சின்னத்திரையில் பிரபலமான பல தொலைக்காட்சி தொடர்களை எடுத்தவர் இயக்குநர் நாகா. மேலும் பெரிய திரையில் நந்தா, சாயா சிங் நடிப்பில் வெளியான 'ஆனந்தபுரத்து வீடு' படத்தை இயக்கியுள்ளார். மேலும் ஒளிப்பதிவாளராக 2 இந்தி படங்களில் பணியாற்றியுள்ளார்.
இப்போது வெப் தொடர் ஒன்றை இயக்கி வருகிறார். இதன் படப்பிடிப்பு முழுவீச்சில் நடைபெற்று வந்த நிலையில் திடீரென அவருக்கு மாரடைப்பு ஏற்பட்டு மயங்கி விழுந்துள்ளார். உடனடியாக அருகில் இருந்தவர்கள் அவரை வடபழனியில் உள்ள தனியார் மருத்துவமனைக்கு கொண்டு சேர்த்து அனுமதித்தனர். அவரை சோதித்த மருத்துவர்கள், அவருக்கு அறுவை சிகிச்சை செய்தனர். இப்போது உடல் நலம் தேறி வருகிறார்.
