இந்தியில் பல்வேறு திரைப்படங்களில் நடித்து மற்றும் ஸ்டாண்ட் அப் காமெடி மூலம் புகழ் பெற்ற நடிகர் ராஜு ஸ்ரீவஸ்தவ். இவர் ஜிம்மில் உடற்பயிற்சி செய்யும் போது நெஞ்சு வலி ஏற்பட்டது. அதன் காரணமாக கடந்த ஆகஸ்ட் 10ஆம் தேதி முதல் சிகிச்சை பெற்று வந்தார்.  

இந்நிலையில் உடல் நலம் மிகவும் மோசமடைந்து அதன் காரணமாக மருத்துவமனையில் காலமானார். இவரது மறைவு திரையுலகினரிடையே சோகத்தை ஏற்படுத்தியுள்ளது. மேலும் ரசிகர்கள் மற்றும் திரை பிரபலங்கள் ராஜு ஸ்ரீவஸ்தவ் மறைவிற்கு இரங்கல் தெரிவித்து வருகின்றனர்.  

 
ராஜு ஸ்ரீவஸ்தவ், 'மைனே பியார் கியா', 'பாசிகர்' உள்ளிட்ட ஹிட் படங்களில் நடித்துள்ளார். மேலும் உத்தரபிரதேச திரைப்பட மேம்பாட்டு கவுன்சிலின் தலைவராக இருந்தார் என்பது குறிப்பிடத்தக்கது.

பாலிவுட் திரையுலகில் முன்னணி நடிகையாக இருப்பவர் ஷ்ரத்தா கபூர். இவரின் சகோதரரும், நடிகருமான சித்தாந்த் கபூர் நேற்று பெங்களூருவில் உள்ள ஒரு தனியார்  நடைபெற்ற இரவுப் பார்ட்டியில் கலந்து கொண்டுள்ளனர். அப்போது அந்த பார்ட்டியில் போதைப் பொருள் பயன்படுத்தியதாக கூறி நடிகர் சித்தாந்த் கபூர் காவல்துறையினரால் கைது செய்யப்பட்டுள்ளார்.  அவருடன் சேர்த்து அந்த பார்ட்டியில் போதைப் பொருள் பயன்படுத்தியதாக கூறி மேலும் 5 பேரை காவல்துறையினர் கைது செய்துள்ளனர். 

சமீபத்தில் ஷாருக்கானின் மகன் ஆர்யன் கான் போதை பொருள் பயன்படுத்தியதாக  காவல்துறையினரால் கைது செய்யப்பட்டு பின்பு நிரபராதி என்று கூறி வழக்கில் இருந்து விடுவிக்கப்பட்டார். இந்த விவகாரம் பாலிவுட்டை கடந்து இந்தியா முழுவதும் பெரும் பரபரப்பை ஏற்படுத்திய நிலையில் மீண்டும் போதைப்பொருள் விவகாரத்தில் பாலிவுட் பிரபலம்  சிக்கியுள்ளது திரைத்துறையினர் மத்தியில் பெரும் அதிர்ச்சியை ஏற்படுத்தியுள்ளது.