Skip to main content

வைப் மோடில் கீர்த்தி சுரேஷ் & கௌதம் மேனன்

Published on 28/10/2023 | Edited on 28/10/2023

 

heerthy suresh gautham menon vibe for ajith song in harris jayaraj concert

 

இசையமைப்பாளர் ஹாரிஸ் ஜெயராஜ் தற்போது விக்ரம் - கெளதம் மேனன் கூட்டணியில் 'துருவ நட்சத்திரம்' மற்றும் எம். ராஜேஷ் மற்றும் ஜெயம் ரவியின் 'பிரதர்' உள்ளிட்ட படங்களைக் கைவசம் வைத்துள்ளார். இதில் துருவ நட்சத்திரம் படம் அடுத்த மாதம் 24 ஆம் தேதி வெளியாகவுள்ளது. பிரதர் படம் படப்பிடிப்பு பணிகள் நடைபெற்று வருகிறது. 

 

திரைப்படங்களைத் தாண்டி அவ்வப்போது இசைக் கச்சேரி நிகழ்ச்சிகளை நடத்தி வரும் ஹாரிஸ் ஜெயராஜ், நேற்று சென்னையில் 'ராக் ஆன் ஹாரிஸ்' என்ற தலைப்பில் இசை நிகழ்ச்சி நடத்தியுள்ளார். இந்த நிகழ்ச்சி ஏற்பாடுகளை 'நாய்ஸ் அன்ட் க்ரைன்ஸ்' (Noise and Grains) என்ற நிறுவனம் மேற்கொண்டது. 

 

கடந்த மாதம் நடந்த ஏ.ஆர். ரஹ்மான் நிகழ்ச்சியில், ஏகப்பட்ட குளறுபடிகள் ஏற்பட்டு பெரும் சர்ச்சையானதால் ஹாரிஸ் ஜெயராஜ் நிகழ்ச்சிக்கு பல்வேறு நிபந்தனைகள் விதித்து அனுமதி வழங்கப்பட்டது. இசை நிகழ்ச்சிக்கு வரும் பார்வையாளர்களுக்குத் தேவையான அடிப்படை வசதிகள், சரியான இருக்கைகள், பார்க்கிங் வசதி உள்ளிட்ட விஷயங்களை இசை நிகழ்ச்சி ஏற்பாட்டாளர்கள் செய்திருக்க வேண்டும் என நிகழ்ச்சி ஏற்பாட்டாளர்களுக்கு நிபந்தனைகள் விதிக்கப்பட்டது. 

 

சென்னையில் உள்ள நந்தனம், ஒய்.எம்.சி.ஏ மைதானத்தில் நடைபெற்ற நிகழ்ச்சியில் ஆயிரக்கணக்கான ரசிகர்கள் கலந்து கொண்டனர். ரசிகர்களுடன் திரை பிரபலங்களாகிய கீர்த்தி சுரேஷ், கெளதம் மேனன், ஆதிக் ரவிச்சந்திரன் உள்ளிட்டோர் கண்டு களித்தனர். அப்போது கெளதம் மேனன் இயக்கத்தில் அஜித் நடிப்பில் வெளியான 'அதாரு அதாரு...' பாடல் பாடப்பட்ட போது ரசிகர்களுடன் கீர்த்தி சுரேஷும், கெளதம் மேனனும் நடனமாடி மகிழ்ந்தனர். இது தொடர்பான வீடியோ சமூக வலைத்தளங்களில் வெளியாகி வைரலாகி வருகிறது. 

 

 

 

சார்ந்த செய்திகள்

Next Story

“சாகசம் நிறைந்த கயல்விழியின் கதை” - அப்டேட் கொடுத்த கீர்த்தி சுரேஷ்

Published on 31/05/2024 | Edited on 31/05/2024
keerthy suresh raghu thatha release update

தமிழ், தெலுங்கு, மலையாளம், இந்தி எனப் பல்வேறு மொழிகளில் கவனம் செலுத்தி வருகிறார் கீர்த்தி சுரேஷ். அந்த வகையில் முதன்மை கதாபாத்திரத்தில் ரகு தாத்தா, கண்ணி வெடி உள்ளிட்ட படங்களைக் கைவசம் வைத்துள்ளார். 

இதில் ரகு தாத்தா படத்தை சுமன் குமார் இயக்கியுள்ள நிலையில் எம்.எஸ். பாஸ்கர், தேவதர்ஷினி, ரவீந்திர விஜய் உள்ளிட்ட பலர் முக்கிய கதாபாத்திரத்தில் நடித்துள்ளனர். ஹோம்பாலே நிறுவனத்தின் முதல் தமிழ் படமாக உருவாகியுள்ள இப்படத்திற்கு ஷான் ரோல்டன் இசையமைத்துள்ளார். இப்படத்தின் முதல் கிளிம்ஸ் கடந்த ஆண்டு டிசம்பரில் வெளியானது. இரண்டாவது கிளிம்ப்ஸ் கடந்த ஜனவரியில் வெளியானது. பின்பு சில தினங்கள் கழித்து டீசர் வெளியாகி பலரது கவனத்தைப் பெற்றது. 

இப்பட அறிவிப்பின் போதே, தைரியமிக்க ஒரு பெண் தன் கொள்கைகளுக்காக நடத்தும் போராட்டத்தை நகைச்சுவை கலந்து ஒரு குடும்ப படமாக உருவாக்கவுள்ளதாகப் படக்குழு தெரிவித்திருந்தது. அதன்படி டீசரில், கயல்விழி என்ற கதாபாத்திரத்தில் வரும் கீர்த்தி சுரேஷ், இந்தித் திணிப்பிற்கு எதிராக குரல் கொடுக்கும் காட்சிகள், தனது வேலையில் ப்ரோமோஷனை தவிர்க்கும் காட்சிகள், மக்களை ஒன்று சேர்த்து போராட்டம் நடத்தும் காட்சிகள் இடம்பெற்றிருந்தது. டீசரில் விரைவில் திரையரங்குகளில் இப்படம் வெளியாகும் எனப் படக்குழு குறிப்பிட்டிருந்தது. 

keerthy suresh raghu thatha release update

இந்த நிலையில் படத்தின் ரிலீஸ் தேதி குறித்த அறிவிப்பு தற்போது வெளியாகியுள்ளது. அதன்படி, ஆகஸ்ட் 15ஆம் தேதி இபப்டம் திரையரங்குகளில் வெளியாகவுள்ளதாக அறிவிக்கப்பட்டுள்ளது. அதோடு ரிலீஸ் தேதியுடன் கூடிய ஒரு புதிய போஸ்டரை படக்குழு பகிர்ந்துள்ளது. அந்தப் போஸ்டரை தனது எக்ஸ் தளப்பக்கத்தில் பகிர்ந்த கீர்த்தி சுரேஷ், “ரகு தாத்தா! சாகசம் நிறைந்த கயல்விழியின் கதை, உங்கள் மனங்களைக் கவர வருகிறது! உங்களை சிரிக்கவைக்கும், சிந்திக்கவைக்கும், நெகிழவைக்கும் ரோலர் கோஸ்டர் ரைடுக்கு தயாராகுங்கள்” எனப் பதிவிட்டுள்ளார். 

Next Story

பிரம்மாண்ட படம் - புதிய முயற்சி எடுத்த கீர்த்தி சுரேஷ்

Published on 23/05/2024 | Edited on 23/05/2024
keerthy suresh dubbed bujji in kalki ad 2898 movie

அமிதாப் பச்சன், கமல்ஹாசன், பிரபாஸ், தீபிகா படுகோனே உள்ளிட்ட முன்னணி பிரபலங்களின் நடிப்பில் உருவாகி வரும் படம் 'கல்கி 2898 ஏடி’. இப்படத்தை நாக் அஸ்வின் இயக்க, அஸ்வின் தத் பெரும் பொருட் செலவில் தயாரித்து வருகிறார். சந்தோஷ் நாரயணன் இசையமைக்கும் இப்படம் சைன்ஸ் பிக்சன் ஜானரில் உருவாகிறது. படத்தின் க்ளிம்ப்ஸ் வீடியோ கடந்த ஆண்டு ஜூலையில் அமெரிக்காவில் நடைபெற்ற காமிக் கான் நிகழ்வில் வெளியிடப்பட்டது. 

இதையடுத்து பிரபாஸின் கதாபாத்திர போஸ்டர் முன்னதாக வெளியிடப்பட்டது. அவர் பைரவா என்ற கதாபாத்திரத்தில் நடிப்பதாக தெரிவிக்கப்பட்டது. தொடர்ந்து அமிதாப் பச்சன் அஸ்வத்தாமா என்ற கதாபாத்திரத்தில் நடிப்பதாக தெரிவித்து  டீசர் வெளியிட்டிருந்தனர். இப்படம் பான் இந்தியா படமாகத் தெலுங்கு, ஹிந்தி, தமிழ், கன்னடம் மற்றும் மலையாள மொழிகளில் வருகிற ஜூன் 27 ஆம் தேதி வெளியாகவுள்ளது. ஏற்கெனவே பல முறை ரிலீஸ் தேதி மாற்றப்பட்டது குறிப்பிடத்தக்கது. 

keerthy suresh dubbed bujji in kalki ad 2898 movie

இந்த நிலையில் இப்படத்தின் புஜ்ஜி என்ற பெயரில் பிரபாஸின் நண்பனாக அவருடன் ஒரு எதிர்கால வாகனம் வருகிறது. அதோடு புஜ்ஜியின் மூளை அதன் உடல் வடிவத்துடன் கூடவே இணைந்த வித்தியாசமான உருவத்தில் உள்ளது, அதன் அறிமுக வீடியோ தற்போது பலரது கவனத்தை ஈர்த்து வருகிறது. பிரபாஸின் நண்பராக வரும் புஜ்ஜி, அவருக்கு நிறைய அறிவுரைகளை வழங்குகிறது. இருவருக்கும் இடையிலான நட்பை விவரிக்கும் விதமாக இந்த அறிமுக வீடியோ உருவாகியுள்ளது. இதில் சிறப்பம்சமாக புஜ்ஜி ரோபோவுக்கு கீர்த்தி சுரேஷ் குரல் கொடுத்துள்ளார். இது ரசிகர்களின் வரவேற்பை பெற்று வருகிறது. மேலும் இதன் அறிமுக விழா ஹைதராபாத்தில் 20,000 ரசிகர்கள் முன்பு நடந்தது. 

தமிழ் மற்றும் தெலுங்கில் முன்னணி நடிகையாக வலம் வரும் கீர்த்தி சுரேஷ், ரகு தாத்தா, கண்ணி வெடி, ரிவால்வர் ரீட்டா உள்ளிட்ட படங்களில் நடித்துள்ளார். மேலும் பேபி ஜான் என்ற இந்தி படத்தில் நடித்துள்ளார். விக்ரமின் சாமி ஸ்கொயர் படத்தில் ’புது மெட்ரோ ரயில்...’ பாடல் மூலமாக பாடகராக உருவெடுத்தார். இப்போது முதல் முறையக மற்றொரு கதாபாத்திரத்திற்கு அதுவும் ரோபோவுக்கு குரல் கொடுத்துள்ளார். இப்படத்தின் இயக்குநர் நாக் அஷ்வின் கீர்த்தி சுரேஷை வைத்து மகாநதி படத்தை இயக்கியவர். இந்தப் படம் கீர்த்தி சுரேஷிற்கு தேசிய விருது வாங்கி கொடுத்தது குறிப்பிடத்தக்கது.