நடிகை ஹன்ஷிகா மோத்வானி நடிப்பில் (One not Five Minutes) 'ஒன் நாட் பைவ் மினிட்ஸ்' திரைப்படம் அறிவிப்பு வெளியான கணத்திலிருந்தே, ரசிகர்களிடம் எதிர்பார்ப்பு மிக்க ஒரு படமாக இருந்து வருகிறது. இப்படத்தின் படப்பிடிப்பு முழுமையாக முடிந்த நிலையில், தயாரிப்பாளர்கள், உலகளவில் ரசிகர்களை ஈர்க்கும் பொருட்டு, இப்படத்தினை பல்வேறு மொழிகளில் வெளியிட திட்டமிட்டுள்ளனர். இப்படத்தினை தமிழ், தெலுங்கு, இந்தி, ஆகிய பிராந்திய மொழிகள் மட்டுமில்லாமல் சைனீஸ், கொரியன் உள்ளிட்ட மொழிகளில் வெளியிட திட்டமிட்டுள்ளனர். இந்திய திரையின் மொத்த வரலாற்றில் மூன்றாவது முறையாக ஒரே ஒரு கதாப்பாத்திரத்தை மட்டும் மையமாக வைத்து உருவாகும் படம் எனும் சிறப்பை இப்படம் பெற்றுள்ளது. இப்படத்தின் மொத்த படப்பிடிப்பும் 15 நாள் ரிகர்சலுக்கு பிறகு, வெறும் 6 நாட்களில் படமாக்கப்பட்டது. படத்தில் மொத்தமாக 5 லிருந்து 6 சீக்குவன்ஸ் காட்சிகளே உள்ளது.
ஒவ்வொரு காட்சியும் திரையில் 20 நிமிடங்கள் வரை வரும்படி அமைக்கப்பட்டுள்ளது. இது போல் பல்வேறு சிறப்பு தன்மைகளை பெற்ற ஒரு புதுவித அனுபவத்தை தரும் படமாக இப்படம் உருவாகி வருகிறது. 'ஒன் நாட் பைவ் மினிட்ஸ்' திரைப்படம் திரை நேரத்தில், மிகச்சரியாக 105 நிமிடங்களில் கதையின் சம்பவங்கள் நடப்பதாக அமைக்கப்பட்டுள்ளது. உலகின் பல்வேறு திரைப்பட விழாக்களில் இப்படத்தினை வெளியிடவுள்ளனர். மேலும் இப்படத்தில் குறிப்பிடத்தக்க மற்றொரு அம்சம் என்னவெனில், ஒரு கதாப்பாத்திரத்தினைக் கொண்டு, முழுப்படமும் ஒரே ஷாட்டில் வரும்படியான முதல்படமாக இப்படம் படமாக்கப்பட்டுள்ளது. 'ஒன் நாட் பைவ் மினிட்ஸ்' படத்தினை பொம்மக் சிவா மற்றும் ருத்ரன்ஷ் செல்லுலாய்ட் இணைந்து தயாரித்துள்ளனர். ராஜா துஸ்ஸா இப்படத்தினை இயக்கியுள்ளார். சாம் சி.எஸ் இப்படத்துக்கு இசையமைத்துள்ளார்.
