Skip to main content

"கரோனா, ஆண்களின் வாழ்க்கை முறையை மாற்றிவிட்டது..." ரெய்னா பேச்சு!

Published on 19/11/2020 | Edited on 19/11/2020

 

raina

 

கரோனா நோய்த்தொற்று காலம் ஆண்களின் வாழ்க்கை முறையையே மாற்றிவிட்டது என இந்திய அணியின் முன்னாள் வீரர் ரெய்னா தெரிவித்துள்ளார்.

 

இந்திய கிரிக்கெட் வீரரான ரெய்னா, கடந்த ஆகஸ்ட் 15 -ஆம் தேதி, அனைத்து விதமான சர்வதேசப் போட்டிகளில் இருந்தும் ஓய்வு பெறுவதாக அறிவித்தார். அதனையடுத்து, ஐ.பி.எல் போட்டிகளில் விளையாடுவார் என்று எதிர்பார்க்கப்பட்ட நிலையில், சொந்தக் காரணங்களுக்காக நடப்பு ஐ.பி.எல் தொடரில் இருந்து விலகுவதாக அறிவித்தார். சென்னை அணி நிர்வாகத்திற்கும், ரெய்னாவிற்கும் இடையே கருத்து வேறுபாடு ஏற்பட்டுள்ளது என்றொரு தகவலும் நிலவுவதால், சென்னை அணியில் ரெய்னாவின் எதிர்காலம் குறித்து பெரும் கேள்வியெழுந்துள்ளது.

 

சர்வதேச ஆண்கள் தினமான இன்று, ஆண்கள் வாழ்க்கையில் கரோனா ஏற்படுத்திய தாக்கம் குறித்து ரெய்னா பேசுகையில், "கரோனா காலம் பல ஆண்களின் வாழ்க்கை முறையையும் பொறுப்பையும் மாற்றிவிட்டது. இதற்கு முன்பு நிறைய ஆண்கள் தங்கள் குடும்பத்தினருடன் அதிக நேரம் செலவழித்திருக்க மாட்டார்கள். தற்போது, குழந்தைகளுடன் நேரம் செலவிட, சமைப்பது உள்ளிட்ட வேலைகளில் ஈடுபட, வீடியோ கேம் விளையாட, உடன் இருப்பவர்களுடன் சண்டையிட என அதிக நேரத்தை இந்தக் கரோனா காலம் ஏற்படுத்தியுள்ளது" எனக் கூறினார்.

 

 

Next Story

இரண்டாவது முறையாக கௌரவ டாக்டர் பட்டம் பெற்றார் ஷங்கர்

Published on 05/08/2022 | Edited on 05/08/2022

 

Shankar and cricketer raina received honorary doctorate

 

இயக்குநர் ஷங்கர், கிட்டத்தட்ட தமிழ் சினிமாவின் முன்னணி நடிகர்களான ரஜினி, கமல், விஜய், விக்ரம் உள்ளிட்டோர்களை இயக்கி அப்படங்களை வசூல் மற்றும் விமர்சனம் ரீதியாகவும் வெற்றி படங்களாக்கியவர். இயக்குவது மட்டுமில்லாமல் 'காதல்', 'வெயில்', 'கல்லூரி' உள்ளிட்ட நல்ல படங்களை தயாரித்தும் உள்ளார். ரசிகர்களால் பிரமாண்ட இயக்குநர் என்று அழைக்கப்படும் ஷங்கர் தற்போது ராம்சரணின் 'ஆர்சி 15' படத்தை இயக்கி வருகிறார். இதனிடையே கமல்ஹாசன் நடிக்கும் 'இந்தியன் 2' படத்தையும் விரைவில் தொடங்கவுள்ளார்.

 

இந்நிலையில் ஷங்கருக்கு வேல்ஸ் பல்கலைக்கழகம் கௌரவ டாக்டர் பட்டம் வழங்கியுள்ளது. ஆண்டு தோறும் துரை ரீதியாக சாதனை படைத்து வரும் நபர்களுக்கு வேல்ஸ் பல்கலைக்கழகம் கௌரவ டாக்டர் பட்டம் வழங்கி வருகிறது. அந்த வகையில் இந்த வருடம் இயக்குநர் ஷங்கர் மற்றும் கிரிக்கெட் வீரர் ரெய்னா ஆகியோருக்கு வழங்கவுள்ளதாக சில தினங்களுக்கு முன்பு அறிவித்தது. இந்நிலையில் இன்று தமிழக ஆளுநர் ஆர்.என் ரவி மற்றும் ஐசரி கணேஷ் கலந்து கொண்டுள்ள நிகழ்ச்சியில் ஷங்கர் மற்றும் ரெய்னாவிற்கு கௌரவ டாக்டர் பட்டம் வழங்கி கௌரவித்துள்ளது வேல்ஸ் பல்கலைக்கழகம். 

 

இதன் மூலம் ஷங்கர் இரண்டாவது முறையாக கௌரவ டாக்டர் பட்டம் வாங்கியுள்ளார். இதற்கு முன்பு எம்.ஜி.ஆர் பல்கலைக்கழகம் கடந்த 2007-ஆம் ஆண்டு ஷங்கருக்கு டாக்டர் பட்டம் வழங்கி கௌரவித்தது என்பது குறிப்பிடத்தக்கது. 

 

 

Next Story

34 -வது பிறந்தநாள்... ரெய்னாவின் அறிவிப்பு! குவியும் பாராட்டுகள்!

Published on 23/11/2020 | Edited on 23/11/2020

 

raina

 

இந்திய கிரிக்கெட் வீரரான சுரேஷ் ரெய்னா வரும் 27 -ஆம் தேதி தன்னுடைய 34 -ஆவது பிறந்தநாளைக் கொண்டாடுகிறார். இதனை முன்னிட்டு உத்தரப்பிரதேசம், ஜம்மு, டெல்லி பகுதிகளில் உள்ள 34 அரசுப் பள்ளிகளுக்கு அடிப்படை சுகாதார வசதி மற்றும் குடிநீர் வசதி ஏற்படுத்திக் கொடுக்க இருப்பதாக அவர் அறிவித்துள்ளார். ரெய்னா இந்த நலத்திட்ட உதவியைத் தன்னுடைய 'கிரேசியா ரெய்னா' அறக்கட்டளை மூலம் வழங்கவிருக்கிறார்.

 

இது குறித்தான ரெய்னா பதிவில், "என்னுடைய 34 -ஆவது பிறந்தநாளை, இவ்வகையிலான நகர்வுடன் கொண்டாடுவது எனக்கு மகிழ்ச்சியளிக்கிறது. ஒவ்வொரு குழந்தையும் தரமான கல்விபெரும் தகுதிக்குரியவரே. இதுதரமான குடிநீர் வசதி, சுகாதாரமான கழிப்பிட வசதிகளையும் உள்ளடக்கியது. இந்த உதவியை 'யுவா அன்ஸ்டாபபிள்' உடன் இணைந்து 'கிரேசியா ரெய்னா' அறக்கட்டளை மூலமாக வழங்குகிறோம். இதன்மூலம் ஆயிரக்கணக்கான குழந்தைகள் பயனடைவதைப் பார்க்க மகிழ்ச்சியாக உள்ளது. இது சிறந்த தொடக்கம். எதிர்வரும் காலங்களில் நிறைய பள்ளிகளை மேம்படுத்த எதிர்பார்த்து இருக்கிறோம்" எனக் குறிப்பிடப்பட்டுள்ளது.