Skip to main content

நெட்ஃபிளிக்ஸில் வெளியாகும் அட்லீயின் புதிய படம்!

Published on 30/10/2020 | Edited on 30/10/2020

 

andhaghaaram

                                                   
தமிழில் கார்த்தி நடிப்பில், கடந்த வருடம் தீபாவளிக்கு வெளியாகி வெற்றியடைந்த படம் 'கைதி'. அப்படத்தில் ‘அன்பு’ என்ற வில்லன் கதாபாத்திரத்தில் நடித்து புகழ்பெற்றவர் அர்ஜுன் தாஸ்.

 

ஆரம்பத்தில் ரேடியோ ஜாக்கியாக இருந்த இவரின் குரலால் ஈர்க்கப்பட்ட இயக்குனர் கௌதம் வாசுதேவ் மேனன், அவரை தனது 'துருவ நட்சத்திரம்' பட டீசரில் வாய்ஸ் ஓவர் தர வைத்தார். அந்த டீசரில் அர்ஜுன் தாஸின் குரலைக் கேட்ட இயக்குனர் லோகேஷ் கனகராஜ் தனது 'கைதி' படத்தில் நடிக்கவைத்தார் என்பது குறிப்பிடத்தக்கது.

 

இதைத் தொடர்ந்து, அர்ஜுன் தாஸ் தற்போது, லோகேஷ் கனகராஜ் இயக்கத்தில் விஜய்யின் 'மாஸ்டர்' படத்தில் நடித்துள்ளார். இதற்கிடையே அட்லீ தயாரிப்பில், அறிமுக இயக்குனர் விக்னராஜன் இயக்கும் 'அந்தகாரம்' படத்தில் கதாநாயகனாக நடிக்கிறார் அர்ஜுன் தாஸ். சூப்பர் நேச்சுரல் திரில்லர் படமாக உருவாகியுள்ள இப்படத்தின் ட்ரைலர் கடந்த ஏப்ரல் மாதம் வெளியாகி வரவேற்பைப் பெற்றது.

 

இந்தநிலையில், 'அந்தகாரம்' படம், வரும் நவம்பர் 24 -ஆம் தேதி ,நெட்ஃப்ளிக்ஸில் வெளியாகும் என அதிகாரப்பூர்வ அறிவிப்பு வெளியாகியுள்ளது. இதுதொடர்பான அறிவிப்பை நெட்ஃப்ளிக்ஸ் இந்தியா தனது சமூகவலைதளப் பக்கத்தில் பதிவிட்டுள்ளது.

 

 

சார்ந்த செய்திகள்

Next Story

'அடடா ஆட்டம் பாட்டம் தான்’ - அம்பானி குடும்ப ப்ரீ வெட்டிங்கில் திரை பிரபலங்கள்

Published on 04/03/2024 | Edited on 04/03/2024

 

இந்தியாவின் மிகப்பெரிய பணக்காரர்களில் ஒருவரான முகேஷ் அம்பானியின் இளைய மகன் ஆனந்த் அம்பானி. இவர் என்கோர் ஹெல்த்கேர் நிறுவனத்தின் தலைமைச் செயல் அதிகாரி விரென் மெர்ச்சண்ட்டின் மகளான ராதிகா மெர்ச்சண்டை திருமணம் செய்யவுள்ளார். இருவருக்கும் கடந்த ஜனவரி 19 ஆம் தேதி நிச்சயம் நடைபெற்ற நிலையில் ஜூலையில் திருமணம் நடக்கவுள்ளதாகக் கூறப்படுகிறது. இந்த நிலையில், திருமணத்திற்கு முந்தைய விழா மிகப் பிரம்மாண்டமாக மார்ச் 1 முதல் 3 வரை நடந்து முடிந்துள்ளது. குஜராத் மாநிலத்தின் ஜாம் நகரில் நடந்த இந்த நிகழ்ச்சியில் திரைப் பிரபலங்கள், அரசியல் பிரபலங்கள், விளையாட்டுத் துறையைச் சேர்ந்தவர்கள், தொழிலதிபர்கள் எனப் பலரும் கலந்து கொண்டனர். 

Next Story

தாதா சாகேப் பால்கே திரைப்பட விழா - நயன்தாராவிற்கு விருது

Published on 21/02/2024 | Edited on 21/02/2024
Nayanthara wins Best Actress in Dadasaheb Phalke awards 2024

இந்தாண்டிற்கான தாதா சாகேப் பால்கே சர்வதேசத் திரைப்பட விருதுகள் விழா, மும்பையில் நேற்று பிரம்மாண்டமாக நடைபெற்றது. விழாவில் ஷாருக்கான், நயன்தாரா, அட்லீ, கரீனா கபூர், ராணி முகர்ஜி உள்ளிட்ட பல திரைப் பிரபலங்கள் கலந்து கொண்டனர். இதில் ஜவான் படம் 3 விருதுகளை வென்றுள்ளது. விருது பெற்ற நடிகர்களின் பட்டியல் பின்வருமாறு.

சிறந்த நடிகர் - ஷாருக்கான் (ஜவான்)
சிறந்த நடிகை - நயன்தாரா (ஜவான்), ராணி முகர்ஜி (மிஸ் சாட்டர்ஜி vs நார்வே)
சிறந்த இயக்குநர் - சந்தீப் ரெட்டி வங்கா (அனிமல்)
சிறந்த நடிகர் (விமர்சகர்கள் தேர்வு) - விக்கி கௌஷல் (சாம் பகதூர்)  
சிறந்த இசையமைப்பாளர் - அனிருத் ரவிச்சந்தர் (ஜவான்)
சிறந்த பின்னணி பாடகர் - வருண் ஜெயின், (தேரே வஸ்தே - ஜரா ஹட்கே ஜரா பச்கே)
சிறந்த வில்லன் - பாபி தியோல் (அனிமல்) ஆகும்.

இவர்கள் மட்டுமல்லாது திரைப்படத் துறையில் சிறந்த பங்களிப்பு செலுத்தியமைக்காக மௌசுமி சாட்டர்ஜி மற்றும் இசைத்துறையில் சிறந்த பங்களிப்பு செலுத்தியமைக்காக கே.ஜே. யேசுதாஸுக்கும் வழங்கப்பட்டது. மேலும் அட்லீ, ஷாஹித் கபூர் மற்றும் இயக்குநர்கள் ராஜ் மற்றும் டி.கே. ஆகியோருக்கும் 2023 ஆம் ஆண்டில் அவர்களின் பங்களிப்பிற்காக விருது வழங்கப்பட்டது.

அட்லீ இயக்கத்தில் ஷாருக்கான், நயன்தாரா, விஜய் சேதுபதி உள்ளிட்ட பலர் நடிப்பில் கடந்த ஆண்டு வெளியான ஜவான் படம் ரூ.1000 கோடிக்கு மேல் உலகளவில் வசூலித்து சாதனை படைத்தது குறிப்பிடத்தக்கது.