Skip to main content

"உண்மை கண்டிப்பா ஜெயிக்கும்..." - கஸ்டடியில் நாகசைதன்யா

Published on 05/05/2023 | Edited on 05/05/2023

 

custody trailer released

 

வெங்கட்பிரபு தற்போது நாகசைதன்யாவை வைத்து 'கஸ்டடி' என்ற தலைப்பில் ஒரு படத்தை இயக்கி வருகிறார். ஸ்ரீநிவாஸா சித்தூரி தயாரிக்கும் இப்படத்தில் க்ரீத்தி ஷெட்டி கதாநாயகியாக நடிக்கிறார். தமிழ் மற்றும் தெலுங்கில் உருவாகும் இப்படத்திற்கு இளையராஜா மற்றும் யுவன் ஷங்கர் ராஜா இருவரும் இணைந்து இசையமைக்கின்றனர். இப்படம் தமிழ் மற்றும் தெலுங்கில் வருகிற 12 ஆம் தேதி (12.05.2023) திரைக்கு வரவுள்ளது. 

 

இந்த நிலையில் இப்படத்தின் ட்ரைலர் தற்போது வெளியாகியுள்ளது. ட்ரைலரை பார்க்கையில், சிவா என்ற போலீஸ் கதாபாத்திரத்தில் நாகசைதன்யா வருகிறார். காவல் நிலையத்தில் இருந்து வில்லன் அரவிந்த் சாமி தப்பித்து விடுகிறார். பின்பு அவரை பிடித்தாரா இல்லையா என ஒரு பக்கம் கதை நகர்கிறது. மறுபக்கம் அவர் காதலியான க்ரீத்தி ஷெட்டிக்கு வேறொரு இடத்தில் நிச்சயம் செய்யப்படுகிறது. இதனால் க்ரீத்தி ஷெட்டியை கரம் பிடித்தாரா அரவிந்த்சாமியை கண்டுபிடித்தாரா என்பதை ஆக்‌ஷன், காதல், செண்டிமெண்ட் என அனைத்தும் கலந்த ஒரு கமர்ஷியல் படமாக உருவாகியுள்ளது போல் தெரிகிறது.

 

இந்த ட்ரைலரில் நாகசைதன்யா பேசும், "ஒரு தடவை உண்மைக்காக நின்னு பாரு... உன் லைஃபே மாறும்", "உண்மை ஜெயிக்க லேட்டாகும். ஆனா... கண்டிப்பா ஜெயிக்கும்" உள்ளிட்ட வசனம் ரசிகர்களின் கவனத்தை ஈர்த்துள்ளது. மேலும் நல்ல வரவேற்பைப் பெற்று சமூக வலைத்தளங்களில் வைரலாகி வருகிறது. 

 

 

 

சார்ந்த செய்திகள்

Next Story

மங்காத்தா செண்டிமெண்டில் வெளியாகும் விஜய்யின் ‘தி கோட்’

Published on 11/04/2024 | Edited on 11/04/2024
vijay the goat movie release update

விஜய் நடிப்பில், இயக்குநர் வெங்கட் பிரபு இயக்கத்தில் உருவாகி வரும் படம் ‘தி கிரேட்டஸ்ட் ஆஃப் ஆல் டைம்’. விஜய்யின் 68ஆவது படமாக உருவாகி வரும் இப்படத்தை ஏ.ஜி.எஸ். நிறுவனம் தயாரிக்க யுவன் ஷங்கர் ராஜா இசையமைக்கிறார். இப்படத்தில், பிரஷாந்த், பிரபுதேவா, மீனாட்சி செளத்ரி, சினேகா, லைலா, மோகன், ஜெயராம், வைபவ், பிரேம் ஜி, யோகி பாபு என ஏகப்பட்ட பிரபலங்கள் நடித்து வருகின்றனர். கடந்த புத்தாண்டு தினத்தை முன்னிட்டு இந்த படத்தின் ஃபர்ஸ்ட் லுக் மற்றும் செகண்ட் லுக் ஆகிய போஸ்டர்கள் வெளியாகி வைரலானது. 

இப்படத்தின் படப்பிடிப்பு சென்னை, தாய்லாந்து, பாண்டிச்சேரி உள்ளிட்ட இடங்களில் நடந்தது. தொடர்ந்து கடைசியாக கேரளாவில் நடந்து முடிந்தது. காவலன் படத்திற்குப் பிறகு பல வருடங்கள் கழித்து கேரளாவிற்கு விஜய் சென்றதால் அவருக்கு உற்சாக வரவேற்பு கேரள ரசிகர்களால் கொடுக்கப்பட்டது. படப்பிடிப்பு தளத்திலும் அவரைக் காண ஏராளமான ரசிகர்கள் குவிந்தனர். அது தொடர்பான வீடியோ மற்றும் புகைப்படங்கள் சமூக வலைத்தளங்களில் வெளியாகி வைரலானது. மேலும் அவர்களிடம் விஜய் மலையாளத்தில் பேசிய வீடியோக்களும் வைரலானது.

இதையடுத்து கடந்த 3ஆம் தேதி படத்தில் நடித்து வரும் பிரபு தேவாவின் பிறந்தநாளை முன்னிட்டு அவரை வாழ்த்தி போஸ்டர் ஒன்றையும், கடந்த 6ஆம் தேதி பிரஷாந்த் பிறந்தநாளை முன்னிட்டு அவரை வாழ்த்தி போஸ்டர் ஒன்றையும் படக்குழு வெளியிட்டது. இதனிடையே ரஷ்யாவில் இப்படத்தின் அடுத்தகட்ட படப்பிடிப்பு தொடங்கியது. அண்மையில் அங்கு, படப்பிடிப்பில் விஜய் விளையாடும் சிறிய வீடியோ ஒன்று வெளியானது.

இந்த நிலையில் இப்படத்தின் ரிலீஸ் குறித்த அறிவிப்பு வெளியாகியுள்ளது. அதன்படி, உலகம் முழுவதும் வருகிற செப்டம்பர் 5ஆம் தேதி விநாயகர் சதிர்த்தியை முன்னிட்டு வெளியாகவுள்ளதாக தெரிவிக்கப்பட்டுள்ளது. இது தொடர்பான போஸ்டர் ஒன்றை படக்குழு வெளியிட்டுள்ளார்கள். விஜய்யும் அந்த போஸ்டரை தனது எக்ஸ் பக்கத்தில் பகிர்ந்துள்ளார். 2011ஆம் ஆண்டு அஜித்தை வைத்து வெங்கட் பிரபு இயக்கிய மங்காத்தா படமும் அந்தாண்டு விநாயகர் சதுர்த்தி முன்னிட்டு வெளியானது என்பது குறிப்பிடத்தக்கது

Next Story

பிரபு தேவாவைத் தொடர்ந்து மற்றொரு நடிகர் - கோட் படக்குழு வாழ்த்து

Published on 06/04/2024 | Edited on 06/04/2024
prashanth birthday poster by goat movie team

விஜய் நடிப்பில், இயக்குநர் வெங்கட் பிரபு இயக்கத்தில் உருவாகி வரும் படம் ‘தி கிரேட்டஸ்ட் ஆஃப் ஆல் டைம்’. விஜய்யின் 68வது படமாக உருவாகி வரும் இப்படத்தை ஏ.ஜி.எஸ். நிறுவனம் தயாரிக்க யுவன் ஷங்கர் ராஜா இசையமைக்கிறார். இப்படத்தில், பிரஷாந்த், பிரபுதேவா, மீனாட்சி செளத்ரி, சினேகா, லைலா, மோகன், ஜெயராம், வைபவ், பிரேம் ஜி, யோகி பாபு என ஏகப்பட்ட பிரபலங்கள் நடித்து வருகின்றனர். கடந்த புத்தாண்டு தினத்தை முன்னிட்டு இந்த படத்தின் ஃபர்ஸ்ட் லுக் மற்றும் செகண்ட் லுக் ஆகிய போஸ்டர்கள் வெளியாகி வைரலானது. 

இப்படத்தின் படப்பிடிப்பு சென்னை, தாய்லாந்து, பாண்டிச்சேரி உள்ளிட்ட இடங்களில் நடந்தது. தொடர்ந்து கடைசியாக கேரளாவில் நடந்து முடிந்தது. காவலன் படத்திற்குப் பிறகு நீண்ட இடைவெளிக்குப்பிறகு கேரளாவிற்கு விஜய் சென்றதால் அவருக்கு உற்சாக வரவேற்ப்பு கேரள ரசிகர்கள் கொடுத்தன்ர். படப்பிடிப்பு தளத்திலும் அவரை காண ஏராளமான ரசிகர்கள் குவிந்தனர். அது தொடர்பான வீடியோ மற்றும் புகைப்படங்கள் தினமும் சமூக வலைத்தளங்களில் வெளியாகி வைரலானது. மேலும் அவர்களிடம் விஜய் மலையாளத்தில் பேசிய வீடியோக்களும் வைரலானது.

 

prashanth birthday poster by goat movie team

கடந்த 3ஆம் தேதி படத்தில் நடித்து வரும் பிரபு தேவாவிற்கு பிறந்தநாள் என்பதால் அவரை வாழ்த்தி போஸ்டர் வெளியிட்டது படக்குழு. போஸ்டரில் பிரபு தேவாவின் கதாபாத்திர லுக் இடம்பெற்றிருந்தது. இதையடுத்து இப்படத்தின் அடுத்தகட்ட படப்பிடிப்பு ரஷ்யாவில் நடக்கிறது. இதனால் விஜய் உள்ளிட்ட படக்குழுவினர் ரஷ்யாவில் இருக்கின்றனர். இந்த நிலையில் படத்தில் நடித்து வரும் மற்றொரு நடிகரான பிரஷாந்த் இன்று பிறந்தநாள் காண்கிறார். அதனால் அவரை வாழ்த்தியும் அவரது கதாபாத்திர லுக் இடம்பெற்றிருக்கும் போஸ்டர் ஒன்றை படக்குழு வெளியிட்டுள்ளது.