Skip to main content

திருடும் வீட்டிலேயே சாப்பிட்டுத் தூங்கும் சிரிப்பு திருடன் - ஏசி ராஜாராம் பகிரும் தடயம் : 01

Published on 08/06/2023 | Edited on 08/06/2023

 

 Rtrd AC Rajaram - Thadayam 01

 

தான் சந்தித்த வித்தியாசமான வழக்குகள் குறித்த சுவாரசியமான விசயங்களை ஓய்வு பெற்ற மூத்த காவல்துறை அதிகாரி ராஜாராம் நம்மிடம் விவரிக்கிறார்.

 

பகலில் வீட்டை உடைத்து பணம், நகைகள் திருடக்கூடிய திருடர் ஒருவருடைய கதை இது. இரவில் அவருக்கு கண் பார்வை குறைபாடு இருந்தது. அவரைப் பார்த்தால் திருடன் என்றே கூற முடியாத அளவுக்கு அவருடைய உடைகளும் அலங்காரமும் இருக்கும். ஒருமுறை நுங்கம்பாக்கத்தில் ஒரு வீட்டில் அவர் திருடினார். பின்பு போலீசாரிடம் புகார் அளிக்கப்பட்டபோது, கைரேகையை வைத்து அவர்கள் இவரைக் கண்டறிந்தனர். பொதுவாக அவர் திருடும் இடங்களில் இருக்கும் உணவை நன்றாக சாப்பிட்டுவிட்டு, சிறிது நேரம் அங்கேயே படுத்தும் தூங்குவார். வடிவேலு காமெடியில் நாம் பார்க்கக்கூடியது போன்ற ஒரு நபர் அவர். 

 

80களில் எம்ஜிஆர் ஆட்சியில் அமைச்சராக இருந்த எஸ்.டி.சோமசுந்தரத்தின் உதவியாளர் வீட்டில் திருட்டு நடைபெற்றது. திருட்டு நடைபெற்ற இடத்தில் இவருடைய கைரேகை தான் இருந்தது. ஆனால் அவர் அப்போது வேலூர் சிறையில் இருந்தார். வழக்கில் ஆஜராக போலீசாரால் சென்னை அழைத்து வரப்பட்டபோது போலீசாரையே ஏமாற்றி இந்தக் கைவரிசையில் அவர் ஈடுபட்டது தெரிந்தது. அனைவருக்கும் அதிர்ச்சி. இதனால் அந்தக் காவலர்களும் கைது செய்யப்பட்டனர். அவருக்குப் பிறகு அவருடைய மகன் இப்போது இதே தொழிலில் ஈடுபட்டு வருகிறார். 

 

இவருடைய நடவடிக்கைகளால் போலீசாரையே பலமுறை சிக்க வைத்துள்ளார். ஜாலியான திருடனாக இருந்த அவர், பெரும்பாலும் தன்னுடைய கைரேகையினால் தான் சிக்குவார். அவருடைய மனைவி ஒரு அரசியல் கட்சியில் இருந்தார். அவரே ஒருமுறை தன்னுடைய கணவரை போலீசில் பிடித்துக் கொடுத்திருக்கிறார். திருடும் ஒவ்வொரு பொருள் குறித்த விவரங்களையும் ஒரு சீட்டில் எழுதி வைக்கும் பழக்கம் அவருக்கு இருந்தது. அவருடைய வீடும் வேலூர், அவர் இருந்த சிறையும் வேலூர் என்பதால் வீட்டிலிருந்தே பல நாட்கள் அவருக்கு சாப்பாடு வரும். அவருக்கென்று தனியாக ஒரு ராஜ்ஜியம் அமைத்துக்கொண்டு சந்தோஷமாக இருந்தார்.

 

 

Next Story

கோடீஸ்வர மனைவியைப் படுக்கை அறையில் உயிரோடு புதைத்த இரண்டாவது கணவர் - திலகவதி ஐபிஎஸ் பகிரும் தடயம்: 42

Published on 14/02/2024 | Edited on 14/02/2024
 thilagavathi-ips-rtd-thadayam-42

பல்வேறு கொலை, குற்றச் சம்பவங்களைத் ‘தடயம்’ என்னும் தொடரின் வழியே தமிழ்நாடு காவல்துறையின் முதல் பெண் இயக்குநர், ஓய்வு பெற்ற ஐபிஎஸ் அதிகாரி திலகவதி விளக்கி வருகிறார். அந்த வகையில் கோடீஸ்வர பெண்மணி ஒருவர் காணாமல் போகிறார், அவர் எப்படிக் காணாமல் போனார் என்பதையும் அவரைப் பற்றிய விவரங்களைப் பற்றியும் நமக்கு விளக்குகிறார்.

இளம் வயது மாடல் அழகியான ஷாபா, தன்னுடைய அம்மாவான ஷகீரே கலீலியைக் காணவில்லை என்று புகார் அளிக்கிறார். இவரது குடும்பம் பெங்களூரில் வசித்து வந்தது. பொருளாதாரத்தில் உயர்ந்த குடும்பப் பின்னணியிலிருந்த ஒரு பெண்ணைக் காணவில்லை என்றதும் அந்த செய்தி கர்நாடகா முழுவதும் அந்தக் காலகட்டத்தில் பரபரப்பாகப் பேசப்பட்டது.

தன் கணவரைப் பிரிந்து இரண்டாம் திருமணமாக ஷ்ரத்தானந்தா என்பவரை திருமணம் செய்து கொண்டு வாழ்ந்து வந்தவர், காணவில்லை. ஷ்ரத்தானந்தாவிடம் கேட்டால் வெளிநாடு போயிருக்கார் வந்துவிடுவார் என்றே பதில் சொல்கிறார். இரண்டு வருடங்களாகியும் ஷகீரே கலீலியேவைப் பற்றி எந்த தகவலும் கிடைக்கவில்லை. இந்நிலையில் இவரது மகள் ஷாபா கர்நாடகாவிற்கு பொறுப்பேற்ற காவல்நிலைய உயர் அதிகாரிகளைச் சந்தித்து முறையிடுகிறாள். அதன் பிறகு ஷ்ரத்தானந்தாவை நுணுக்கமாக கண்காணித்து வருகிறார்கள்.

ஷகீரே கலீலியோவின் வீட்டில் தான் ஷ்ரத்தானந்தா வசித்து வந்தார். அதில் பணியாற்றிய ஒருவர் இரவில் குடிக்கும் பழக்கம் இருப்பவர். அருகே இருக்கும் ஒரு பாரில் அடிக்கடி குடிப்பார். அவரோடு காவல்துறையைச் சேர்ந்தவர் பழகி வீட்டில் என்ன நடந்தது என்று தெரிந்து கொள்ள முயல்கிறார். அவரும் சில தகவல்களைச் சொல்கிறார். அதாவது அந்த வீட்டின் படுக்கை அறையில் புதிதாக ஒரு இடத்தில் தரையை சிமெண்ட் வைத்து பூசியிருக்கிறார்கள். அத்தோடு அதன் மீது துளசி செடி வைத்து தண்ணீர் ஊற்றி வருகிறார். இந்த ஷ்ரத்தானந்தா சில சமயங்களில் அதில் பால் ஊற்றுவார் என்று தகவல் கிடைக்கிறது. இது காவல்துறைக்கு சந்தேகத்தை உண்டு பண்ணுகிறது

இந்த தகவலின் அடிப்படையில் ஷ்ரத்தானந்தாவை காவல்நிலையத்திற்கு கொண்டு வந்து அடித்து விசாரிக்கிறார்கள். அவர் உண்மையை ஒப்புக்கொள்வதாக சொல்கிறார். அதாவது, இவரை திருமணம் செய்து கொண்டதே ஆண் குழந்தைக்காகத் தான். ஆனால் அது நடக்கவில்லை, அதன் பிறகு இவரை நடத்தும் விதமே வித்தியாசமாக இருந்திருக்கிறது. ஒரு நாள் ஷகீரே ஷ்ரத்தானந்தாவை கை நீட்டி அடித்திருக்கிறார். வங்கியில் பணப்பரிவர்த்தனை செய்யக் கூடாது என்று நிபந்தனை விதித்திருக்கிறார்.

இது போன்ற சம்பவங்கள் தொடர்ச்சியாக நடந்ததன் விளைவாக ஷகீரேவை கொலை செய்ய ஷ்ரத்தானந்தா திட்டமிடுகிறார். ஷகீரே உயரத்திற்கு ஒரு சவப்பெட்டியை வாங்கி வந்து வீட்டில் வைத்திருந்திருக்கிறார். அவரது உணவில் மயக்க மருந்தினை கலந்து அவர் படுத்திருந்த போது போர்வையுடனேயே பெட்டிக்குள் போட்டு புதைத்திருந்திருக்கிறார். இதை அவரே ஒப்புக்கொண்டுள்ளார்.

ஆனால், வீட்டு வேலையாட்களிடம் ஷகீரே தூக்கத்திலேயே இறந்து விட்டார். அதனால் நாம் யாருக்கும் சொல்லாமல் புதைக்கிறோம். ஏனெனில் யாரும் நம்ப மாட்டார்கள். அத்தோடு இது இந்து முஸ்லீம் பிரச்சனையாகவும் மாறிப்போகும் என்றெல்லாம் சொல்லி வேலையாட்களை நம்ப வைத்திருக்கிறார்.

நீதிமன்றத்தில் இந்த வழக்கினை விசாரித்த கர்நாடக நீதிமன்ற நீதிபதிகள், உயிருடனேயே ஷகீரேவை புதைத்த ஷ்ரத்தானந்தாவிற்கு மரண தண்டனை வழங்கியது. ஆனால் இதை மேல்முறையீடு செய்து நான் இந்த கொலையை செய்யவில்லை என்று வாதாடுகிறார் ஷ்ரத்தானந்தா. ஆனால் ஷகீரே வழக்கறிஞரோ “பெட்டிக்குள் இருந்த ஷகீரேவின் கை தன்னுடையை போர்வையை இறந்த நிலையில் இறுக்கி பிடித்திருக்கிறது. அத்தோடு அவருடைய நகங்களில் பெட்டியின் மரத்துகள்கள் ஒட்டியிருக்கிறது, நக கீரல்களும் அந்த பெட்டியில் இருக்கிறது. எனவே அவர் இறந்து புதைக்கப்படவில்லை. உயிரோடு புதைக்கப்பட்டு பெட்டிக்குள் தான் உயிருக்கு போராடி இறந்திருக்கிறார் என்று வாதாடி வெற்றி பெறுகிறார்.

சாகும் வரை சிறையிலேயே ஷ்ரத்தானந்தா கிடக்க வேண்டும் என்று இறுதி தீர்ப்பு வந்தது. இன்று வரை சிறையில் தான் கிடக்கிறார் ஷ்ரத்தானந்தா. ஆனால் அவரின் வழக்கறிஞரோ, ஷ்ரத்தானந்தா வெளியே வந்தால் ஷகீரேவின் சொத்துகளை கையாளும் உரிமையை பெற்று விடுவார் என்ற காரணத்தினாலேயே அவரை சாகும் வரையில் சிறையில் அடைத்து விட்டார்கள் என்று குற்றம் சாட்டி வருகிறார். குடியரசுத் தலைவருக்கு கருணை மனு போட்டும் அவரது மனு இன்னும் நிலுவையில் தான் உள்ளது. 

Next Story

சாமியாருடன் உல்லாசப் பயணம் சென்ற கோடீஸ்வரி; அம்மாவைத் தேடும் மகள் - திலகவதி ஐபிஎஸ் பகிரும் தடயம்: 41

Published on 05/02/2024 | Edited on 05/02/2024
 thilagavathi-ips-rtd-thadayam-41

பல்வேறு கொலை, குற்றச் சம்பவங்களை ‘தடயம்’ என்னும் தொடரின் வழியே தமிழ்நாடு காவல்துறையின் முதல் பெண் இயக்குநர், ஓய்வு பெற்ற ஐபிஎஸ் அதிகாரி திலகவதி விளக்கி வருகிறார். அந்த வகையில் கோடீஸ்வர பெண்மணி ஒருவர் காணாமல் போகிறார், அவர் எப்படி காணாமல் போனார் என்பதையும் அவரைப் பற்றிய விவரங்களைப்  பற்றியும் நமக்கு விளக்குகிறார்.

இளம் வயது மாடல் அழகியான ஷாபா, தன்னுடைய அம்மாவான ஷகீரே கலீலியைக் காணவில்லை என்று புகார் அளிக்கிறார். இவரது குடும்பம் பெங்களூரில் வசித்து வந்தது. பொருளாதாரத்தில் உயர்ந்த குடும்பப் பின்னணியிலிருந்த ஒரு பெண்ணைக் காணவில்லை என்றதும் அந்த செய்தி கர்நாடகா முழுவதும் அந்தக் காலகட்டத்தில் பரபரப்பாகப் பேசப்பட்டது. 

ஷகீரே கலீலிக்கு இளம் வயதிலேயே திருமணம் செய்து வைக்கப்பட்டது. கணவரும் மிகப்பெரிய செல்வந்தர் தான். மிகப்பெரிய அரசு பதவியிலும் பணியாற்றுகிறார். அழகிலும், செல்வாக்கிலும், வாழ்விலும் எந்த குறையுமில்லாமல் வாழ்ந்து வருகிறார்கள். இவர்களுக்கு டெல்லி நவாப் ஒருமுறை விருந்து வைக்கிறார். அந்த விருந்தில் கலந்து கொண்ட போது பல்வேறு விசயங்களை பரிமாறிக் கொள்கிறார்கள். 

அதில் ஒன்றாக சொத்து விவகாரங்களில் ஏற்பட்ட சிக்கலை முரளி மனோகர் மிஷ்ரா என்ற ஊழியர் ஒருவர் தான் சரி செய்கிறார் என அவரை அறிமுகம் செய்து வைக்கிறார்கள் நவாப் குடும்பம். முரளி மனோகர் மிஷ்ரா தன்னுடைய பெயரை வாழ்ந்து மறைந்த ஒரு துறவியான ஷ்ரத்தானந்தா என்பவரின் பெயரை தன்னுடைய பெயராக மாற்றிக் கொண்டு சாமியாரைப் போல காட்சியளிக்கிறார். 

ஷகீரே கலீலியின் கணவருக்கு ஈரானில் வேலையாக இந்தியாவிலிருந்து அனுப்பப்படுகிறார்.    அந்த காலகட்டம் ஈரானுக்கும், ஈராக்கிற்கும் போர் மூளும் சூழல் இருந்ததால் குடும்பத்தை கூட்டிக்கொண்டு செல்ல வேண்டாம் என்று அறிவுறுத்தப்பட்டதால், குடும்பத்தை பெங்களூரில் விட்டுச் சென்று விடுகிறார். 

அதே சமயத்தில் அரசால் நில உச்ச வரம்பு சட்டம் கொண்டு வரப்படுகிறது. அதிக நிலம் வைத்திருக்கிற செல்வ செழிப்பான குடும்பம் இதை எவ்வாறு கையாளப் போகிறது என விழி பிதுங்கிய சமயத்தில், இப்படியான சிக்கல் ஷகீரே கலீலிக்கும் வருகிறது. தன்னுடைய கணவர் ஈரானில் இருக்கிறார். நான்கு பெண் குழந்தைகளை வைத்துக் கொண்டு இருக்கிறோம், இப்படியான சிக்கலும் இருக்கிறது, என்ன செய்வது என்று யோசித்தவர் நவாப் இல்லத்தில் கணக்கு வழக்கு பார்க்கிற முரளி மனோகர் மிஷ்ராவாகிய ஷ்ரத்தானந்தாவை தன்னிடம் பணியாற்ற அழைத்து வருகிறார். 

அவரும் ஆரம்பத்தில் மிக கண்ணியமாக அனைத்து கணக்கு பராமரிப்பு வேலைகளையும் செய்து நம்பிக்கையை பெறுகிறார். அதனாலேயே இவருக்கு தன்னுடைய சொத்துக்களை நேரடியாகவே கையாளுகிற பவரை அவருக்கு வழங்குகிறார் ஷகீரே கலீலி. மேலும் இருவருக்குள்ளும் நெருக்கமும் அதிகரிக்கிறது. அத்தோடு கணவரின் அடையாளம் இல்லாமல் தனக்கென்று ஒரு அடையாளம் வேண்டும் என்று பில்டிங் கன்ஸ்ட்ரக்‌ஷன் சம்பந்தப்பட்ட சில வேலைகளை ஷகீரே செய்கிறார்.

தன் கணவர் அக்பர் கலீலியை விவாகரத்து செய்து விட்டு முரளி மனோகர் மிஷ்ராவை திருமணம் செய்து கொள்கிறார். அத்தோடு உல்லாச பயணமாக உலகம் முழுவதும் செல்கிறார். 4 பெண் குழந்தைகளும் அப்பாவோடு சென்று விடுகிறார்கள். சில வருடங்களுக்கு பிறகு தன் அம்மாவைப் பார்க்க மாடல் அழகியான ஷாபா தொடர்பு கொண்ட போது முரளி மனோகர் மிஷ்ரா அம்மா வெளிநாடு போயிருக்கிறார் என்று சொல்கிறார். ஆனால் ஷாபாவிற்கு அவளது அம்மாவின் பாஸ்போர்ட் கிடைக்கப் பெறுகிறது. பாஸ்போர்ட் இல்லாமல் எங்கே வெளிநாடு போனார் என்று காவல்துறையில் புகார் கொடுத்து தேடுகிறார்கள், தேடிக்கொண்டே இருக்கிறார்கள். 

என்ன ஆனார் ஷகீரே கலீலி அடுத்த தொடரில் காண்போம்...