Skip to main content

"தூரத்திலிருந்தாவது பார்க்கலாம் என்ற நம்பிக்கையில்" - கமலை சந்தித்த அர்ஜுன் தாஸ் நெகிழ்ச்சி!

Published on 28/11/2020 | Edited on 28/11/2020

 

arjun das kamal

 

அர்ஜுன் தாஸ் நடிப்பில், அட்லீ தயாரிப்பில் உருவான படம் 'அந்தகாரம்'. இப்படம் கடந்த 24 ஆம் தேதி, நெட்ஃப்லிக்ஸில் வெளியானது. வித்தியாசமான கதைக்களத்திற்காக, இப்படம் ரசிகர்களின் பாராட்டைப் பெற்றுவருகிறது.

 

இந்தநிலையில், திரை ஜாம்பவான் கமல்ஹாசனை அர்ஜுன் தாஸ், அட்லீ, அவரது மனைவி  பிரியா அட்லீ,  உள்ளிட்ட 'அந்தகாரம்' படக்குழுவினர் சந்தித்து வாழ்த்துப் பெற்றுள்ளனர். கமல்ஹாசனை சந்தித்த புகைப்படங்களை, தனது ட்விட்டர் பக்கத்தில் பதிவிட்டுள்ள அட்லீ, "அந்தகாரம் படக்குழு கமல்ஹாசன் அவர்களிடம் ஆசி பெற்றுள்ளது. எப்போதும் எங்களோடு இருப்பதற்கும், ஆதரவளிப்பதற்கும் நன்றி. உங்களின் (கமல்) வார்த்தைகள், எப்போதும் எதாவது ஒன்றை புதிதாகச் செய்வதற்கு  எங்களை ஊக்கப்படுத்திக் கொண்டே இருக்கிறது. லவ் யூ சார்" எனக் கூறியுள்ளார்.

 

அட்லீயோடு கமல்ஹாசனை சந்தித்த அர்ஜுன் தாஸ், இந்த நாளை என்றும்  மறக்கமாட்டேன் எனக் கூறியுள்ளார். இது தொடர்பாக, தனது ட்விட்டர் பதிவில், "நான் நடிகராக விரும்பியதற்கு கமல்ஹாசன் அவர்களும் ஒரு காரணம். அவரை தூரத்திலிருந்து சிறிதளவாவது பார்க்கலாம் என்ற நம்பிக்கையில், பலமுறை அவரின் அலுவலகம் வழியே சென்றதிலிருந்து, இன்று அவரை தனிப்பட்ட முறையில் சந்தித்து ஆசீர்வாதம் வாங்கியுள்ளேன். இந்தநாளை என்றும் மறக்கமாட்டேன்" எனக் கூறியுள்ளார்.

 

 
 

சார்ந்த செய்திகள்

Next Story

ரஜினிகாந்த்திற்கு அரசியல் கட்சித் தலைவர்கள் பிறந்தநாள் வாழ்த்து!

Published on 12/12/2023 | Edited on 12/12/2023
 Political party leaders - birthday wishes Rajinikanth

தமிழ்த் திரையுலகில் முடிசூடா மன்னனாக விளங்கும், சூப்பர் ஸ்டார் என ரசிகர்களால் கொண்டாடப்படும் ரஜினிகாந்தின் 73 வது பிறந்ததினம், உலகம் முழுவதும் உள்ள அவரது ரசிகர்களால் இன்று கொண்டாடப்பட்டு வருகிறது. தமிழ் திரையுலகினர், அரசியல் பிரமுகர்கள் என பல்வேறு நபர்கள் அவருக்கு வாழ்த்து தெரிவித்து வருகின்றனர். பல அரசியல் கட்சிகளைச் சேர்ந்த தலைவர்கள் தங்களது எக்ஸ் பக்கத்தில் வாழ்த்து தெரிவித்திருக்கிறார்கள். 

 Political party leaders - birthday wishes Rajinikanth

அதிமுக பொதுச்செயலாளரும், முன்னாள் முதல்வருமான எடப்பாடி பழனிச்சாமி தனது பதிவில் “அன்பு சகோதரர் “சூப்பர் ஸ்டார்” திரு. ரஜினிகாந்த் அவர்களுக்கு எனது இனிய பிறந்தநாள் நல்வாழ்த்துகள். தாங்கள் இறைவன் அருளால் நல்ல உடல் ஆரோக்யத்துடன், நீடூழி வாழ வாழ்த்துகிறேன்” என்றிருக்கிறார்.

Kamal

நடிகரும், மக்கள் நீதி மய்யம் தலைவருமான கமல்ஹாசன் தனது எக்ஸ் பக்கத்தில் “அருமை நண்பர் சூப்பர் ஸ்டார் ரஜினிகாந்த் அவர்களுக்கு இனிய பிறந்தநாள் வாழ்த்துகள். இன்றும் என்றும் வெற்றிகளை அறுவடை செய்தபடி உற்சாகமாக வாழ மனதார வாழ்த்துகிறேன்” என்றிருக்கிறார்.

A

பாட்டாளி மக்கள் கட்சித்தலைவர் அன்புமணி ராமதாஸ் தனது எக்ஸ் பக்கத்தில் “தமிழ்த் திரையுலகின் புகழ்பெற்ற நடிகர் ரஜினிகாந்த் அவர்களுக்கு இன்று 73-ஆவது பிறந்தநாள். அனைவராலும் கொண்டாடப்படும் நடிகர் ரஜினிகாந்த் அவர்களுக்கு எனது இனிய பிறந்தநாள் நல்வாழ்த்துகள். அவர் நல்ல உடல்நலத்துடன் நூறாண்டுகள் வாழவேண்டும் என்று வாழ்த்துகிறேன்” என்றிருக்கிறார்.

Seeman

நாம் தமிழர் கட்சியின் தலைமை ஒருங்கிணைப்பாளர் சீமான் தனது எக்ஸ் பக்கத்தில் “தனது ஒப்பற்ற நடிப்புத்திறனாலும், தனித்துவமிக்க உடல்மொழியாலும், எவரையும் கவர்ந்திழுக்கும் நடை உடை பாவனைகளாலும் எல்லோரது மனதையும் வென்று, உலகப்புகழ் பெற்ற திரையாளுமையாகத் திகழும் தமிழ்த்திரையுலகின் மூத்த திரைக்கலைஞர் பெருமதிப்பிற்குரிய ஐயா ரஜினிகாந்த் அவர்களுக்கு அன்புநிறைந்த பிறந்த நாள் வாழ்த்துகளைத் தெரிவித்துக் கொள்வதில் பெருமகிழ்ச்சியடைகிறேன்” என்று வாழ்த்து தெரிவித்துள்ளார். 

Next Story

“உடையாத உடல்; சரியாத மனம்” - கமல்ஹாசனுக்கு கவிஞர் வைரமுத்து வாழ்த்து

Published on 07/11/2023 | Edited on 07/11/2023

 

 vairamuthu congratulates Kamal Haasan

 

தமிழ் சினிமாவில் சிறந்த நடிகர், இயக்குநர், பாடகர், தயாரிப்பாளர் எனப் பல துறைகளிலும் வல்லவர் நடிகர் கமல்ஹாசன். திரைத்துறையையும் தாண்டி மக்கள் நீதி மய்யம் என்ற கட்சியினைத் தொடங்கி அரசியல் செயல்பாடுகளிலும் தொடர்ந்து இயங்கி வருகிறார். அவருக்கு இன்று பிறந்தநாள். அவரது பிறந்தநாளையொட்டி திரைப் பிரபலங்கள், அரசியல் ஆளுமைகள் அவருக்குப் பிறந்தநாள் வாழ்த்துகளைத் தெரிவித்து வருகிறார்கள். அந்த வகையில் கவிஞர் வைரமுத்து பிறந்தநாள் வாழ்த்துகளைத் தெரிவித்துள்ளார்.

 

அவரது எக்ஸ் பக்கத்தில் "நாம் வாழும் காலத்தின் கர்வ காரணங்களுள் ஒன்று கலைஞானி கமல்ஹாசன். இத்துணை நீண்ட திரைவாழ்வு அத்துணை பேர்க்கும் வாய்க்காது. வாழ்வு கலை இரண்டிலும் பழையன கழித்துப் புதியன புகுத்தும் அந்தண மறவரவர். எல்லாம் பார்த்துவிட்ட கமலுக்கு இனி என்ன வேண்டும்?  உடையாத உடல் வேண்டும்; சரியாத மனம் வேண்டும். வாய்த்திருக்க வாழ்த்துகிறேன்" என்று வாழ்த்தி பதிவிட்டுள்ளார்