ஹன்சிகாவின் 50-வது படமாக உருவாகியிருக்கும் படம் ‘மஹா’. ஜமீல் இயக்கியுள்ள இப்படத்தை 'எட்ஸெட்ரா எண்டெர்டெய்ன்மெண்ட்' நிறுவனம் தயாரித்துள்ளது. சிம்பு முக்கிய கதாபாத்திரத்தில் நடித்துள்ள இப்படத்திற்கு ஜிப்ரான் இசையமைத்துள்ளார். சில மாதங்களுக்கு முன்பு இப்படத்தின் டீசர் மற்றும் ஒரு பாடல் வெளியானது.  இப்படம் ஜூலை 22 ஆம் தேதி வெளியாகும் என அறிவிக்கப்பட்டுள்ளது. 

இப்படத்தில் சிம்பு முக்கிய கதாபாத்திரத்தில் நடித்துள்ளதையொட்டி அவரது ரசிகர்கள் மகா படம் வெற்றி பெற வாழ்த்து தெரிவித்து பிளக்ஸ் பேனர் வைத்துள்ளனர். மதுரை குருவிக்காரன் சாலை மேம்பாலத்தின் மீது மதுரை சிட்டி எஸ்.டி.ஆர் வெறியர்கள் என்ற பெயரில் 1000 அடி நீளத்தில் பேனர் வைக்கப்பட்டிருந்தது. அனுமதி இல்லாமல் 1000 அடியில் பிளக்ஸ் பேனர் வைக்கப்பட்டதை  அடுத்து காவல்துறையினர் கண்டித்தனர். அதன் பிறகு அந்த பிளக்ஸ் பேனர் நீக்கப்பட்டது. இருப்பினும் பிளக்ஸ் பேனரை அகற்றுவதற்கு முன்பு எடுக்கப்பட்ட வீடியோ சமூக வலைத்தளங்களில் வெளியாகி வைரலாகி வருகிறது. 

இயக்குநர் ஜமீல் இயக்கத்தில் ஹன்சிகா 'மகா' படத்தில் நடித்துள்ளார். இப்படத்தில் கௌரவ வேடத்தில் சிம்பு நடிக்க, ஸ்ரீகாந்த், கருணாகரன், தம்பி ராமையா ஆகியோர் முக்கிய கதாபாத்திரங்களில் நடித்துள்ளனர்.  இது நடிகை ஹன்சிகாவின் 50வது படமாகும். எட்ஸெட்ரா எண்டெர்டெய்ன்மெண்ட் சார்பில் மதியழகன் தயாரித்துள்ள இப்படத்திற்கு, ஜிப்ரான் இசையமைத்துள்ளார்.  கடந்த ஆண்டே இப்படத்தின் அனைத்து பணிகளும் முடிந்த நிலையில் இயக்குநருக்கும், தயாரிப்பாளருக்கும் இடையே ஏற்பட்ட பிரச்சனையின் காரணமாக 'மகா' படத்தின் வெளியீடு தடைபட்டுப் போனது. 

இந்நிலையில் 'மகா' படம் குறித்து பேசிய ஹன்சிகா," இது என்னுடைய 50 வது படம். 'மகா' வெளியாக தாமதமாவது வருத்தம் என்று கூறமாட்டேன். அதே சமயம் பாடம் வெளியாக இவ்வளவு காலம் எடுத்துக் கொண்டிருப்பது ஏமாற்றத்தை அளிக்கிறது. இருப்பினும் நம்பிக்கையுடன் இருக்கிறேன்.விரைவில் அனைத்து பிரச்சனைகளும் சீராகி 'மகா' படம் வெளியாகும்" எனத் தெரிவித்துள்ளார்.