Skip to main content

உலகின் நம்பர் ஒன் கிரிக்கெட் அணி இங்கிலாந்து! - பின்ச் புகழாரம்

Published on 22/06/2018 | Edited on 22/06/2018

இங்கிலாந்து அணி தனிச்சிறப்புடன் விளையாடுவதாக ஆஸ்திரேலிய அணியின் கேப்டன் ஆரோன் பின்ச் பெருமைப்படுத்தியுள்ளார்.
 

finch

 

 

 

ஆஸ்திரேலிய கிரிக்கெட் அணி இங்கிலாந்தில் சுற்றுப்பயணம் மேற்கொண்டு ஐந்து ஒருநாள் கிரிக்கெட் போட்டிகளைக் கொண்ட தொடரில் விளையாடி வருகிறது. ஏற்கெனவே, 3 - 0 என்ற கணக்கில் இந்தத் தொடரை வென்றுள்ள இங்கிலாந்து அணியுடன் நான்காவது போட்டியில் களமிறங்கியது ஆஸி. அணி. செஸ்டர் லி ஸ்ட்ரீட் மைதானத்தில் வைத்து நடைபெற்ற இந்தப் போட்டியில் முதலில் பேட்டிங் செய்த ஆஸ்திரேலிய அணி, மிகச்சிறப்பாக ஆடி 310 ரன்களைக் குவித்தது. அந்த அணியின் சார்பில் ஆரோன் பின்ச் மற்றும் ஷான் மார்ஸ் ஆகியோர் சதமடித்து அசத்தினர்.
 

 

 

ஆனால், மீண்டு வந்த ஆஸி அணியின் ஆட்டத்தை பொலிவிழக்கச் செய்யும் விதமாக, இங்கிலாந்து அணி அசத்தலாக ஆடி வெறும் 44 ஓவர்களில் வெற்றி இலக்கை எட்டியது. அந்த அணியின் சார்பில் ஜேசன் ராய் சதமடித்தார். இதன்மூலம் 4 - 0 என்ற கணக்கில் இங்கிலாந்து அணி முன்னிலையில் உள்ளது. இன்னும் ஒரேயொரு போட்டி மட்டுமே மீதமுள்ள நிலையில், ஒயிட் வாஷ் செய்யப்படுவதைத் தடுக்க ஆஸி அணி முயற்சி செய்யும் என எதிர்பார்க்கலாம். 
 

இந்தத் தோல்வி குறித்து பேசிய ஆஸ்திரேலிய அணியின் தொடக்க ஆட்டக்காரர் ஆரோன் பின்ச், ‘இங்கிலாந்து அணி தனக்கென ஒரு பென்ச்மார்க் ஆட்டத்தை ஆடிக் கொண்டிருக்கிறது. உலகின் நம்பர் ஒன் அணி என்பதை இங்கிலாந்து அணி நிரூபித்துவிட்டது. அந்த அணியிடம் இருக்கும் நம்பிக்கையும், சக்திவாய்ந்த பேட்டிங் லைன்அப்பும் வியக்க வைக்கிறது. ஒருவேளை தொடக்க ஆட்டக்காரர்கள் சொதப்பினால் கூட, கடைசி பேட்ஸ்மென் வரை விளையாடி வெல்லும் தகுதியும், பலமும் அந்த அணிக்கு இருக்கிறது’ என பேசியுள்ளார்.   

 

 

Next Story

விளையாட்டு வீராங்கனைகளுக்குக் காசோலைகளை வழங்கிய அமைச்சர் உதயநிதி!

Published on 11/07/2024 | Edited on 12/07/2024
Minister Udhayanidhi gave checks to sport swomen

அமெரிக்காவின் கலிபோர்னியா நகரில் நவம்பர் 10 முதல் 17 வரை உலக கேரம் போட்டி நடைபெற உள்ளது. இதில் தமிழ்நாட்டின் சார்பில் கே.நாகஜோதி, எம்.காசிமா, வி.மித்ரா என மூன்று கேரம் விளையாட்டு வீராங்கனைகள் பங்கேற்க உள்ளனர். இந்நிலையில் இந்தப் போட்டியில் பங்கேற்க உள்ள 3 விளையாட்டு வீராங்கனைகளுக்கும், பயிற்றுநர் மரியா இருதயத்திற்கும் செலவீனத் தொகையாக தலா ரூ.1.50 லட்சத்திற்கான காசோலைகளை தமிழ்நாடு சாம்பியன்ஸ் அறக்கட்டளை நிதியிலிருந்து தமிழக இளைஞர் நலன் மற்றும் விளையாட்டு மேம்பாட்டுத்துறை அமைச்சர் உதயநிதி ஸ்டாலின் வழங்கினார்.

மேலும் நியூசிலாந்தில் ஜூலை 16 முதல் 19 வரை நடைபெற உள்ள ஜூனியர் காமன்வெல்த் வாள்வீச்சு சாம்பியன்ஷிப் போட்டியில் பங்கேற்கவுள்ள ஜாய்ஸ் அஷிதாவுக்கு செலவீனத் தொகையாக ரூ.2.00 லட்சத்திற்கான காசோலைகளை வழங்கினார். இந்நிகழ்ச்சியில், இளைஞர் நலன் மற்றும் விளையாட்டு மேம்பாட்டுத் துறை கூடுதல் தலைமைச் செயலாளர் அதுல்ய மிஸ்ரா, தமிழ்நாடு விளையாட்டு மேம்பாட்டு ஆணைய உறுப்பினர் செயலர் ஜெ.மேகநாத ரெட்டி, மற்றும் அரசு உயர் அலுவலர்கள் பலர் கலந்து கொண்டனர்.

இது தொடர்பாக அமைச்சர் உதயநிதி ஸ்டாலின் தனது எக்ஸ் சமூக வலைத்தளத்தில் வெளியிட்டுள்ள பதிவில், “விளையாட்டு வீரர்கள் சாதிக்க, வறுமை தடையாகக் கூடாது என்பதே முதலமைச்சர் மு.க.ஸ்டாலின் தலைமையிலான திராவிட மாடல் அரசின் நோக்கம். அந்தத் தடையை நீக்க, தொடங்கப்பட்டதே தமிழ்நாடு சாம்பியன்ஸ் அறக்கட்டளை. தமிழ்நாடு சாம்பியன்ஸ் அறக்கட்டளை மூலம் பிறருக்கு உதவவும், உதவிகளைப் பெறவும் இந்த இணைப்பில் சென்று தகவல்களை அறியலாம்: https://tnchampions.sdat.in/home” எனத் தெரிவித்துள்ளார்.  

Next Story

பிரதமருடன் காலை உணவு; வான்கடே நோக்கி பிரம்மாண்ட பேரணி

Published on 04/07/2024 | Edited on 04/07/2024
Breakfast with the Prime Minister; A grand rally towards Wankhede

13 ஆண்டுகளுக்குப் பிறகு இந்திய அணி டி20 உலக கோப்பையை வென்று வாகை சூடியுள்ளது. இந்திய திரும்பியுள்ள இந்திய வீரர்கள்  மாபெரும் பேரணி ஒன்றை நடத்த திட்டமிடப்பட்டுள்ளனர்.

இந்திய நேரப்படி நேற்று சரியாக 1:30 மணிக்கு புறப்பட்ட இந்திய வீரர்கள் காலை 7 மணிக்கு டெல்லி வந்தடைந்தனர். இன்று அவர்கள் தங்கியுள்ள ஐடிசி தனியார் விடுதிக்கு பேருந்து மூலம் அழைத்துச் செல்லப்பட்டிருக்கும் நிலையில் ,10:00 மணிக்கு மேலாக விடுதியில் இருந்து புறப்பட்டு பிரதமரை நேரில் சந்திக்க  இருக்கின்றனர். அவருடன் காலை உணவு அருந்திய பின்பு புகைப்படங்கள் எடுக்கப்பட்டு வாழ்த்துக்கள் பகிரப்படுகிறது.

அதனைத் தொடர்ந்து மதியம் 4 மணி அளவில் டெல்லியில் இருந்து மும்பை புறப்பட்டு மாலை 5 மணிக்கு வெற்றிப் பேரணி நடைபெற இருக்கிறது. 2011ஆம் ஆண்டு உலகக் கோப்பை வென்ற பொழுது தோனி தலைமையிலான கிரிக்கெட் வீரர்கள் கோப்பை எடுத்துச் சென்று வான்கடே மைதானத்தில் வெற்றிவிழா கொண்டாடினார்களோ அதேபோன்று பேரணிக்கு ஏற்பாடு செய்யப்பட்டுள்ளது. ஐந்து மணிக்கு மும்பையில் இருக்கும் மரைன் பகுதியிலிருந்து தொடங்கும் இந்த பேரணி வான்கடே மைதானம் வரை கிட்டத்தட்ட நான்கு கிலோமீட்டர் தூரத்திற்கு நடைபெற இருக்கிறது. அதன் பிறகு வான்கடே மைதானத்தில் நடைபெறும் பாராட்டு விழாவில் ஏற்கனவே அறிவித்தபடி இந்திய கிரிக்கெட் வீரர்களுக்கு 125 கோடி ரூபாய் பரிசுத் தொகை மற்றும் பாராட்டு விழாவுக்கான ஏற்பாடுகளும் செய்யப்பட்டுள்ளது.