Skip to main content

"பதில் சொல்லாம போற ஆளு நான் இல்லை" - சர்ச்சை சம்பவம் குறித்த கேள்விக்கு ஹிப்ஹாப் ஆதி

Published on 29/05/2023 | Edited on 29/05/2023

 

hiphop aadhi recent press meet

 

ஹிப்ஹாப் ஆதி நடிப்பில் ஏ.ஆர்.கே.சரவன் இயக்கத்தில் சத்யஜோதி ஃபிலிம்ஸ் தயாரிப்பில் உருவாகியுள்ள படம் 'வீரன்'. கதாநாயகியாக அதிரா ராஜ் நடிக்க வில்லனாக வினய் ராய் நடித்துள்ளார். மேலும் முனீஷ்காந்த், காளி வெங்கட் உள்ளிட்ட பலர் முக்கிய கதாபாத்திரங்களில் நடித்துள்ளனர். இசை பணிகளை ஹிப்ஹாப் ஆதியே கவனித்துள்ளார். இப்படம் வருகிற ஜூன் 2ஆம் தேதி வெளியாகவுள்ளது. இதையொட்டி படத்தின் செய்தியாளர்கள் சந்திப்பு நடைபெற்றது. நிகழ்ச்சியில் படக்குழுவினர் பலரும் பேசினர். 

 

பின்பு செய்தியாளர்களைச் சந்தித்த ஹிப்ஹாப் ஆதி செய்தியாளர்களின் பல்வேறு கேள்விகளுக்கு பதிலளித்தார். அவர் பேசுகையில், "குழந்தைகளுக்கு பிடித்த படமாக இப்படம் இருக்கும். முகச்சுழிவு காட்சிகள் கிடையாது. அதனால் பெற்றோர் தங்களது குழந்தைகளை படம் பார்க்க அழைத்து வரலாம்" என்றார். 

 

இதனிடையே செய்தியாளர் ஒருவர், "3 வருடம் கழித்து திரைத்துறைக்கு வந்துள்ளீர்கள். சமீபத்தில் டாக்டர் பட்டம் வாங்கினீர்கள். ஆனால் படத்தில் அதை குறிப்பிடவில்லை. உங்களுக்கும் இயக்குநருக்கும் ஏதாவது பிரச்சனையா?" எனக் கேட்டார். அதற்கு பதிலளித்த ஹிப்ஹாப் ஆதி, "இந்த மாதிரி சர்ச்சையான கேள்விகள் தயவு செய்து கேட்காதீர்கள். அப்படி ஒன்றும் இல்லை" என்றார். 

 

பின்பு மல்யுத்த வீராங்கனைகள் போராட்டம் குறித்தான கேள்விக்கு, "இந்நிகழ்ச்சி வீரன் தொடர்பான நிகழ்ச்சி என்பதால் படம் குறித்து மட்டும் பேசுங்கள் என்று இப்படத்தின் தயாரிப்பாளர் என்னை கேட்டுக்கொண்டார். மற்ற விஷயங்களை பிறகு பண்ணுமாறும் சொன்னார். அவருக்கு மரியாதை அளிக்கும் விதமாக படம் தொடர்பான கேள்விகளுக்கு மட்டும் பதிலளிக்கிறேன். இன்னொரு முறை இன்னொரு சந்திப்பில் தொடர்ந்து மற்ற விஷயங்கள் பற்றி பேசலாம். அப்போது என்ன கேள்வி வேண்டுமானாலும் நீங்க கேட்கலாம். இது போன்ற கேள்விகளுக்கு பதில் சொல்லாம போற ஆளு நான் இல்லை" எனப் பதிலளித்தார்.  

 


 

சார்ந்த செய்திகள்

Next Story

ஹிப்ஹாப் ஆதி இயக்கும் ‘கடைசி உலகப் போர்’ 

Published on 18/07/2024 | Edited on 18/07/2024
hip hop aadhi new movie update

கோலிவுட்டில் இசையமைப்பாளராக அறிமுகமான ஆதி, மீசைய முறுக்கு படம் மூலம் ஹீரோவாக மாறீனார். அப்படத்தை இயக்கியதோடு இயக்குநராகவும் அவதாரம் எடுத்டிருந்தார். பின்பு கதாநாயகனாக மட்டும் நட்பே துணை, நான் சிரித்தால், சிவக்குமாரின் சபதம், அன்பறிவு, வீரன் உள்ளிட்ட படங்களில் நடித்திருந்தார். இதில் சிவக்குமாரின் சபதம் படத்தில் நடித்ததோடு மட்டுமல்லாமல் இயக்கியும் தயாரித்தும் இருந்தார். 

இவரது நடிப்பில் கடைசியாக  பி.டி.சார் படம் வெளியானது. இப்படம் ரசிகர்கள் மத்தியில் வரவேற்பை பெற்றது. இந்த நிலையில் ஹிப்ஹாப் ஆதி நடிக்கும் அடுத்த படத்தின் அறிவிப்பு தற்போது வெளியாகியுள்ளது. இப்படத்தை நடிப்பதோடு இயக்கியும் உள்ளார். அதோடு தயாரித்தும் உள்ளார். இதன் மூலம் இரண்டாவது முறையாக தயாரிக்கிறார். இப்படத்தின் ஃபர்ஸ்ட் லுக் போஸ்டர் தற்போது வெளியாகியுள்ளது. 

இப்படத்திற்க்கு  ‘கடைசி உலகப் போர்’ எனத் தலைப்பு வைக்கப்பட்டுள்ளது. இதனைத் தனது எக்ஸ் பக்கத்தில் பகிர்ந்த ஆதி, இந்தப் படத்தின் கிளிம்ஸ் வீடியோ நாளை வெளியாகவுள்ளதாக தெரிவித்துள்ளார்.      

Next Story

மாற்றி வாழ்த்து கூறிய ரசிகர்; சிரித்தபடி பதிலளித்த ஹிப்ஹாப் ஆதி

Published on 10/07/2024 | Edited on 10/07/2024
A fan who congratulated the hip hop aadhi

சமீபத்தில் நடந்து முடிந்த டி20 உலகக்கோப்பை கிரிக்கெட் போட்டியில் தென் ஆப்பிரிக்கா அணியை வீழ்த்தி இந்திய அணி வெற்றி பெற்று சாம்பியன் பட்டம் வென்றது. ரோஹித் ஷர்மா தலைமையிலான இந்திய அணி சாம்பியன் பட்டம் வென்றதை ரசிகர்கள் பலரும் கொண்டாடி வருகின்றனர். 

இந்த நிலையில், நடிகரும் இசையமைப்பாளருமான ஹிப்ஹாப் தமிழா ஆதியை ரோஹித் ஷர்மா என நினைத்து ரசிகர் ஒருவர் அவரிடம் வாழ்த்து கூறிய நிகழ்வு தற்போது சமூக வலைத்தளங்களில் வைரலாகி வருகிறது. இது தொடர்பான ஹிப் ஹாப் தமிழா ஆதி தனது சமூக வலைத்தளப் பக்கத்தில் பகிர்ந்துள்ளார். லண்டன் சென்றிருக்கும் ஆதி பதிவிட்ட அந்த வீடியோவில், ஆதியை பார்த்த ரசிகர்கள் பலரும் அவருடன் புகைப்படங்கள் எடுத்துள்ளனர். அப்போது, அதில் ரசிகர் ஒருவர் ஆதியை கட்டியணைத்து கைக்குலுக்கி புகைப்படம் எடுத்துள்ளார். அதன் பிறகு அவர், உலகக்கோப்பையை வென்ற உங்களுக்கு என்னுடைய வாழ்த்துகள் என்று கூறியுள்ளார். அதற்கு ஆதி, ‘உலகக்கோப்பை வென்றதற்கு எனக்கும் என்ன சம்பந்தம் இருக்கிறது? நீங்கள் யாரோ என நினைத்து என்னிடம் பேசுகிறீர்கள்’ என்று கூறியிருக்கிறார். 

அதற்கு அந்த நபர், நீங்கள் ரோஹித் ஷர்மா தான் எனக்கு தெரியும் என்று கூற ஆதி சிரித்தப்படி, ‘நான் ரோஹித் ஷர்மா’ இல்லை என்று கூறி தன்னை பற்றி விளக்கம் கொடுத்துள்ளார். உடனே இதனை கேட்ட அந்த நபர், சிரித்துக்கொண்டே அங்கிருந்து சென்றுள்ளார். இந்த வீடியோவை ஹிப் ஹாப் தமிழா ஆதி தனது சமூக வலைத்தளப் பக்கத்தில், ‘ரோஹித் ஷர்மாவா நானு’ என்று கூறி ரோஹித் ஷர்மாவை டேக் செய்துள்ளார்.