Skip to main content

'அண்ணாத்த' ஷூட்டிங் தொடங்குவது எப்போது? வெளியானது புதிய தகவல்!

 

rajini

 

சன் பிக்சர்ஸ் நிறுவனம் தயாரிப்பில், சூப்பர் ஸ்டார் ரஜினிகாந்த் நடிக்க, இயக்குனர் சிவா இயக்கி வரும் படம் 'அண்ணாத்த'. இப்படத்தில், குஷ்பு, மீனா, கீர்த்தி சுரேஷ், நயன்தாரா, சூரி, சதீஷ் உள்ளிட்ட பலர் நடிக்கின்றனர். டி.இமான் இசையமைக்கிறார். இப்படத்தின் படப்பிடிப்பு ஹைதராபாத்தில் விறுவிறுப்பாக நடைபெற்று வந்த நிலையில், கரோனா தொற்று காரணமாக கடந்த டிசம்பர் மாதம் தற்காலிகமாக நிறுத்தப்பட்டது. அதன்பிறகு, இன்னும் ஷூட்டிங் தொடங்கப்படாமலேயே உள்ளது.

 

இந்த நிலையில், ‘அண்ணாத்த’ ஷூட்டிங் மீண்டும் தொடங்குவது எப்போது என்பது குறித்து புதிய தகவல் வெளியாகியுள்ளது. அதன்படி, மார்ச் மாதத்தின் இரண்டாம் வாரத்தில் படப்பிடிப்பை மீண்டும் தொடங்க படக்குழு திட்டமிட்டுள்ளதாகக் கூறப்படுகிறது. 

 

sakra

 

நடிகர் ரஜினிகாந்தின் உடல்நிலையைக் கருத்தில் கொண்டு, ஹைதராபாத்தில் படமாக்கத் திட்டமிட்ட காட்சிகளை சென்னையிலேயே படமாக்க படக்குழு திட்டமிட்டுள்ளதாகவும் அதற்கான அரங்குகள் அமைக்கும் பணி விறுவிறுப்பாக நடைபெற்று வருவதாகவும் கூறப்படுகிறது.