Skip to main content

கோலியை ரன்அவுட் ஆக்கிவிட்டு ரன்குவிக்கும் ரோகித் சர்மா!

Published on 14/02/2018 | Edited on 14/02/2018

இந்திய அணியின் தொடக்க ஆட்டக்காரரான ரோகித் சர்மா, கேப்டன் கோலியை ரன்அவுட் ஆக்கும்போதெல்லாம் அதிக ரன்கள் குவித்துள்ளார். இதுபோல் ஒன்றல்ல, இரண்டல்ல ஐந்து முறை சர்வதேச கிரிக்கெட் போட்டிகளில் அரங்கேறியிருக்கிறது.

 

Kholi

 

தென் ஆப்பிரிக்க அணியுடனான ஐந்தாவது இருநாள் கிரிக்கெட் போட்டியில், டாஸ் வென்ற தென் ஆப்பிரிக்க அணி இந்திய அணியை பேட்டிங் செய்ய பணித்தது. தவான் பெவிலியன் திரும்பிய பின்னர், ரோகித் - கோலி இணை சிறப்பாக ரன்குவிப்பில் ஈடுபட்டிருந்தது. அப்போது, ஸ்டிரைக்கிங்கில் இருந்த ரோகித் சர்மா பந்தைத் தடுத்தாடி விட்டு ரன் ஓடுவதற்காக கோலியை அழைத்துவிட்டு, ஓடாமல் நின்றுவிட்டார். டுமினி தன் கையில் சிக்கிய பந்தை நேராக நான்-ஸ்டிரைக்கிங் பகுதியில் இருந்த விராட் கோலியின் ஸ்டம்புகளில் வீசி கோலியை பெவிலியனுக்கு அனுப்பினார். அதைத் தொடர்ந்து வந்த ரஹானேவையும் ரோகித் அதே பாணியில் அவுட் ஆக்கிவிட்டு, நிதானமாக ஆடத்தொடங்கினார். இந்தப் போட்டியில் 115 (126) ரன்களை விளாசி ஆட்டநாயகன் விருதைப் பெற்றார் ரோகித் சர்மா. இந்தப் போட்டியில் இந்திய 73 ரன்கள் வித்தியாசத்தில் வெற்றிபெற்றது குறிப்பிடத்தக்கது.

 

இதற்கு முன்னர், 2011ஆம் ஆண்டு மேற்கிந்தியத் தீவுகளுக்கு எதிரான ஆட்டத்தில் 57 ரன்களும், 2013ஆம் ஆண்டு ஆஸிக்கு எதிராக 209 ரன்களும், 2014ஆம் ஆண்டு 264 ரன்களும், 2016ஆம் ஆண்டு 124 ரன்களும், நேற்றைய போட்டியில் 115 ரன்களும் ரோகித் சர்மா, தனது இணை ஆட்டக்காரர் கோலியை அவுட் ஆக்கிய பின்னர் எடுத்திருக்கிறார். ரோகித் சர்மாவின் இந்தப் பாணியை சமூக வலைத்தளங்களிலும் நெட்டிசன் கலாய்த்து வருகின்றனர். 

Next Story

பந்து வீச்சில் கலக்கிய இந்தியா; உலகக் கோப்பையில் செய்த புதிய சாதனை

Published on 30/10/2023 | Edited on 30/10/2023

 

India mixed in bowling A new record in the World Cup

 

உலகக் கோப்பையின் 29வது லீக் ஆட்டம் இந்தியா மற்றும் இங்கிலாந்து அணிகளுக்கிடையே லக்னோவின் பாரத ரத்னா ஶ்ரீஅடல் பிகாரி வாஜ்பாய் மைதானத்தில் நேற்று நடைபெற்றது. இதில் டாஸ் வென்ற இங்கிலாந்து அணி பந்துவீச்சை தேர்வு செய்தது. அதன்படி முதலில் களம் இறங்கிய இந்திய அணிக்கு தொடக்கம் சரியாக அமையவில்லை. இந்திய அணியின் தொடக்க ஆட்டக்காரர்களில் ஒருவரான கில் 9 ரன்களில் ஆட்டம் இழந்தார். பின்பு அணியின் நட்சத்திர பேட்ஸ்மேன் கோலி ரன் ஏதும் எடுக்காமல் ஆட்டம் இழந்தார். அடுத்து வந்த ஸ்ரேயாஸ் 4 ரன்களில் ஆட்டம் இழக்க இந்திய அணி 40 ரன்களுக்கு 3  விக்கெட்டுகளை இழந்து தவித்தது. ஒரு பக்கம் விக்கெட்டுகள் விழ மறுபக்கம் ரோஹித் சர்மா நிதானமாக ஆடினார். அவருடன் சேர்ந்த கே.எல். ராகுல் அணியை சரிவிலிருந்து மீட்டார். இருவரும் ஐந்தாவது விக்கெட்டுக்கு 91 ரன்கள் சேர்த்தனர். கேப்டன் ரோஹித் சர்மா அரை சதம் கடந்தார். நன்றாக ஆடிய ராகுல் 39 ரன்களில் ஆட்டம் இழந்தார்.

 

பின்பு கேப்டன் ரோஹித்துடன் சேர்ந்த சூர்யாவும் நிதானமாக ஆடினார். சதம் அடிப்பார் ரோஹித் என ரசிகர்கள் ஆவலுடன் எதிர்பார்த்திருந்த நிலையில், 87 ரன்களில் ஆட்டம் இழந்தார். பின்னர் வந்த ஜடேஜா எட்டு ரன்களிலும், சமி 1 ரன்னிலும் ஆட்டம் இழந்தனர். சூரியகுமாருக்கு, பும்ரா துணை நின்று ரன்கள் சேர்க்க சூரியகுமார் பொறுமையாக ஆடினார்.  அரை சதம் அடிப்பார் என எதிர்பார்க்கப்பட்ட சூர்யா குமார் யாதவ், சிக்ஸர் அடிக்க ஆசைப்பட்டு 49 ரன்களில் அவுட் ஆனார். பின்னர் பும்ரா மற்றும் குல்தீப்பின் கடைசி கட்ட இன்னிங்ஸ் உதவியுடன் இந்திய அணி 50 ஓவர்களில் 9 விக்கெட் இழப்புக்கு 229 ரன்கள் எடுத்தது. இங்கிலாந்து தரப்பில் சிறப்பாக பந்து வீசிய டேவிட் வில்லி 3 விக்கெட்டுகளும், வோக்ஸ் மற்றும் ரஷித் 2 விக்கெட்டுகளும் மார்க் வுட் 1 விக்கெட்டும் எடுத்தனர்.


பின்னர் 230 ரன்கள் எடுத்தால் வெற்றி என்ற இலக்குடன் இங்கிலாந்து அணி களமிறங்கியது. தொடக்க ஆட்டக்காரர் டேவிட் மலான் அதிரடியாக ஆடத் தொடங்கினார். இருப்பினும் பும்ராவின் துல்லியமான பந்துவீச்சால் கிளீன் போல்ட் ஆனார். அடுத்து வந்த ரூட்டும் ரன் ஏதும் எடுக்காமல் கோல்டன் டக் ஆனார். மறுபுறம் வேகப்பந்து வீச்சாளர் சமி, ஸ்டோக்ஸ் மற்றும் பேர்ஸ்டோ இருவரையும் சிறிய இடைவெளியில் அவுட் ஆக்கினார். சிறிது நேரம் பொறுமையுடன் ஆடிய கேப்டன் பட்லரை குல்தீப் கிளீன் போல்ட் ஆக்கினார். குல்தீப் வீசிய பந்து 7.2° திரும்பி இந்த உலகக் கோப்பையின் மிகச் சிறப்பான ஒரு பந்தாக வர்ணிக்கப்பட்டது. அடுத்தடுத்து வந்த வீரர்களும் சொற்ப ரன்களில் ஆட்டம் இழக்க, இறுதியில் இங்கிலாந்து அணி 129 ரன்களுக்கு அனைத்து விக்கெட்டுகளையும் இழந்தது. இதன் மூலம் இந்திய அணி 100 ரன்கள் வித்தியாசத்தில் அபார வெற்றி பெற்றது. அதிகபட்சமாக லிவிங்ஸ்டன் மட்டும் 27 ரன்கள் எடுத்தார். இந்திய அணி தரப்பில் சிறப்பாகப் பந்து வீசிய சமி 4 விக்கெட்டுகளையும், பும்ரா 3 விக்கெட்டுகளையும், குல்தீப் 2 விக்கெட்டுகளையும் ஜடேஜா 1 விக்கெட்டையும் எடுத்தனர். நெருக்கடியான நிலையில் பொறுப்புடன் ஆடி 87 ரன்கள் எடுத்த கேப்டன் ரோஹித் ஆட்ட நாயகனாகத் தேர்வு செய்யப்பட்டார். இதன் மூலம் இந்திய அணி தொடர்ச்சியாக ஆறு போட்டிகளில் வெற்றி பெற்று 12 புள்ளிகளுடன் புள்ளிப் பட்டியலில் மீண்டும் முதல் இடத்தைப் பிடித்துள்ளது.

 

இந்த வெற்றியால் இந்திய அணி உலகக் கோப்பைகளில் அதிக முறை வெற்றி பெற்ற இரண்டாவது அணி (58) என்ற நியூசிலாந்து அணியின் சாதனையைப் பின்னுக்குத் தள்ளி, இரண்டாவது இடத்தை (59) பிடித்துள்ளது. ஆஸ்திரேலியா (73) முதலிடத்தில் உள்ளது. இந்திய அணி இதுவரை பங்கு பெற்ற உலகக் கோப்பை போட்டிகளில், லீக் போட்டிகளில் தொடர்ச்சியாக ஆறுமுறை வெற்றி பெற்ற இரண்டாவது அணி என்ற சாதனையைப் படைத்துள்ளது. இதற்கு முன் 2015இல் ஆஸ்திரேலியாவில் நடைபெற்ற உலகக் கோப்பை லீக் போட்டியில் தொடர்ச்சியாக 6 போட்டிகளில் வெற்றி பெற்றிருந்தது.

 

India mixed in bowling A new record in the World Cup

 

இந்தப் போட்டியில் 87 ரன்கள் அடித்ததன் மூலம் ஒட்டுமொத்தமாக 18,000 ரன்கள் சேர்த்து அதிக ரன்கள் அடித்த இந்திய வீரர் என்ற பட்டியலில் ரோஹித் ஐந்தாவது இடத்தைப் பிடித்துள்ளார். மேலும், இந்தப் போட்டியில் ஆட்ட நாயகன் விருதைப் பெற்றதன் மூலம் உலகக் கோப்பை போட்டிகளில் அதிக முறை (7) ஆட்ட நாயகன் விருது பெற்ற இரண்டாவது வீரர் என்ற சாதனையைப் படைத்துள்ளார். இந்திய அணியின் முன்னாள் ஜாம்பவான் சச்சின் டெண்டுல்கர் உலகக் கோப்பைகளில் அதிக முறை (9) ஆட்ட நாயகன் விருது பெற்ற வீரராக முதலிடத்தில் உள்ளார்.

 

- வெ. அருண்குமார்

 

 

Next Story

ஆஸ்திரேலியாவுடன் முதல் டி20... உலகக்கோப்பைக்கான முன்னோட்டம்...பலத்தை காட்டுமா இந்தியா 

Published on 20/09/2022 | Edited on 20/09/2022

 

First T20 with Australia..World cup preview..Will India show strength?

 

ஆஸ்திரேலியா உடன் 3 டி20 போட்டிகள் கொண்ட தொடரில் இந்திய அணி விளையாட இருக்கிறது. இதில் முதல் போட்டி இன்று பஞ்சாப் மாநிலம் மொஹாலியில் நடைபெற உள்ளது.

 

ஆசிய கோப்பையின் தோல்விக்கு பிறகான தொடர் என்பதாலும் உலகக் கோப்பைக்கு முன் இந்திய அணியின் பலம், பலவீனம் ஆகியவற்றை மறுபரிசோதனை செய்வதற்கு ஒரு வாய்ப்பு உடைய தொடர் என்பதாலும் இந்த தொடரில் ஒவ்வொரு போட்டியும் மிக முக்கியத்துவம் வாய்ந்ததாக பார்க்கப்படுகிறது. மேலும் உலகக் கோப்பையை கவனத்தில் கொண்டு இந்திய அணி தன்னால் இயன்ற அளவு பரிசோதனைகளை மேற்கொள்ள இயலும்.

 

இந்திய அணியை பொறுத்த வரை கேப்டன் ரோஹித் சர்மா தெளிவாக சொல்லிவிட்டார். தொடக்க ஆட்டக்காரராக களமிறங்க போவது கே.எல்.ராகுல் தான் என்று. எனவே இந்த தொடரில் மிக சிறப்பான ஆட்டத்தை வெளிப்படுத்தாவிட்டால் உலகக்கோப்பையில் அவர் ஓரங்கட்டப்படலாம். இந்திய அணியில் டாப் ஆர்டர், மிடில் ஆர்டர் பேட்ஸ்மேன்கள் நல்ல ஃபார்மில் இருக்கின்றனர். காயத்தில் இருந்து மீண்ட பும்ரா, ஹர்ஸல் படேல் ஆகியோரின் வருகை இந்திய அணிக்கு மேலும் பலத்தை கொடுக்கும். ஆல்ரவுண்டர் ஜடேஜா காயம் காரணமாக அணியில் இல்லாததால் மொத்த பொறுப்பையும் ஹர்டிக் பாண்டியா தன் தோளில் தாங்க வேண்டும்.

 

ஆஸ்திரேலிய அணியில் முன்னணி வீரர்கள் பலர் காயம் காரணமாக ஓய்வில் இருப்பினும் அந்த அணி பலமாகவே உள்ளது. அந்த அணி எடுக்கும் முடிவுகளும் உலகக்கோப்பையை கவனத்தில் கொண்டே இருக்கும் என்பதிலும் எந்த வித ஐயமும் இல்லை. அணியின் கேப்டன் ஆரோன் ஃபின்ச் கடந்த சில போட்டிகளில் ரன் எடுக்க திணறுவதால் இந்த தொடரில் தன் முழு திறனையும் வெளிப்படுத்த வேண்டிய கட்டாயத்தில் உள்ளார்.

 

இந்திய அணியின் பலவீனங்களை ஆஸ்திரேலியாவும் ஆஸ்திரேலியாவின் பலவீனங்களை இந்திய அணியும் அறிந்து கொள்வது உலகக்கோப்பைக்கு உதவியாக அமையும்.

 

இரு அணிகளும் சரிசம பலத்துடன் மோதுவதால் மூன்று போட்டிகள் கொண்ட தொடரில் விறுவிறுப்பிற்கு எந்த வித பஞ்சமும் இருக்காது.