ஷங்கர் இயக்கத்தில் கமல்ஹாசன் நடிப்பில் கடந்த 1996ஆம் ஆண்டு வெளியான படம் இந்தியன். இந்த படத்தின் இரண்டாம் பாகம் வருகிற ஜூலை 12ஆம் தேதி வெளியாகவுள்ளது. லைகா நிறுவனம் தயாரித்திருக்கும் இப்படத்தில் காஜல் அகர்வால், விவேக், சித்தார்த், ரகுல் ப்ரீத் சிங், எஸ்.ஜே.சூர்யா, பாபி சிம்ஹா, பிரியா பவானி சங்கர், பிரம்மானந்தம், சமுத்திரக்கனி உள்ளிட்ட பலர் நடித்துள்ளனர். இப்படம், இந்தியன் 3 ஆகவும் மூன்றாம் பாகமாக வெளியாகவுள்ளது. அனிருத் இசையமைத்திருக்கும் இந்தியன் 2 படம் தமிழ், தெலுங்கு, இந்தி உள்ளிட்ட மொழிகளில் வெளியாகவுள்ளது. 

இந்த நிலையில், நேற்று இந்தியன் 2 படக்குழு மும்பையில் உள்ள பத்திரிகையாளர் சந்திப்பில் கலந்துகொண்டு கேள்விகளுக்கு பதிலளித்தனர். இந்த சந்திப்பில் இயக்குநர் அட்லீ கலந்துகொண்டு கமல்ஹாசனை புகழ்ந்து பேசியிருந்தார்.

அதில் அவர், “எதிர்காலத்தில் எனது மகனுக்கு சினிமாவை பற்றி தெரிந்து கொள்ள வேண்டுமென்றால், அவன் கண்டிப்பாக கமல்ஹாசனின் படங்களை பார்க்க வேண்டும். கமல்ஹாசன் இந்திய சினிமாவின் பைபிள், கலைக்களஞ்சியம். நான் அவருக்கு எப்போதும் கடமைப்பட்டிருக்கிறேன். நான் உங்களோடு வேலை செய்ய வேண்டும் சார். எப்போதாவது ஒரு நாள் ஸ்கிரிப்டை தயாரித்து உங்களிடம் வருகிறேன்.

அவருடைய படங்கள், குறிப்பாக ‘இந்தியன்’ படத்தை பார்த்து  சினிமாவுக்கு வர ஆசைப்பட்டேன். இப்போது நான், ‘இந்தியன் 2’ படத்தின் ரசிகனாக இருக்கப் போகிறேன். இந்த படம், இந்திய சினிமாவிற்கு சிறந்த படமாக இருக்கும் என்று நான் நம்புகிறேன். இந்த படத்தைப் பற்றி நாங்கள் மிகவும் பெருமைப்படப் போகிறோம். சுமார் 10 வருடங்களுக்கு முன்பு, நான் ஷங்கருடைய உதவி இயக்குநராக பணிபுரிந்தபோது, ​​இந்தியன் 2 பற்றிய ஐடியாவை சார் சொன்னார்” எனப் பேசினார். 

இயக்குநர் ஷங்கர் இயக்கத்தில் கமல்ஹாசன் நடிப்பில் உருவாகியிருக்கும் படம் இந்தியன் 2. கடந்த 1996ஆம் ஆண்டில் வெளியான இந்தியன் படத்தின் இரண்டாம் பாகம், 28 ஆண்டுகளுக்கு பிறகு  வருகிற ஜூலை 12ஆம் தேதி திரைக்கு வரவிருக்கிறது. இப்படம், இந்தியன் 3 ஆகவும் மூன்றாம் பாகமாக வெளியாகவுள்ளது. லைகா நிறுவனம் தயாரித்திருக்கும் இப்படத்தில் காஜல் அகர்வால், விவேக், சித்தார்த், ரகுல் ப்ரீத் சிங், எஸ்.ஜே.சூர்யா, பாபி சிம்ஹா, பிரியா பவானி சங்கர், பிரம்மானந்தம், சமுத்திரக்கனி உள்ளிட்ட பலர் நடித்துள்ளனர். அனிருத் இசையமைத்திருக்கும் இந்தியன் 2 படம் தமிழ், தெலுங்கு, இந்தி உள்ளிட்ட மொழிகளில் வெளியாகவுள்ளது. 

இந்த நிலையில், இந்தியன் 2 படத்தி டிரைலர் நேற்று மாலை 7 மணிக்கு வெளியாகி ரசிகர்கள் மத்தியில் பெரும் வரவேற்பை பெற்றுள்ளது. டிரைலர் வெளியீட்டு விழா தொடர்பாக, நேற்று காலை சென்னையில் பத்திரிகையாளர் சந்திப்பு நடைபெற்றது. அதனை தொடர்ந்து, இந்தியன் 2 படத்தின் ஹிந்தி வெர்சனான ஹிந்துஸ்தான் 2 பட டிரைலர் வெளியிட்டு விழா மும்பையில் நடைபெற்றது. இது தொடர்பான பத்திரிகையாளர் சந்திப்பில் இந்தியன் 2 படத்தின் படக்குழு கலந்து கொண்டனர். 

அதில் பேசிய கமல்ஹாசன், “ஒரு படத்தில் வேலை செய்யும் போது ஸ்டார் அல்லது சூப்பர் ஸ்டார் என்பது முக்கியமில்லை. ஷாருக்கானும் நானும் ஒன்றாக வேலை செய்தபோது, ​​​​நாங்கள் இருவரும் வெறும் மனிதர்களாக இருந்தோம். நான் ஒரு சூப்பர் ஸ்டாரைப் பார்க்கவில்லை. அவர் சூப்பர் இயக்குநரை பார்க்கவில்லை. நாங்கள் நண்பர்கள். உண்மையில் ஷாருக்கான், ஹே ராம் படத்தில் இலவசமாக நடித்து கொடுத்தார். 

அதை எந்த சூப்பர் ஸ்டாராலும் செய்ய முடியாது. அது ஒரு ரசிகரால் மட்டுமே முடியும். அவருக்கு நான் என்றும் நன்றியுள்ளவனாக இருக்கிறேன். நாங்கள் எங்களை ஸ்டாராக பார்ப்பதில்லை. ரசிகர்களாகிய நீங்கள் எங்களுக்கு பட்டத்தை கொடுக்கிறீர்கள். நாங்கள் அதை மிகவும் வெட்கத்துடன் ஏற்றுக்கொள்கிறோம்” என்று கூறினார்.