் நடிக்கிறார். இப்படத்தில்  60 சதவீத படப்பிடிப்புகள் நிறைவடைந்த நிலையில் பல்வேறு காரணங்களால் நிறுத்தப்பட்டிருந்தது. இந்நிலையில் இப்படத்தின் படப்பிடிப்பு பணிகள் சமீபத்தில் மீண்டும் தொடங்கி நடைபெற்று வருகிறது. இதனிடையே இயக்குநர் ஷங்கர் ராம் சரணை வைத்து ஆர்.சி 15 படத்தை இயக்கி வருகிறார். எனவே ஒரே நேரத்தில் இந்தியன் 2 மற்றும் ஆர்.சி 15 ஆகிய இரண்டு படங்களின் படப்பிடிப்பும் நடைபெறும் என இயக்குநர் ஷங்கர் தெரிவித்திருந்தார்.     

 

இந்நிலையில் ‘இந்தியன் 2’ படத்தின் படப்பிடிப்பில் கமல்ஹாசன் கலந்துகொண்டுள்ளார். இதனை கமல்ஹாசன் தனது ட்விட்டர் பக்கத்தில் தெரிவித்து ஷங்கருடன் இருக்கும் சில புகைப்படங்கள் மற்றும் ஒரு சிறிய வீடியோவை பகிர்ந்துள்ளார். இதனிடையே காஜல் அகர்வால் தனது சமூக வலைதளபக்கத்தில் இப்படத்தின் படப்பிடிப்பிற்காக குதிரையுடன் பயிற்சி மேற்கொள்ளும் வீடியோவை பகிர்திருந்தார் என்பது குறிப்பிடத்தக்கது.  

 

 

 

Next Story

"இனிமையான மனிதர்" - கமலை புகழ்ந்த அமெரிக்க நடிகை

Published on 22/08/2022 | Edited on 22/08/2022

 

indian 2 - american actress mckenzie westmore praised kamalhaasan

 


'விக்ரம்' படத்தின் மாபெரும் வெற்றியை தொடர்ந்து ஷங்கர் இயக்கும் ‘இந்தியன் 2’ படத்தில் நடிக்கிறார் கமல்ஹாசன். லைகா நிறுவனம் தயாரிக்கும் இப்படத்தில் கமலுக்கு ஜோடியாக காஜல் அகர்வால் நடிக்கிறார். இப்படத்தின் படப்பிடிப்பு 60 சதவீதம் நிறைவடைந்த நிலையில், சில பிரச்சனைகளால் தடைப்பட்டுப் போனது. இதனையடுத்து இப்படத்தின் படப்பிடிப்பு மீண்டும் வருகிற செப்டம்பர் 13 ஆம் தேதி தொடங்கப்படும் என நடிகை காஜல் அகர்வால் தெரிவித்திருந்தார். 

 

இந்நிலையில் 'இந்தியன் 2' படத்திற்காக அமெரிக்கா சென்றுள்ள கமல்ஹாசன் படம் தொடர்பாக பிரபல ஒப்பனை கலைஞர் மைக்கேல் வெஸ்ட்மோரை சந்தித்துள்ளார். மைக்கேல் வெஸ்ட்மோர், கமலின் 'இந்தியன்', 'அவ்வை சண்முகி' உள்ளிட்ட படங்களில் ஒப்பனை கலைஞராக பணியாற்றியவர். இந்த படங்களை தொடர்ந்து தற்போது 'இந்தியன் 2' படத்திலும் பணியாற்றவுள்ளார். அப்போது மைக்கேல் வெஸ்ட்மோரின் மகள் மெக்கென்சி வெஸ்ட்மோர் உடன் இருந்தார். 

 

அந்த சந்திப்பின் போது எடுக்கப்பட்ட புகைப்படங்களை மெக்கென்சி வெஸ்ட்மோர் தனது சமூக வலைதள பக்கத்தில் பகிர்ந்து, "உலகில் உள்ள இரண்டு இனிமையான மனிதர்களுடன் சந்தித்தது மகிழ்ச்சியாக உள்ளது. ஒருவர் எனது அப்பா, மற்றொருவர் கமல்ஹாசன் (அவரும் குடும்பத்தில் ஒருவர்). நீங்கள் இதுவரை பார்க்கவில்லை எனில், கமலின் புதிய படமான விக்ரம் படத்தை பாருங்கள்" எனக் குறிப்பிட்டுள்ளார்.