Skip to main content

"என்னம்மா நீ இப்படி இருக்கியேம்மா..." - நடிகையை கலாய்த்த ஜெயம் ரவி

Published on 27/04/2023 | Edited on 27/04/2023

 

jayam ravi speech at ponniyin selvan 2 press meet

 

மணிரத்னம் இயக்கத்தில் விக்ரம், கார்த்தி, ஜெயம் ரவி, த்ரிஷா, ஐஸ்வர்யா ராய் உள்ளிட்ட பல முன்னணி நட்சத்திரங்களின் நடிப்பில் கடந்த ஆண்டு செப்டம்பரில் வெளியான பொன்னியின் செல்வன் படம் பெரும் வரவேற்பைப் பெற்றது. வசூலிலும் 500 கோடி ரூபாய்க்கும் மேல் ஈட்டி சாதனை படைத்தது. இப்படத்தின் இரண்டாம் பாகம் முதல் பாகம் போலவே தமிழ், தெலுங்கு, இந்தி உட்பட 5 மொழிகளில் பான் இந்தியா படமாக நாளை (28.04.2023) ஏப்ரல் 28 ஆம் தேதி வெளியாகவுள்ளது.

 

இதனை முன்னிட்டு படத்தின் செய்தியாளர்கள் சந்திப்பு இன்று நடைபெற்றது. அதில் மணிரத்னம், பார்த்திபன், கார்த்தி, விக்ரம், ஜெயம் ரவி, த்ரிஷா, ஐஸ்வர்யா லட்சுமி உள்ளிட்ட பலர் கலந்து கொண்டு பேசினர். அப்போது ஜெயம் ரவி படக்குழுவினரை பற்றி பல்வேறு விஷயங்களை பகிர்ந்து கொண்டார்.

 

அவர் ஐஸ்வர்யா லட்சுமி பற்றி கூறுகையில், "அவர் மீது மிகுந்த மரியாதை வைத்திருக்கிறேன். எனக்கும் அவங்களுக்கும் சில காட்சிகள் இருக்கிறது. ஒரு காட்சியில் கயிறு கூட இல்லாமல் யானை மேல் ஏறினாங்க. அது சாதாரணமான விஷயம் இல்லை. ஜாக்கி ஜான் போன்று அவுங்க செயல்பட்டாங்க. அவங்களுடைய மற்றொரு வெர்ஷனை நான் அப்போது தான் பார்த்தேன். நான் யானை மேல் முன்னாடி உட்கார்ந்திருந்தேன். அவுங்க பின்னாடி உட்காந்திருந்தாங்க. அப்போது ஒரு சப்போர்ட்டுக்கு என்னை பிடித்துக் கொள்ளுங்கள் என்று சொன்னேன். அதற்கு ஒரு ராஜாவை அப்படி யாரும் தொட்டுவிட முடியாது என்று சொன்னாங்க. அப்போது கூட அந்த கதாபாத்திரமாகவே இருந்தாங்க. என்னம்மா நீ இப்படி இருக்கியேம்மா...என சொல்லிவிட்டு பெருமைப்பட்டேன். இதுபோன்று அவங்களுக்கு 100 நல்ல படங்கள் வர வேண்டும். அவங்களோடு ஒன்றாக இணைந்து நடிக்க வேண்டும் என நினைக்கிறேன்" என்றார். 

 

த்ரிஷா பற்றி கூறுகையில், "இப்போது டிவி (TV) த்ரிஷா வைரஸ் என புதுசாக வைரஸ் வந்திருப்பதாக ட்விட்டரில் சொன்னாங்க. அது வந்தால் போகமாட்டேங்குதாம். மனசுக்குள்ள வந்துவிடுகிறதாம். காலையில் இருந்து இரவு வரை அந்த வைரஸ் இருக்கிறதாம். அந்த வைரஸ் போக வேண்டாம். நான் மனசுக்குள்ளயே வச்சுக்கிறேன் என பல பேர் சுத்திக்கிட்டு இருக்காங்க" என்றார். மேலும் த்ரிஷாவை பார்த்து, "இதுபோன்று ஒரு வைரஸை பரப்பாதீங்க. உங்க வைப்-அ பரப்புங்க. த்ரிஷாவை நாங்க எப்போதுமே ரசிப்போம். இப்போ தைரியமாக சொல்வேன் என்னுடைய தங்கச்சி என்று. ஏனென்றால் படத்தில் தங்கச்சியாக நடித்திருக்காங்க. சின்ன வயசிலிருந்தே ஒன்றாக பார்த்து வருகிறோம். பழகி வருகிறோம். அந்த அன்புக்கு நன்றி" என்றார்.

 

 

சார்ந்த செய்திகள்

Next Story

ஹாரிஸ் ஜெயராஜ் இசையில் கவனம் ஈர்க்கும் ‘மக்காமிஷி’

Published on 20/07/2024 | Edited on 20/07/2024
jayam ravi brother first single released

சிவா மனசுல சக்தி, பாஸ் என்ற பாஸ்கரன் போன்ற வெற்றி படங்களைக் கொடுத்தவர் இயக்குநர் ராஜேஷ்.எம். ஆனால் கடந்த சில ஆண்டுகளாக அவர் இயக்கிய படங்கள் தொடர்ந்து தோல்வியடைந்து வருகிறது. இந்த சூழலில் தற்போது அவர், இயக்கி வரும் படம் பிரதர். இதில் ஜெயம் ரவி, பிரியங்கா மோகன் உள்ளிட்டோர் நடிக்கின்றனர். மேலும் பூமிகா, விடிவி கணேஷ், நட்டி நட்ராஜ் உள்ளிட்ட பலர் நடிக்கின்றனர். ஸ்கிரீன் சீன் தயாரிக்கும் இப்படத்திற்கு ஹாரிஸ் ஜெயராஜ் இசையமைக்கிறார். 

இப்படத்தின் அறிவிப்பு கடந்த ஆண்டு  செப்டம்பரில் ஃபர்ஸ்ட் லுக் போஸ்டருடன் வெளியானது. அதன்பிறகு எந்த அப்டேட்டும் வெளியாகாத நிலையில் சமீபத்தில் இப்படத்தின் பாடலின் உரிமையை ‘திங் மியூசிக்’ ஆடியோ வாங்கியிருப்பதாக அறிவிப்பு வெளியானது. மேலும் தமிழ் மற்றும் தெலுங்கில் இப்படம் வெளியாகவுள்ளதாக தெரிவிக்கப்பட்டது. இதையடுத்து படத்தின் சாட்டிலைட் மற்றும் டிஜிட்டல் உரிமையை ‘ஜீ தமிழ்’ நிறுவனம் வாங்கியுள்ளதாக அறிவிக்கப்பட்டது. 

இதனைத் தொடர்ந்து இப்படத்தின் முதல் பாடல் ‘மக்காமிஷி’ என்ற பாடல் வெளியாகவுள்ளதாக தகவல் வெளியானது. அதை உறுதிப்படுத்தும் விதமாக படத்தின் இசையமைப்பாளர் ஹாரிஸ் ஜெயராஜ் அவரது சமூக வலைத்தளப் பக்கத்தில், ‘வாட் இஸ் மக்காமிஷி?’ என்ற போஸ்டரை பகிர்ந்திருந்தார். இதையடுத்து இப்பாடல் இன்று வெளியாகும் என அறிவிக்கப்பட்ட நிலையில் தற்போது பாடல் வெளியாகியுள்ளது. இப்பாடலை பால் டப்பா என்பவர் எழுதி பாடியுள்ளார். ஜாலியான மோடில் இப்பாடல் அமைந்துள்ளது. சில வருடங்களுக்கு முன்பு ஹாரிஸ் ஜெயராஜ் இசையில், ‘ஹசிலி ஃபிசிலி...’, ‘நாணி கோணி...’ என்று கவனம் ஈர்க்கும் பாடல் வரிகள் இடம்பெற்றது. அந்த வரிசையில் இந்த ‘மக்காமிஷி’ பாடலும் அமைந்துள்ளது.

Next Story

கேள்வி கேட்டு போஸ்டரை வெளியிட்ட ஹாரிஸ் ஜெயராஜ்!

Published on 16/07/2024 | Edited on 16/07/2024
harris jayaraj announced brother movie song

சிவா மனசுல சக்தி, பாஸ் என்ற பாஸ்கரன் போன்ற வெற்றி படங்கள் கொடுத்த இயக்குநர் ராஜேஷ்.எம், தொடர் தோல்வி படங்கள் கொடுத்து வந்தார். தற்போது அவர், ஜெயம் ரவியை வைத்து புதிய படத்தை இயக்கி வருகிறார். ஸ்கிரீன் சீன் தயாரிப்பில் இயக்குநர் ராஜேஷ்.எம் இயக்கத்தில் ஜெயம் ரவி, பிரியங்க மோகன் நடிப்பில் உருவாகி வரும் படம் ‘பிரதர் (Brother)’. ஹாரிஸ் ஜெயராஜ் இசையமைத்திருக்கும் இப்படத்தில், பூமிகா, விடிவி கணேஷ், நட்டி நட்ராஜ் உள்ளிட்ட பலர் நடித்துள்ளனர். 

இப்படத்தின் அறிவிப்பு ஃபர்ஸ்ட் லுக் போஸ்டருடன் கடந்த ஆண்டு செப்டம்பரில் வெளியானது. தமிழ், தெலுங்கு ஆகிய இரு மொழிகளில் வெளிவர இருக்கும் இப்படத்தின் பாடலை ‘திங் மியூசிக்’ ஆடியோ உரிமையை வாங்கியிருப்பதாக சில நாட்களுக்கு முன்பு ஒரு வீடியோவை படக்குழு வெளியிட்டது. அதில், திருமண வரவேற்பில் ஜெயம் ரவி மற்றும் பிரியங்கா மோகன் இருவரும் சேர்ந்து பாடலை பாடி கொண்டாடி வருவது போல் இடம்பெற்றியிருந்தது. சில நொடிகளில் மட்டுமே வரும் அந்த ஹம்மிங் ரசிகர்களை முனுமுனுக்க செய்தது.

இந்த நிலையில், இப்படம் குறித்த அப்டேட் வெளியாகியுள்ளது. அதில் இப்படத்தில் ‘மக்காமிஷி’ எனத் தலைப்பில் தொடங்கும் ஃபர்ஸ்ட் சிங்கள் பாடல் வெளியாகும் எனத் தகவல் வெளியாகியுள்ளது. அதனை உறுதிப்படுத்தும் வகையில், இப்படத்தின் இசையமைப்பாளர் ஹாரிஸ் ஜெயராஜ் தனது சமூக வலைத்தளப் பக்கத்தில், ‘வாட் இஸ் மக்காமிஷி?’ என்ற போஸ்டரை வெளியிட்டுள்ளார்.