Skip to main content

அம்மாவின் மீது சந்தேகப்பட்ட மகன்; உண்மை தெரிந்ததும் அதிர்ந்த குடும்பம் - டிடெக்டிவ் மாலதியின் புலனாய்வு: 13

Published on 05/06/2023 | Edited on 05/06/2023

 

Detective Malathi's Investigation: 13

 

தன் தாய் மீது சந்தேகம் கொண்ட மகனின் வழக்கு குறித்தும் அதைத் துப்பறிந்த விதம் குறித்தும், முதல் பெண் துப்பறிவாளர் மாலதி நம்மிடம் விவரிக்கிறார்.

 

திருமணமான தம்பதிகள் குறித்த வழக்குகளுக்கு மட்டும் கொஞ்சம் அதிக கால அளவை நாங்கள் எடுத்துக் கொள்வோம். இரவு நேரங்களிலும் எங்களுடைய விசாரணை நடவடிக்கைகள் தொடரும். மிடில் கிளாஸ் மக்களால் கொடுக்க முடிந்த அளவுதான் எங்களுடைய கட்டணம் இருக்கும். தன்னுடைய குடும்பத்தின் மேல் அதிக அக்கறை கொண்ட ஒரு பையனுடைய வழக்கு இது. அவன் கல்லூரியில் படித்துக் கொண்டிருந்தான். அந்தப் பையன் என்னிடம் வந்து தன் தாய் குறித்து விசாரிக்க வேண்டும் என்றான். 

 

அவனுடைய தந்தையை அழைத்து வர வேண்டும் என்று கூறினேன். மறுநாள் தன் தந்தையுடன் அவன் வந்தான். வசதியான குடும்பம் அது. படிக்காத பெண்ணான அவனுடைய தாய், காலையில் வெளியே கிளம்பிச் சென்று மாலை வீட்டுக்கு வருவதை வழக்கமாக வைத்திருந்தார். வீட்டுக்குத் தேவையான பொருட்களை அதிகமாக ஆர்டர் செய்து ஆட்டோவில் எடுத்துச் செல்வதை வழக்கமாகக் கொண்டிருந்தார். அவரை நாம் பின்தொடர ஆரம்பித்தோம். அவர் இதற்கு முன் குடியிருந்த அவர்களின் வீடு இருந்த பகுதிக்கு தினமும் சென்றார். 

 

அங்கிருப்பவர்கள் இவரைப் பயன்படுத்தி தங்களுக்குத் தேவையான பொருட்களைப் பெற்றுக் கொண்டனர். அங்கு பலருக்கு இவர் உதவிகள் செய்தார். தவறான பழக்கம் எதுவும் அவருக்கு இல்லை என்பதை அறிந்தோம். பேச்சுத் துணைக்கு தன்னைச் சுற்றி ஆட்கள் வேண்டும் என்று நினைத்ததால் தான் அவர் தினமும் அங்கு சென்றார். பொருட்களை வாங்கி அங்கிருப்பவர்களுக்கு கொடுத்துவிட்டு பேசிக் கொண்டிருந்துவிட்டு வீட்டிற்குத் திரும்புகிறார். 

 

இதை நாங்கள் அந்தப் பையனிடம் சொன்னோம். தனிமை தான் அவருடைய பிரச்சனை, பேச்சுத் துணைக்கு ஆள் இல்லாததால் அந்த அம்மா இவ்வாறு நடந்து கொள்கிறார் என்பதை குடும்பத்தினருக்குப் புரிய வைத்தோம். அவரது மகனுக்கும் எடுத்துச் சொன்னோம். இதெல்லாமா ஒரு பிரச்சனை என நினைத்த குடும்பத்தினர் பின்பு உளவியல் ரீதியிலான அவரது மனப் போராட்டத்தை புரிந்து கொண்டனர். மற்றவர்களிடம் அவர் ஏமாறுவது குறித்து அந்தப் பெண்ணுக்கும் புரிய வைத்தோம். அந்த மகனும், தந்தையும் புரிந்து கொண்டனர். அந்தக் குடும்பம் இன்று மகிழ்ச்சியாக இருக்கிறது.

 

 

 

Next Story

போக்சோ வழக்கு; எடியூரப்பாவிடம் விசாரணை!

Published on 17/06/2024 | Edited on 17/06/2024
Former Karnataka CM BS Yediyurappa POCSO case

கர்நாடகா மாநிலத்தின் முன்னாள் முதல்வரும், பா.ஜ.க மூத்த தலைவருமான எடியூரப்பா 17 வயது சிறுமிக்கு பாலியல் தொல்லை கொடுத்ததாக குற்றச்சாட்டு எழுந்தது. இது தொடர்பாக இவர் மீது கடந்த மார்ச் 15 ஆம் தேதி பாதிக்கப்பட்ட சிறுமியின் தாயார் பெங்களூர் சதாசிவ நகர் காவல் நிலையத்தில் புகார் கொடுத்தார். இந்தப் புகாரின் அடிப்படையில், பெங்களூர் சதாசிவ நகர் காவல்நிலையத்தில், எடியூரப்பா மீது போக்சோ சட்டத்தின் கீழ் வழக்குப்பதிவு செய்யப்பட்டு விசாரணை நடைபெற்று வருகிறது.

அதே சமயம் நாடு முழுவதும் மக்களவைத் தேர்தல் நடைபெற இருந்த நிலையில் எடியூரப்பா மீது போக்சோ வழக்கு பதிவு செய்யப்பட்டிருந்தது அரசியல் வட்டாரத்தில் பெரும் பரபரப்பை ஏற்படுத்தியிருந்தது. இதற்கிடையே, எடியூரப்பா மீது போக்சோ வழக்கு தொடர்ந்த 17 வயது சிறுமியின் தாயாரான 54 வயது பெண் கடந்த மே மாதம் 26 ஆம் தேதி திடீரென்று நுரையீரல் புற்றுநோயால் உயிரிழந்தார். இது குறித்தும் சதாசிவ நகர் போலீசார் தொடர்ந்து விசாரணை நடத்தி வருகின்றனர். 

Former Karnataka CM BS Yediyurappa POCSO case

இந்த வழக்கில் விசாரணைக்கு ஆஜராகுமாறு எடியூரப்பாவுக்கு சிஐடி சம்மன் அனுப்பியிருந்த நிலையில், ஜூன் 17 ஆம் தேதி சிஐடி முன்பு விசாரணைக்கு ஆஜராவதாக எடியூரப்பா தரப்பில் தெரிவிக்கப்பட்டது. இதனைத் தொடர்ந்து, இது தொடர்பான வழக்கில் எடியூரப்பாவை கைது செய்ய சிஐடி வாரண்ட் பிறப்பித்தது. இதனையடுத்து சிஐடி விசாரிக்கப்பட்டு வரும் புகாரை ரத்து செய்யக் கோரி நீதிமன்றத்தில் மனு தாக்கல் செய்தார்.

அந்த மனுவை விசாரித்த நீதிமன்றம், ‘அவர் முன்னாள் மாநில முதல்வர். அவர் நாட்டை விட்டா ஓடிவிடுவார்?. பெங்களூரில் இருந்து டெல்லிக்கு கிளம்பி அவரால் என்ன செய்ய முடியும்?. உடல் நலக்குறைவு உள்ள மனுதாரரான முன்னாள் முதல்வரை கைது செய்து காவலில் வைக்கும் முடிவுக்கு நாம் உடனடியாகச் உத்தரவிட முடியாது. அதனால் ஜூன் 17ஆம் தேதி அன்று அடுத்த விசாரணை நடைபெறும். அதுவரை அவரை கைது செய்ய முடியாது’ என்று கூறி, எடியூரப்பா கைதுக்கு இடைக்கால தடை விதித்திருந்தது. இந்நிலையில் இந்த வழக்கு தொடர்பாக சிஐடி அதிகாரிகள் முன்பு இன்று (17.06.2024) காலை 10:50 மணிக்கு ஆஜரானர். இதனையடுத்து எடியூரப்பாவிடம் சிஐடி அதிகாரிகள் 3 மணி நேரமாக தொடர்ந்து விசாரணை நடத்தி வருகின்றனர்.

Next Story

2 வயது குழந்தையைக் கால்வாயில் வீசி கொன்ற தந்தை; விசாரணையில் பரபரப்பு தகவல்!

Published on 17/06/2024 | Edited on 17/06/2024
Father did 2-year-old by throwing him into canal in UP

உத்தரப் பிரதேச மாநிலம், மீரட் மாவட்டத்தைச் சேர்ந்தவர் சுலேமான். இவருடைய இரண்டு வயது மகள் காணவில்லை என்று கடந்த 14ஆம் தேதி சர்தானா காவல் நிலையத்தில் புகார் அளிக்கப்பட்டது. அந்தப் புகாரின் பேரில், போலீசார் வழக்குப்பதிவு செய்து விசாரணை நடத்தி குழந்தையைத் தேடும் பணியில் ஈடுபட்டனர். 

மேலும், அந்தப் பகுதியில் உள்ள சி.சி.டி.வி கேமராக்களில் பதிவான காட்சிகளை போலீசார் ஆய்வு செய்தனர். அதில், சுலேமான் தனது மகளுடன் செல்வது பதிவாகியிருந்தது. அதன் பின்னர், இது குறித்து அக்கம் பக்கத்தினரிடம் போலீசார் விசாரணை நடத்தினர். அதில், சுலேமானின் 2 குழந்தைகள் இதே போல் மர்மமான முறையில் காணாமல் போனதாக அப்பகுதியில் உள்ளவர்கள் தெரிவித்தனர். 

இதனால், சுலேமான் மீது சந்தேகமடைந்த போலீசார் அவரை பிடித்து கிடுக்குப்பிடி விசாரணை நடத்தினர். அந்த விசாரணையில், சுலேமானின் 2 வயது பெண் குழந்தையும், மகனும் அடிக்கடி சண்டை போட்டு வந்துள்ளனர். இதனால் ஆத்திரமடைந்த சுலேமான், தனது மகளை தனியாக அழைத்து வந்து அருகே உள்ள கால்வாயில் வீசியதாக தெரிவித்தார். இதைக் கேட்டு அதிர்ச்சியடைந்த போலீசார், சுலேமான் மீது கொலை வழக்குப்பதிவு செய்து தொடர்ந்து விசாரணை நடத்தி வருகின்றனர். மேலும், இதற்கு முன்பு காணாமல் போனதாக கூறப்படும் 2 குழந்தைகள் குறித்து விசாரணை மேற்கொண்டு வருகின்றனர். கால்வாயில் வீசி கொல்லப்பட்ட குழந்தையின் உடலை மீட்கும் பணியில் போலீசார் தீவிரமாக இறங்கியுள்ளனர். இந்தச் சம்பவம் அப்பகுதியில் பெரும் பரபரப்பை ஏற்படுத்தியுள்ளது.