Skip to main content

மகனாகப் பாவித்து வளர்த்த சித்தி; இளைஞன் செய்த முறையற்ற செயல் - டிடெக்டிவ் யாஸ்மின் புலனாய்வு: 06

Published on 12/06/2023 | Edited on 12/06/2023

 

Lady Detective Yasmin  Case Explanation  06 

 

மகனை போல வளர்த்த ஒருவனின் முறையற்ற செயலை கண்டுபிடித்தது பற்றிய ஒரு வழக்கு குறித்து துப்பறிவாளர் யாஸ்மின் நம்மிடம் விவரிக்கிறார்.

 

50 வயதான பெண் ஒருவர் தன்னுடைய அக்கா மகனைத் தன்னுடன் துணைக்கு வைத்து வளர்த்து வந்தார். கல்லூரியில் படிக்கும் அந்தப் பையன் இவரை நன்றாக கவனித்து வந்தான். ஆனால் இரவு தூங்கிய பிறகு தனக்கு ஏதோ நேர்வதாகவும் காலையில் தான் வேறு ஒரு கோலத்தில் தினமும் எழுவதாகவும் கூறினார் அந்தப் பெண். யாராவது தன் மீது ஆவி போன்றவற்றை ஏவி விடுகிறார்களோ என்கிற சந்தேகம் அவருக்கு இருந்தது. இதில் கண்டுபிடிப்பதற்கு ஏதும் இல்லாததால் இந்த வழக்கை ஏற்பதற்கு நாங்கள் தயங்கினோம். மருத்துவரிடம் செல்ல அவருக்கு அறிவுறுத்தினோம். 

 

தான் தூங்கியதற்குப் பிறகு தனக்கு என்ன நடக்கிறது என்பதை அறிந்துகொள்ள வேண்டும் என்று கூறினார். அந்த வழக்கை நாங்கள் எடுத்துக்கொண்டோம். இரவில் அவருடைய வீட்டை கவனிக்க ஆரம்பித்தோம். அவருடைய வீட்டுக்கு யாரும் வரவில்லை. ஆனாலும் அந்த அனுபவம் அவருக்குத் தொடர்ந்தது. அவருடைய வீட்டில் கேமரா பொருத்தினோம். பையன் தினமும் பால் கலந்து அவருக்கும் கொடுத்துவிட்டு அவனும் குடித்தான். சில நாட்களில் சர்க்கரைக்கு பதில் பாலில் வேறு எதையோ கலந்தான். அவருக்கு பாலில் மயக்க மருந்து கலந்து கொடுத்துவிட்டு அவரிடம் அவன் தவறான உறவில் ஈடுபட்டான்.

 

இதை அவரிடம் எப்படிச் சொல்வது என்று எங்களுக்குத் தெரியவில்லை. அவர் அவனை அவ்வளவு நம்பினார். ஆனாலும் சொன்னோம். அக்கா - தங்கை, தந்தை - மகள் என்று சொல்லிவிட்டுத் தவறான உறவில் இருப்பது நிறைய நடக்கிறது. பெண் குழந்தைகளுக்கு அறிவுரை சொல்லி வளர்ப்பது போல் ஆண் குழந்தைகளுக்கும் அறிவுரை சொல்லி வளர்க்க வேண்டும். பெண்களையும் ஒரு சக உயிராக ஆண்கள் மதிக்க வேண்டும். அதன் பிறகு அந்தப் பையனோடு அந்தப் பெண் இருக்கவில்லை. அந்தப் பையனும் அதன் பிறகு தன்னுடைய தவறை உணர்ந்து வாழ்ந்து வருகிறான். உறவுகளின் பெருமைகள் பற்றி, முக்கியத்துவம் பற்றி பிள்ளைகளுக்கு நாம் சொல்லிக்கொடுத்து வளர்க்க வேண்டும்.

 

 


 

Next Story

தடம் மாறிய காதலன்; தடுமாறிய காதலி - டிடெக்டிவ் மாலதியின் புலனாய்வு: 36

Published on 25/02/2024 | Edited on 25/02/2024
detective-malathis-investigation-36

பல்வேறு வகையில் தான் துப்பறிந்த சுவாரசியமான விசயங்களை நம்மோடு முதல் பெண் துப்பறிவாளர் மாலதி பகிர்ந்து கொண்டு வருகிறார். அந்த வகையில் காதலனை, துப்பறியச் சொன்ன ஒரு வழக்கு குறித்து நம்மிடையே விவரிக்கிறார்.

வெளிநாட்டிலிருந்து வந்திருந்த  ஒரு பெண் என்னிடம் கேஸ் குடுத்தார். அவர் தன் காதலனை கண்காணித்துச் சொல்லுமாறு கேட்டுக்கொண்டார். விவரம் கேட்டபிறகு, அவர் சொன்னது,  அந்த பெண்ணும் அவர் காதலனும் இங்கே பெங்களூரில் பொறியியல் படிப்பை ஒன்றாக படித்து, பின் வெளிநாட்டிற்கு சேர்ந்தே சென்று  ஒன்றாக வேலை பார்க்கின்றனர். இருவரும் காதல் ஏற்பட்டு, பின் இங்கே வந்து கொஞ்சம் செட்டில் ஆன பிறகு திருமணம் செய்து கொள்ளலாம் என்று முடிவெடுத்து இந்தியா திரும்புகின்றனர். ஆனால் இங்கு வந்து ஒன்றரை ஆண்டுகள் ஆகியும் அந்த காதலனின் போக்கு சரி இல்லை என்று உணர்கிறார். தன்னை ஒதுக்குவது, இரவு நெடுநேரம் போன் காலில் பிசியாக இருப்பது போன்ற அவரது நடவடிக்கையில் சந்தேகம் கொள்கிறார். எனவே கண்காணிக்க வேண்டி என்னிடம் வந்தார்.

நாங்கள் இதை ப்ரீ மேரிட்டல் வெரிஃபிகேஷன் என்று கருத்தில் கொண்டு, அந்த காதலனை பின் தொடர்ந்து கவனிக்க  ஆரம்பித்தோம். அந்த பையன் தன் வேலையை முடித்து கம்பெனியிலிருந்து வெளியே வரும்போது வேறொரு பெண்ணுடன் நெருக்கமாக போவதையும், அவர்கள் வெளியே அடிக்கடி அதிக நேரம் செலவு செய்வதையும் பார்த்தோம். பதினைந்து நாட்கள் பார்த்து உறுதி செய்த பின், நம்மிடம் புகார் கொடுத்த பெண்ணை அழைத்து, மீண்டும் ஒருமுறை இது இரு பக்கமும் தெரிந்த காதலா அல்லது ஒருதலை காதலா என்பதை தெரிந்து கொண்டோம். அந்த பெண்ணும் இருவரும் மனம் ஒத்து காதலித்து, திருமணம் செய்ய வேண்டியே இங்கு வந்தோம். திருமணத்திற்காகத் தான் ஒரு வேலையில் சேர்ந்து, செட்டில் ஆகி வந்தோம். ஆனால் ஆறு மாதங்களாகத் தான் அவனது  நடவடிக்கை சரி இல்லை என்றார்.

அவருக்கு வேறொரு காதல் இருப்பது போல இருக்கிறது என்று விஷயத்தை எடுத்துச் சொன்னோம். அதிர்ச்சியான அந்த பெண்ணிற்கு புரிய நேரம் எடுத்தது. முடிவு நீங்கள் தான் எடுக்கவேண்டும். யோசித்துக் கொள்ளுங்கள். வற்புறுத்தி அவரையே திருமணம் செய்து, பின்னர் நீங்கள் விவாகரத்து வரை போக வேண்டி இருக்கும். எனவே, பேசி முடிவெடுங்கள் என்றோம். இது பெற்றோர் வரை தெரிந்து இருந்ததால், அவர்களையும் கூப்பிட்டு பேசி விஷயத்தைச் சொன்னோம். ஒரு அளவுக்கு மேல் குடும்பத்திற்குள் நாங்கள் தலையிட முடியாது என்பதால், மனமுடைந்திருக்கும் பெண்ணை பார்த்துக் கொள்ளுமாறு ரிப்போர்ட்டை கொடுத்தோம். காதலில் ஒருவரை காதலித்தால் உண்மையாக இருக்க வேண்டியது முக்கியம். பிரிவையும் முறையாக அறிவித்து பிரிய வேண்டும். ஒருவரை காதலித்து விட்டு இன்னொரு உறவுடன் பழகுதல் என்பது தவறாகும். 

Next Story

ஆய்வுக்கு உட்படுத்தப்படும் 'கொடநாடு பங்களா'- நீதிமன்றம் அனுமதி

Published on 23/02/2024 | Edited on 23/02/2024
'Kodanadu Bungalow' under scrutiny - Court

நீலகிரி மாவட்டம் கோத்தகிரி அடுத்துள்ள கொடநாடு பகுதியில் கடந்த 2017 ஆம் ஆண்டு ஏப்ரல் 24 ஆம் தேதி முன்னாள் முதல்வர் ஜெயலலிதாவுக்குச் சொந்தமான பங்களாவில் கொலை மற்றும் கொள்ளைச் சம்பவம் நடைபெற்றிருந்தது. இதில் ஜெயலலிதாவின் கார் ஓட்டுநர் கனகராஜ், வாளையார் மனோஜ், சயான் உள்ளிட்ட 11 பேர் ஈடுபட்டது தெரியவந்தது. ஓட்டுநர் கனகராஜ் வாகன விபத்தில் உயிரிழந்த நிலையில் தொடர்ந்து சிபிசிஐடி விசாரணை நடைபெற்று வருகிறது.

இந்நிலையில்  கொடநாடு பங்களாவில் ஆய்வு செய்ய நீதிமன்றம் அனுமதி அளித்துள்ளது. இன்றைய தினம் கொடநாடு கொலை, கொள்ளை வழக்கின் விசாரணை உதகையில் இருக்கக்கூடிய மாவட்ட அமர்வு நீதிமன்றத்தில் விசாரணைக்கு வந்தது. விசாரணையில் சிபிசிஐடி ஏடிஎஸ்பி முருகவேல் தலைமையிலான போலீசாரும், அரசு தரப்பில் சிறப்பு வழக்கறிஞர் கனகராஜ் ஆகியோர் ஆஜராகினர். குற்றம் சாட்டப்பட்டவர்கள் தரப்பில் வாளையார் மனோஜ், சயான் ஆகிய இருவர் மட்டுமே ஆஜராகினர்.

கொலை, கொள்ளை சம்பவம் நடைபெற்ற கொடநாடு பங்களாவில் பல்வேறு மாற்றங்கள் செய்யப்பட்டிருப்பதாலும், அதை நீதிபதி நேரில் சென்று ஆய்வு செய்ய வேண்டும் என எதிர் தரப்பில் ஆஜரான வழக்கறிஞர் விஜயன் என்பவர் கடந்த வழக்கு விசாரணையில் தெரிவித்திருந்தார். அதனைத் தொடர்ந்து சிபிசிஐடி தரப்பில் ஏற்கெனவே கொடநாடு பங்களாவை ஆய்வு செய்ய பொதுப்பணித்துறை மற்றும் மின்வாரிய அதிகாரிகள் அடங்கிய நிபுணர் குழு அமைத்திருப்பதாகவும், அந்த குழு பங்களாவை ஆய்வு செய்ய அனுமதி வழங்க வேண்டும் என மனு தாக்கல் செய்தனர்.

அதனை ஏற்றுக்கொண்ட நீதிபதி சம்பந்தப்பட்ட பங்களாவில் ஆய்வு செய்ய அனுமதிப்பதாகவும், ஆய்வின் போது ஆய்வுக் குழுவினர் ஆய்வு செய்வதை முழுமையாக வீடியோ பதிவு செய்து நீதிமன்றத்தில் சமர்ப்பிக்க வேண்டும். அங்கு இருக்கக் கூடிய தடயங்களை அழிக்கவோ அல்லது மாற்றவோ கூடாது என்று உத்தரவிட்டு வழக்கின் விசாரணையை மார்ச் எட்டாம் தேதிக்கு  ஒத்தி வைத்துள்ளனர்.