Skip to main content

இறுதிக்கட்ட பணியில் கருணாஸின் 'ஆதார்'

Published on 17/02/2022 | Edited on 17/02/2022

 

aadhar film update out now

 

அம்பாசமுத்திரம் அம்பானி, திருநாள் ஆகிய படங்களை இயக்கிய ராம்நாத் பழனி குமார் தற்போது கருணாஸ், அருண் பாண்டியன் நடிக்கும் ஆதார் படத்தை இயக்கி வருகிறார். ரித்விகா, இனியா உமா ரியாஸ்கான், திலீபன் உள்ளிட்ட பலர் படத்தின் முக்கிய கதாபாத்திரங்களில் நடிக்கின்றனர். வெண்ணிலா கிரியேஷன்ஸ் என்ற பட நிறுவனம் சார்பில் தயாரிப்பாளர் பி. சசிகுமார் தயாரித்திருக்கும் இப்படத்திற்கு ஸ்ரீகாந்த் தேவா இசையமைக்கிறார்.  

 

பொங்கல் பண்டிகையை முன்னிட்டு வெளியான இப்படத்தின் ஃபர்ஸ்ட் லுக் போஸ்டர் ரசிகர்களிடையே நல்ல வரவேற்பை பெற்றது. விறுவிறுப்பாக நடைபெற்று வந்த இப்படத்தின் படப்பிடிப்பு நிறைவடைந்த நிலையில் படக்குழு இறுதிக்கட்ட பணியில் தீவிரம் காட்டி வருகிறது.  எளிய மனிதர்களின் வலியை பேசும் யதார்த்த படைப்பாக உருவாகியுள்ள இப்படத்தின் டீசர், ட்ரைலர் விரைவில் வெளியாகும் என படக்குழு அறிவித்துள்ளது. 

 

 

சார்ந்த செய்திகள்

Next Story

துப்பாக்கி தோட்டாக்களுடன் சிக்கிய கருணாஸ்; விமான நிலையத்தில் பரபரப்பு

Published on 02/06/2024 | Edited on 02/06/2024
40 bullets were seized from Karunas at Chennai airport

தமிழ்சினிமாவில் காமெடி நடிகராக அறிமுகமான கருணாஸ், பிறகு குணச்சித்திர வேடத்திலும், ஒரு சில படங்களில் ஹீரோவாகவும் நடித்திருக்கிறார். இதனிடையே முக்குலத்தோர் புலிப்படை என்ற கட்சியை தொடங்கிய நடிகரான கருணாஸ் 2016ம் ஆண்டு சட்டமன்றத் தேர்தலில் அதிமுக கூட்டணியில் இடம் பெற்று திருவாடானை தொகுதியில் இரட்டை இலை சின்னத்தில் போட்டியிட்டு வெற்றிபெற்றவர். ஜெயலலிதா மறைந்த பிறகு  சசிகலா அணியின் பக்கம் இருந்த கருணாஸ் தற்போது திமுக பக்கம் வந்துள்ளார். நாடாளுமன்றத் தேர்தல் திமுக கூட்டணிக்கு ஆதரவு தெரிவித்த கருணாஸ் கூட்டணி கட்சி வேட்பாளர்களை ஆதரித்து பிரச்சாரம் மேற்கொண்டார்.

இந்த நிலையில் நடிகர் கருணாஸிடம் 40 துப்பாக்கி தோட்டாக்கள் பறிமுதல் செய்யப்பட்டுள்ளது. கருணாஸ் இன்று காலை திருச்சி செல்வதற்காக சென்னை விமான நிலையம் வந்தார். அப்போது பாதுகாப்பு அதிகாரிகள் கருணாஸை சோதனை செய்தபோது, அவரது பையில் 40 துப்பாக்கி தோட்டாக்கள் இருந்ததைக் கண்டுபிடித்த அதிகாரிகள், அவற்றைப் பறிமுதல் செய்து விசாரணையைத் தொடர்ந்தனர்.

விசாரணையில், பாதுகாப்பு காரணங்களுக்காக நான் அனுமதி பெற்று துப்பாக்கி வைத்திருப்பதாகவும், அதற்காகத்தான் இந்த தோட்டாக்களை எடுத்துச் செல்வதாகவும் அதிகாரிகளிடம் கருணாஸ் தெரிவித்தாக கூறப்படுகிறது. இருப்பினும், விமானத்தில் துப்பாக்கி, தோட்டாக்கள் போன்றவை எடுத்து செல்லும்போது உரிய அனுமதி வாங்க வேண்டும் என்று அதிகாரிகள் தெரிவித்துள்ளனர். தொடர்ந்து ஒரு மணி நேரத்திற்கும் மேலாக விசாரணை நடைபெற்ற நிலையில் கருணாஸ் விமானம் பயணம் மேற்கொள்ள அனுமதி மறுத்தனர். பின்னர் அவர் திருச்சி செல்லாமல் வீடு திரும்பியதாகக் கூறப்படுகிறது.

Next Story

'தினம் 10 பொய்களைப் பேச வேண்டும் என்பதே அவரின் திட்டம்'-கருணாஸ் பரப்புரை

Published on 13/04/2024 | Edited on 13/04/2024
'His plan is to lie 10 days a day' - Karunas lobbying

நாடாளுமன்ற மக்களவைத் தேர்தல் ஏழு கட்டங்களாக நடைபெற உள்ளது. அதன்படி, முதற்கட்டமாக ஏப்ரல் 19 ஆம் தேதி தமிழகத்தில் வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே அரசியல் கட்சிகள் தேர்தல் பணிகளில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது. அதே சமயம் தமிழக அரசியல் கட்சிகள் வேட்பாளர்களை அறிவித்து பிரச்சாரங்களைத் தொடங்கியுள்ளன.

அதன்படி அரசியல் கட்சிகள் சார்பில் தேர்தல் பரப்புரைகள் தீவிரமாக நடைபெற்று வருகிறது. இந்நிலையில் மதுரையில் திமுக கூட்டணி வேட்பாளரை ஆதரித்து முக்குலத்தோர் புலிப்படை இயக்கத்தின் தலைவர் கருணாஸ் பிரச்சாரத்தில் ஈடுபட்டார். அப்போது பேசுகையில், ''தமிழ்நாட்டுக்காரர்கள் கேனையர்கள் கிடையாது. மக்கள் மீது அதிகாரத்தை திணிப்பது தான் பாஜகவின் அரசியல். சமூக நீதி மறுப்பதுதான் சனாதனம். தமிழ்நாட்டில் சமூக நீதி என்ற ஒன்று இருக்கிறது அல்லவா? அது எங்கெல்லாம் மறுக்கப்படுகிறதோ அதுதான் சனாதனம். ஆண்டாண்டு காலமாக கீழடியில் நமது வரலாற்றை பார்க்கும் பொழுது பெருமையாக இருக்கிறது. அப்படிப்பட்ட நம் தாய்மொழி தமிழ் மொழி திட்டமிட்டு பாஜகவால் அழிக்கப்படுகிறது. மக்களுக்கான எந்தச் செயலையும் செய்யாமல் தினமும் 10 பொய்களைப் பேச வேண்டும் என்பது பிரதமரின் செயல்பாடு அவருடைய திட்டம்'' என்றார்.